البدايه

في زمن التقدم والتطور الصناعي وبالأخص في عام 2200 عاد في زمن التطور كل الدول تطوروا والسعوديه للحين تحاول تصنع سكوتر ! العالم وصلو للقمر من طول هالعمارات وهم للحين فرحانين بالشيراتون ! واحد من كبارية الدوله سمع عن ياباني حررررفه وتوسط له انه يدخل الدوله عشان يخترع آله تميّز السعوديه عن باقي الدول وتعبّر عن بزوغ فجر جديد وانبثاق تطور عظيم للعرب ! وكعادة السعوديين ما يسألون عن شيء . ما غير يمشون على قاعدة " جربوه وان ما نفعنا رجعوه " ويوم وصل الياباني للدوله استقبلوه بعض كبارية الدوله ورحّبوا به ورشوا طريقه بالورد وتحت رجله سجاد أحمر وهو ما غير فاهي ولسان حاله يقول (( " ان اكنت هذي بدايتها . اقسم بالله لاخليكم تعبدوني بعد سنه " )) تكفل بمسكنه ومشربه واحد من رجال الاعمال وسكنه بأحسن الفنادق مع ان الياباني رفض بالبدايه يقول مهوب بمستواه هالفندق مع انه كان الشيراتون وتوهقوا السعوديين لانه أحسن مكان عندهم ! لكن دزوه بدراهم الين وافق !


بعد عدة أسابيع هيّئوا له المكان وجهزوا له المكان الملائم للاختراعات وفهموه انهم يبون اختراع يهز العالم هز ويبون اختراع يخلي كل الدول تتلزق بالسعوديه بس عشان يعطونهم نسخه من هالاختراع ! .. الياباني كان يستغرب اللي يصير ووش هالتحمّس اللي في هالشعب ! لكن يوم ودوه للنعيريه وشاف حال الناس والتخلف اللي صاير ما استغرب جيّته لهم . حتى انه قامت تقوطر عيونه لانه حس ان حتى نيجيريا بدت تستغل هالاراضي الفاضيه وتسويها ملاعب كرة قدم . وهالسعوديه للحين على الخيام وواحد من بعيد معه شلّة غنم ويضرّب فيهم بعنف مسوي يتيملح للبنت اللي بالخيمه !!!


وبعد شهرين قام يفكر الياباني ويفكر ويفكر وما لقى حل لتطور السعوديه الا انه يحولهم من أوادم الى حيوانات ويخب بعد ! وقام يسوي على هالاختراع وقعد اكثر من ستت شهور موااااصل لا نوم ولا اكل وبعد ما خلّص منه كلم أحد من رجال الدوله اللي تنسمع كلمته وطلب موافقته على تجريب هالاختراع ووافقوا بدون ما يعرفون وش فايدة هالاقتراع ! جاء طلب منهم يركبونه هولوكابتر ويرمي هالجهاز وسط عاصمة الرياض ! عاد هم ما صدقوا على الله يجيهم من يخترع لهم شيء فوافقوا بدووون تردد !! واول ما انرمى الجهاز على العاصمه !! تبدا الكارثه !! ومن هذا المنطلق تبدا قصة عصير وحياته ما بعد التحوّل !



الشخصيات

عصير : واحد قوي بالحيييل . يختلفون عليه عيال الحاره بالهوشات يفزع لمين ؟ صار يتعقد من الطلعه خوف يجيه واحد يحب رجله ويطلبه الفزعه ! هو أول من كسر قزاز بالحاره وأول من من كسر لمبة بكوره .. عنده قاعده بحياته دايم يرددّها : (( الثالثه ثابته )) .. ما يحب ينتظر أحد لو وشو .. صار له موقف يوم ابوه يطيح عليهم بالبيت . قالت له الوالده انتظر برا وجايينك بس نلبّس ابوك نعلته .. انتظرهم 10 ثواني ما جاء احد . مشى مطعم خذ له شاورما ورجع .. !!!!! لكن بعد التحوّل .. تغيرت حياته .. وكل شيء بتعرفونه بالقصه

