شـدّاد !
11-10-2008, 08:29 PM
السسسسسسسلام عليكم ورحمه الله وبركاته
فيه مثل يقول دقق في الحساب طوّل العشرة ( مثل على ذمّة قايد ) لأن لي سنتين تقريباً وانا معامل لي بنشر وراعيه حبيب ودايم اجيه طفران والرجّال مايقصر ويسجل الحساب وبعدين متى ماسهّل الله دفعت له يعني لدرجه انه يسلّفني اركب عنده كفرات جديدة واقوله بعد اسبوع اعطيك الحساب يقول عادي .. الين جت فترة سحبّت عليه وقدر الله علي طلعت من البيت والقى كفر من الكفرات منبشر شغّلت السيارة وربطت حزام الأمان وعزمت المسير إلى ( قايد ) صاحب البنشر اللي وقف معي وقفات لن انساها وقلت له صلح هذا يابعد قلبي قال أنا اعرفك من سنين لكن انت سحبّت علي سحبة اليمه وخلاص ماصرت اضمنّك وما أقدر اصلح هالكفر الى الين تدفع ..قلت له يابن الأجواد ماكنّا حبايب .. قال دقق في الحساب طوّل العشرة ! المهم دبّرناها وتسهّلت الأمور، لذلك من باب أولى أول من يطبّق هالمثل أنا ومن هالمنبر أقول لكم وبكل وقاحة ماعنّدي مقدمة .. لإن هالموضوع صقع راسي من أمس ويفرفر في خلايا مخي العزيزة على قلبي ..فـ صك على عقلك رقعه كفر تريله و البس لك تيوبلس وتعال نبحرمعاً
ترعرت في حارتنا الهادئة والمتواضعة .. وعشت بين طرقها وتعرّفت على سكّانها ومن وطئها ومن يدور حولها لمصالحه الداخلية والخارجية .. كانت علاقاتي في هالحارة متشعبة واعرف كل صنف فيها وكانت هالحارة تحتضن الدشير والمطاوعة حتى الملاحيس لهم مكان ..المهم كانت ايام لاتنسى ..! لأني لو بتكلم عن حارتنا وعن المواقف اللي مرّت بي يبيلها مجلد كامل
من هالعلاقات اللي كوّنتها واتشرف بها صديقي " البرج " هذا مسمّاه الشّعبي في الحارة والمحبّب لديه..فهو ممتليء قليلاً وكان من مسمّاه نصيب فـ كان طويل القامة لدرجة انه يمشي وهويكسر مواصير لمبات الشارع فتتمعن قليلاً في رأسه فتجد شتى أنواع الفلقات .. وكانت هناك مدرسة بنات في الحارة الآخرى عملت له كمين بإدارة مديرة المدرسة والحارس بـ مساعدة الهيئة لمداهمة البرج وهو يغير جو ويتمشى في هذه الحارة اللتي توجد بها هذه المدرسة .. لأنه يكسر حاجز هذا الجدار وينظر إلى الفتيات اللاتي يتسابقن ويمازحن الأخريات في الفسح إلى غير ذلك والله أعلم ..!
( النوع هذا يفصل ويشبك وماسكه لغة عربية على عامي فالعذر والسموحة )
كان البرج من أسرة دخلّها المادي أكثر من المتوسط بقليل .. عشّت انا وياه مرحلة الطفولة إلى ان وصل لأولى ثانوي لكن علاقتنا دائماً تمر بمرحلة انقطاع وفتور لإن والد صديقي يعاتب البرج ويقول وش لك بهالمنتف مالقيت في هالحارة إلا شدّاد ياولدي ماش ناس على مستواك .! ولكن البرج متعلق بي تعلق قوي فلم يلقي لكلام ابوه بال ونسف بكلامه عارض الحائط فـ أشهد انه كفو ونعمممم ..وكان حلمه الأول والأخير أنه يملك جهاز لاب توب ويبحر في عالم " الشبكة العنكبوتية " اللتي لم يكن يعرف إلا مسمّاها فقط ..
