السلام عليكم جميعا ً ..
ومساكم خير وصباحكم كذلك :24 ..

كثيرا ً ما نسمع عن تأثر " العرب " بـ الغرب ..
سواءا ً في أفعالهم , أقوالهم , مبادئهم , نظرتهم للحياه !

|

دائما ً نسمع " لا تفعل , لا تقل , لا تلبس , لا , لا " لأنك لو فعلت أو قلت أو أو ..
سـ تُصبح مقلدا ً لـ الغرب !

نحنُ مدركين وبلا " أدنى شك " أن ثقافات الغرب تسللت لنا عبر أوسع الأبواب ..
نعم كنا متزمتين لا نقبل الثقافات الدخيله وننظر لها بـ نظرات التعجب والإشمئزاز أحيانا ً !

ولكن فيما بعد نُسلم الأمر وكأن في بادئه لم نكن من المعارضين على تواجد هذه الثقافات الغربيّه التي قد تكون " غير " مناسبه بحكم مجتمعنا وبحكم أننا مسلمين أولا ً .

|

هذا قص شعره لـ يصبح كـ ممثل أو مُطرب غربي "مخمور" عفوا ً قصدي مشهور !
وهذا أعُجب في أفكار الكاتب الغربي المشهور لـ يحذو حذو أفكاره , وهذا وذاك وتلك وهؤلاء والشعب العربي المسلم أجمع !

بما إننا فئه عمريّه شابه ..
فـ لنختصر الموضوع أكثر وأكثر ,

الشيء الأكثر ملاحظه في مجتمعنا ..
هو طريقة لِباسنا , فـ هي تعكس مدى تأثرنا بـ الشعب الغربي " في منظور الأغلب ! " ..
وهو بلا شك كلام سليم لأنه ُ فعلا ً يعكس تأثرنا في الغرب من ناحية اللباس والمظهر والموضه ......

|

منذُ فتره ليست بـ قصيره , إلى الآن ..
والغرب ملتصقين كالتوأم السيامي بـ موضة " الشماغ " ..
سواءا ً إناث أو ذكور !
هذا يلبس " سكارف " على هيئة شماغ , والآخر يحمُل حقيبه على شكل شماغ أيضا ً ,
وتلك " نفس الحكايه " فـ إرتدت معطف منقوش عليه بالكامل الشماغ الأسود !

|

في أحد الليالي ..
قابلت صديق " مسيحي " .. وأخذنا بالتحدث عن شتى مجالات الحياه ..
فـ أبحرنا في موضوع أسعده ُ جدا ً " لايهم الموضوع " .. المهم ُ أنه ُ في نهاية حديثه قال .. محمد أنت مؤمن بـ " الله والنبي محمد " كونك مسلمْ .. فـ أعتقد أن وجود شخص مثلك في حياتي قد يساعدني وبمعنى كلامه " يفتح لي باب الرزق " , طال الحديث بيننا وفي النهايه ذهب كل منّا في سبيله .

فـ أخذت أفكر في حديثه عن " الله والنبي محمد عليه الصلاة والسلام " وإن وجودي قد يساعده ويحليه بالإيمان ويجد بـ سببي ضالته !

لماذا يقول شخص " مسيحي " كلام مثل هذا ؟ ..
أليس من التأثر بـ الإسلام إعتقاد أن الإيمان بالله وبمحمد نبيا ً له ورسولا يفتح أبواب الرزق وأنه ُ قد يساعده وجود شخص مؤمن بهم !

|


وأيضا ً لا يخفى عليكم ..
أن هنالك الكثير من الغرب يعلمون سيرة نبينا محمد عليه الصلاة والسلام أفضل منّا نحنُ شعبه وأمته !
وأيضا ً لا يخفى عليكم ..
أن هنالك الكثير من الغرب يعلمون تفاصيل كثيره عن حياتنا كـ عرب كـ مسلمين كـ خليجين كـ سعوديين , فـ البعض يستطيع تفصيل أشياء تصيب العقل بـ الذهول فعلا ً !


|

حقيقه الأمثله كثيره ولا يوجد وقت كافي لذكرها أو حصرها ..
فـ هنالك من يجيد العربيّه , وهناك من يعرف كلمات محدوده ومعدوده !
الخلاصه التي لا أرجو منكم التقيّد بها في ردودكم !

هل نحن شعب نُأثر كما نتأثر ؟ ..
أم أننا لا نستطيع التأثير , إنما هيّ مُجرد " أشياء " إلتقطها الغرب منّا بإرادتهم من غير أيّ " تأثير " من قِبلنا عليهم !

وإن كّنا نأثر كما نتأثر ؟ ..
فـ هل نُأثر بنفس مقدار تأثرنا ؟ ..
وأترك الباقي لـ عقولكم وكيبورداتكم ,

\

أخوكم القابع خلف أدخنة الملبورو / محمد :24 .