القصه

بعد ما انرمى الجهاز بوسط الرياض . بعد اربع ساعات من الرميه صحى عصير من نومه وهو فاق خشته اللي يشوفه يقول كنه بدوي يناظر الهوت بيرد وموب مصدق فيه ناس تسوي كذا ! وزادت انفقاقة خشته بعد ما شاف انه نايم بوسط أشجار واللي حوله كلهم ذيابه ! استغرب وقام يبي يتذكر أخر مره كان فيها بالبيت قام يحاول يتذكر ويتذكر لكن ما سمع الا صوت مخه قاعد يكح من الغبره ! من هاللحظه عرف انه فاقد الذاكره . بعدها تذكر ان ربه يستجيب دعوة المغلوب وقام رفع يده بيدعي الا يشوف يده مشعره استغرب وانصدم و قال انا بالغ لي 10 سنوات وما اتذكر الا شنبي بدا يشعّر وش جاب هالشعر ؟ (( الله من الهطافه ما تذكر الا هالشيء ! )) .. بدا يتحسس يده باصابعه الا يشوف ان الشعر معشّب بقوووه يعني يوم اصابعه لمست ذيك اليد بدت تغطس داخل حتى انه صاد بطريقه ثلاث خنافس وحده منهم ميته من الكتمه ! و هالغبي للحين ما لاحظ بنفسه شيء لان الليل كان مظللللم وهو خآآآل فما يدري عن وضعه شيء !



رفع راسه فوق شاف فيه قمر و للحين مستغرب وش هالشعر اللي بيده قام بيروح منطقه فاضيه عشان القمر ينوّر عليه ويناظر وش وضعه الحين ! وهو قاعد يمشي صقع ذيب وهو بطريقه . قمط وقامت تقوطر عيونه من الخوف . فز الذيب من مكانه واستغرب من عصير هالخوف ! قال لعصير . وش السالفه يالاخو عسى ما شر ؟ . قاله عصير انت ذيب ليه تتكلم عربي ؟ (( مع هالبرائه والله اخوي صف ثالث ابتدائي ارجل منه ! )) قاله الذيب . والله هذي خلقة ربك . قاله عصير طيب ليه ما أكلتني للحين ؟ . قال له الذيب والله لانك ذيب مثلي ليه آكلك ؟ . قام يضحك عصير وجاه شوي من الغرور وقاله تسلم والله ! (( يحسبها مدحه الغبي ! )) . قاله الذيب . وش فيك متحمس ؟ . كلنا ذيابه هنا وش الجديد ؟ .. قاله عصير يعني وش تقصد.. انا ذيب حقيقي ؟ .. قاله الذيب . يعني مع هالشعر وهالخشه ما تدري انك ذيب للحين ؟ . بدا عصير يفهّي ومن كثر ماهو فهّى بؤبؤ عيونه بدا يرقل بعنف حتى الذيب بعّد عنه شوي لانه حسب ان عصير جاته حالة " الفحوله " ويمكن يفضي هالفحوله فيه !



