.

مسا الخير ,

توني استوعب ان في كم طبخه ماحطيتها هنا .. :22

برب اجيب قشي كالعاده .

.

| عصير ليمون بنعناع |


http://img683.imageshack.us/img683/5297/70848689.jpg

جيبي نعناع قد قبضة اليد تقريباً .. أو اكثر شوي .
واخلطيه بالخلاط مع 5 ملاعق كبيره سكر وشوي ماي - بس شوي انتبهي لا تكثرين عشان ينخلط معك ولا يصير قطع كبار -

الحين صبي عليه عصير ليمون - نص كاس تقريباً - طازج طبعاً .
وحطي ملعقه كبيره حليب بودره - الملعقه ممسوحه مو مليانه -
وثلج .

وخليهم ينخلطون
الحين صبي عليها 3 كاسات ماي .
وبعدين عاد عدلي اللي تبين .. السكر .. الماي .. الليمون ..اللي هو يعني .
ع اللي يجي على مزاجك

.
.

BrB

.

نخش بالموالح :

.

| كبه بلبن |


http://img41.imageshack.us/img41/9521/50311409.jpg


http://img7.imageshack.us/img7/7862/77613111.jpg


http://img690.imageshack.us/img690/8278/55900524.jpg


مسويتها من رمضان بس توني اتفرغ وأحطها :/

الطريقه اللي كنت اسويها أول بالنسبه للكبه أني أحطها بالفرن ،

لكن هالمره قليتها .
وحطيتها بصحن فيه منديل عشان يمتص الزيت .

وسويت الصوص اللي معها :

بالخلاط نحط [ 3 علب زبادي / كاس ونص حليب / شوي بقدونس ]
نحطها ع نار متوسطه ونقلب ونضيف عليها مكعب ماجي و3 ملاعق صغيره نشا .

ونحرك لما يبدى يثقل شوي .

الحين نقوم نجيب فص ثوم صغير ونفرمه ونحطه النار مع شوي زيت ونضيف عليها كزبره مفرومه ،

ونضيفها ع الزبادي .

الحين نصب الصوص بصحون تقديم وحط الكبه ..
ونحط عليها صنوبر محمر + نعناع مجفف .


http://img840.imageshack.us/img840/793/35913289.jpg


http://img841.imageshack.us/img841/7526/57439643.jpg


* لو كنتو تبون الكبه مطبوخه معها تقدرون تحطونها آخر شي عقب ماتستوي ويستوي الصوص وتخلونها تطبخ معه 10 دقايق لربع ساعه .

* بالنسبه للصحون تراها من سعد الدين


.
.

BrB

.
.


| دجاج بالليمون والأعشاب |


http://img534.imageshack.us/img534/1717/19399495.jpg


http://img847.imageshack.us/img847/1192/70484773.jpg


| الطريقه والمقادير مع بعض | :

نقطع صدور الدجاج لمكعبات متوسطه - انا هنا قطعتها صغيره لأن كنت بسويها ساندوتشات بس قالو يبون رز وغيرت الطبخه -

ونحط معها عصير ليمونه + ملعقه كبيره خل
انا خليتها تتبل قبل بليلة وخليتها بالثلاجه عشان يطلع طعم الليمون فيها .

عقب ماتتبل الدجاج .
ع النار نحط بصل ابيض مقطع شرايح طويله مع شوي زيت ونحرك لما يذبل ونضيف الدجاج عليه .

ونحركه ونخليه لما ينشف الماي حقه ونضيف عليه جزر مقطع شرايح .
ونرش عليه شوي : روزماري مجفف - اكليل الجبل - + ريحان مجفف .

وشوي كركم وفلفل اسود وملح .

ونقلبهم ..
ونضيف عليه تقريباً ربع كاس صوص الورستاشير
ونحركهم ونخليهم من 5 الى 10 دقايق بس .

ونضيف عليهم قطع طماط صغيره مو مقطعه - هذي حجمها صغير مره اصغر من الشيري توميتو العاديه -
وشرايح ليمون ،
ونقلب دقيقتين .

عقب مانسكر النار نضيف عليه بصل اخضر مقطع ونقلبه دقيقه ونقدمه .


http://img820.imageshack.us/img820/5268/47556277.jpg

.
.

BrB

.
.

نجي للحلويات


| كيكة الفيلادلفيا |


http://img694.imageshack.us/img694/5673/15621852.jpg



http://img28.imageshack.us/img28/8650/80443292.jpg



http://img593.imageshack.us/img593/1194/96503917.jpg

سهله ولذيذه ومايبيلها ،
لكل اللي مايحبون طعم الكريمه الحاليه هذي تعتبر خيار حلو لهم ..

عباره عن :
كيكه بالفانيلا
صوص الفراوله
كريمة الفيلادلفيا

بالنسبه للكيكه نفسها ،
استخدمي أي كيكه بيضاء بالفانيلا تعجبك .
انا عن نفسي اسوي حقت بيتي كروكر اسهل ،

عقب ماتسوتي تخلينها تبرد
وتقطعينها لمكعبات صغيره

أو ممكن تحطينها بصينيه مربعه وبس تقطعين الأطراف المتحمره .

