،


( هو ) !

http://www.arb-up.com/files/arb-up-2008-6/m5254852.jpg


كان قد أنهى إجراء " سحب " مصرفي .. قبل أن يمرّ على السوبرماركت التي تذكّر – على حين فجأة – ثمة احتياج عليه أن يبتاعه منها ! ،
وما أن دلف إلى المحل حتى تزاحمت نفسه داخل نفسه تحدّثه : " وش رايك تمر الثلاجة حقتهم تشوف وش عندهم " ، ولأنه لا يستطيع الا ان ينقاد .. قادته قدماه إلى هناك .. ليكون أمام كم كبير من الخيارات " الشهية " !:( ../ الأمر الذي استبدل فكرة أن يبتاع حاجته فقط .. بفكرة أخرى هي أن يأتي بـ " عربة " !:b.. لم تطب نفسه إلا حينما ملأها عن كاملها
وزاد عليها " صحيفة يومية " /على الرغم من أن الوقت كان قد " ليّل " !:l
.

،


( هي) !

http://www.arb-up.com/files/arb-up-2008-6/RYi54936.jpg


هناك شيء واحد فقط عليه أن يكتمل حتى تقفل ملف المناسبة ، لا بد أن تذهب إلى " السوق " إلى ذلك المحل تحديدا ... وينتهي كل شيء ! – هكذا كانت قناعتها قد رتبت نفسها في الداخل واستقرّت هناك - ...
ولجت إلى السوق .. وإذا بنفسها " تصااارخ " : " شوفي محل البلايز ذا ؟ وش رايك تدخلينه يوم انك دخلتي السوق دخلتيه ادخي يا بنت الحلال " .. :j" شوفي شوفي شوفي محل الجزم عندهم تخفيضات يا بنت خذي لك طلة " :b... " لااااا أمانه فتحوا هالمحل الجديد .. روحي روحي شوفي وش فيه " :0:... " شوفي هالكشك عليهم اكسسوارات جوال انما اييييه "::/ ... " الللللله ريحة هالعطر عذااب تجنن يومك عند المحل ادخليه اسألي عنه عن خاطرك " :h... < واضح انها تتكلم عن آخر دخلة ههههههههههه

وهكذا .. يقاد حالها .. حتى إذا ما وصلت إلى المحل المطلوب .. وجدت بوكها " يصفّر " .. واعدة نفسها بدخلة " سوق " قريبة من أجل إكمال ملف المناسبة الذي " لن " يكتمل ! :r


.

هوس التسوّق :.. مرض يصاب به الكثير من الناس – أولهم محاكيتكم ! - ، تبدأ أعراضه التي تتلخص في اختلاق " الحاجة " والإلحاح على اقتنائها وقت قبض المال وامتلاء " الجيب " .. وفي كثير من الأحيان تجدك قد اقتنيت ما لا حالة ملحّة له على حساب أشياء أكثر إلحاحا .. مما يضطرك إلى الاختناق بما يسمى " أزمة " مالية ! / كنت ستكون في أمنٍ منها لو " رتّبت " أولوياتك كما ينبغي ويجب ! ..
هذه الأوليات التي بقدر إيماني بضرورة ترتيبها / بقدر عجزي عن ذلك ! .. وفي كل مرة أمارس فيها التسوق أخرج معبّأة بأشياء أكتشف انني لا أحتاجها تماما .. ولكنني اقتنيها - عن خاطري :h :( - .. وفي وقت تضطرني فيه الحاجة إلى بوكي لغرض ملحّ أجده بحاجة إلى دعم خارجي ليفي لي !
في كل شهر .. برتب نفسي .. بأدير مالي ..
وفي كل مرة ألج فيها إلى عالم التسوّق .. يبرز لي مبدأ [ عن خاطري ! :( :h ] ..




،
عزيزي القاريء :fl ::/
حدثنا عن نفسك .. هل يوجعك " بوكك " ::/ ؟ أم لا ؟
وجهك نظرك ، حلولك ، تجاربك ، أي شي عندك يتعلق بهالمسألة ..
ابسط يدك نصافحك ! ::/

.

:24 آهليين عبيير ،
الا على طاري التسوق .. اخبر واحد من العيال يقول لي مره كان طالع لسوبر ماركت برمضان وقبل الفطور خخخخ وكل ماشاف شي اشتهاه :24 قام وشراااه ليين انبرش علييه شايب وقال له ياوليدي بنصحك نصيه ..! قال اسلم ! قال شف لابغيت .. تتسوق وتشتري لا تشتري شي وأنت جايع !:r رح كل في بيتكم وأشبع .. وتعال أشتر .. ::/ يقول من بعدها صدق ماصرت أشتري ولا أبذر خخخخ منب أشتري الا الاشياء إلي محتاجها :r:h
بالنسبه لي .. الحمدلله منب راعي أسواق ولاخرابيط::/ وذي الايام منب أصلن أطلع إلا لشي ضروري :r لا خربتها خربتها رحت للبقاله خخخخخخ:24 يازين البيت بس:h الواحد يقعد وهو مرتااح:b

لي رجعه !:h

ياهلا بعبير وياهلا بهالمششاركة اللي تحتضن موضوع اشّغل ابو العيّال وغثّته زوجته بخربطه تجمّعها من الأسسواق ومالها لزوم ولا حاجه ..
المشكلة ياعبير ان اللي يوجعه بوكه الرجّال ولا الحرمة ماعليـها .. !


وأنا اقرى موضوعتس كان جنّبي واحد قال وش تقرى قلت اقرى موضوع عن فن التسوق وانك تشتري اغراض مالها لزوم وتخربطط وجلس يضحك قلت وش فيك قال شرهتك على اللي قد راح السسسوق قلت وشلون تستر عورتك يامسلّم :24 قال ابد الله يخلّي البطحاء وسعرها رخيص ونفس اللي في الأسسواق والمجمعات الكبيرة بس الفرق ان بضاعتهم اغلى عشان موقع المجمع وكل هذا على ظهرك يالمستهلك ..!

وفعلاُ كلامه صحيح .. ياعبير اللي اشوفه واللي ربّح المنتجات اللي مالها سنع في هالحياة اكثرّهم حرررريم أكون صادق معك ، صح فيه فئة من الرجال لكن هذولي عيال نعمه ويلّعبون قمار من قوة الطنخة ههههههه .. معليش ماربّح الأجاانب والتجّار إلا الشعب السعودي خاصّه يصدق أي شيء .. يعني تتوقعين الدعايات اللي تشوفينها في الإعلام وفي الأسواق ماطبّقوا عليها دراسات ونفسّيات المستهلك ..؟ الدعاية الناجحه هي .. اللي تخلّيك تشتري المنتج بدون ماتحتاج له ومامعك قيمته .. مثال بسسيط السيّارات وتشوفين الدعايات في الجرايد وبدون دفعة اولى وأنووواع المغريات وتلقى الشخص اللي راح للشركة وشرى السيّارة معه سيّارة لكن طمع في الأحسن وهو مامعه قيمو هالشيء .. ونجحّت الدعاية وصاروا يسحبّون من راتبه هالضعيّف اللي جنى على نفسه ..!

لكن الشعب السعودي ماأسّتادب الا يوم ارتفعت الأسعار وعرف ان الله حق وبدى يعرف وين يصرف فلوسه فيه .. أنا شخصياً بوكي يوجعني ومن كثر مايوجعني صرت ماأشيله معي ماله فاااااايده ولا لزووم ..!
عبير أنا عارف ردّي فيه ما أدري وش يبي مجّتمعين عندي الدّشير وكل واحد يسولف لكن لي رجّعه ان شاء الله وموضوعك في الصمّيم وخصوصاً بعض الناس ودك معه واحد يمسك فلوسه عشان مايشّتري شيء ماله سنع .. ياخي ماتدري وين تحط فلوسك تعال سلّفني ههههههه :24

صدٌقيني ياعبير إن المستهلك يبيله ثقافة عشان يعرف وش يشتري .. :24 ششششكراً ياعبير :fl

حيّها عبير :h
هالموضوع يعاني منه جنس حوا اكثر ::/
على انه مرض الا اني الحمدلله متشافيه منه d12 اذا دخلت السوق سيييييدا عالمحل اللي ابيه مب عن شي ولا هو طبع حلو فيني بس من اللي فوق راسي يحنّ ويزنّ ::/
اذا خلصت شغلي مااعرف امر على محل ثاني حتى لو بس اتفرج الا اذا جرتني اختي معها ::/ هذا اذا كنت نازله لشي معين لان غالبا الاخلاق تكون سياحي, واحيان اوصّي اختي والا امي على اغراضي :r, اما اذا كنت طالعه اتمشى لا والله ادهر خاصة اذا كان الدفع مو من بوكي::/ بس مااذكر اني اشتريت شي مالي حاجه فيه :r
على طواري السوق اذكر مره زحلقت عند بوابة المول :( الله لايعيده من يوم ::/

سلمتِ عبير :h اذا ذكرت شي خطمت عليتس , متابعه d12

جرح يا عبير جرح :(
قسم بالله أصبتيني في مقتل :24

التسوق صاير عندي داء عضال :( من يصير في هالبوك قرشين كلش أضيّع دربه إلا السوق :(
وكل ما طق عود بعود رحت .. دوريني عند التخفيضات منيب بعيدة عنتس :24 أشتري اللازم واللي موب لازم خبرتس هالتخفيضات ما تحصل دايم :b
وكل شي في نظري ذاك الوقت مهم وفيه احتمال احتاجه بعدين :24حتى لو مو مهم ولا فيه شي يدل على حاجتي له بس أصير كأني وحده أجهز لسنة قدام :24
المشكلة إني أنبّه اللي حولي عن نصب المحلات ولعبة التخفيضات المعروفه بس إذا جا الجد وصار الموقف أنسى حتسيي كله وأطب وأشتري :k
وأحياناً إذا البوك راهي قشيت البزران معاي وطبوا السوبرماركت اشتروا اللي تبون بدون ما أحاسب أو أحط ميزانية :(
وتعالي شوفيني إذا صفّر البوك أدور أي قرش ملفوز من هنا والا هنا بالشنطة أيام الدجة :(


عني انا ../ أفتقد لـِ فقه الاولويات في الصرفيات
يمكن ما نجحت إلا مرة لما بديت أرتب وضعي وأحسب أولوياتي وأبدأ بالاهم فـ المهم
لكن رجعت حليمة لعادتها القديمة :(
ما أدري لكن أنا أشوف هالمشكلة ناتجة من الترف اللي نشأنا عليه .. تعوّدنا على إنو أي شيء نبيه لازم نشتريه .. وما جرّبنا الحاجة اللي تخلينا نحاسب ونحسب صح
يمكن الآن نوعاً ما نجربها بس أحياناً لأننا عارفين أنو هالاختناق اللي يجي بسبب [ بعزئة ] الدراهم بيكون بس فترة .. وإلا لو ما كنت ضامنه هالشي يمكن أحسبها صح
مدري أقول يمكن ..