بعدها بشوي هجد عصير ورجع لحالته الطبيعيه و قام يلتفت ما لقى الذيب . بعد ما صوّت له شاف انه متوزّي ورا الشجره وقامط منه ! قاله عصير وش فيك عسى ما شر ؟ قاله الذيب ابد والله بس تعرف حركات الحلوين ! :d .. قاله عصير الله من زينك .. وين مكان القمر بس ابي اناظر حالي ! قاله الذيب امش قدام عند آخر شجره وقف عند التقاطع بعدها لف يسار ! شلون يعني وين مكان القمر .. رح منطقه فاضيه وتشوف القمر هذا سؤال بالله ؟ عصير استغرب من انفعال هالذيب وتمنى انه قال له " يا حلو " عشان يقمط زياده بذيك اللحظه ! لكنه خذ كلام الذيب بحسن تصرّف ونيه وقال له . انا ماشي توصي شيء ؟ . قاله الذيب ابد لكن انتبه من الضباع والوحوش . قاله عصير . شايفني حلو مثلك ؟ لا توصي حريص (( يقطع ابو التفكير المنحرف . خذها من جانب واحد علطووول )) .. مشى منه وكملت طريقه يدور له ارض فاضيه الين ما وصل عند شجره ويشوف فيها ذيل يدودل بلحاله ! استغرب وقال خن اشوف وش السالفه واول ما وصل شاف سنجاب عالق بوسط شجره ونص جسمه داخل والنص الثاني طالع برا ! وبتصرف نبيل من عصير راح يطقطق على ذيله ويقوله وش بلاك ؟ الاخو طوّل وما رد . قام عصير وشد ذيله والاخو ماسك خط وما يرد وجسمه يتحرك بعنف ! ما عجب عصير الوضع وجاب قطعة خشبه وقام يهبّد ذيل السنجاب يبي يدخّل جسمه كامل بالفتحه ينقال له بسوي عمل خير . وهو قاعد يهبّد طلع السنجاب من الفتحه .. وتفل على عصير وقال وش هالتخريب ؟ بعدها رجع للفتحه ودخّل جسمه كامل عشان يفتك ! استغرب عصير وبدا يفهّي وقال خلني اطل بالفتحه يمكن فيه شي منا ولا منا كان شاغله ! واول ما قرب من الشجره ورفع راسه ويطل من الفتحه الا يشوف السنجاب قاعد يشفشف سنجابه ويتبادلون الغرام !



الغبي عصير قعد تقريبا 3 دقايق داخل جو معهم وبعد لحظه حس السنجاب ان عصير قاعد يناظرهم واختبص وقام يصايح " محارم محارم " والسنجابه اختبصت وقامت تقول " والله هو اللي استدرجني . هو السبب . هو السبب " .. قعد عصير يناظرهم تقريبا 5 دقايق وهم قاعدين يتحقرصون بمحلهم من القمطه .. بعدها فقع ضحك قدامهم ونزل وكمل طريقه وهو رافع يده يقول " يالله لا تبلانا بس " ! بعدها مشى حدود النص ساعه قطعه لا حيوانات جنبه ولا شيء . بدا يستاحش المكان وأول مره يشك بنفسه ويحس انه حلو و فيه حيوانات مدبرين له مكيده ! لكنه قرا أذكار المسا والصباح وتعوذ من ابليس وكمل طريقه .. ! (( هذا وهو الذيب ! ))



وهو قاعد يمشي بهالليل وقف عند مضاربة ضبّان عند شجره ! استغرب الموقف وقال بنفسه " يؤ يؤ أقزام ! " وقرب من جنبهم وفرش سيقانه عالارض وحط يده على خده واليد الثانيه ياكل فيها عشب ويناظرهم وهو كاتم الضحكه . وهالضبآن ما زالوا متحمسين وكل واحد مجتهد ويضارب الثاني الين ما مصخها واحد منهم واستخدم اسلوب الورعان وجاب قطعة خشبه وغرزها بذيل الضب الثاني ! جاء عصير ينقال له عايش الموقف وقعد ينافخ على ذاك الضب ويقول له . وش هالغدره ما يجوز عليك ! التفت عليه الضب وتفل عليه وقال . وانت وش دخل أهلك ؟ . عصير ما عجبه الوضع قام من محله مسك الضبين وبلعهم وكمل طريقه ! بعد 5 دقايق بدا يحس ان بطنه يضووورب بلحاله وفيه كدمات من داخل ! جاء على باله علطووول انه حامل والجنين زهق من القعده . لكن تدارك وضعه وعرف انه شنننننب بعد ما تحسس بيده وشاف اثبات الرجوله موجود ! :d ..