عقب نقطعها من النص .

وندهنها بـصوص الفراوله ،

عباره عن :
ع النار نحط فراوله - المجمده تنفع - مقدار كاس تقريباً
+ 5 إلى 6 ملاعق كبيره مليانه سكر بودره .

نحركهم ع النار لما تبدى الفراوله تطلع الماي حقها .
عقب نقصر ع النار شوي وونحرك مدة 10 دقايق الى ربع ساعه .

الحين نخلطه بالخلاط .

وصار عندنا صوص الفراوله اللي ندهن فيه الكيكه من داخل .. كذا :


http://img593.imageshack.us/img593/7669/23813728.jpg


طبعا نكثر شوي وانتبهوا .. لا تقربون من الاطراف مثل ماسويت .
لأن بعدين لما تغطونها بكريمه بتحوسكم .

الحين نحط الطبقتين اللي قصيناهم على بعض وندهنهم بالكريمه ،

الكريمه عباره عن :

نص اصبع زبده - بدرجة حرارة الغرفه -
+ 4 الى 5 ملاعق سكر بودره - مو مليانه -

نخفقهم لما يتجانسون
ثم نضيف عليهم علبة فيلادلفيا - الصغيره أم 200 جرام -
ونخفق بس مانطول مره .. أول مانشوفهم تجانسو نوقف .
وطبعاً ان حسيتو السكر قليل بالنسبه لكم زيدوه وحركو بالملعقه .

انا عن نفسي كمية السكر هذي تعجبني .

الحين ندهن الكيكه بالكريمه ونساويها :


http://img593.imageshack.us/img593/4395/31205946.jpg


ونصب شوي من فوق صوص الفراوله .
ونزينها بالفراوله والتوت والريحان ،


http://img163.imageshack.us/img163/7793/92044360.jpg


http://img268.imageshack.us/img268/7490/49640917.jpg



.
.

BrB

.
.


| حلى الشمام بالبشاميل |


http://img202.imageshack.us/img202/6775/13594291.jpg


غريب ورهيب ..
وثقيل نوعاً ما .

للي يحبون التغيير http://www.vb.eqla3.com/images/smilies/10111.gif

وبالمره نقدر نصرف هالشمام اللي يجبه ابوي كل كم يوم ..
زهقنا كل شوي نسوي منه عصير

نجيب قطع شمام ونقطعها ونحطها بصحون السوفليه .
نعبي الصحن للنص بس .

الحين نسوي البشاميل :

ع النار نحط زبده - انا تقريباً حطيت ملعقتين كبار -
ونحط الطحين - تقريبا حطيت من 3 لأربع ملاعق كبيره -
الطحين بالنظر احطه ماعتمد على كميه محدده .
واحرك لما يصير متجانس مع الزبده .

اضيف عليه حليب سايل - مقدار كاسين تقريباً -
اضيف شوي شوي ما اضيف كله مره وحده .

واحركه لما يغلي ويتجانس مع الطحين والزبده - عشان مايتكتل -
وابدى اضيف شوي بعد .. وكذا لما تخلص الكميه اللي عندي أو لما تشوفونه صار ثقيل شوي مو مره .

لأنه بيثقل زود لما يبرد .


الحين قبل لا نصبه فوق الشمام .
نرش شوية سكر ع الشمام ،

ونصبه عليه .
وندخله الفرن ابو ربع ساعه كذا ونحمره من فوق .

وعقب مايستوي نطلعه يبرد من ثلث إلى نص ساعه تقريباً .
حلاته ينوكل دافي ،
ونحط عليه آيس كريم فانيلا ..

عشان نعادل كمية السكر + عشان يطلع أحسن بكثير بصراحه من لما ينوك كذا .. أحسه يكون اثقل لو ينوكل لحاله مدري ليه .


طبعاً هنا ما امداني حطيت الآيس كريم الا ذاب على طول :/

وزينته بشمام مقطع شرايح رفيييعه عشان يقال تعرفون ان اللي داخل شمام http://www.vb.eqla3.com/images/smilies/grins.gif


http://img585.imageshack.us/img585/9432/88256846.jpg


وهنا صوره تبين فيها طبقة البشاميل


http://img840.imageshack.us/img840/4984/31779571.jpg



.
.


BrB

.

| حلى الكوفي |



http://img696.imageshack.us/img696/1583/89550127.jpg


http://img3.imageshack.us/img3/4011/36905843.jpg


http://img508.imageshack.us/img508/2126/95857660.jpg


حلى سهل وللي يحبون نكهة الكوفي بالحلويات مثلي بيعجبهم ان شاء الله .

الحلى سهل وخطواته بسيطه لكن بشرحه بالتفصيل شوي لتفادي بعض الأخطاء اللي ممكن تخربه عليكم .