عبور مازال فيني حتسي واجد ../ دام الدعوة فيها سوق وتسوق :24:h

راجعين يا هوى على قولتك :h::/


.

.

ههههههههههههههههههههههههههههههههههههههههههههههههه
هههههههههههههههههههههه

هلا عبووور والله مو ضوع رهييييب ...:h

اصلن انا وحده تكره السوق كره العمى مااحبو مرررره ...:(d12
لو يرضو اهلي همّا يخرجو السوق عنّي ويشترولي اللي ابغاه ماقول لا لازم انا اطلع اشوف ايش ابغا اشتري عشان اختار اللي يعجبني ...:r
ولو خرجت بسرعه ابغا ارجع.. ماحب ادووور في كل المحلات ومولازم ادخل كل مكان ...
ومولازم اشتري من كل شي .. ومايجيني فضول اعرف ايش الاشياء الجديده وايش القديمه
الزبده مااهتم بالاشياء دي كتير ....
كأني ولد ما كأني بنت زي كل البنات لازم تهتم بالموضه والاشياء الجديده ولازم تشتري ...:(::/

وبعدين على فكره انا فجأه كدا صرت بخيييييله مو اي شي احط فيه فلوسي والمشكله مع اني مااحب السوق ...
ومو اي شي اشتريه واحرص على فلوسي ...
الا انها والله تروح في شربه مويا ماعاد يبقى شي منها..
اخرج السوق مثلن معايا الف ريال والله ماارجع الا بأشياء اللي يشوفها يقول خرجت قضت بميه ريال بس ...
صايره الاشيااااء غاليه مرررررره ويلوموني ليش صايره حريصه زياده عن اللزوم...
بس كمان في نفس الوقت انا هبلا تدري ليش ::/...
احرص على فلوسي من ضياعها في الاسواق والملابس ...
لكن على طول اقوم اضيعها في السوبر ماركت والبقايل اللي عندنا ::/

عالفاضي حريصه وبوكي يوجعني :(

.

عبير تدرين ان موضوعك ع الجرح :r
توني امس رايحه للسوق و يوم جمعت قراشيعي و جيت ادفع بالبطاقه لقيت آلة المحل عطلانه وما معي كاش و مير اخلي الاغراض مغصوبه و اطلع :( .. ههههههههههه يوم دروا اهلي قالوا تراه رحمه من ربتس لان الحساب بيصير يناهق مهب مصفّر و بس :24
اللي اشوفه ان 80% من الحريم عندهم هوس تسوّق " اذا مو اكثر ::/ " وحده من البنات كلمتني مره و انا نفسي في راس خشمي ::/ يوم شافتني كذا يقالها تخفف عني :24 قالت وسعي صدرتس بتطلعين للسوق بعد شوي و تشترين كم بلوزه و تنبسطين ههههههههههههههه :24 يعني الشراء والله بالنسبه لي و لكثير اعرفهم صار مب احتياج لا والله صار سعة صدر و وناسه لا شريت شي جديد ههههههههههههههههه :(
متى نتغير بس :(

و تراه داء مستشري عند الحريم خاصه ::/
الدليل اني قد مريت على سوق رجالي بالكامل في الملز اظن اسمه فينيسيا مول مريت قدامه مره لقيته فاااااضي الا من كم واحد مع انه موسم عيد :24


.

و راااجع يتعمّر لبنان :o :24

.

الله يحييّ عبير :fl

بالنسبة لي أحب السوق ومااحبه :24 يعني مااحرص اني اروح له كثير حتى بالمناسبات ..
من الأساس مااحب اطلع من البيت d12 بس اذا رحت للسوق تأكدي اني مابطلع إلا في حالتين ..

الأولى / إني اكون لفيت كل المحلات شبر شبر :24 واشتريت لين خلصت فلوسي وفلوس اللي معي إن كان ابوي او اخوي او أي احد معي :24

والثانية / وقت ماينتهي دوامهم بالسوق :24 يعني لاشفت المحلات بدت تسكر وجاء الحارس وقال خلاص بنسكر يعني اتفضلوا لو اتكرمتم :24

وتلاقني اشتري كل اللي خاطري فيه واغلبها تتحنط بالدولاب مااكون محتاجتها :( بس فقعة الله يجيركم ::/
مع إن الأسعار ناااااااار :( حتى مع التخفيضات :b الا اني مُبذرة ..؛ وياليت على فايدة !!

والله احياناً احاسب في محل واحد 2000 ريال بس على كم قطعة :r
واطلع اكررها في محل ثاني :(
تقولي عمتي لو إن الفلوس من جيبك كان حسيتي بقيمتها لكن الله يخلف على ابوك d12:h

بس الحمدلله بدى هذا المرض يخف مني شوي d12:h

عبير لاهِنتي وموضوعك ع الجرح وربي :r:fl

هلئّ و مرحبا و مقرررررربا :h :h :h

كل عام و [ بوكك ] برخااااء و بخير ::/ :h , يا جعل بوك الوليد يغدي يتمغّص عنده :24

والله يا خيّة ذكرت كلمة أمي لي , تقولي لو يسألون واحد : لو معك مليار وش تب تزيّن , يقعد له شوي و يفكّر و يحتار و يختار , إلا انتي منتب بالشة أبببد :24 و بتبددّينها بساعة .
الله يسمعها منتس يا ميمتي :24 , و بكيفه لو بنصّ دقيقة مهوب عاد " ساعة "بس ::/ أقلّها انفلت صححّ و أطيّح اللي براسي :h::/

من ناحيتي أبغض ما عليّ طلعة هالسوق , و تشوفين العالم مروّقة و هي تقضّي إلا أنا , راااسي يصدّع من هالمكان بالذات :( عشان كذا تقل ملحوقة و أنا اتسوّق , سرررريع سررريع , و من متى لمتى طلعة السوق .. خاصّة لا صرتي تقضّين مو بس لنفسك عن الشعب كامل : بزران و أخوان و حالة :24

و إلا الجدّ " ثقافة التوفير " معدووومة عندي , لما يكون بيديني مصروف تقل محلوفٍ عليّ أصرفه لو بأقرب مكان , غالبيّة الصرف تروح لثانويّات و أشياء تافهه :( و لا اتحسّف إلا لا صرت بحاجة القرش صحّ .

بس مقارنة باللي حولي من هالناحية أهووون يالله لك الحمد ::/

خطمة سريعة و لاهيب قدّ المقام :( :h إن كتب ربّي لي نكسة :$


و الموضوع بالصمييييم مع أسعار السوق اللي تلولش :24



.

أنا أحتاج لدروس لتذكّر أني أحمل بوكاً !! :(

من جد أنسى بوكي لأن تعودت يُدفع عني ،لكن قررت الوالدة حفظها الله اني لازم احاسب عند الكاشير خلاص أنا كبرت (ياسبحان الله يمّه هنا أكون كبيرة :( ) المهم بالأخير غسلت يدها كذا مارا أشيل أكياسي وأنسى الفلوس والفاتورة إلا أحد يطرد وراي يعطيني إياه حتى بكافتيريا الجامعة أنسى الباقي مادري هو من الفسقة وإلا وشو ::/ <- إلا من هالدلاخه .

أما مسألة التوفير أقرر أوفر لفترة طويلة عقب ياأسلف أو أصرف d12

عبير كوبتس يجنن :fl
إحتمال أعاود الكرّة :o

.
/
.

اكبر مبلغ تسوقت به 900 ريال من سبلاش وتحسفت بعد :( مير ليتني مااستعجلت ورحت لسيتي بلازا ارخص

من ناحية التوفير الموضوع كله تأصيل من الصغر .. اعرف جيران لنا مطنوخين حتى عيالهم يومنهم صغار مطنوخين الواحد كرشته تسبق رجوله وخدود ( قاهرني سمنتهم :( ) وماخذين الدنيا شراء .. وربي الولد الواحد يصرف على عمره مالايقل عن 100 ريال ( هذا وهو ماطب السوق ) اللحين كبروا وصار الواحد منهم يتلزق بابوه والا امه يعطونهم فلوس بنص الشهر .. رواتبهم ماصارت تغطي يشترون الغير مهم ويخلون المهم ... اكبر همهم كماليات هي اللي ذبحت الشعب وخلت الاسعار تضرب فوق وصار عندنا تضخم وجوك المطعسه والجحلط ينادون : ابك الزيادة يابو متعب نباها

مشكلتنا في ثقافة التسوق .. انا اوقات مابي اطلع اشتري لنفسي .. قسم بالله اوقات اوصي اخوي يشتري لي شيء معين اعطيه حقه وامشي ... لان ابليس يشهوي الادمي بالدفع !! :(

اذكر مرة طبيت بنده العزيزية العام كان هدفي بس اشتري شراب بالشتاء قيمتها ماتتعدى 6 ريال .. وربي طلعت وانا دافع 110 ريال على اشياء مااستفدت منها سيديات ومحفظة حقت بطاقات ... يلعن ام الجو شوربة وخل !! :y

اعترف اوقات تجيني ثوارة الا لازم اشتري اي شيء قسم بالله حسيت ان تطليعه الدراهم براد ابو ريالين عندي ... تأزمت اموري من زمان بعدها ريحت عمري صرت مااخذ معي الا 50 ريال وبطاقه احوال بس مشوار قصير بعيد ماعلي المهم باقي المحفظة والصراف بالبيت ::/