تزايدت الكدمات وصار بطنه فيه علامات عض وتكرفس ! استغرب وتذكرررر بسررررعه انه ما أكل الضبان وبلعهم مره وحده ويمكن انهم كملوا مضاربه داخله ! ما عرف وش يسوي لكن شاف قطعة خشبه مرميه قام مسكها وفتح حلقه ودخلها وقام يلعب فيها الين ما طق البلعوم وبلحظه خااطفه وسرييييييعه طلعوا الضبان من بطنه بعد ما طرّشهم ! جاء الضب الاول قام يتحلطم ويقول .. يعععع طعمه مالح .. والثاني يقول .. ايه والله يا شين ريييييق الذيابه .. ومشوا وتصالحو مع بعض وصاروا اخوياء !! عصير ماستوعب الموقف وقعد بمحله حول النص ساعه يبي يستوعب شلون تصالحو بثواني ! لكن قطع تفكيره صوت سكتون هوائي جاي من بعيد خلاه يشخ في محله من القمطه ! توزّى ورا شجره وقمام يراقب من بعيد ان كان احد مستهدفه منا ولا منا .. قعد حدود الربع ساعه وهو يا يشخ من الخوف او يدعي ربه ! يوم عدت الربع ساعه ما صار له شيء وما سمع صوت طلقة رصاص بعد ذيك الطلقه . عرف ان ما عنده سالفه وكمل طريقه الا بذيب يشوفه من بعيد طايح عالارض و ذيله يتحرك بعنف . طرى بباله سالفة السنجاب . لكن تذكر ان الذيابه أجاويد وما يجي منهم هالحركات :d . قرب جنبه الا يلاقي جسمه يسيل منه دم عالارض . استغرب وقام يسأله ويستفسر وش اللي صار ؟ لكنه ما نطق الا بكملتين " لا للتدخين " ! وماآت بعدها !



مع ان الذيابه ما يجي منهم حركات السناجب :d الا انهم راعين سكرات و ذاك شكله ما انفكت سكرته حتى عند موته وعلى هالأساس مشى عصير وكمل طريقه وهو يردد " سكران ما عليه شرهه " ! ويوم وصل عند آخر المنطقه اللي هو فيها لقى أرض فااااااضيه لكن أول ما وصل لها الا الشمس طالعه وماستفاد من مشواره الا هالتعب اللي ما يجمّل ! واول ما طلع نور الشمس تحقق اللي هو يبيه من الليل . وشاف نفسه وانصدم انه صدق ذيييييب وانه يمشي على اربع رجول وان لون جلده بنّي غامق ! (( توه يدري ان عنده اربع رجول ! فاهم سالفة النور خطأ شكله ! )) ويوم عرف نفسه واقتنع بما قدّره الله . قام يدور عن قريه صغيره يعيش فيها وتستمر حياته



مشى عصير بهالغابات وهو ما يدري الحين وش بسوي . هل يشتغل او يكمل ترحاله من مكان لمكان !! وهو قاعد يتمشى الا يلقى بطططه صغيييره بوسط الغابه وهو اللي يبدا يرضخ لهالبطه وبدا يخق نوعا ما ! ومن حسن الحظ ان هالعصير مانعرف له للحين يا يآكل عشب يا يآكل لحم يعني يمشي مع الكل :d ! واول ما قرب من هالبطه . ولا تحمر خدودها وتنحااااش ! ويلاحقها بكل شفاحه ما يندرى وش يبي منها ! واول ما وصلت البطه لبيتها وقف عصير فجأه وبدا يركد ! البطه كان عاجبها الوضع حتى قالت لعصير . وش فيك وقفت ؟ :d . وعصير للحين فاق خشته ويناظر ! وذيك تكلمه وهو ما يعطيها وجه وما زال فااااق .. بعد ثوااااني الا بكعب طاير يصقع فيه من بعيييييييييد .. توضّح بعدين ان هالثوووور قاعد يناظر وحده من خواتها البطات وهي قاعد تلبس مريول المدرسه ! . والكعب جاه من أبوها الشجاع اللي ما يرضى على بناته !