بعد ماخذ شهادة الكفاءة ودخل مرحلة الثانوية وبداية مرحلة المراهقة نشب لأبوه .. ابي لاب توب ، ابوه لم يرفض له طلب مدى حياته من خلال العيش والملح اللي بينه مستنتج هالشيء من زمان .. فقال له ابوه ابشر يالبرج بس توعدّني انك تقاطع شدّاد ولا أشوف رقعة وجهه عند الباب ! ، لم يلبث دقائق حتى وافق هذ الخائن ..!
اطلع للمسجد ..أمر البقاله .. أسيّر على تكيتنا اللي نتكّي فيها ماعاد له شوفه .. رغم انه خائن وناكر للعشرة لكن من يوم سمعت خبر انه شرى لاب توب وانا غاسلن يدي .. وللأسف اني مادريت انه شاري لاب توب الى من مبزران الحارة .. فكنت اتجول بموتري حبيب قلّبي واشوف البرج يركض وكأنه في مضمار الألومبيات وشايل معه بزران الحارة ويقولون بأعلى صوتهم البرج شرااا لاب توب .. وكل ماردّدوا البزران هذه الجملة تريّش البرج وزادت سرعته .. ضربت له بوري ومشيت ..!
انقطعت عنه سنه ونص تقريباً بحكم اني نقلت من الحارة .. وحنّ قلبي في احد الليالي ودقّيت عليه وقلت بقابلك مع اني متوقع انه ناسيني او عساه يذكر رقمي لكن رد علي و قال شدّاد جيت في وقتك تعال الله يرحم ابوك محتاااج اتكلم وافضفض لك.. الحقني ياشدّاد انا في وضع لايحسد عليه ولاتحمد عقباه وحالتي زفت ، سكّرت السماعة وضاق صدري من كلامه ووجهّت لبيتهم وركب معي وجلسنا ندور ابي اشوف وش سالفته ..!
اول ماركب معي رميت بأسهم وطلقات العتاب النارية .. لكن فاجأني بجسمه وعرضه .. الرجال نحل جسمه وضعف يعني لو تلمسه بيدك على طوله بيختل توازنه وبيتشقلب على ورا .. قلت له وش جاك مني ياهوى البال وش جاك ؟
قال شدّاد ماجاني منك الا الخيربسسس ركز معي وانا متوسم فيك خير وعارفك رجل المهمات الصعّبة وما أضن سالفة زي سالفتي ماتقّدر تحلّها .. بس أبغاك تنطم وتسكت وتنصت لي بكل هدوء ! .. قلت له تفضل ؟!
قال ياشدّاد انت عارف اني قبل سنة ونص أو سنتين شرى لي أبوي لاب توب والله يجزاه عني ألف خير وانت عارف بعد اني من النوع اللي أحب استمتع واقرى في الروايات اللي بـ الفصحى و اعشّاقها بكل جنون .. الحمدلله أفادني النت كثيييير في مسألة الرويات من خلال قرائتي لهالمدة القصيرة تطور عندي المعجم اللغوي حتى وصلت يوم من الأيام احس ان فيه رواية في بالي وبكتبها من البداية .. تطوّرت الأمور صرت افهم وعندي ثقافة في الرواية وعن قوانينها وأهدافها وفنونها .. يعني عرفت الكفّت كله بالعربي .. سجّلت في منتدى وتابعت فترة طويلة وقرأت روايات كثيرة أفادتني إفادة ماتتصورها بدأت بالردود حتى وصلت لمرحلةاسميها اكتفاء ذاتي واني وصلت لمرحلة اني اكتب رواية .. واطرحها في المنتدى وأشوف رأي الأعضاء فيها ..طرحتهاا بخجل وبتردد كبير واجهني وصدقّني لقيت اعجاب بشكل ماتتصور مع انه أول روايه اكتبها ...قريت ردود الأعضاء وحفزتني كثيراً عشان اكمل هالهواية أو الموهبة سمّها اللي تسمّيها .. بس النقطة المهمة هنا فيه عضوه في المنتدى كانت تعجّبني رواياتها وكانت مبّدعة بشكل ماتتصور وكانت تفوقني من ناحية لغتها ما أبالغ اذا سمّيت راسها معجم لغوي بلحاله .. بدأت ارد على رواياتها وترد على رواياتي ، تطور الأمر إلى مسألة الإعجاااب بها وبشخّصيتها .. حتى أنا ارى منها هالشيء كل مانزّلت رواية لي ردت برد اجلس سنه وأنا اقراه وأزلب باقي الشعّب .. ( هنا ) اتخذت قرار بـأني لازم ارسل لها رسالة خاصة وأبين لها اعجابي بها وبـما تكتب وكتبت كلام طويل بالفصحى وأبديت اعجابي بها وبالروايات اللي تتفنن وهي تكّتبها وفي آخر الرسالة ما أدري وش جاني واتخذت القرار اللي ترددت فيه كثيييير وبديت ارتجف وانا اكتبه وكتبت ايميلي .. ! بغيّت اكتب تحت الايميل مع تحيّات البرج ابو بدران من قوة اني ابي اكون صريح بس قلت بذكائك وحنّكتك أكتب اخووتس نواف ..