المشكلة في معرفة وش نحتاج من حاجيات .. فيه ناس اعرفهم يطلعون ومحافظهم في البيت .. واحد معي بالدوام قسم بالله مبسوط يقول مااطلع لاي مشوار بسيط ومعي محفظة :24 عزايم والا مشاوير طويله لازم اخذه معي ... بس مشوار صغير اسلم على واحد معصي :24 خصله في السعوديين يشترون اشياء حتى لو بدون سبب فطبيعي مايدخرون ... مير السيئة الكبيرة من ياخذ قرض عشان يشتري كماليات مالها اي هدف غير مظاهر .... والله فسقه التسوق كلها من المظاهر حتى ان 90% منهم مايتمتعون بالراتب ... اغلب الناس ماتتصدق بها الصدقه تطفي غضب الرب :) ... وربي الواحد يحس بفرق لم يتصدق بجزء يسير من فلوسه الله يبارك فيه ويبقى له ... فيه مساكين اولى من الفسقه والتبذير اللي نشوفه بالاسواق

اما من ناحيه التوفير في طريقه اتبعها واعطت ثمارها
اول ماينزل راتبي في بنك احوله لحسابي لبنك ثاني ماعندي فيه بطاقه صراف احول واحط راسي وارقد عليه
لي سنه ولااعرف كم رصيد حسابي بالبنك الثاني ولاابي اعرف كذا مرتاح


عجيز قريح ... موضوعتس اكه قلب كبد الحقيقة :fl ( اصبع فوق )

لا ابدن انا خاطري مريحني ياحبني له :24

أكره شي عندي بالحياة " التسوق " وربي ماأدخل سوق الا وتجيني تكة من الزحمة والقلق والإزعاج .. لذلك شي طبيعي تلقيني ماصرف كثير على هالسوالف .. اتوقع مشكلة هوس التسوق يعتمد على طريقة تحصيل الفلوس .. يعني أنا ملاحظ صراحة أن البنت الموظفة صرفيتها بالسوق أقل بكثير من العطالة البطالة اللي تجيها الفلوس بالساهل ! .. نفس الطريقة تنطبق بس بشكل أقل على الرجال .. يعني اللي يحصل الفلوس بالساهل يصرفها بالساهل والعكس صحيح .. عشان كذا نلقى أكثر المدمنين على الاسواق هم الحريم ولا غير الحريم :24 ..

من ناحية التسوق أنا ماأعاني من هالشي لأني مثل ماقلت اكرهه :p: .. لكن بنفس الوقت مايعني هالشي اني مرات ما تندبل تسبدي آخر الشهر لا شفت الراتب طاير بسبب سوالف ثانية غير التسوق ! .. من عشوات والا طلعات شباب والا سفرات لكن التسوق ولا يجي 10 % من مصروفاتي الشهرية ..

موضوع بطل ياعبير :h .. ولي رجعة ان سمح الوقت :fl

^
^
ياشين المساقط / الاسهم للملحمه
عليك بالعسل عالريق / دغغغ فيه الين تنبط تسدبك / ان ماعاد تعرف نفسك ::/

**

طيب وش رايكم نسوي جدول ؟
نحدد لكل وحده كم تصرف في الشهر :(


كل ماضغطت على نفسي وجمعت مبلغ حلو / ابدى ارخي شوي واقوم افسفس فيه
عاد نصيحة امي اذا ابي اجمع دراهمي مااطلع من الجمعيات :(
ياتسبديه يمه مانيب اداني الجمعيات :( ودي اذا ارتبطت معهم اخذها اول وحده واسحب عليهم
ماحب اربط نفسي كل شهر ادفع


انا لو صار معي دراهم في البوك / كنه محلوف علي الا غصب اصرفها :j
كنها جايتني هديه مو من الحساب مسحوبه !!


بس من جد ماتلاحظون تدخلون السوق وتصرفون مبلغ محترم بس لما تشوفون وش شارين الينكم ماشريتو شي يسوى هالسعر !! / على ان اللي شارينا حاجات مهمه ماراح تنركن في الدولاب !!
ابد البلى موب فينا في الاسعار اللي ضربت حسبي الله عليهم :(



الا صدق المواد الغذائيه بتنزل اسعارها ؟


ماش احس افكاري مشتته احكي وانا ارقل من النوم / ان شاء الله لي رجعه
يعطيتس العافيه عبربر :h

d12
الحمدلله يارب الحمدلله
احسب بس انا البنت الوحيدة اللي تكره السوق وطلعو صديقاتي واجد مير والله ماننحسب من هالحريم اللهم ياكافي كأن الخلاقين بتطير
ماحب الاسواق ماطيقها واشيل هم اذا احتجت شي واحيانا والله اتعطل كله عن هالطلعات:r
بس من تالي صارت هالمجمعات مكان تمشي وتعشي::/
اذا احتديييييييت وكلهم ماطاعو يجيببون اغراضي طلعت ونفضت ابووو البوك وبوك اللي معي ان كان فيه شي ::/
وغالبا والله اطلع ولا اصرف الا كان حق بلع او هيك :r
وعاد تجي مكأفاة نفسي d12
اعشي نفسي لحااااااااااااااااالي:c من برا كم يوم والا الفلوس خالصة
والا اطلع _بليز لاحد يضحك d12 _ لجيان:h واضف منه مكأفات لي ياحبي لي:24 وبس
يعني احس اني اهوووون من اللي عندي لو تمر 10 ايام ماطلعو للسوق كان نازل عليهم غضب:j
عوااااااافي عبير:fl

هلا وغلا ياعبير :h
يابنت الحلال الشعب السعودي مؤمن بمبدأ " اصرف مافي الجيب يأتيك مافي الغيب " ::/

أنا والله مثل المملوحة ربيّع ماأداني حومة السوق .. و طلعاتي له للضرورة بس
لكن الله لايورّك ان طبّيت اكرف عظامي كرررف و لايهنى لي بال الا وانا نافضة أم البوك :24 ..

بس هذا مايعني ان كرهي لحومة السوق تقلّل من معدّل الصرف .. لا أبداً :24
و أنا جالسة مكاني تلقيني أدق وأطلب عشا غدا اللي تبين :24 .. والا تعال يافلان جيب لي كذا و كذا
وعاااادي الباقي ينساه بمخباه و أنا بعد أسوي روحي نسيت :24 ..
و من يجي مبلغ محرز أن الواحد يبني عليه آمال وأحلام :24 الا وتبدا محاكيتس بالترتيب و التنظيم و تدوين الأهم ثمّ المهم , دون إعارة أدنى اهتمام للأشياء الزايدة أو بالأصح ( الفسافيس ) :24
ومن أطبّ السوق يطلع الصدق ::/ ..
للأسف أني ماتربّيت على الادِّخار و التوفير أبد .. الوالدة عساها بطولة العمر :h تنزعج من إسرافي وهي أساساً أم البعزقه :24 , وأنا بالمثل يزعجني إسرافي و إسرافها !
الوالد مرّات يكون حلو نظامه لا إفراط و لاتفريط , لكن برضو ماعوّدنا ع التوفير !

موضوع جا بوقته يابعدي :h :h
يسعد صباحك ياعبير :h :h

.

( فاقه خشتها من الي مايطيقون السوق ):r

يعني بصراحه اول مره يمرون علي بنات مايطيقونه هو بس لو يمر اسبوع ماطلعت فيه السوق كان يطق فيني عرق بسم الله علي::/ مايعوقني شي لو بوكي ميه وخمسه وتسعين هلله اطلع بها واقضيهاع كم خرقه مخيسه اهم شي ماطلع من سوق وباقي معي ريال <<شاطره يمي :(
بس مشكله الي معتبرين الدعوه كذا ساعة صدر :(





مؤمن بمبدأ " اصرف مافي الجيب يأتيك مافي الغيب "

<<اول وحده مؤمنه به من قلبببببببببب :h::/

اني مرات ما تندبل تسبدي آخر الشهر لا شفت الراتب طاير بسبب سوالف ثانية غير التسوق ! .. من عشوات والا طلعات شباب والا سفرات لكن التسوق ولا يجي 10 % من مصروفاتي الشهرية .. هنا تندبل تسبدي دبل .. قسم بالله صادق
ياما يروح الراتب على نظام والله ماتحاسب ( تراني مااقصد حقت الكوفي لاتلافخنا عند الكاشير نحاسب ههههههههههههههه ) .. اقصد اوقات تجيك نخوة بنت كلب تتهور وتمسك عشاء اخوياك والا غداء بالدوام وتلقى الحساب مبلغ جامد !! والله صدقت ياخالد مقاضي الاسواق ماتتعدى 10% من مصروف بس البلاء في فسفسه على قل سنع عشاء وخربطة نخوة يحز بخاطرك بقوة :(

السوق ياخي وجع راس وازعاج على قل سنع ... كله كوم وتسوق الحريم كوم ثاني يملغونك ملغ يادافع البلاء :( ... خلك مثلي بيتوتي يطقك الوساويس ولاتطقك الغلقه لانتصف الشهر وثلاث ارباع راتبك طاير عالفاضي :(

انا تقريبا ماشتري الا اذا سافرت يعني من الصيفيه الى الصيفه لاني احس كذا اريح
واظمن ، يعني ماقول اني ماشتري طول السنه لا والله اشتري بس خفيف مره مره يعني بـ 7
شهور مره ( طبعا اتكلم عن الملابس والاشياء الي كذا ) بس دائره الاستفهام تكمون في الصيفيه كم نصرف ؟ يعني ممكن في السفره نصرف 40 الف بس تسوق ، يعني لو تلاحضين ماستفدنا شي ::/،

المشكله مثل ماقال خالد الشوق التسوق شي واضح ويبقى لك بس الخرابيط هنا المشكله
العشيات الي مدري كم مره في الاسبوع الفطورات الي ماتخلص السوبر ماركت الي باتل ماشاء الله :( ( نص حلالي ماخذينه كارفور :( )

مثل ليله العيد قالت اختي بطلع لسبور ماركت قلت والله اني مابي اي شي بس بطلع معك عشان ماتطلعين لحالك ، اخبرني مابي شي حاسبت بـ 40 ريال توكس وخربطه :( ،

الملحمه الماجديه سياستك يبي لها قلب جامد ، بس جدا مجديه ، بس ماضني حرمه بتسويه
كل شهر مثل ماتسوي :(

وعلى فكره انا اكره ماعلي لا قالوا اهلي بنطلع لسوق نبي نتسوق :(
مستحيل اطلع معهم ، حومه كبد ، حلاوه التسوق ساعه وبعدها قهوه وبعدها على البيت ::/
اما 4 ساعات معليش الله يعينهم الي كذا


عبير نجد يعطيك الف عافيه

ملاحظ صراحة أن البنت الموظفة صرفيتها بالسوق أقل بكثير من العطالة البطالة اللي تجيها الفلوس بالساهل !