أغمى على عصير تقريبا اكثر من ساعتين . تحاملوه ربع البيت وودوه داخل . مع ان الوالد عيّى يدخله داخل البيت بعد ما شافه وهو يناظر بنته تلبس مريولها ! :d لكن حن على شكل عصير وهو نايم وقال شكله على نياته وخلّاه عندهم ! بعدها بكم ساعه صحى عصير بعد ما كان نايم على سرير ! استغرب من الوضع وفز من محله الا فجأه يهجد بعد ما شاف اربع بطات كل وحده تقول الزين عندي . مجتعين حوله ويقولون " الحمد لله عالسلامه " من زود الحياء غطّى نفسه حدود النص ساعه ! بعدها شال اللحاف ولقى بطه وحده تحتريه يقوم ! مااستوعب وقام يسألها ليه انتي للحين هنا ؟ قالت له والله احتريك تقوم عشان اتطمن. قال لها ما تخافين آكلك تراي ذيب . قالت له يهون عليك تاكلني وانا حبيتك من اول نظره ؟ . عصير تبهدل بمحله واختبص ومن زود ماهو اختبص ما قدر يسوي بذاك الموقف الا انه يشخ عالارض ! ويوم شخ عالارض جات هي بكل خفه جابت فووطه ونظفت الارض وغمزت له وراحت المطبخ تركض !!! .. عصير ما صدق الوضع و قال بنفسه لو اني متفل عالارض كان عبدتني الحين ?!! ورجع للفراش وللحين مستغرب وش السالفه ؟ ما انتظر يدري وقام من محله وقام يتمشى في البيت . الا بكعب ثاني من بعيييييييييد يجيه ويطيح عليهم للمره الثانيه . لكن هالمره محد درى عنه الا راعي الكعب !



قام عصير بعد ربع ساعه ويلاقي قدامه الأبو يحتريه يصحى . مسكه الأبو وقال وش فيك تتمشى بالبيت لا يكون أحد قالك اني رخو وعادي عندي ؟ عصير كاتم الضحكه لانه لو عصب بياكله هو وعياله لكنه لا زال ساكت ويحتري الشايب يخلص عشان يروح يرقد بعد هالضربه ! مرت 5 دقايق .. 10 دقايق .. 15 دقيقه .. الابو لازال يردد من هالكلمات " بناتي . ما ارضى . ترضى على خواتك " عصير مسك اعصابه شوي الين مالابو ثارت اعصابه وقال " الله يلعنك يالقطو " عصير قام يتحسس نفسه للمره الثانيه وشاف اثبات الرجوله موجود . وين القطو بالله ؟ (( يسمع بالقطو هالعصير ! )) . عصب عصير وقال للأبو تقول اني قطو وهذني شنب واقف قدامك ؟ . الابو بدا يرجع كم خطوه لورا وجاته حالة القمطه المطلقه وقام يركع لعصير و يقول . " زوجتك بناتي كلهم . زوجتك بناتي كلهم .. لا تاكلني تكفى " .. عصير فاق خشته وموب مصدق وش هالتغير اللي صار!! لكنه ما اهتم وكمل مشوار الشآيب وقال له . ايه موافق اتزوجهم كلهم لكن نسكن عندك .. موافق ؟ . قال الأبو ايه موافق لكن لا تاكلني ! قاله عصير . من متى وانا آكل حيوانات يالثور ؟ . قاله الشايب خلاص هوّنت منيب مزوجك اياهم. جاه عصير بكل هدوء وبلعه . وتزوج البنات بعد موافقة امهم !



بعد مرور 10 أيام من زواجه بهم . تفاجئ بعملية انقلاب عليه . يوم انه شاف نفسه منبطح جنب شجره و بطنه امتلى حجر ومخيّط !! وبعد عدة ايام وصل للبيت اللي موجودين فيه البط وشاف انهم على نفس حطّتهم وما تغيروا والأبو موجود وقاعد يقرا جرايد ! عصّب الذيب وقال يا انا ياهم . وراح يبي ياكلهم واحد واحد وأول ما قرّب من البيت حس بوجوده الأبو و يجيه كعب طآير من بعييييييييد . ونام عصير نومة أهل الكهف بعد ما نطلوووه بهالشمس وما حد عطآه وجه !