بعد يومين دخلت المنتدى ولقيّت لها رسالة خاصه دخلت وبدأت اقرى الرسالة وخشّيت جو ثاني معها بس بقولك زبدة هالرسالة .. البنت صارت معجبه بما اكتبه من رويات وتمدح في لغتي وفي اسلوبي .. تصدق سهرت الليل كله وانا اقرى هالرسسسسالة ! .. بعدها جتّني اضافه منها وطرّت من الفرحة توقعت انها هي ، في البداية شوية رسمّية وكلام عن الرويات وكنت استفيد منها كثير في هالمجال .. لكن ما ان تمّيت شهر انا وهالبنت حتى جاني شعور مايوصف .. كل ماتدخل ينقز قلبي معها .. كل ما تتأخر عن وقت دخولها يضيق صدري .. يسوّد وجهي ، لو ماتتدخل كم يوم .. تشوفني والله ان تقول لي احسن الله عزاك .. إلين جا اليوم وعرّفت اني احبها واحب اللي خلّفوها
عانيت من هالسالفة فترة .. بعدها حسيت من سواليف البنت متجاوبة معي وبين كل فترة ما أدخل تقول اشتقنا لك وو و ... حسيّت فيه شيء يساعدني اني اعترف لها بهالحب اللي عارمني ومدخلني في شعور وفي نفس الوقت عذّااااب ..بعد فترة اعتّرفت لها بهالحب في البداية ماتقبّلت الأمر ومع الوقت صارت البنت تتعلق فيني اكثر من ما أنا تعلّقت فيها .. تخيّل ياشدّاد وصلة لمرحلة اني اكلّمها بالجوال وهي تكّلمني ودايم أدق عليها وتدّق علي .. يجي يوم ما ادق عليها تزعل وانا نفس الشيء .. وانا والله ياشدّاد تعلّقت فيها تعليقة نعيمي في المسلخ وهي متعلقة فيني .. وإلى الآن ما أدري وش اسوي .. تقولي اتركّها ما أقدر والله ما أقدر ابعد عنها يوم واحد .. مااقدر
هنا وقّف كلام البرج .. وتسابقت دموعه وجلس يصيح وهو يقولي تكّفى دور لي حلللل... تكفى دور لي حل؟
هنا شدّاد بحكمته المعهودة لبّق في نص الشارع وسبب زحمه وراه ونزل من السيارة قادحاً وفتح الشنطة واخذ منها قارورة صحه وكيسان بلاستيك وقدح من هذا الشراب وملاء الكأس للبرج وشرِب شدّاد ماتبقى من القارورة ..!
هنا يجي دوركم يا ياحلّوين المقهى :fl..واللي بيتكلّم ويضيف ..لا أحد يتقيّد بالأسئلة المطّروحة .