صآآآآدق ...
كنت بقولها بس مدري كيف فاتتني ...
اصلن ماصرت بخيله شوي وحريصه على فلوسي الا من بعد ماصرت انا اجيب فلوسي من عرق جبيني..d12
الاحظ على نفسي لو خرجت السوق وانا شايله من بوكي اكون محافظه ...:c
وازا اخذت من بوك الوالد ربي يحفظه .. اصرف اوم الفلوس على شي مايسوى ولا يفيد ...:(

الله يشفيكم يابانات حوا d12--->طالعه منها ::/

،

مرة دخلت السوق بمبلغ 600 ريال .. وحاطة بطاقة الصراف في البيت يقال اغصب عمري على الترشيد ::/ ..
طبعا كان غرضي واضح .. واشياء محددتها من قبل .. المحل الفلاني منه شي بقيمة تقريبا 300 ، والمحل العلاني فيه شي يا دوب ميتين وخمسين ريال وهي تكح .. وتبقى فكة أطقطق بها في كوفي شوب والا اي ملز منب باحلة(ن) بها :24
المهم ..
أول ما دخلت السوق وتهف علي ريحة عطر من واحد جالس عند المحل يبخبخ في بطاقات ويعطيه للمارين على اعتبار انه آخر عطر نزل في المحل .. ولا و " إسكادا " بعد :h :(
انا وحدة ما تقاوم عند 3 شغلات [ شنطة / عطر / جزمة - تكرمون - ] :(
المهم [ عن خاطري :24 ] ... شريت العطر ب 400 :( .. ماعاد بقى شي لأي من الشيين اللي جاية عشانهم :( !

،


.

،
وعلى طاري الجزم - تكرمون - ... دخلت محل VINCCI :h .. على ان غرضي جزمتين لونين بس .. طلعت بست :( :h

.

راجعة .. وش حيثكم :24
/ بس افتك من اكتئاب العيد :(


.

بس محل واحد ونرجع :l<<تذكرت موضوع ملف خخخخخخخخخخخخخخخ
هذي مشكلتنا.. بالبيت نحدد وش نبي من السوق يعني غرض معيّن وماراح اشتري غيره::/

فجأه:1:

الله سوووق ونااااااسه جايبين بضاعه جديده:24<<خلاص نفق خششنا عندها ماندري وينّا فيه:r

الله شوفي ذيك البلوزه تهبل:h الله ياذاك الصندل يخقق:24

همّن ماندري الا البوك صاقع:j <<يعني قااااضي خلاص فلسنا:(لااا اجل يبيلي اسحب من الصراف :(

وهكذا الموااااال.....

السؤال !!

الى متى وحالنا تسذا :m؟؟

البنات خاصتن:(صدز نبي نستانس ونفلها ونشتري اللي يعجبنا ونوسع صدورنا بس لييتنا نحاول نقلل من اسرافنا بالمشتريات:b

انا احسن حل عندي انطق بالبيت:24 والا اذا رحت حتى لو مافي بالي شي اشتري
واخيرن وليس آخرن بووووركت ياصاحبة الموضوع ولاعدمنا هالديات والمواضيع الحلوه متل هيّ :flشكرا

ويالله صلاح العطى ويكفينا شر هالدنيا والله يغنينا عمّن سواه<<::/

عزيزي القاريء
حدثنا عن نفسك .. هل يوجعك " بوكك " ؟ أم لا ؟
وجهك نظرك ، حلولك ، تجاربك ، أي شي عندك يتعلق بهالمسألة ..
ابسط يدك نصافحك !
عبير موضوع جذاب ومثير هههههههههههههههههههههه ::/ ..
يا أختي أنا إنسان اكره السوق والمحلات ..
لدرجة اني حتى البقالات اكرها :( ..
لأني إنسان مسرف جداً جداً .. والبلا أني طفران هههههههههههههه ::/ ..
يعني شين وقوي عين .. الله يصبر جيب أبوي علي ..
ذات مره رحت مع امي السوق وكانت مكافأتي توها نازله ..
وكانت كل دخلتنا لمدة ساعه .. ومن خلالها خلصت المكافأة ..
قالت لي أمي الله يعين حرمتك عليك ..
ضحكت وقلت بالعكس بتنبسط احب الأسواق ..
قالت لأ هي الي بتصرف على البيت لأنك بتخلص فلوسك على الأسواق ..

يا أختي أنا في معاناة أشتري أشياء واجد ومنيب استخدمها ..
إنسان ماينفع يصير معي فلوس ههههههههههههههههههههههه ::/ ..
وهذي قالها لي الحقير مفتت التسبود ذات سهره ::/ ..

لا وأنا من الناس الي يحب أي شي جديد ::/ ..
يعني لو تجيبين بلوزة رجاليه بس شكلها غريب وجديد ..
ماعندي مانع اشتريها حتى لو ما ألبسها بس اهم شي عندي شي جديد هههههههههههههه ::/ ..

تصدقين من كثر ما أنا احب الأشياء الجديده كل يوم اعبي بنزين عشان يصير جديد
<- يامصلي ياشيخ ::/ ..

على العموم موضوع مهم .. ومن كثر ماهو زين باغي اشتري ورق ( a4 ) عشان اطبعه عليه
<- يبي يشتري البثر :( ..

يعطيك ألف عافية يوخيتي :fl ..

:24 آهليين عبيير ،
الا على طاري التسوق .. اخبر واحد من العيال يقول لي مره كان طالع لسوبر ماركت برمضان وقبل الفطور خخخخ وكل ماشاف شي اشتهاه :24 قام وشراااه ليين انبرش علييه شايب وقال له ياوليدي بنصحك نصيه ..! قال اسلم ! قال شف لابغيت .. تتسوق وتشتري لا تشتري شي وأنت جايع !:r رح كل في بيتكم وأشبع .. وتعال أشتر .. ::/ يقول من بعدها صدق ماصرت أشتري ولا أبذر خخخخ منب أشتري الا الاشياء إلي محتاجها :r:h
بالنسبه لي .. الحمدلله منب راعي أسواق ولاخرابيط::/ وذي الايام منب أصلن أطلع إلا لشي ضروري :r لا خربتها خربتها رحت للبقاله خخخخخخ:24 يازين البيت بس:h الواحد يقعد وهو مرتااح:b

لي رجعه !:h


هلا بيكسل :fl

والله هالشايب انه من جد ناصح يا لبى الحكمة والله ،،فعلا ترا لما يروح الواحد للتسوق وهو " مستدّ " غير لما يروح وهو " فاق(ن) خشته " ::/ ... !
انا رحت لأمي تنصحني ::/ .. قالت وليه تقتّرين على عمرك .. الدنيا فانية والفلوس ما هيب لشي الا للصرف :24 << عرفت منّي طالعة عليه :24 :h

بس لا جد انا حاسة بأزمة انو لازم " ألتزم " تجاه نفسي وفلوسي .. عشان نفسي في المقام الأول !
وعشان مسألة التبذير برضو اللي احنا مسئولين عنها في الآخرة ان لم يكن في الدنيا !
حتى اني فكرت ازور طبيب نفسي عشان يضبط لي هالشغلة ! ..



يا هلا بك : )


.

ياهلا بعبير وياهلا بهالمششاركة اللي تحتضن موضوع اشّغل ابو العيّال وغثّته زوجته بخربطه تجمّعها من الأسسواق ومالها لزوم ولا حاجه ..
المشكلة ياعبير ان اللي يوجعه بوكه الرجّال ولا الحرمة ماعليـها .. !


وأنا اقرى موضوعتس كان جنّبي واحد قال وش تقرى قلت اقرى موضوع عن فن التسوق وانك تشتري اغراض مالها لزوم وتخربطط وجلس يضحك قلت وش فيك قال شرهتك على اللي قد راح السسسوق قلت وشلون تستر عورتك يامسلّم :24 قال ابد الله يخلّي البطحاء وسعرها رخيص ونفس اللي في الأسسواق والمجمعات الكبيرة بس الفرق ان بضاعتهم اغلى عشان موقع المجمع وكل هذا على ظهرك يالمستهلك ..!

وفعلاُ كلامه صحيح .. ياعبير اللي اشوفه واللي ربّح المنتجات اللي مالها سنع في هالحياة اكثرّهم حرررريم أكون صادق معك ، صح فيه فئة من الرجال لكن هذولي عيال نعمه ويلّعبون قمار من قوة الطنخة ههههههه .. معليش ماربّح الأجاانب والتجّار إلا الشعب السعودي خاصّه يصدق أي شيء .. يعني تتوقعين الدعايات اللي تشوفينها في الإعلام وفي الأسواق ماطبّقوا عليها دراسات ونفسّيات المستهلك ..؟ الدعاية الناجحه هي .. اللي تخلّيك تشتري المنتج بدون ماتحتاج له ومامعك قيمته .. مثال بسسيط السيّارات وتشوفين الدعايات في الجرايد وبدون دفعة اولى وأنووواع المغريات وتلقى الشخص اللي راح للشركة وشرى السيّارة معه سيّارة لكن طمع في الأحسن وهو مامعه قيمو هالشيء .. ونجحّت الدعاية وصاروا يسحبّون من راتبه هالضعيّف اللي جنى على نفسه ..!