بعد مررررروووووورررر 10 سنوااات .. انتهى مفعول الاختراع ورجع كل شيء مثل ما كان ورجع عصير لحياته المعتاده وهياطه بالحاره .. . وما زالت الدول في تطوّر واحنا مع هالسكوتر اللي موب راضي نخلصه :d

ا.هـ

عصير انا احبك واقدرك وادري انك منسم ..
بس هل يعقل أني اقرا كل هذا؟! :( .. قسم بالله انتحر ..
اذكر آخر موضوع قريته طويل كان قصة الثلاث ثيران الي قلبوا على بعض ..
وطبعاً كل القراءة تئتئه :( .. لذلك صعب اقرا موضوعك واخربه بتئتئتي ههههههههه ..
بس صدقني ما رديت إلا أني عارف انك منسم ومهبول

<- أنا ما ادري ردي وش فايدته هل هو دعم لك؟! ..
ولا وش وضعي مالت علي وعلى وجهي :(

عصير انا احبك واقدرك وادري انك منسم ..
بس هل يعقل أني اقرا كل هذا؟! :( .. قسم بالله انتحر ..
اذكر آخر موضوع قريته طويل كان قصة الثلاث ثيران الي قلبوا على بعض ..
وطبعاً كل القراءة تئتئه :( .. لذلك صعب اقرا موضوعك واخربه بتئتئتي ههههههههه ..
بس صدقني ما رديت إلا أني عارف انك منسم ومهبول

<- أنا ما ادري ردي وش فايدته هل هو دعم لك؟! ..
ولا وش وضعي مالت علي وعلى وجهي :(

هههههههههههههه يا لبى قلبك يا شيييخ .. والله يكفي طلتك هنا d12
تصدق عاد اطول موضوع اكتبه بحياتي . مع اني متعمد أمغط بالقصه عشان تجي متسلسله صح .. لكن يمكن طولتها شوي .. وانا اللي اعتذر بالعكس d12

يا حبي لك d12 :d

هههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ه
عصير زفتd12راجع لك يالذيب الامعط :24لو مايجي من هالموضوع غير حقدك على الشيرتون:h:(
بعدين وش هالخيال الكرتوني اللعن ابلييسسك مااسك اللآبتوب انت وقاعد تتابع ملك الغاااابه؟.والا مشارك بشات سبي ستون :24


لي باك لي باااااك بعد مأ اخلص قرايه نهايه الموضوع d12

هههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ه
عصير زفتd12راجع لك يالذيب الامعط :24لو مايجي من هالموضوع غير حقدك على الشيرتون:h:(
بعدين وش هالخيال الكرتوني اللعن ابلييسسك مااسك اللآبتوب انت وقاعد تتابع ملك الغاااابه؟.والا مشارك بشات سبي ستون :24


لي باك لي باااااك بعد مأ اخلص قرايه نهايه الموضوع d12

ههههههههههه هلا والله بجدوووع .. ياخي لازم ننوّع .. زهقنا من هالكتابات الواقعيه :d
انتظر رجعتك اكيييييد .

اررحب يالذيب ;)

ياخي على طول ذا الموضوع الا انه متسلسل ويشدك انك تقراه كله ولا تمل منه ابد

صدقني لو اقتبس الموضوع كله وارد عليك ، ماشوف اني اوفي الموضوع حقه انت مبدع d12






بعدها بشوي هجد عصير ورجع لحالته الطبيعيه و قام يلتفت ما لقى الذيب . بعد ما صوّت له شاف انه متوزّي ورا الشجره وقامط منه ! قاله عصير وش فيك عسى ما شر ؟ قاله الذيب ابد والله بس تعرف حركات الحلوين !

