ياناس مال الهوى دكتور يعالج قلوب المحبيني
من شافني قال ذا مسحور وانا همومي تياريني
وياناس وياناس ياناس مال الهوى دكتووووووور:h


أبو عرب: يالتكريتي ياأخوي ماودك تغير هالقناة ترى من برمجه فتى العشه و أنت مشغل العالم<<<<<يلعن أم الدعايه:d

التكريتي: ياأخوي أصبر شوي الين تقضي هالأغنيه همن حط الي تبي لا تشغلنا .....حظي رماني على المغرور<<<<<كمل الأغنيه التكريتي وأطقع مايشوف التحالف الي حقق معجزة العالم بالسيرفر الاول بترافيان

قضت الأغنيه وألقط الريموت وأغير وينهال علي التكريتي بوابل من الألفاظ النابيه الي لو يسمع يهودي تسان تسمع بام أمه يعانق الأسلام لأن التكريتي الله يعدي عنه لسانه ماهوب طمل أبد الله أنه أنجس من ........الجرذي:(

وصل بنا المطاف الى قناة mbc وكانت على الدعايات ونشوف من ظمن الدعايات مسابقتهم حقت باب الحاره وأدقق بالجوائز ألاه والله رحله ألى الشام لشخصين وتسانك جزت لهم بيخلونك تصور معهم مع أنه من سابع المستحيلات بس يقال هرج العاقل خذ نصه:0:

ونتناتف الجولات وارسل لا ترسل واشحن الجوال ولا تشحن وابشركم فزت بالمسابقه عقب مازرفنا نص استراحات السلي<<<<<<<<المعنى ببطن الكاتب:d

ويلتفت علي التكريتي ويردف قائلا

التكريتي: يلعن ام القهر ياشيخ بتروح أجل هناك وتصور معهم وتفل الحجاج وأنا باقعد هنا لحالي لا أنيس ولا ونيس أنا من لي غيرك يبو عرب بعد الله أنا وش أزين بعمري قلي.......ولاحظت على التكريتي أنه قاعدن يفل له حبل عقب أخر استراحه:j

أبو عرب: يبن الحلال هذي الدنيا وش نزين ولكن صدقن يالتكريتي أنك تبي تكون على البال حتى أني باحاول بالمخرج أنه يحط أسمك من ظمن القائمين بالمسلسل وباحاول أنه يرفع اوراقك للماليه لعل وعسى أنه يلحقك أنتداب معنى لكن ماقلت لي هالحبل هالي تفله وش تبي تسان خليته على لفته أزين يقعد يشغلنا بالدخله والطلعه عاد والله من الركاده بنا نبي نتعكرف به بالثانيه ثلاث مرات كأقل تقدير

التكريتي: يبو عرب أي أنتداب يبو أنتداب الله يرحم أمك لاقين أشر على الرصيف تلعب علي وألا طرف أقامتي يويتز من مخباي وأنا أكلمك على هامان يافرعون ياعزيزي أنا مايشفي غليلي ألا روحتي هناك وأصور معهم بعد والا الدراهم وأنا أخوك وصخ دنيا لا تقدم ولا تأخر لذلك أنا أتخذت القرار المناسب والحاسم لهذا الامر:m
<<<<<<<<<<<<أنا يوم لاقيني تلعب علي حسبته أنه درى أني العب عليه من ناحية الأنتداب وهالامور أثر الولد ماعندك أحد:d

أبو عرب: كلنا لك يالتكريتي أمر بس:h
التكريتي : ياعزيزي روحه هناك مافيه عد أنه حلوم ليل هالجائزه الي فزت به يعني تسمع بأم أمه تمشي هناك وأنا هنا لحالي .....
أبو عرب: وش أفهم من كلامك
التكريتي: الي تفهمه ستراه مالا تسمعه ......:m
ويلقطني مع قلاب ثوبي ويصك بي الجدار يوم غديت شاة أمس ماوعيت ألا أنا مربط وأبدا أصوت يالتكريتي يالحبيب يالأجودي ولا حياة لمن تنادي مادريت الا التكريتي داخلن علي من باب الاستراحه ومعه ربح كبسه بخاري من زمزم <<<<<<<وش جاب زمزم للسلي لأحد يسألني لأن مطاعم البخاري الي حول الأستراحه زي سالفة أستراحات السلي ماله الا يبعد وعساه يسلم بعد:d