لكن الشعب السعودي ماأسّتادب الا يوم ارتفعت الأسعار وعرف ان الله حق وبدى يعرف وين يصرف فلوسه فيه .. أنا شخصياً بوكي يوجعني ومن كثر مايوجعني صرت ماأشيله معي ماله فاااااايده ولا لزووم ..!
عبير أنا عارف ردّي فيه ما أدري وش يبي مجّتمعين عندي الدّشير وكل واحد يسولف لكن لي رجّعه ان شاء الله وموضوعك في الصمّيم وخصوصاً بعض الناس ودك معه واحد يمسك فلوسه عشان مايشّتري شيء ماله سنع .. ياخي ماتدري وين تحط فلوسك تعال سلّفني ههههههه :24

صدٌقيني ياعبير إن المستهلك يبيله ثقافة عشان يعرف وش يشتري .. :24 ششششكراً ياعبير :fl


ما أدري عن البطحا صراحة بس ظنتي ان هالشي يمكن يكون للبضائع العادية لكن الشركات اتوقع انها سعر موحّد ..
وانا معك والله ، لكل شيء آفة والحرمة آفة " الجيب " ::/ ...لأسباب كثيرة يا شداد .. حتى ما نظلم معانا الحرمة ..
الناس صارت تهتم بالمظاهر لدرجة الهوس .. الكل يشحن لك قد ايش مهم انك تكون أنيق ومتكامل ..والمرأة اصلا هذا جانب فطري فيها ما يبي له استنهاض " أفمن ينشّأ في الحلية .. الآية " .. فما بالك واللي يقوم بدور الاستنهاض آلة إعلامية ضخمة !
انا ما اقول انك يالحرمة لازم تصيرين " إمّعة " ورا الإعلام .. لكن برضو ما اقدر أقول لها : لا تتأثرين ! خاصة ان كل المجتمعات النسائية الآن صايرة اشبه بـ " عرض ازياء " ! .. يعني مفهوم الزينة اختلف عن أول ! ، أول البنت المراهقة ما تفكر تحط ميك أب كامل الا في المناسبات الكبيرة .. الحين صار ضرورة في كل مناسبة ! ، وصار فيه ميك أب لهالمستوى العمري .. وفيه ميك أب للمستوى الثاني إلخ
انا بس يكون همّي انه ما يكون همّ المرأة كلللله عن كامله في شكلها ! ، لأنك للأسف ما تقدر تتحاور مع الكثيرات لأنو ما عندها شي تفتي فيه وتفت الا سالفة المظهر رد المظهر هات المظهر .. طب ومخبرك ؟

مب كني طلعت عن الموضوع :24 ؟

عودا على بدء :24

ومثل ما تفضلت .. الدعايات أحد أهم الوسائل الاعلامية المغرية من جد ! ، والاعلام حتى صاير مجال " تسوق " !
يعني حتى التسوق ماعاد هب قولة انك تروح السوق .. قنوات تسوق .. تدخل الانترنت تتسوق .. تروح السوق .. يجونك مندوبات مبيعات .. الأمر صاير أشبه بـ حصار !
وهو حصار أكيد ضروري نتحرر منه / حتى نملك أنفسنا .. !

يا رب دلني ولا تضلني ..






يا الله حيّ شداد .. ويا هلا بك : )


.

حيّها عبير :h
هالموضوع يعاني منه جنس حوا اكثر ::/
على انه مرض الا اني الحمدلله متشافيه منه d12 اذا دخلت السوق سيييييدا عالمحل اللي ابيه مب عن شي ولا هو طبع حلو فيني بس من اللي فوق راسي يحنّ ويزنّ ::/
اذا خلصت شغلي مااعرف امر على محل ثاني حتى لو بس اتفرج الا اذا جرتني اختي معها ::/ هذا اذا كنت نازله لشي معين لان غالبا الاخلاق تكون سياحي, واحيان اوصّي اختي والا امي على اغراضي :r, اما اذا كنت طالعه اتمشى لا والله ادهر خاصة اذا كان الدفع مو من بوكي::/ بس مااذكر اني اشتريت شي مالي حاجه فيه :r
على طواري السوق اذكر مره زحلقت عند بوابة المول :( الله لايعيده من يوم ::/

سلمتِ عبير :h اذا ذكرت شي خطمت عليتس , متابعه d12



يا الله حي ملكعة ..:h

طبيعي يعاني منه جنس حواء .. ببساطة لأن هذي هي فطرتها وين تروح فيه :24
والله بطلة يا بننننت عطيني شوي ماشا الله تبارك الرحمن :h ، انا ما اعرف شي اسمه توصية إلا ان كان اللي بوصية بيجيب لي الشي من ديرة ثانية عاد الشكوى لله ما اقدر أروح << قولي قا :24
بس بشكل عام ..
ما اقدر الا لازم اشوف اشيائي بنفسي .. وبيني وبينك جرّبت اوصي وفشلت في التجربة لأني اضطريت اجامل اللي وصيته - بحكم انه تعنّى - .. وبحلت بالشغلات اللي جابها في حلقي .. لا اللي قدرت ألبسها ولا اللي قدرت أتجاهل قيمتها ::/ ...
فقلت وش حادني احط نفسي وغيري في حرج .. والحمد لله الروحة ان ما تيسرت اليوم تتيسر بكرا ..
فيعني تقدرين تقولين " عقدة " :24 .. فتبت << طلبتك احلفي ::/





يا الله حيها وابق حيها يا ربي :h


.

جرح يا عبير جرح :(
قسم بالله أصبتيني في مقتل :24

التسوق صاير عندي داء عضال :( من يصير في هالبوك قرشين كلش أضيّع دربه إلا السوق :(
وكل ما طق عود بعود رحت .. دوريني عند التخفيضات منيب بعيدة عنتس :24 أشتري اللازم واللي موب لازم خبرتس هالتخفيضات ما تحصل دايم :b
وكل شي في نظري ذاك الوقت مهم وفيه احتمال احتاجه بعدين :24حتى لو مو مهم ولا فيه شي يدل على حاجتي له بس أصير كأني وحده أجهز لسنة قدام :24
المشكلة إني أنبّه اللي حولي عن نصب المحلات ولعبة التخفيضات المعروفه بس إذا جا الجد وصار الموقف أنسى حتسيي كله وأطب وأشتري :k
وأحياناً إذا البوك راهي قشيت البزران معاي وطبوا السوبرماركت اشتروا اللي تبون بدون ما أحاسب أو أحط ميزانية :(
وتعالي شوفيني إذا صفّر البوك أدور أي قرش ملفوز من هنا والا هنا بالشنطة أيام الدجة :(


عني انا ../ أفتقد لـِ فقه الاولويات في الصرفيات
يمكن ما نجحت إلا مرة لما بديت أرتب وضعي وأحسب أولوياتي وأبدأ بالاهم فـ المهم
لكن رجعت حليمة لعادتها القديمة :(
ما أدري لكن أنا أشوف هالمشكلة ناتجة من الترف اللي نشأنا عليه .. تعوّدنا على إنو أي شيء نبيه لازم نشتريه .. وما جرّبنا الحاجة اللي تخلينا نحاسب ونحسب صح
يمكن الآن نوعاً ما نجربها بس أحياناً لأننا عارفين أنو هالاختناق اللي يجي بسبب [ بعزئة ] الدراهم بيكون بس فترة .. وإلا لو ما كنت ضامنه هالشي يمكن أحسبها صح
مدري أقول يمكن ..


عبور مازال فيني حتسي واجد ../ دام الدعوة فيها سوق وتسوق :24:h

راجعين يا هوى على قولتك :h::/


.

.



هلا والله وغلا بتوأم روحي :24 :h

انا من زمان وانا اقول ما جمّع الا وفق سبحانه :24 ،، المشكلة ان أحيانا من يبدا الشهر واقش كل المصرف معد يبقى الا 100 في الحساب .. وبعدين يمشي ماقي الشهر عادي .. يعني في هدوء وسلام .. الين يجي الشهر الجاي ..
وهذا ان دل على شي .. فيدل على اني اقدر اعيش شهر بـ 100 ريال ::/ ويمكن أقل من مية .. اساسا انسى عناوين الصرافات ان ما بقى في الحساب شي .. واكتشف اني اعيش :24
وهذا انما يدل على ثوارتي وحماقتي ...
يعني ماذا لو قلبنا الميزان .. وقررت اني ما انفق الا ما يعادل المية شهريا .. والباقي اعاملهم مثل ما اعامل المية الحين ان بقت في الحساب ...
كان يمديني جمعت مبلغ حلو ... رح يمديني به اسوي أشياء أكبر من خرابيط الحريم :24
بس مشكلتي .. نجار(ن) مخلوع بابه :24 ...

أما المبزرة .. حكاية :24
آخرتها بنت اختي أمس جالسة تذكرني اني واعدتها اجيب لها لعبة ... والصحيح اني وعدتها في موقف تسكيته على أمل انها تنسى :24 .. وان جبت لها لعبة فإني رح اجيب ألعاب لبقية أعضاء الفريق اللي يعبون ملعب كورة من الجهتين / يعني خصمين :24 / تبارك الله :h

الا مير وش اسوي بها ذي المفعوصة اللي ما نست ولا عندها نية :24 ؟؟
المشكلة انها جاية بصيغة " مطالبة بحق من حقوقها " :24 .. / يعني حتى ان جبت فما لي فضل ولا منّة :24 .. خطر ما تقول لي : بدري كان ابطيتي شوي بعد ؟ :24 << من شابه خالته فما ظلم ::/


،




اررررررحبي يا دنيتي :h:24


.

يالله حي عبير ومن العايدين :h

الا يوجعني ورجولي بعد توجعني << تونا خالصين من هم العيد :(
,
همممم انا اكره السوق في الاعياد , زحمة وضيقة صدر دايم اقول للبنات
احس اني ماشوف ولا اعرف اركز , الزحمة تكتمني حيل
وبشكل عام في التسوق مشترى عن مشترى يفرق
يعني اذا مناسبة معناها لازم قائمة لأنها أشياء تكمل بعض
فستان / جزمة "عزكم الله "/ شنطة /عطر جديد / اكسسوارات .. ووو وش بقى بعد ::/
بس الايام الثانية او العادية يطلع السوق موت شيء يهبل يعني:h احب اروح له كثير
مافيش زحمه ولا فيه اغراض الزاميه مجبوره اجيببها يعني اتمشى واذا جاز لي شيء اخذته !

,

ويامال العافية عبير / موضوعك جميل ياجميلة .

