http://www.alyaum.com/images/11/11700/286597_1-458.jpg

صرح كوزمين في مقابله أجرتها شبكة الزعيم معه عن رأيه في أحمد الدوخي

وفي آخر سؤال عن صحة مانشر في الصحف بأن كوزمين عن عدم حاجته لأحمد الدوخي .


أجاب ضاحكاً ( إجلبوه غداً وسترون أنا أرفضه أم لا ) وقال ، بالنسبه لي فهو لاعب جيد وإذا هو يريد الهلال فأنا سعيد وأنا غيرت 7 لاعبين في الظهير الأيمن ولو أتى أحمد الدوخي أفضل ظهير في المملكه سأكون سعيد ولو رفضته فأنا مجنون ..



الصراحة صدق كوزمين مافيه أحد إلا جربه



ومابقى إلا الدوخي إذا نفع كان بها وإذا مانفع حاله حال اللي قبله




تحياتيhttp://msa6el.com/vb/images/smilies/fl.gif

اللي باع الهلال ينباع بالتراب
ماعاد له مكان ابد .. والله يسعده ويبعده ...!

^
^

الدعوه مهيب باع والا ماباع
الدعوه احتراف وكلن يبي رزقه ويشوف مصلحته ..
وش فاد اغلب الاعبين اللي تركوا القروش لعيون نادي وفي الاخير نطلوه والا اعتزل ومااحدن يدري عنه وهو مااستفاد شي ، ،

8

هذا لو هاللاعبين موب في الهلال ..

الدعوه مهيب باع والا ماباع
الدعوه احتراف وكلن يبي رزقه ويشوف مصلحته ..



معروف وضع الهلال والاتحاد وقتها والى الآن .. مجرد انتقالك من احد الفريقين للآخر يعتبر خيانة ،،
الهلال ماقصر معه .. طول الفترة اللي لعب فيها للنادي .. لكن هو همه الأول والأخير الفلوس .. خل اللي مايتسماش يفيده الحين :l

خيانه ماخيانه الظهير الايمن من عقبه شوارع .. يكفي بموسم ونص لعب بالخانه 15 واحد ولاحد غطي مكانه !

الدوخي كبير وعارفين انه يطق اصبع بكل اظهرة الهلال حاليا .. لكن خلاص يعتبر صفحة جميلة وانطوت .. حاليا هو جزء ممزق من الصفحة "المذكورة" مايعرف يقراها الا اللي يفهمون حب النادي والولاء لشعاره ..

بصراحة نامي يقدم مستوى جيد جدا بحكم انه وسط ايمن سابقا .. سلطان البيشي للمستقبل وبيجهزه كوزمين وخاق معاه .. ما اشوف الدوخي بيعطينا اصلا اكثر من سنتين ولا هو اللاندكروزر حق زمان .. خلاص صار شيء يعبرك مشوار بسيط ماتقدر تمسك خط فيه ..محليا نجيب كل البطولات باظهرة خذني جيتك لان الفرق هنا اصلا ماحولك احد .. وخارجيا مايقدر الدوخي يميل بكفة الهلال ضد فرق ايرانية وشرق اسيوية وحتى خليجية

الهلال يا ادارتنا كبير واللي يطلع منه برضاه لا يرجع له ابد .. حتى لو كان غالي

للأسف اعتقد فيه نية من سامي وكوزمين برجعته .. طبعا يشوفون انه افضل فنيا للفريق بهالمرحلة ولا يلامون لانهم فنيا موقفهم بالسليم .. لكن كلامنا بشكل عام لاعب طلع من النادي ليه يرجع؟ ازمتنا بالظهير تفوقها ازمة الهجوم وبمراحل في حال غاب ياسر ..

لو رجع ممكن يفكر كذا لاعب انه يروح لنادي مقدم عرض اكبر من الهلال وبعدين ان مانجح يرجع للهلال ولا كأن شيء صار !