العن ام المخ الفااصل هههههههههههههههههههههههههههههههههههههههههه
شكل الذيب ذا كان هطف قبل الاختراع كل من جاء طلعه :24 هم الي بيستانسون على ذا الاختراع
صارو من بعده ذياابـه :24 والا انت واشكاالك مغير تتفحص تشوف انت رجال ولا لا :24





عصير بيك :h:fl

ا.هـ

كلّمة المخرج الكبير عصير بعد ماتناقلت الصحف الإعلامية خبر حجب المسلسل الكرتوني اللذي عرض في سبيس تون وحجبته الحكومة السعودية في القناة الأولى لما فيه من القاصد السياسية المختبئة حول هذا الفلم الكرتوني المحنّك ولما فيه من كشف دلاخة بعض المسؤولين حتى أطفال غزة تناقلت هذا الفلم بأشرطة فديو لمتابعته والضحك على الشعب السعودي ..! :24 حتى أطفال غزة قامت تحارب بالحجاره لله درّهم وحنّا نفحط على صنع قلم " روكو " وبرّاية . حتّى السفير الياباني نزّل موضوع في منتدى ( تعلّم الكونغ فو خطوة بخطوة ) ونسخ موضوعك وكتب اسم الموضوع " خويّنا راح وشبّ فيهم ههههههههه دعوة وشات للذب على الشعب السعودي على شرف شيكفوغا المشرف العام " :24
ايييييه ياعصير الناس تصنع طائرات وصواريخ .. والشرق الأوسط ضاع نفطه بلاشي وتحت رحمة القراصنة الوحشيين ههههههههههههههههه :24 ، والمشكلة لو تنفس ولا تخترع لك شيء مسكوك وحطّوك في ابو زعبل ههههههههههههه ذكّرتني بواحد كان مخيّم في البر في إحدى مناطق الجزيرة العربية وبما أن الجو خاااااااالع وخاش جو مع مزّه زقاره " مرت " التفت على صديقه وقال اسكب لي قليلاً من الشمبانيا اللذيذ لعنه الله .. الرجال شرب ولا ماشرب .. من بعدها دق سلف لموتره الددسن ورقى طعس ونزل فرش فرشته وقام يخطط ويفكّر بعمق يبي هالددسن يطير بقدرة قادر وبقوة مفعول السسسكّرة نشّب له مراوح كطائرات الأباتشي فوق تنده الددسن .. بعدها راسل العيال اللي مخيّمين معه بالكنود وقالهم اذكروا والله ووصيّتي تحت بيته ادفنووني ، مالك بالطويله ههههههههه الرجال دق ريوس وشد عزم ونتف الطعس وشغل المراوح هو إلى الآن سكران مايدري عن جوه هو طاير في السما قبل مايطير به الددسن :24 بس اخوياه صوروه وتم الهبوط فوق عمود الخيمة وانتشر المقطع وجابوا علمه وإلى يومك في ابو زعبل ( فك الله اسره ) ! تعال ياحلوو نعيش اجواء السحاب البعيد ومع هالاقتباسات ..
استغرب عصير وبدا يفهّي وقال خلني اطل بالفتحه يمكن فيه شي منا ولا منا كان شاغله !

هههههههههههههههههههههههههههههههههههههههههههههههه ياعصير يرحم امك وش فيك انت ملقوف .. حشره الغابة انت ياخي هههههههههههههههههه :24 صدق حسّيت بجو السنجاب وانت جالس تطل عليه ياخي انقلللللللللللللع :24

بعد ثوااااني الا بكعب طاير يصقع فيه من بعيييييييييد

ههههههههههههههههههههههههه ياخوي عصير بارك الله فيك هذي سووا فيها اللي تبي ياخي من يوم قلت ذبّت عليك الكعب وانا حاس انها من اللي تتكي في البارات ورقص وطهبلة ايام خميس :24 روّح وماجاك علي !