ههههههههههههههههههههههههههههههههههههههههههههههههه
هههههههههههههههههههههه

هلا عبووور والله مو ضوع رهييييب ...:h

اصلن انا وحده تكره السوق كره العمى مااحبو مرررره ...:(d12
لو يرضو اهلي همّا يخرجو السوق عنّي ويشترولي اللي ابغاه ماقول لا لازم انا اطلع اشوف ايش ابغا اشتري عشان اختار اللي يعجبني ...:r
ولو خرجت بسرعه ابغا ارجع.. ماحب ادووور في كل المحلات ومولازم ادخل كل مكان ...
ومولازم اشتري من كل شي .. ومايجيني فضول اعرف ايش الاشياء الجديده وايش القديمه
الزبده مااهتم بالاشياء دي كتير ....
كأني ولد ما كأني بنت زي كل البنات لازم تهتم بالموضه والاشياء الجديده ولازم تشتري ...:(::/

وبعدين على فكره انا فجأه كدا صرت بخيييييله مو اي شي احط فيه فلوسي والمشكله مع اني مااحب السوق ...
ومو اي شي اشتريه واحرص على فلوسي ...
الا انها والله تروح في شربه مويا ماعاد يبقى شي منها..
اخرج السوق مثلن معايا الف ريال والله ماارجع الا بأشياء اللي يشوفها يقول خرجت قضت بميه ريال بس ...
صايره الاشيااااء غاليه مرررررره ويلوموني ليش صايره حريصه زياده عن اللزوم...
بس كمان في نفس الوقت انا هبلا تدري ليش ::/...
احرص على فلوسي من ضياعها في الاسواق والملابس ...
لكن على طول اقوم اضيعها في السوبر ماركت والبقايل اللي عندنا ::/

عالفاضي حريصه وبوكي يوجعني :(


مسطولتن سطللل .. يا الله حيها :h


ماشا الله تبارك الرحمن شلون تقدرون تسوون كذا :( / ما تحبون السوق :(
انا شوفي ما احب اي سوق يعني احب السوق اللي يوفر لي " تسوق مريح " و " مجال ترفيه " .. يعني اسواق شعبية هذي ما اروح لها الا مع امي لي بغت شي من هناك وتخبرين :24 :h
بس اني ما احب فكرة التسوق واكتفي بتوصية اللي يروح .. هذي أتمنننننى أتمنى .. على الأقل يمديني اقيس شوي :j

،
وعلى قولتك .. الألف ريال معد تسوي شي في السوق وفي شغلات الحريم خاصة ..
مرة دخلنا انا وخواتي محل مكياج ... ويقال لك كل وحدة تحرص الثانية انو ما نشتري الا الأشياء الناقصة عندنا في البيت .. تخيلي صار مجموع اشيائنا حول ال 3000 .. واللي يشوف الأكياس يقول اتحدى اللي فيها واصل ل 300 !!!
جد جد جد ... إجراااااام اللي يصير في الأسواق !

.
انا عكسك .. ما أفكر ابدا اشتري شي ينوكل :24 / مو اعتراض يعني .. بس ما يجي على بالي :24


الله يعييننا مسطولة :(

جد الله يعين :(


،

حيها يا رب :h


.

.

عبير تدرين ان موضوعك ع الجرح :r
توني امس رايحه للسوق و يوم جمعت قراشيعي و جيت ادفع بالبطاقه لقيت آلة المحل عطلانه وما معي كاش و مير اخلي الاغراض مغصوبه و اطلع :( .. ههههههههههه يوم دروا اهلي قالوا تراه رحمه من ربتس لان الحساب بيصير يناهق مهب مصفّر و بس :24
اللي اشوفه ان 80% من الحريم عندهم هوس تسوّق " اذا مو اكثر ::/ " وحده من البنات كلمتني مره و انا نفسي في راس خشمي ::/ يوم شافتني كذا يقالها تخفف عني :24 قالت وسعي صدرتس بتطلعين للسوق بعد شوي و تشترين كم بلوزه و تنبسطين ههههههههههههههه :24 يعني الشراء والله بالنسبه لي و لكثير اعرفهم صار مب احتياج لا والله صار سعة صدر و وناسه لا شريت شي جديد ههههههههههههههههه :(
متى نتغير بس :(

و تراه داء مستشري عند الحريم خاصه ::/
الدليل اني قد مريت على سوق رجالي بالكامل في الملز اظن اسمه فينيسيا مول مريت قدامه مره لقيته فاااااضي الا من كم واحد مع انه موسم عيد :24


.

و راااجع يتعمّر لبنان :o :24

.


هلا والله ومسسهلا زوزو :h

هههههههههههههههههههههههههههههههههههههههههه على طاري الصراف ذكرتيني بموقف باااايخ صار في ايكيا ايام التأثيث :h ..
المهم جمعنا جمعنا جمعنا :24 << تسمع بالاختصار :24
جيت ادفع .. الآلة قبلت بس الرصيد قصر .. وانا اللي يتلوّن وجهي ألوااان .. حنان معي كانت قلت معك اللي يسد واسدد لك بعدين .. كان الباقي 300 تقريبا :24.. قلّبت حنان ما لقت الا ميتين في شنطتها .. باقي مية يا ربي أغثنا :24 .. آخرتها احتدينا لسواق حنان جا كمّل لنا الحساب :24 وانا أحمد ربي ان على وجهي غطاة :24 .. وربي الحجاب نعمة :24

،

وصادقة على قولتك ، ما صار التسوق " احتياج " الا في المناسبات .. في الأيام العادية " تفكّه " الله لا يحرمنا النعمة ولا حبايبيننا :h ... والصحيح انه مرض الله يشفيننا ومن نغلي ::/ << حددي موقفك يا هوه :24
وحتى المناسبات .. يعني انا ما اذكر متى آخر مرة شريت فيها لعيد مثلا ! ، طراه الدواليب معد تخلى من خلق جديد يا الله لا تحرمنا الجنة !
جديد يومك تشترينه مب لأنك محتاجته .. لا بس " جست إن كيس " :24 !

يا الله ثبات العقل والدين :24


،
أكيد بيستشري عند الحريم أكثر .. الرجال مهما كان مب أكبر همه خلق .. وهذا ما يعني ان أكبر همه شي مهم ووخر عن دربه -ممكن يكون " كورة " ::/ - ، في وقت تشوفين هالشي أكبر هموم الكثير من حواء ::/ .... وكل ميسر لما خلق له :24


.

يا الله حيهاااا :h


.

الله يحييّ عبير :fl

بالنسبة لي أحب السوق ومااحبه :24 يعني مااحرص اني اروح له كثير حتى بالمناسبات ..
من الأساس مااحب اطلع من البيت d12 بس اذا رحت للسوق تأكدي اني مابطلع إلا في حالتين ..

الأولى / إني اكون لفيت كل المحلات شبر شبر :24 واشتريت لين خلصت فلوسي وفلوس اللي معي إن كان ابوي او اخوي او أي احد معي :24

والثانية / وقت ماينتهي دوامهم بالسوق :24 يعني لاشفت المحلات بدت تسكر وجاء الحارس وقال خلاص بنسكر يعني اتفضلوا لو اتكرمتم :24

وتلاقني اشتري كل اللي خاطري فيه واغلبها تتحنط بالدولاب مااكون محتاجتها :( بس فقعة الله يجيركم ::/
مع إن الأسعار ناااااااار :( حتى مع التخفيضات :b الا اني مُبذرة ..؛ وياليت على فايدة !!

والله احياناً احاسب في محل واحد 2000 ريال بس على كم قطعة :r
واطلع اكررها في محل ثاني :(
تقولي عمتي لو إن الفلوس من جيبك كان حسيتي بقيمتها لكن الله يخلف على ابوك d12:h

بس الحمدلله بدى هذا المرض يخف مني شوي d12:h

عبير لاهِنتي وموضوعك ع الجرح وربي :r:fl

،

ارحبي زنقل .. ::/


أجل ظنك فيه أمل ؟ :24 ...والله شوفي انا من ناحيتي أحب البيت برضو .. وقليل ما أطلع زيارات أقارب ... ما أرحّب الا بشغلتين برّا البيت [ صديقات / سوق ] ::/ .. كذا كذا موتيني ولا أطلع .. بما في ذلك الاستراحات اللي اكرهها كره العمى .. ودي أروح لبرّ ولا لاستراحة ، وحتى البر يبي له شروط يعني مب اي بر .. فعشاني عارفة عمري انثبر في البيت .. وعسى الله لا يشق بي ولا يشق علي ::/
بس السوق ؟ / :b < وجه معبر جدن ههههههههههههههههههههههههههه
ما أقاوم الله يقطعه ...

أحيانا تجيني حالات تفكير ::/ ، وأقول سبحان الله .. يعني نبذّر عشان ربي معافيننا في أموالنا وفي أبداننا .. لو الواحد منّا منطق في مستشفى والا منشغل في ديون والا هموم .. كان ما لقى الوقت هالترف اللي نمارسه على نحو يضيق الصدر وقسمن ..

بس مشكلة حالات التفكير مب تبطي .. وتصدف انهم ينادوني للسوق وانا في حالة تفكير .. وأنطل كلش واهج معهم :24


ياااااربي عسانا في خير وإلى خير يا رب العالمين :h


يا هلابك زنقل :fl


.

هلئّ و مرحبا و مقرررررربا :h :h :h

كل عام و [ بوكك ] برخااااء و بخير ::/ :h , يا جعل بوك الوليد يغدي يتمغّص عنده :24

والله يا خيّة ذكرت كلمة أمي لي , تقولي لو يسألون واحد : لو معك مليار وش تب تزيّن , يقعد له شوي و يفكّر و يحتار و يختار , إلا انتي منتب بالشة أبببد :24 و بتبددّينها بساعة .
الله يسمعها منتس يا ميمتي :24 , و بكيفه لو بنصّ دقيقة مهوب عاد " ساعة "بس ::/ أقلّها انفلت صححّ و أطيّح اللي براسي :h::/

من ناحيتي أبغض ما عليّ طلعة هالسوق , و تشوفين العالم مروّقة و هي تقضّي إلا أنا , راااسي يصدّع من هالمكان بالذات :( عشان كذا تقل ملحوقة و أنا اتسوّق , سرررريع سررريع , و من متى لمتى طلعة السوق .. خاصّة لا صرتي تقضّين مو بس لنفسك عن الشعب كامل : بزران و أخوان و حالة :24

و إلا الجدّ " ثقافة التوفير " معدووومة عندي , لما يكون بيديني مصروف تقل محلوفٍ عليّ أصرفه لو بأقرب مكان , غالبيّة الصرف تروح لثانويّات و أشياء تافهه :( و لا اتحسّف إلا لا صرت بحاجة القرش صحّ .