* وش الحلول اللي تشوفها مناسبة لحل مشكلة البرج ؟
* هل الشروع في الحب من هذا النوع يأتي من المراهقين ..؟ أو من فئات عمرية مخّتلفة ؟
* وش سبب لجوء البرج لمثل هالبنت والهيام في بحرها ؟
*على من يقع اللوم .. على البرج ولا على البنت مع ذكر السبب ؟
* وش الأشياء اللي تحد من هالمشكلة قبل الوقوع فيها ؟
فيه مثل يقول دقق في الحساب طوّل العشرة ( مثل على ذمّة قايد ) لأن لي سنتين تقريباً وانا معامل لي بنشر وراعيه حبيب ودايم اجيه طفران والرجّال مايقصر ويسجل الحساب وبعدين متى ماسهّل الله دفعت له يعني لدرجه انه يسلّفني اركب عنده كفرات جديدة واقوله بعد اسبوع اعطيك الحساب يقول عادي .. الين جت فترة سحبّت عليه وقدر الله علي طلعت من البيت والقى كفر من الكفرات منبشر شغّلت السيارة وربطت حزام الأمان وعزمت المسير إلى ( قايد ) صاحب البنشر اللي وقف معي وقفات لن انساها وقلت له صلح هذا يابعد قلبي قال أنا اعرفك من سنين لكن انت سحبّت علي سحبة اليمه وخلاص ماصرت اضمنّك وما أقدر اصلح هالكفر الى الين تدفع ..قلت له يابن الأجواد ماكنّا حبايب .. قال دقق في الحساب طوّل العشرة ! المهم دبّرناها وتسهّلت الأمور، لذلك من باب أولى أول من يطبّق هالمثل أنا ومن هالمنبر أقول لكم وبكل وقاحة ماعنّدي مقدمة .. لإن هالموضوع صقع راسي من أمس ويفرفر في خلايا مخي العزيزة على قلبي ..فـ صك على عقلك رقعه كفر تريله و البس لك تيوبلس وتعال نبحرمعاً
ترعرت في حارتنا الهادئة والمتواضعة .. وعشت بين طرقها وتعرّفت على سكّانها ومن وطئها ومن يدور حولها لمصالحه الداخلية والخارجية .. كانت علاقاتي في هالحارة متشعبة واعرف كل صنف فيها وكانت هالحارة تحتضن الدشير والمطاوعة حتى الملاحيس لهم مكان ..المهم كانت ايام لاتنسى ..! لأني لو بتكلم عن حارتنا وعن المواقف اللي مرّت بي يبيلها مجلد كامل
من هالعلاقات اللي كوّنتها واتشرف بها صديقي " البرج " هذا مسمّاه الشّعبي في الحارة والمحبّب لديه..فهو ممتليء قليلاً وكان من مسمّاه نصيب فـ كان طويل القامة لدرجة انه يمشي وهويكسر مواصير لمبات الشارع فتتمعن قليلاً في رأسه فتجد شتى أنواع الفلقات .. وكانت هناك مدرسة بنات في الحارة الآخرى عملت له كمين بإدارة مديرة المدرسة والحارس بـ مساعدة الهيئة لمداهمة البرج وهو يغير جو ويتمشى في هذه الحارة اللتي توجد بها هذه المدرسة .. لأنه يكسر حاجز هذا الجدار وينظر إلى الفتيات اللاتي يتسابقن ويمازحن الأخريات في الفسح إلى غير ذلك والله أعلم ..!
( النوع هذا يفصل ويشبك وماسكه لغة عربية على عامي فالعذر والسموحة )
كان البرج من أسرة دخلّها المادي أكثر من المتوسط بقليل .. عشّت انا وياه مرحلة الطفولة إلى ان وصل لأولى ثانوي لكن علاقتنا دائماً تمر بمرحلة انقطاع وفتور لإن والد صديقي يعاتب البرج ويقول وش لك بهالمنتف مالقيت في هالحارة إلا شدّاد ياولدي ماش ناس على مستواك .! ولكن البرج متعلق بي تعلق قوي فلم يلقي لكلام ابوه بال ونسف بكلامه عارض الحائط فـ أشهد انه كفو ونعمممم ..وكان حلمه الأول والأخير أنه يملك جهاز لاب توب ويبحر في عالم " الشبكة العنكبوتية " اللتي لم يكن يعرف إلا مسمّاها فقط ..