أبو عرب: وينك يااخوي من اليوم رابطني هنا توك تجي الله لا يجيب الزعل بيننا يالتكريتي ترى كل شي ينحل بالتفاهم ياأخوي أقل شي تسان جبت نص حبه بخاري مع الرز ياأخوي وألعن أبوها جائزه تبي تفرق بيننا....:(
التكريتي مزلبني ولا رد علي أساسا وخذلك ياهواجيس وشلون بأفك عمري وشلون باقنع هالسفيه وألخ.....من ال وشلون طبعا

وأبدا اتذكر وش صار هاك الليله من أحداث وأكثر مايمر في بالي دعاية المسابقه ويتردد في خاطري قولتهم
رحله لشخصين لباب الحاره
رحله لشخصين لباب الحاره
رحله لشخصين لباب الحاره

رحله لشخصين لباب الحاره ........وش المغزى من هالكلمه بسسسسسسس لقيته يالتكريتي لقيت الحل الي بيشفي غليلك .....التكريتي جاء يركض وتشوف عظم الدجاجه يويتز من ثمه مابعد عرشه ألى الحين
التكريتي: يبو عرب أخلص علي تكفى وش عندك
أبو عرب: في الأعلان قالو رحله لشخصين لباب الحاره صح وألا لا......
التكريتي :ألا وش المغزى طيب
أبو عرب : بس لقيته مالنا الا نكمل النص الثاني من ألاستراحات وأنا اروح معهم وأنت تلحقني بتكس هناك ونفل أم أمينه هناك صح<<<<<<<<<أدبش من هالأثنين منتب لاقين :c
التكريتي: علي الحرام أنك شنب وكفو ومدرسه وقيادة القوات المسلحه كلها تحت أمرك<<<<<ليتنا من تعزيز بعض العرب سالمين

ويفك الحيل التكريتي ونلقط أعمارنا بهاك الليله وشغل ماأذن الفجر ألا وحنا بالحراج قاعدين نعد الدراهم<<<<تراهم ماعاملو أحد أبد هناك من الي يقوله:d

ومن الحراج ألى الجوازات ونلقى بشريه عند الباب قاعدين يناظرون ساعاتهم وشهادات الميلاد وباب الجوازات مفتوح وماتسمع الا تلعين ...... الي يقول أنا ماادري وش محببن أبوي بفلان يوم يسير عليه هاك الليله والي يقول أنا أمي حساسه زياده عن اللزوم والا ماادري وشوله تزعل هاك الليله وتطلع وألخ..... ألين جاهم عسكري وقالهم بليا هالتلعين ترى النظام مايدقق بالساعات يعني الي تم واحد وعشرين سنه يدخل وبس ماهوب لازم تتم بالدقيقه حتى الي باقين له يومين بامكانه يدخل وأنا بامشيه وبليا هالتلعين ياشباب وماتشوف الا الشعب انبرشو جميع داخل المبنى<<<<<<<<تراه ماهوب يدق بالي اول مايتم واحد وعشرين يروح يطلع جواز بدون مايدري أبوه:d