بس مقارنة باللي حولي من هالناحية أهووون يالله لك الحمد ::/

خطمة سريعة و لاهيب قدّ المقام :( :h إن كتب ربّي لي نكسة :$


و الموضوع بالصمييييم مع أسعار السوق اللي تلولش :24



.




اررررررررررررررحبي يا ربيع :h:h:h
وعساك ومن تغلين بخير وإلى خير دنيا وآخرة يا رب العالمين :h:h

والله من حيث الرخااا .. فالبوك من جد مرتخي الحين يطلبك الحل << الفهم على قد المقاس :24
هههههههههههههههههههههههه
من حيث الفلوس بنلقالها ملزّ لا تخاف الوالدة ولا تبحل بالمليار هي تجي بس وبيجيها أجلها زي القضا :24 :h

طيب فرضا ما حبيت السوق .. وين اروح فيه :24 << يبي لها صمخ :24
والله يا ربع .. هالديرة ما فيها الا أسواق ::/ .. ودي ودي أذكر ان فيه محلات ألتزّ فيها على سنع ..
يعني حتى المقاهي النسائية تضيق الصدر ::/ .. لا خدمة على سنع لا نشاطات حلوة .. اقعدي وقبّي قهوتك وقضينا :24 .. الا اللهم " مزايا " الحق ينقال .. المكان بطل لكن قهوتهم تحوم التسبد ::/
يعني وش البديل : إنه السوق :24 .. إذن هيا بنا :24:h


نفسي والله يا ربع .. نفسي بثقافة توفير تشكمني ..
بس يمكن عشاني ما تعبت على الفلوس الي تجيني .. عشان كذا يبي لي وظيفة << اييييييييوة :24
والله جد جد .. يبي لي .. يمكن احس بقيمة القرش واعقل واغدي حرمة على قولة أمي :(

.

يا لبى قلب الجية و النية في النكسة :h
ويا هلا بك عد ما مشيتي والله :h



.

أنا أحتاج لدروس لتذكّر أني أحمل بوكاً !! :(

من جد أنسى بوكي لأن تعودت يُدفع عني ،لكن قررت الوالدة حفظها الله اني لازم احاسب عند الكاشير خلاص أنا كبرت (ياسبحان الله يمّه هنا أكون كبيرة :( ) المهم بالأخير غسلت يدها كذا مارا أشيل أكياسي وأنسى الفلوس والفاتورة إلا أحد يطرد وراي يعطيني إياه حتى بكافتيريا الجامعة أنسى الباقي مادري هو من الفسقة وإلا وشو ::/ <- إلا من هالدلاخه .

أما مسألة التوفير أقرر أوفر لفترة طويلة عقب ياأسلف أو أصرف d12

عبير كوبتس يجنن :fl
إحتمال أعاود الكرّة :o


والله انا مريت بفترة اني ما خذت اني امسك بوك ، يوم أمي كانت تدخل معي وتحاسب عني
بس صار موقف الله وكيلك :24 ..
مرة قالت لي أمي امسكي البوك معك لأن لبسها ذاك ما كان فيه جيب كالعادة :h:24 .. وانا معي شنظة ونسيت البوك عند محل .. ورحنا ودرنا ولفينا .. ولقيت غرض في محل بعيد مرة . يوم قلبت في الشنطة لين البوك بح ::/ .. يابن الحلال .يا ابن الناس وينك :24 أبددد فص ملح وذاب ..
رحت أدور على كل المحلات اللي قبل وأمي تكبكب علي من اللوم و الشسمة :24
في الأخير دخلنا المحل وعرفني من الشنطة وبدون ما اقول قال : تراك نسيتي البوك عندي ::/ .. بغيت أحب راسه من الحماس :24 ههههههههههههههههههههههههههههه

بس عقبها لا خلاص ...
استادبت بقوة :r .. ما عقب القصف اللي كان من أمي :24
بس جد كان معها حق .. البوك كان فيه مبلغ محترم بقوة :24 ...


يعطيك العافية قلبي .. ويا هلا بك .:h. الساعة المباركة والله :fl



.

.
/
.

اكبر مبلغ تسوقت به 900 ريال من سبلاش وتحسفت بعد :( مير ليتني مااستعجلت ورحت لسيتي بلازا ارخص

من ناحية التوفير الموضوع كله تأصيل من الصغر .. اعرف جيران لنا مطنوخين حتى عيالهم يومنهم صغار مطنوخين الواحد كرشته تسبق رجوله وخدود ( قاهرني سمنتهم :( ) وماخذين الدنيا شراء .. وربي الولد الواحد يصرف على عمره مالايقل عن 100 ريال ( هذا وهو ماطب السوق ) اللحين كبروا وصار الواحد منهم يتلزق بابوه والا امه يعطونهم فلوس بنص الشهر .. رواتبهم ماصارت تغطي يشترون الغير مهم ويخلون المهم ... اكبر همهم كماليات هي اللي ذبحت الشعب وخلت الاسعار تضرب فوق وصار عندنا تضخم وجوك المطعسه والجحلط ينادون : ابك الزيادة يابو متعب نباها

مشكلتنا في ثقافة التسوق .. انا اوقات مابي اطلع اشتري لنفسي .. قسم بالله اوقات اوصي اخوي يشتري لي شيء معين اعطيه حقه وامشي ... لان ابليس يشهوي الادمي بالدفع !! :(

اذكر مرة طبيت بنده العزيزية العام كان هدفي بس اشتري شراب بالشتاء قيمتها ماتتعدى 6 ريال .. وربي طلعت وانا دافع 110 ريال على اشياء مااستفدت منها سيديات ومحفظة حقت بطاقات ... يلعن ام الجو شوربة وخل !! :y

اعترف اوقات تجيني ثوارة الا لازم اشتري اي شيء قسم بالله حسيت ان تطليعه الدراهم براد ابو ريالين عندي ... تأزمت اموري من زمان بعدها ريحت عمري صرت مااخذ معي الا 50 ريال وبطاقه احوال بس مشوار قصير بعيد ماعلي المهم باقي المحفظة والصراف بالبيت ::/

المشكلة في معرفة وش نحتاج من حاجيات .. فيه ناس اعرفهم يطلعون ومحافظهم في البيت .. واحد معي بالدوام قسم بالله مبسوط يقول مااطلع لاي مشوار بسيط ومعي محفظة :24 عزايم والا مشاوير طويله لازم اخذه معي ... بس مشوار صغير اسلم على واحد معصي :24 خصله في السعوديين يشترون اشياء حتى لو بدون سبب فطبيعي مايدخرون ... مير السيئة الكبيرة من ياخذ قرض عشان يشتري كماليات مالها اي هدف غير مظاهر .... والله فسقه التسوق كلها من المظاهر حتى ان 90% منهم مايتمتعون بالراتب ... اغلب الناس ماتتصدق بها الصدقه تطفي غضب الرب :) ... وربي الواحد يحس بفرق لم يتصدق بجزء يسير من فلوسه الله يبارك فيه ويبقى له ... فيه مساكين اولى من الفسقه والتبذير اللي نشوفه بالاسواق

اما من ناحيه التوفير في طريقه اتبعها واعطت ثمارها
اول ماينزل راتبي في بنك احوله لحسابي لبنك ثاني ماعندي فيه بطاقه صراف احول واحط راسي وارقد عليه
لي سنه ولااعرف كم رصيد حسابي بالبنك الثاني ولاابي اعرف كذا مرتاح


عجيز قريح ... موضوعتس اكه قلب كبد الحقيقة :fl ( اصبع فوق )




يا هلا بك يالملحمة الماجدية ..

زمااااااااااااان عن سبلاش والله ::/ .... زمااان يا فن من قلب :24 ، والله تسوق بقيمة 900 يعتبر شي بطططل ...وخاصة في أماكن من قبيل سبلاش .. فيها اشياء تحتاجها واشياء تتشهوى عليها :24
يعني ماشا الله عليك ..

،
والله هو صحيح البيت والتربية لها دور كبير في هالشي .. بس هذا ما يخلينا نستسلم للشي اللي صار عيب فينا من جد .. يعني انا عن نفسي مؤمنة بأن المميزات - اي ميزة - يبي الانسان يكتسبها لنفسه .. سواء على المستوى المالي أو الأخلاقي أو إلخ .. وأكرر - أي ميزة - .. يبدا اكتسابها من قرار الانسان نفسه ...
وإذا كانت العيوب اللي فيه تاخذ شكل المرض .. مثل محاكيتك .. فالقرار يبدا من انك تتعالج منه حتى لو اضطريت للحلول الطبية النفسية ... انا اشوف ما فيها شي .. وهي خطوة انا حاطتها في بالي عسى الله يرزقني الشجاعة اني اقدّمها لنفسي في القريب العاجل ...
العيب في انك تستسلم لعيوبك .. والعيب انك ترضى فيها على اعتبار ان هذي هي تربية أهلي لي ..
يعني انا مستحيل أدين أهلي في هالمرض .. لمجرد انهم كانوا معي كرما لحد البذخ ..
لأنو لو صار العكس كنت أدنتهم بتهمة الحرمان :24 .. وهكذا يعني ::/
فالقرار هو قرار الذات للذات ..

.

وفعلا ثقافة الاحتياج عند الكثيرين مندمرة ... واستبدلت في كثير من الأحيان بالترف ! ، اني اطلع نفسي " مترف " عند الناس حتى على حساب " احتياجاتي " اللي اعرفها من نفسي زين .. كله عشان الناس .. صاير الكثير من الناس اكلهم / شربهم / لبسهم / اهتماماتهم / أخلاقهم .. إلخ .. كلها ديكور " عند الناس " ! وعشان " ما ينقدون علينا ! " .. بس .. لكن كقناعة من جوّا .. الوضع متهالك جدا ..