رائع جداً .. فعلاً هاليومين اصبحنا نشوف اشكال مدري وشهي .. مضروبه من جد .. تلاقيه لابس جنز وفنيله ضيّقه مشخبط عليها بالانقليزي وحالق الشنب وحاط لي سكسوكه مسوي طبيب اسنان مصري ومايلبس الثوب الا من عيد لـ عيد وعلى طاري العيد عيدك مبارك يابو حميد ..!

وبالنسبه للتزمّت .. اول ماطلعت الدشوش .. كان اللي يركب دش خارج من المله وينفى من الجماعه والقبيله .. والجيران مايسلمون عليه وإن سلمو عليه راحو يغتسلون كأن عليهم جنابه والحين دشوش منطله على الرصيف .. الغرب يدخل علينا بالطيب والقوّه .. رضينا او أبينا ..!

هاليومين الكل تكلم عن قيادة المرأه .. اذكرك بعد كم سنه بتطلع تتكي تطيّر زقاره مالبورو عند باب بيتكم وماتشوف الا (( ام رعد الطاره )) تهجول وتفحط لعيون الحلو (( مريديس )) :24

مشكور يابوحميد على هالموضوع الراااااااايق يارااايق ..!

أخوكم القابع خلف أدخنة الملبورو / محمد .
مستانس يوم تدخن يا تسلب :d ؟

أن هنالك الكثير من الغرب يعلمون سيرة نبينا محمد عليه الصلاة والسلام أفضل منّا نحنُ شعبه وأمته !
كلام جميل يبو سعد ..
بس ودي لو انك دخلت في تفاصيل كلام خويك المسيحي عن المسلمين ؟

من جد ودي اعرف وش رأيهم او نظريتهم لنا ، وليش موب مقتنعين ؟

عوافي حبيبي على الموضوع ..

انا برأيي ان احنا نقدر نأثر على الغرب في مجالات كثيرة
بس مو بقدر مانتأثر منهم
احنا تقريبا أخذنا منهم كل شي .. كل عاداتهم تلقاها عندنا
حتى يوم تتكلم مع أي واحد مننا تلقاه نص هرجه انقليزي والا فرنسي والا... أنواع اللغات
اوكي التعلم شي حلو بس مو هالشكل !!!

وانا اشوف السبب طبيعي التأثر هذا بالظروف اللي حنا فيها ذي
الغرب تأثيره كبير على الدنيا كلها مو بس علينا...

تحياتي :fl

يا أخي موضوع مشّتت مع إحترامي لك !

ما عرفت أمسك موضوع تشبّه الشباب بالغرب و إلا موضوع معرفة المسلمين بدينهم ؟

أن هنالك الكثير من الغرب يعلمون سيرة نبينا محمد عليه الصلاة والسلام أفضل منّا نحنُ شعبه وأمته !

مثال لو تكرمت .

عشّت يامحمد على هالموضوع البطررران ..

موضوعك تطرّقت لجزئيات كثيرة لكن بشكل مختصر ، اول شيء مايخفى عليك ان اللي صار في 11 سبتمبر اللي شافه البعض وحلله قال ان هذا خير للإسلام وبعضهم قال شر وشوّه سمعت الإسلام .. للمعلومية في الغرب ناس كثير والله مايعرفون شيء اسمه اسلام لكن من بعد الأحداث اللي صارت ومن بعد الرسوم الدنمركية بدأ الإسلام ينتشر ومن المعروف أن الشعب الغربي يحب الإستطلاع فـ عااادي جداً جالس يشرب لك شيفاز ويفّقد وهو يفتح قوقل ويمخمخ على الإسلام ويقرا ويشوف بس لقافه واآآخر شيء يهديه الله ..!

بالنسبة لسؤالك ابو حميد شخّصية الشعب المسلم ضعيفة جداً وأنا ما أحكم على السعودية احكم على الشعب المسلم عااامة .. فتشوف اشياء كثيرة من ناحية اللبس ومن ناحية الشعر والحلاقة واللي طايحين فيه يلبسون لك طوق حق هالبنات ولونه اسود وإلى اخر شيء لو أعد لك ماخلّصنا .. اتوقع صعّبة انك تأثر على شعب هو جالس يأثّر عليك وانت جالس تستقبل بسس ، اللي يغبّنك ويشب في مرارتك ياليتهم يحطّون مشخال في عقولهم ويشخلون افكار الغرب وأي شيء يستقبلونه وياخذون الزين .. اي شيء من الغرب خلاص هو زين وبنقلده يعني " امعه " بالعربي ..

نقدر نأثر كما نتأثر اذا قدرنا نبني شخصية المسلم الحقيقة !