بعد ماخذ شهادة الكفاءة ودخل مرحلة الثانوية وبداية مرحلة المراهقة نشب لأبوه .. ابي لاب توب ، ابوه لم يرفض له طلب مدى حياته من خلال العيش والملح اللي بينه مستنتج هالشيء من زمان .. فقال له ابوه ابشر يالبرج بس توعدّني انك تقاطع شدّاد ولا أشوف رقعة وجهه عند الباب ! ، لم يلبث دقائق حتى وافق هذ الخائن ..!
اطلع للمسجد ..أمر البقاله .. أسيّر على تكيتنا اللي نتكّي فيها ماعاد له شوفه .. رغم انه خائن وناكر للعشرة لكن من يوم سمعت خبر انه شرى لاب توب وانا غاسلن يدي .. وللأسف اني مادريت انه شاري لاب توب الى من مبزران الحارة .. فكنت اتجول بموتري حبيب قلّبي واشوف البرج يركض وكأنه في مضمار الألومبيات وشايل معه بزران الحارة ويقولون بأعلى صوتهم البرج شرااا لاب توب .. وكل ماردّدوا البزران هذه الجملة تريّش البرج وزادت سرعته .. ضربت له بوري ومشيت ..!
انقطعت عنه سنه ونص تقريباً بحكم اني نقلت من الحارة .. وحنّ قلبي في احد الليالي ودقّيت عليه وقلت بقابلك مع اني متوقع انه ناسيني او عساه يذكر رقمي لكن رد علي و قال شدّاد جيت في وقتك تعال الله يرحم ابوك محتاااج اتكلم وافضفض لك.. الحقني ياشدّاد انا في وضع لايحسد عليه ولاتحمد عقباه وحالتي زفت ، سكّرت السماعة وضاق صدري من كلامه ووجهّت لبيتهم وركب معي وجلسنا ندور ابي اشوف وش سالفته ..!
اول ماركب معي رميت بأسهم وطلقات العتاب النارية .. لكن فاجأني بجسمه وعرضه .. الرجال نحل جسمه وضعف يعني لو تلمسه بيدك على طوله بيختل توازنه وبيتشقلب على ورا .. قلت له وش جاك مني ياهوى البال وش جاك ؟
قال شدّاد ماجاني منك الا الخيربسسس ركز معي وانا متوسم فيك خير وعارفك رجل المهمات الصعّبة وما أضن سالفة زي سالفتي ماتقّدر تحلّها .. بس أبغاك تنطم وتسكت وتنصت لي بكل هدوء ! .. قلت له تفضل ؟!
قال ياشدّاد انت عارف اني قبل سنة ونص أو سنتين شرى لي أبوي لاب توب والله يجزاه عني ألف خير وانت عارف بعد اني من النوع اللي أحب استمتع واقرى في الروايات اللي بـ الفصحى و اعشّاقها بكل جنون .. الحمدلله أفادني النت كثيييير في مسألة الرويات من خلال قرائتي لهالمدة القصيرة تطور عندي المعجم اللغوي حتى وصلت يوم من الأيام احس ان فيه رواية في بالي وبكتبها من البداية .. تطوّرت الأمور صرت افهم وعندي ثقافة في الرواية وعن قوانينها وأهدافها وفنونها .. يعني عرفت الكفّت كله بالعربي .. سجّلت في منتدى وتابعت فترة طويلة وقرأت روايات كثيرة أفادتني إفادة ماتتصورها بدأت بالردود حتى وصلت لمرحلةاسميها اكتفاء ذاتي واني وصلت لمرحلة اني اكتب رواية .. واطرحها في المنتدى وأشوف رأي الأعضاء فيها ..طرحتهاا بخجل وبتردد كبير واجهني وصدقّني لقيت اعجاب بشكل ماتتصور مع انه أول روايه اكتبها ...قريت ردود الأعضاء وحفزتني كثيراً عشان اكمل هالهواية أو الموهبة سمّها اللي تسمّيها .. بس النقطة المهمة هنا فيه عضوه في المنتدى كانت تعجّبني رواياتها وكانت مبّدعة بشكل ماتتصور وكانت تفوقني من ناحية لغتها ما أبالغ اذا سمّيت راسها معجم لغوي بلحاله .. بدأت ارد على رواياتها وترد على رواياتي ، تطور الأمر إلى مسألة الإعجاااب بها وبشخّصيتها .. حتى أنا ارى منها هالشيء كل مانزّلت رواية لي ردت برد اجلس سنه وأنا اقراه وأزلب باقي الشعّب .. ( هنا ) اتخذت قرار بـأني لازم ارسل لها رسالة خاصة وأبين لها اعجابي بها وبـما تكتب وكتبت كلام طويل بالفصحى وأبديت اعجابي بها وبالروايات اللي تتفنن وهي تكّتبها وفي آخر الرسالة ما أدري وش جاني واتخذت القرار اللي ترددت فيه كثيييير وبديت ارتجف وانا اكتبه وكتبت ايميلي .. ! بغيّت اكتب تحت الايميل مع تحيّات البرج ابو بدران من قوة اني ابي اكون صريح بس قلت بذكائك وحنّكتك أكتب اخووتس نواف ..