مانفتح على الفريق باب صعب اغلاقه يكون احسن

اللي باع الهلال ينباع بالتراب
ماعاد له مكان ابد .. والله يسعده ويبعده ...!


وين الفكر الاحترافي اللي تقولون ودوري المحترفين اللي صجيتونا فيه:24

مجرد انتقالك من احد الفريقين للآخر يعتبر خيانة

ماصارت كوره ذي:c عشره زوجيه:24

اما ينباع بتراب الدوووووخي

نسيتو وش سوااااااا في الهلال ليه الخيانه

بس رزقه ووجاه ليه تحقدون عليه

وربي مسيكين منحوووس من راح هالزفت المخطط الاتي وهو مدحدر مستواه

لكن مانقول الا الله يصلح الحال بس

وين الفكر الاحترافي اللي تقولون ودوري المحترفين اللي صجيتونا فيه

نيابة عن صديقي وحبيبي ناصر :h .. وش دخل الاحتراف بالموضوع؟ ماشفت من كلام ناصر الا رأي كرأي اغلب جمهور الهلال ان اللاعب طلع وخلاص مانبيه يرجع ياخي كيفنا نادينا كبير ماهو شيء سهل تطلع منه وتدخل .. ماشفته قايل تصرف الدوخي غير احترافي .. مو معناته لما يبيع جمهور الهلال تصرفه ماهو احترافي .. تصرف يحز بالخاطر بعد ماتدرج بالفئات السنية ودعمه الجمهور لين وصل المنتخب يروح للنادي المنافس للهلال عالبطولات ..

الاحتراف من معانيه انك تتمرن مرتين باليومين وتسمع كلام المدربن وتنضبط لو انك مو ضمن اهتمامات المدرب .. ويكون معك وكيل اعمال .. الهلال مايخالف الاحتراف والاحترافية وأصلا النادي النموذجي الوحيد من ناحية الاحتراف بالسعودية بقيادة الدكتور عبدالله البرقان .. الهلال ماراح يخالف الاحتراف في حال ماقبل برجعة الدوخي وأيضا ماراح يعارضها لو رجع الدوخي للهلال .. موضوع الدوخي ماله اي علاقة بالاحتراف كليا .. كل الموضوع مشاعر الجمهور بعد ماطلع الدوخي من النادي ..

وترا الاحتراف مو معناه تلعب مع 574594350 نادي .. شف توتي من أفضل لاعبي العالم وكل انتقاله بالاندية من ناشئي روما للشباب للفريق الاول ولا أعتقد ان توتي يعتبر لاعب غير محترف او روما نادي غير محترف :)

مايكل اوين بعد ماطلع من برا انجلترا حلو؟ راح لريال كان فيه فكرة من الليفر بترجيعه مرة ثانية للفريق .. كثير من الجمهور كانوا ومازالوا يحبونه بس يقولون ماله مكان بالنادي خلاص طلع يتحمل نتيجة قراره .. وبرضو فاولر طلع ورجع للفريق .. هل معناها ليفربول ماهو محترف؟ اطلاقا

ونسيت اقول ان الاحتراف برضو يشمل تسديد المستحقات المالية ولا تسرق الضعوف وتستغل مركزك الاجتماعي هالشيء لو تعدل عندنا فيه اندية كثير بتتغير احوالها لان دعوة المظلوم مستجابة :)

فلحون خذ وردة وهدّ اعصابك ترا الدوري مخيس لاتكبرونه باحتراف ومحترفين كلنا نعرف انه قلة حياء وراح يظل قلة حياء لين يتغيرون الرؤوس اللي فوق والبطانة الفاسدة ونشوف خبراء بالكورة يمسكون مناصب :fl

مدري احس ان الاتحاد كرفوووه

وبعد ماانتهت طاقته يبي يرجع

اذا الاتحاد مستغنيين عنه
وكوزمين يبيه

احنا مانقدر نقوول لا
مع اني احس انه اذا رجع بيصير زي اللي ماله وجه

يعني مستقصر

الله يكتب اللي فيه الخير