عباره طبقتين ،

الطبقه الأولى - اللي تحت - :

بقدر ع النار نحط :
[ ملعقتين كبار حليب بودره + كاس ماي + ظرف كريم كراميل + ملعقه كبيره نسكافيه ]
ونحركها لما يبدى يغلي ويثقل شوي .

الحين نحطه بالخلاط مع " علبة قشطه + كاس ونص كيك فانيلا مفتت " .
يعني نجيب كيك فانيلا جاهز أو مسوينه
ونفتته بيدنا أو بخلاط .
ثم ناخذ منه مقدار كاس ونص .

المهم عقب مانخلط هذولا كلهم
نصبهم كطبقه أولى ،

ونحطهم بالفريز على ماتسوي الطبقه الثانيه ..

الطبقه الثانيه :
في قدر ع النار :
[ كاس ماي + ظرف كريم كراميل + ملعقتين كبار كاكاو بودره - مو مليانه - + ملعقتين كبار نسكافيه - مو مليانه - ]
هالطبقه مره بتكون ترى .. ممكن تحطون ملعقة وحده نسكافيه لو تحبون .

ونحركها لما تبدى تغلي وتثقل شوي .

الحين نروح بالملعقه نصب الطبقه الثانيه ..
يعني مانصبها صب ع الكاسات لا شوي شوي
عشان لا تحوس الشكل .
ونحاول نسرع واحنا نصب عشان لاتجمد وتتكل .

وعقب نخليها بالثلاجه ساعه اقل شي .
وتزينها بكريمه .
زينه بأكثر من شكل :


http://img195.imageshack.us/img195/8482/68180126.jpg


http://img713.imageshack.us/img713/8669/71230719.jpg


http://img706.imageshack.us/img706/3241/94769260.jpg


* ممكن استبدال الطبقه اللي فوق بشوكلت جاناش
* هالحلى ماينفع بغير الكاسات

.
.


BrB

.
.


| حلى الجاناش بالشوكولاته البيضاء |


http://img843.imageshack.us/img843/8098/88823447.jpg


http://img819.imageshack.us/img819/2671/54525342.jpg


سهل ومايبيله .

عباره عن 4 طبقات - طبقتين منهم نفس الشي -


الطبقه الأولى - اللي تحت :

كيك فانيلا مفتت .. نحط في القاع من الكاس او صحن التقديم .


الطبقه الثانيه :

صوص الفراوله - مثل اللي في طريقة كيك الفيلادلفيا -


الطبقة الثالثه :

كاس من جاناش الشوكولاته البيضا ..
مثل طريقة الجاناش بالشوكلاته اللهم هنا حطيت الشوكولاته البيضا .

اللي هي ع النار :
نحط علبه كريمة خفق - المراعي العلبه الصغيره -
ونخليها لما تغلي .

الحين نصبها على 300 جرام من الشوكولاته البيضا تكون مقطعه صغار عشان تذوب بشكل اسرع .

ونحركها لما تذوب وتنخلط مع الكريما .

نخليها تبرد .

وبعدين ناخذ منها مقدار كاس ،

نخلطه بالخلاط مع : [ نص علبة لبنة بينار + 8 حبات جبن كيري ]

ونصبها كطبقة ثالثه .



الطبقة الرابعه :
صوص الفراوله .

نزينها بفراوله ونعناع .

* طبعاً نخليها 3 ساعات بالثلاجه اقل شي .
انا عن نفسي سويت الجاناش قبل بيوم ،
و لما حطيتها بالثلاجه اليوم الثاني كانت متماسكه وماخذت 2 ساعتين


http://img197.imageshack.us/img197/980/98785953.jpg



http://img38.imageshack.us/img38/8324/51372819.jpg


يقال بوريكم من داخل كيف .!


http://img607.imageshack.us/img607/1584/39426932.jpg


.
.

BrB

ياحظ أخوانتس بس :038:


قسسسسسسسسم بالله ابدااااااااااع .. يرضيك ألحين .. يطقني الجوع في تالي ذا الليل ؟

^
كلنا يطقنا الجوع واخرتها ناكل اندومي والا شبس :(
+ تسلم ع الرد :fl

http://img7.imageshack.us/img7/7862/77613111.jpg
كم تمنيت اقول بها في فمي بلبنها :sm42:

http://img534.imageshack.us/img534/1717/19399495.jpg

احب هـ الطبخات :sm5:

^
كلنا يطقنا الجوع واخرتها ناكل اندومي والا شبس :(
+ تسلم ع الرد :fl

صارحة هنا انا ضحكت :77008: ما شاء الله كل هالاطباق اللي تسويينها و تقولين كلنا ,نحن يمكن ناكل هوا اخر الليل لكن انتي بسم الله ماشاء الله مستحيل ...

الطبخ فن و عنوانه كأنه مو عاجبك بدون مجاملة :fl صور الاكل الللي تنزلينهن المفروض قوانتانامو ياخذونها و يعلقونها على زنزانة المساجين يا هو عذاب

ماشاء الله تبارك الله
الظاهر بتكونين سبب ان رجلك يحشش والسبب هالحلويات ,, لا تلومينه