وصدقت .. الصدقة قليل ما نستحضرها واحنا في السوق ! ، ولو صادفنا طرار ومدينا له خمسين ريال لقينا انفسنا يا كبرها عند أنفسنا .. انو واو قدمنا مبلغ كبير !
وهذا شأن الصغير الحجم ..
وتكبر في عين الصغير صغارها * وتصغر في عين العظيم العظائم !


وبس يعني ..

ظنك الحل في حساب توفير ::/ ؟



الله يحييك يالملحمة ... ردك فيه الكثير من اللمحات المهمة ..
يعطيك ربي العافية : )


.

لا ابدن انا خاطري مريحني ياحبني له :24

أكره شي عندي بالحياة " التسوق " وربي ماأدخل سوق الا وتجيني تكة من الزحمة والقلق والإزعاج .. لذلك شي طبيعي تلقيني ماصرف كثير على هالسوالف .. اتوقع مشكلة هوس التسوق يعتمد على طريقة تحصيل الفلوس .. يعني أنا ملاحظ صراحة أن البنت الموظفة صرفيتها بالسوق أقل بكثير من العطالة البطالة اللي تجيها الفلوس بالساهل ! .. نفس الطريقة تنطبق بس بشكل أقل على الرجال .. يعني اللي يحصل الفلوس بالساهل يصرفها بالساهل والعكس صحيح .. عشان كذا نلقى أكثر المدمنين على الاسواق هم الحريم ولا غير الحريم :24 ..

من ناحية التسوق أنا ماأعاني من هالشي لأني مثل ماقلت اكرهه :p: .. لكن بنفس الوقت مايعني هالشي اني مرات ما تندبل تسبدي آخر الشهر لا شفت الراتب طاير بسبب سوالف ثانية غير التسوق ! .. من عشوات والا طلعات شباب والا سفرات لكن التسوق ولا يجي 10 % من مصروفاتي الشهرية ..

موضوع بطل ياعبير :h .. ولي رجعة ان سمح الوقت :fl

،


بالضبط . جبتها حامية على العواطلية أمثالي :24 ... فعلا احنا ما نحس بالقرش وعندنا انه شي مثل ما يروح تجيبه الأيام ! وهذا هو ملخص فكرتي عن المال ..
عشان كذا يبي لي وظيفة :24
والا بالقياس .. اختي موظفة ، وتشوف الأشياء اللي اشتريها تتهول من القيم اللي احطها .. وفي نظرها انه من الاسراف وان الشغلات اللي أحط فيها مبالغ حليوة .. انها ما تستاهل المبلغ .. وانها ممكن بهالمبلغ تجيب كيت وكيت إلخ
يعني من جد .. نظرتها الاقتصادية تحسها نابعه من شعورها بالمال .. من ناحية " التحصيل " ! الأمر اللي رح ينعكس قطعا على كيفية ومستوى الانفاق !
وماشا الله عليها .. يعني .. تحسها من جهة : ما عليها قاصر .. ومن جهة ثانية تنجز شغلات حلوة بالمال اللي تعمل على توفيره .. شغلات من شأنها انها تأمّن - بتوفيق الله - حياتها فيما لو طرأ على الدنيا طاري شر !
والدنيا ما لها أمان ...

ففعلا .. فعلا جدن يعني ::/ ... احنا ما نحس بالمال .. بالتالي انفاقه يصير مصحوب بشي كبير من " اللامبالاة " ... !
والله يتوب علينا ولا يجي اليوم اللي نحتاج فيه وما نحصّل ..
على قولة أمي : الحمد لله اننا نعطِي ولا نعطَى !

،

انا ملاحظة الرجال بشكل عام ما يحبون السوقة ::/ .. الاحظ الفرق لما ادخل مع حنان ولما ادخل مع عبد العزيز اخوي ... الحالة الأولى خطر ما نطق خيمة هناك :24 .. والحالة الثانية كلها : أووهووو عجلي .. اخلصي .. إلخ :24
يا صبري :24 < يا وسع الوجه :24

.

شرّفت/ خالد الشوق : )


.

الذين يشاهدون محتوى الموضوع الآن : 2 ( الأعضاء 2 والزوار 0)
‏abeer, ‏الديوانية

::/ .. ترا ان بقى ما رديت عليه .. فتراه ما امداني هههههههههههههههههههههههههه
< يا كثر القرقة هههههههههههه

^
^
ياشين المساقط / الاسهم للملحمه
عليك بالعسل عالريق / دغغغ فيه الين تنبط تسدبك / ان ماعاد تعرف نفسك ::/

**

طيب وش رايكم نسوي جدول ؟
نحدد لكل وحده كم تصرف في الشهر :(


كل ماضغطت على نفسي وجمعت مبلغ حلو / ابدى ارخي شوي واقوم افسفس فيه
عاد نصيحة امي اذا ابي اجمع دراهمي مااطلع من الجمعيات :(
ياتسبديه يمه مانيب اداني الجمعيات :( ودي اذا ارتبطت معهم اخذها اول وحده واسحب عليهم
ماحب اربط نفسي كل شهر ادفع


انا لو صار معي دراهم في البوك / كنه محلوف علي الا غصب اصرفها :j
كنها جايتني هديه مو من الحساب مسحوبه !!


بس من جد ماتلاحظون تدخلون السوق وتصرفون مبلغ محترم بس لما تشوفون وش شارين الينكم ماشريتو شي يسوى هالسعر !! / على ان اللي شارينا حاجات مهمه ماراح تنركن في الدولاب !!
ابد البلى موب فينا في الاسعار اللي ضربت حسبي الله عليهم :(



الا صدق المواد الغذائيه بتنزل اسعارها ؟


ماش احس افكاري مشتته احكي وانا ارقل من النوم / ان شاء الله لي رجعه
يعطيتس العافيه عبربر :h


هلا والللله وغلا دجة هانم :h
انا الجمعيات ما ادانيها .. التزم بصرف كل شهر مبلغ لو احتجته محد من اهل الجمعية له دخل فيني وفلوسي عنده :24 << فاهمة الجمعية غلط :24

الجدول حلو ، وممكن ابدا اطبقه من الشهر الجاي .. انو خلاص اسحب مبلغ يكون للشهر كله واحط البطاقة عند أمي :24 << وراك بعّدتيها حيل عاد ههههههههههههههههههههههههه
لالا جد بجرّب :24


تسلمين دجة على هالطلة ..
والرد والله سريع لأنهم بيقفلون دكاني هههههههههههههههههه


.

d12
الحمدلله يارب الحمدلله
احسب بس انا البنت الوحيدة اللي تكره السوق وطلعو صديقاتي واجد مير والله ماننحسب من هالحريم اللهم ياكافي كأن الخلاقين بتطير
ماحب الاسواق ماطيقها واشيل هم اذا احتجت شي واحيانا والله اتعطل كله عن هالطلعات:r
بس من تالي صارت هالمجمعات مكان تمشي وتعشي::/
اذا احتديييييييت وكلهم ماطاعو يجيببون اغراضي طلعت ونفضت ابووو البوك وبوك اللي معي ان كان فيه شي ::/
وغالبا والله اطلع ولا اصرف الا كان حق بلع او هيك :r
وعاد تجي مكأفاة نفسي d12
اعشي نفسي لحااااااااااااااااالي:c من برا كم يوم والا الفلوس خالصة
والا اطلع _بليز لاحد يضحك d12 _ لجيان:h واضف منه مكأفات لي ياحبي لي:24 وبس
يعني احس اني اهوووون من اللي عندي لو تمر 10 ايام ماطلعو للسوق كان نازل عليهم غضب:j
عوااااااافي عبير:fl



هلا وغلا لين الورد :fl

قضينا .. مدام الفلوس رايحة رايحة فهذا هو المغزى .. مب صايرة روحتها ميزة ان صارت للبلع :24

بالعكس ::/


الله يحييك لين ..
ويلكم ان كلوب :24 :h


.

هلا وغلا ياعبير :h
يابنت الحلال الشعب السعودي مؤمن بمبدأ " اصرف مافي الجيب يأتيك مافي الغيب " ::/

أنا والله مثل المملوحة ربيّع ماأداني حومة السوق .. و طلعاتي له للضرورة بس
لكن الله لايورّك ان طبّيت اكرف عظامي كرررف و لايهنى لي بال الا وانا نافضة أم البوك :24 ..

بس هذا مايعني ان كرهي لحومة السوق تقلّل من معدّل الصرف .. لا أبداً :24
و أنا جالسة مكاني تلقيني أدق وأطلب عشا غدا اللي تبين :24 .. والا تعال يافلان جيب لي كذا و كذا
وعاااادي الباقي ينساه بمخباه و أنا بعد أسوي روحي نسيت :24 ..
و من يجي مبلغ محرز أن الواحد يبني عليه آمال وأحلام :24 الا وتبدا محاكيتس بالترتيب و التنظيم و تدوين الأهم ثمّ المهم , دون إعارة أدنى اهتمام للأشياء الزايدة أو بالأصح ( الفسافيس ) :24
ومن أطبّ السوق يطلع الصدق ::/ ..
للأسف أني ماتربّيت على الادِّخار و التوفير أبد .. الوالدة عساها بطولة العمر :h تنزعج من إسرافي وهي أساساً أم البعزقه :24 , وأنا بالمثل يزعجني إسرافي و إسرافها !
الوالد مرّات يكون حلو نظامه لا إفراط و لاتفريط , لكن برضو ماعوّدنا ع التوفير !

موضوع جا بوقته يابعدي :h :h
يسعد صباحك ياعبير :h :h

.


هلا واللللللللله ميني تراي منقطع نفسي اقول عساي ألحق عليها :h:h:h:h
والله صادقة احنا ما تعودنا على التوفير.. لكن ما يعني اننا خلاص نلتزّ هناك ونصفق كفوفنا ..
احنا على الأقل خل نمنح انفسنا شرف المحاولة .. وبعدها يحلها الحلال :h



يسسسسسسعد لي يومك ومساك :h:h:h

،

اهلي ينادونني :(


.