وما زالت الدول في تطوّر واحنا مع هالسكوتر اللي موب راضي نخلصه

يابن الحلال حتى السكوتر مورّد من الصين .. أفلحوا الناس والطيور طارت بأرزاقها وحنا فالحين نقطع ونصدر عرق .. لا واشتغلت ارامكوا من تالي تصدر سونير هههههههههههههه .

عصير .. موضوع مترابط ويشدّك ماتبدى فيه إلا وانت قاري وتوسع الفكر الخرافي لدى الاطفال اللي ماعاشوا الطفولة البريئة اللي مثلي وتوسع الصدر الحزين :h.. رح ياشيخ عيّشتني وسط غابات وزوارق ههههههههههههه ماتمسّها النار هاليدين اللي كتبت لنا هالموضوع :fl ياخوي لاتقاطع جلّسة العيال وسيّر واطربنا يابطططل .. واعذرني على هالرد اللي مدري وش يبي والقصور يابعدهممم <- كيف اللون :0:

على حسن سلوكه

م الي بيستانسون على ذا الاختراع
صارو من بعده ذياابـه والا انت واشكاالك مغير تتفحص تشوف انت رجال ولا لا

هههههههههههههههههههههههههههههههههههههههه لا تغلط على عصير بالتيييس مثل ما قلت فوق كان قوي بالحييييل :d لكن من تحوّل وصار ذيب . بدو يشككونه برجولته يا حيف بس :d .. اما ذاك اللي شك بعمره قبل التحول كان من طقة عيال المدارس الاهليه الخكر :d . لا تشره :d ..

.. اسعدني مرورك يالذيب ..

..

رآجع

السلام عليكم ياعصير بيك ولايهونون الحاظرين .. موضوع امتلك قمة التنسيم والحيـِوكه في الأسلوب .. صراحه أثرت موضوع في داخلي وعلى طاري الإختراع لايغرك إن السعوديين أكثر ماسمعو بالإختراع أنهم خابرين لهم واحد سعودي سوا اختراع إللي هو يستاجر مكوك فضائي ويدزها لسطح القمر ;) !! ( إللي يدلك إنهم مايعرفون وش معناة إختراع ) :24 .. لاكن لفت أنتباهي من شعبنا الحبيب إنهم في وقت الحاجه يخترعون ولاكذب من قال " الحاجه ام الإختراع " في أحد سجون المملكه العربيه السعوديه وفي احد عنابرها طال عمرك فيه شباب مكافح ولايضيع وقت محكوميته في لعب الكينكان أو في لعب البلوت أو في شتى انواع اللعب .. إللي يدريك طال عمرك أنهم يطبخون الشاهي في وسط قارورة موية صحه ويستخدمون سلك كهرب عشان يطبخون الشاهي عليه :d !! تشوف كيف حتى وهم في سجن ولاتتوفر عندهم أي شي من الأدوات حتى سكروب ماعندهم ومسبعين عمارهم .. وفيه طال عمرك بعد أشياء كثيرة يخترعونها شبابنا السعوديين بس الخوف من الشمس لايغيبونها عليهم !! :24


حتى انه صاد بطريقه ثلاث خنافس وحده منهم ميته من الكتمه ! و هالغبي للحين ما لاحظ بنفسه شيء لان الليل كان مظللللم وهو خآآآل فما يدري عن وضعه شيء !

ههههههههههههههههههههههههههههههههه

قاله عصير انت ذيب ليه تتكلم عربي ؟

أيه خبرك الذيابه أنقليز !! :24

وبعد لحظه حس السنجاب ان عصير قاعد يناظرهم واختبص وقام يصايح " محارم محارم " والسنجابه اختبصت وقامت تقول " والله هو اللي استدرجني . هو السبب . هو السبب "

حتى الحيوانات عندها نفس التصريفه :24

وما زالت الدول في تطوّر واحنا مع هالسكوتر اللي موب راضي نخلصه

أقرب مثال عن التطور والتقدم الإنترنت منتشر في العالم له 15 أو 20 سنه وحنا توه يجينا قبل 8 أو 9 سنوات .. :d



لاهنت يبو بيك :fl