هلا ابو سعد " على قوله مضيع الدرب " .. :d
الموضوع فيه تشعبات كثيرره واختصرتها انت .. ولو من وجهه نظري كان خليت الموضوع عن التأثر بالغرب , وعن انهم يعرفون الاسلام وعن الرسول عليه الصلاه والسلام في موضوع ثاني عشان الواحد يعطي الموضوع حقه اكثر .

-

التأثر بالغرب .. جانا من يوم مايكل جاكسون :d حتى بالرقص , ياخي هالتأثر صح انه دخيل علينا وانه اصبح هالحين موضه غير طبيعيه عند البعض الي ما يسمون " بالكول " والله الواحد يتحمد ربه على نعمه العقل والعافيه اجل بلبس لي بنطلون .. مزركش ومدري شلون هو جاي على اساس انه موضه ؟ :d يلعن ام الشكل الغبي اتكلم عن نفسي انا < صدز عاد ؟ :d

هي ترجع للتربيه الاسلاميه الصحيحه .. وش هو متعود عليه .. ولا من يومه ورع بحفاظته ( تكرمون ) مهيت* ولا عمر احد قال له لا ولا غلط .. ولا انه نزغه من يومه .. :d يعني التربيه هي المقام الاول .. والعادات والتقاليد تحكمنا " واكيد ان الشي الزين من التقاليد الي عندنا بناخذه والشين ماراح نلتفت عليه " , طبعاً هم ياخذون التأثر بالغرب شي زين ولا شين ياخذونه على انه مسمى موضه .. وهذا الي مضيعنا .

-
* متروك , يصرخ ويقول .. " سيبونن " خخخخخخ
-
لي رجعه ان الله اراد يبو سعد . عوافي يا ذيبان ولاهنت . :h ;)

شبّاب ..

يا أخي موضوع مشّتت مع إحترامي لك !

ما عرفت أمسك موضوع تشبّه الشباب بالغرب و إلا موضوع معرفة المسلمين بدينهم ؟

مع إحترامي أنا لك ..
أنا ما طرحت موضوع تشبه الشباب بـ الغرب .. ولا طرحت موضوع معرفة المسلمين بدينهم :) ..
يبدو لي أنه ُ أنت المشتت ياعزيزي " ورده " ..

\

البقيّه ..
راجع لكم بإذن الواحد القادر " قلوب " ..

مثبت ولي عوده ..
اعتذر عن التأخير بس لظروف عملي خارج المملكة
<- مهيب تصريفه ابد :( ..

وإن كّنا نأثر كما نتأثر ؟ ..
فـ هل نُأثر بنفس مقدار تأثرنا ؟ ..
إلقاء نظرة على فئة من شبابنا ( سواء ذكور و إناث ) تجاوبك ..
الوضع تعدّى كونه تقليد و إنجراف إلى إن غدونا أُمّة ممسوخة , و التنازل شيئاً فشيئاً عن مبادئ .
حاليّاً ليتنا ما نأثّر بس لا نتأثّر :( , متى ما ظلّت أُمّة متمسّكة بمبدأها + قناعاتها + افكارها , و بالتالي ضمنت عدم تأثرّها فنتاج ذلك أكيد إنها بتأثّر و لو بعد حين :h .

شف كيف جدال الفرنسيين و تعصّبهم ضدّ اللغة الانجليزية و لو ( البرغر ) :yمعادين له و لا يهون الجينز , و العكس من الامريكان
رغم إنّها شعوب و اكتسبت هالاشياء مؤخرّاً مقارنةً بنا كمسلمين أولاً و عرب ثانياً ( و معروف سابقاً كيف تعصّب العرب لعروبتهم فيما مضى )

خلف ربّي عليها من أمّة :( , حذوَ القذّة بالقذّة .


أما مقدار ما تأثّر الغرب فينا :24 , تلقاها عند فئة قلييييلة و للي مُطلّع فيهم بعد و المثقّف .. و إلا عامّة الشعب تلقاهم للحين معششّة بروسهم إننا بهايم
و على بعارين و كل واحدٍ مخيّم جنب بير بترول ( طرى لي فيلم كرتون تبع قناة فوكس الله يخزيها و يمحاهم :( ) .

فما اتوقّع دام هذي افكارهم عننا :24 ..

الله يصلح الحال و يردّ المسلمين ردّاً جميلاً , و يرحم أمّة محمد :(

عافاك الله يا محمد :fl

.
.