بعد يومين دخلت المنتدى ولقيّت لها رسالة خاصه دخلت وبدأت اقرى الرسالة وخشّيت جو ثاني معها بس بقولك زبدة هالرسالة .. البنت صارت معجبه بما اكتبه من رويات وتمدح في لغتي وفي اسلوبي .. تصدق سهرت الليل كله وانا اقرى هالرسسسسالة ! .. بعدها جتّني اضافه منها وطرّت من الفرحة توقعت انها هي ، في البداية شوية رسمّية وكلام عن الرويات وكنت استفيد منها كثير في هالمجال .. لكن ما ان تمّيت شهر انا وهالبنت حتى جاني شعور مايوصف .. كل ماتدخل ينقز قلبي معها .. كل ما تتأخر عن وقت دخولها يضيق صدري .. يسوّد وجهي ، لو ماتتدخل كم يوم .. تشوفني والله ان تقول لي احسن الله عزاك .. إلين جا اليوم وعرّفت اني احبها واحب اللي خلّفوها
عانيت من هالسالفة فترة .. بعدها حسيت من سواليف البنت متجاوبة معي وبين كل فترة ما أدخل تقول اشتقنا لك وو و ... حسيّت فيه شيء يساعدني اني اعترف لها بهالحب اللي عارمني ومدخلني في شعور وفي نفس الوقت عذّااااب ..بعد فترة اعتّرفت لها بهالحب في البداية ماتقبّلت الأمر ومع الوقت صارت البنت تتعلق فيني اكثر من ما أنا تعلّقت فيها .. تخيّل ياشدّاد وصلة لمرحلة اني اكلّمها بالجوال وهي تكّلمني ودايم أدق عليها وتدّق علي .. يجي يوم ما ادق عليها تزعل وانا نفس الشيء .. وانا والله ياشدّاد تعلّقت فيها تعليقة نعيمي في المسلخ وهي متعلقة فيني .. وإلى الآن ما أدري وش اسوي .. تقولي اتركّها ما أقدر والله ما أقدر ابعد عنها يوم واحد .. مااقدر
هنا وقّف كلام البرج .. وتسابقت دموعه وجلس يصيح وهو يقولي تكّفى دور لي حلللل... تكفى دور لي حل؟
هنا شدّاد بحكمته المعهودة لبّق في نص الشارع وسبب زحمه وراه ونزل من السيارة قادحاً وفتح الشنطة واخذ منها قارورة صحه وكيسان بلاستيك وقدح من هذا الشراب وملاء الكأس للبرج وشرِب شدّاد ماتبقى من القارورة ..!
هنا يجي دوركم يا ياحلّوين المقهى :fl..واللي بيتكلّم ويضيف ..لا أحد يتقيّد بالأسئلة المطّروحة .
* وش الحلول اللي تشوفها مناسبة لحل مشكلة البرج ؟
* هل الشروع في الحب من هذا النوع يأتي من المراهقين ..؟ أو من فئات عمرية مخّتلفة ؟
* وش سبب لجوء البرج لمثل هالبنت والهيام في بحرها ؟
*على من يقع اللوم .. على البرج ولا على البنت مع ذكر السبب ؟
* وش الأشياء اللي تحد من هالمشكلة قبل الوقوع فيها ؟