طلعنا الجوازات أنا والتكريتي ومن الجوازات الى أستديو ال mbc ودخلنا وقابلنا المدير ورحب فينا وهلا وكلمنا عن الوضع هناك همن قال
المدير: طبعا الجائزه لشخصين محفولين مكفولين ....وينط التكريتي قائلا:وسلون يعني محفولين مكفولين
المدير: يعني على حساب القناة مابتدفعوا ولا ليره ......وينط التكريتي ويبدأ يزاعق في المكتب معلنن عن فرحه بهذا الخبر ويطلع من ألاستديو ويلقى طرار معاق يحول عند الباب ويعطيه دراهمنا هاك الليله ويردفه قائلا خذ هالدراهم تراها دفاعة بلاء عني وعن والدي <<<<<<يعني يتصدق وأطقع مايشوف هي حلال والا حرام ماادري وش يحس به هالولد;)
الطرار:الله يجزاك خير ويكثر من أمثالك ياوليدي ويتلفت الطرار ويطلق رجليه للعنان وين راحت الاعاقه ماادري<<<<<<<ماأدري وين مكافحة التسول عنه:d
ويدخل للأستديو ثانيه وطبعا عقب هالحركات لاحظت من نظرات مدير القناة أنه بدأ يشك في قدرات التكريتي العقليه لأن شكل التكريتي لحاله يسد مابالك هالحركات.....شوي ويطلع المدير من عندنا وأتصالاتك وزحمه ويرجع للمكتب وقال
المدير:أنا أسف ياجماعه بس فيه غلط بالموزوع......
أبو عرب: غلط وش السالفه ياسعادة المدير:j
المدير:الغلط أنو الجائزه لشخص واحد بس مو لشخصين.....التكريتي كرد فعل طبيعي منه قام يبي يغول المدير وألقطوه السكرتيه وأطردوه من الأستديو وصكو من دونه الباب مابقى لفظ ولا حركه نابيه بالعالم ماقاله وهو بالشارع :(
المدير يعني يبو عرب أنت تقدر الحين تروح تسلم على الماما والبابا لأن الرحله اليوم بالليل أن شاء الله
أبو عرب: لا لا الله يرحم أمك تلقى التكريتي ألحين مزين حظر تجول بالحاره يالله يالله حرس جمهوري أذا بغيت أسلم على أهلي الا أنت الله يرحم أبيك تزبني ألين موعد الرحله وترسلني للمطار دايركت والله لو توصل أنك تصفطني في كرتون تلفزيون والا كرتون كاميرا وألا الي هو أهم شي أبي من الأستديو للمطار
المدير:مابتاكل هم ولاك تكرم عينك:d
زبني المدير الله يجزاه خير بكرتون تايد حتى أن السواق بغى يوديني عند الي يدينون تايد لكن أنبه ضميره ووصلني للمطار وركبت الطياره وأقعد جنب الدريشه وقاعدن أناظر شبك المطار وأدقق وألقى هاك الددسن من ورى الشبك ونازلن منه واحد معه زراديه وقاعدن يقص الشبك وأدقق ألاه التكريتي ويوم توه قاصن الشبك وقاضي الا والله هذي الطياره تمشي في المدرج تبي تقلع ويجي التكريتي يحد الطياره يبيه يوقف ويجونه العسكر الي في المطار ويقشون التكريتي وتقلع طائرتنا بسلام..........
وصلنا ألى مطار سوريا وأستقبلنا المخرج هناك ورحب فيني وهلا ويامية أهلا وسهلا ولاك نور الشام كله يبو عرب
أبو عرب: الله يسلمك يابعدي ماحولك عر.......
المخرج:شوووووو بتقوووووووول:m
أبو عرب: لا قصدي متى بنصور
المخرج:شو أمتى بتصور ولاك ماأقدر لو أحط كومبارس أنت أشهب ألهب وبدك تصور معنا كمان صاحبي شوف لائلئك <<<يعني بيقوله ) تصوير معنا مافيه ومنيح أني راح أخليك تتفرج على الطاقم وهو عم بيصور
أبو عرب: ياأخوي بالعكس ألا بيصير لي دور فعال أقل شي خلني كني يماني وجاي على كفالة أبو عصام وأشتغل بنشري في الحاره
المخرج: ولاك العمى بعينك ماأوقحك أمشي لاصلخك كف يطير راسك الفاضي أمشييييي
وأروح من عند المخرج وأنا خاطري مكسور واتلفت قلت ياولد مابدهاش وأبيع الجوال واي شي يوحي أنه ثمين عندي وأفلم بأم الوضع هاك الليله ومن باتسر يوم وعيت تشوفن أدور السعوديين أشحذ منهم دراهم للرجعه لما لقاني المخرج ويلقطني مع قلاب ثوبي والمطار ويرجعني للسعوديه
ويوم وصلت للسعوديه ووصلت البيت ألى الوضع في السليم يعني محد عبرني زي العاده ولاتسني توي جاي من سفر ولا أية موضوع وأدخل غرفتي وأنام ويوم جاء من باتسر وأطلع عقب العصر للحاره وألقى فتى العشه يتتن براس العاير وأسلم عليه وأخذ منه زقاره وأشوفه يتحمد لي على السلامه وينشد متى طلعت وأنا منلخم ماأدري وش السالفه
أبو عرب: وش الي متى طلعت
فتى العشه:أجل منتب مع التكريتي في السجن وتوك طالع؟
أبو عرب: السجن التكريتي في السجن لا والله مانيب معه ولا أدري عنه وش هو مزين
فتى العشه: والله الولد جريته تسايده هالمره يقولون أنه أرهاب أنه محاول أختطاف طايره عند الأقلاع

لذلك ياجماعة الخير وش رايكم أروح أكفله والا أزلبه هالي عيشني برعب طول هالمده:d

تسانكم استفدتو شي من هالقصه أرجو أنكم تكتبونه بردودكم

أبو عرب