ابدعت يامحمد بطرح التساؤل :fl

كلمة نأثر أو نتأثر مسئلة نسبية بين شخص وشخص بنظري ، لما نعمم هالصفة او غيرها من الصفات على مجتمع كامل ياإما نكون بالغنا في المدح أو أفرطنا في الظلم، لكن ممكن نجاوب على هالسؤال باللي نشوفه حولنا ، ان كان هذا المقياس فالاكيد ان حنا نتأثر أكثر من التأثير على غيرنا ، ودرجة التأثير تختلف بيننا ، تلقى شخص متشرب الغرب بشكل غير طبيعي وشخص يتشبه فيهم بالأشياء الإيجابية وشخص يكره اي شخص يتشبه بالغرب سواء بلبس او أكل او تصرف لدرجة ان بعضهم - هداهم الله - يتهمونك بالفسق بسبب تصرف او لبس منك يوحي له بتشبهك بالغرب

كل شي حولنا يحد انك تتشبه بالغرب، وهالشي طبيعي لأنهم " حالياً " مسيطرين على كل شي وخصوصاً بالإعلام اللي يوجه العقول !

لذلك استبعد بالفترة القريبة الجايه نشوف غربي يتشبه فينا الا ماندر !

وإن كّنا نأثر كما نتأثر ؟ ..
فـ هل نُأثر بنفس مقدار تأثرنا ؟ ..
كلن وشخصيته.. بنظري هالسؤال يتفاوت بين شخص وشخص :d
شف انا بعروبتي وبإسلامي الصحيح السليم النقي :h
أسوي تأثير اكثر من مئه اجنبي يحاول التأثير على جيلنا بمعتقداته :) ..
عشان حنا نملك بقلبنا شي عظيم وهو اصل الفطره :h فطبيعي النفس البشريه راح تتأثر مننا كثير
دام انها تتأثر بشخصيات غربيه كل اخلاقهم تدور حول الخلق الإسلامي ;)..

عندنا ناس كثير للإقتداء بهم بس للأسف ماعندك أحد انهم يطلعونهم اعلامياً .. { بن عثيمين .. عبدالرحمن السعدي .. بن باز .. وغيرهم كثثييير كثثييير

يعني زي نيلسون مانديلا ذا شف قد ايش كلن تأثر به ويقول يالله.. ماشاء الله.. حارب وحاول إلين وصل للقمه اللي يطمح لها .. هو كافر :) حتى الشيخ عايض ارسل لنيلسون رساله يدعوه للإسلام انا احس ان الاعلام طلعه فوووق فووووق هو يستاهل صح :r .. بس مو عندنا ناس افضل ..! :)

ليه مانشوف ابو حنيفه ؟ باللهي كم شخص يعرف وش قصه ابو حنيفه هذا الشخص الفقيه المناضل الرحيم :h:h :( .. ليه ماتكلموا عنه وعلموا الشباب عنه والله لو يقرون الناس سيرته مثل مايراكضون ويشترون كتاب رحلتي الطويله من اجل الحريه يروحون بس يكتبون في قوقل سيره الفقيه ابو حنيفه :h ان يعيشون حياتهم وهم في قلبهم الدين الصحيح الغيره على الدين وسماحه النفس والطيبه :(

لهالدرجه رسخت في بال البعض ان الغرب احسن من المسلمين؟!

طبعاً مو شخصيه ابو حنيفه فقط الرائعه في سيرتنا :hبس هذا اللي طرى على بالي يوم تذكرت نيلسون :r


تلقى شخص متشرب الغرب بشكل غير طبيعي وشخص يتشبه فيهم بالأشياء الإيجابية وشخص يكره اي شخص يتشبه بالغرب سواء بلبس او أكل او تصرف لدرجة ان بعضهم - هداهم الله - يتهمونك بالفسق بسبب تصرف او لبس منك يوحي له بتشبهك بالغرب

ياليت كل ربعنا مثل هالشخص :h



كل شي حولنا يحد انك تتشبه بالغرب، وهالشي طبيعي لأنهم " حالياً " مسيطرين على كل شي وخصوصاً بالإعلام اللي يوجه العقول !

اتحفظ ع اللي مكتوب بالأحمر:r
مهوب كل شي يحولنا يحد اننا نتشبه بهم اللي جاب هالاشياء حوله هو نفسه بتتغير اولاً لأنوا تفكيره وتربيته سطحيه :r+ جابوا الاعلام الفاسد لبيتهم بينجذبون للغرب من بهرجه واغترار بالحضاره والحريه والتمدن فبيصير انجذاب قوي من دون مايحتدون بتاتاً :(:24

وهذاك انت قلتها الإعلام مسيطر لبث المعتقدات الفاسده والانحطاط الخلقي وخصوصاً ع الصغار :(

اول مره اكتب في حياتي رد طويل احس اني شبييت :(

شف وانا اختك انا حسيت ان كلامك مهوب مرتكز على نقطه وحده فالظاهر اني قمت اسولف<-- الظاهر اجل ..!! :24 .. العذر كانه موب في النقطه اللي انت تبي توصل لها :r