السلام عليكم و رحمة الله وبركاته

يا جماعة أنا عندي استفسار و أتمنى في أحد يفهم بسوالف الهكر و نظامهم
أنا في هكر دخل على جهازي مادري شلوون وسوالي فلم هندي و نكبني و نشّف دمي الله ينشف دمه
كنت شابكة و طلعت لي قائمة غريبة عجيبة مو بالمسن قائمة غريبة و قعد يكلمني واحد
المهم
قالي أنه سحب كل شي بجهازي الله يسحب روحه ، و قالي أفتحي أي أيميل عندج
أنا أشوفج ومراقبج بجهازي و أشوف شتسوين بالجهاز و شنو تدخلين ومنو تكلمين
فقالي أفتحي أي أيميل عندج و دايركت بتجيج إضافة مني وفعلاً فتحت أيميلي و قبلت إضافته
و مع العلم أنه مهكّر جهازي قبل لا أقبل إضافته .. شلون مااادري !

المهم علمت أخوي طبعاً و شاف شغله معاه مادري شسوى بصراحة
المهم أن المشكلة حالياً أنحلت ولله الحمد و الشكر / مع أنه سبب لي حالة نفسية و كوابيس و أمراض و بلاوي
و حل عني هالهكر و أختفى الله ياخذ عمره و يحرق قلبه أن شالله يموت قولوا آمين
و رحت وسويت فورمات لجهازي و حولته ويندوز 7 و حطيت له برنامج حماية كاسبر


اللي بعرفه ألحين
شلون الهكر دخل على جهازي يعني لازم أكون قابلة منه شي ؟ أو أني كنت ضايفته من قبل ؟
هل برنامج الحماية كاسبر زين ولا لا ؟
هل الهكر يقدر يرجع لجهازي ويدخله بعد الفورمات و برنامج الحماية ؟
و هل لو دخلت أيميلي اللي فيه الهكر يقدر يقتحم جهازي مرة ثانية ؟
و هل لما ضافني ودخل أيميلي يقدر من خلال أيميلي يهكّر الأيميلات اللي ضايفتهم عندي ؟



حسبي الله و كفى

:fl

بل :(
محد يعرف يجاوب على استفساراتي ؟


.

و عليكم السلام .

الطرق كثيرة لإختراق الجهاز

منها استقبلتي صورة او ملف مضغوط او رابط

طبعاً ما يقدر يخترقك إذا كان ضايفك في الإميل إلا إذا استقبلتي شي منة

إذا فرمتي الجهاز خلاص ما يقدر بإذن الله

تابعي هالمواضيع يمكن تفيديك

http://www.m8ha.com/vb/showthread.php?t=3228

http://www.m8ha.com/vb/showthread.php?t=3331

^
^

أهااااا يعني لو ضايفني ما يقدر
المهم ألحين ما يقدر يرجع لجهازي
بشوف المواضيع


مشكور أخووي :fl

مكرر

أنزين عندي سؤال
برنامج كاسبر زين ولا لا ؟

اهلين ..

دكتور مينت ماقصر شرح لك .. وانا بزيد اللي بقدر عليه ..

من ناحية الاختراق مثل ماقال الدكتور : عن طريق الروابط او الصور او الملفات المضغوطة او الاغاني .. طبعاً ماراح يوضح لك شي عند تلقى الملف على انه مجرد ملف عادي جداً جداً .. ويتم اختراق الجهاز ..




وبعد الفورمات اللي سويتيه .. كل شي يرجع جديد .. لا هكر ولا غيره !!

بس بسألك الكاسبر اللي عندك بالجهاز وش نوعه ؟

انتي فايروس ولا انترنت سكيورتي .؟

اذا انترنت سكيورتي فهو ممتاز كجدار ناري للاختراق ..

اما انتي فايروس .. فا للاٍسف الافيرا avira افضل منه بدرجات كثيرة ..

^
^

هلا فيك

مادري شلون أعرف نوعه !
بس رحت المحل وقالي أنه بيحط لي برنامج كاسبر في بس للجهاز و في للجهاز و الانترنت
قلت حط اللي للجهاز و الانترنت

أسمه kaspersky lab

هذا أسمه مادري شلون أطلع النوع ؟ و إذا مو زين هذا قولي عشان أحط واحد ثاني

امممممم غاردينيا . يجيك مكتوب لما تفتحين الكاسبر

انتي فايروس anti virus

او انترنت سكيورتي internet securtiy

طبعاً الثاني افضل لجدار الحماية بالنت .. يعنى لا كان احد بيدخل جهازك مايقدر او يعطيك تحذير ..


برنامج الحماية حق الفيروسات اللي انصح فيه اسمه avira هذا ممتاز


ومدري اذا مافهمت وتبين اشرح اكثر واعطيك انواعها ؟

^
^

أيييييي مالي 2010 internet securtiy
أها يعني هذا زين و شغل عدل مدل ؟
أنا أقول ياربي لهف فلوسي أكيد أنه زين :d

مشكور طمنتني الله يطمنك :fl

امبييييه :3:
الله ياخذه بس ..
أنا أبي أفهم الحين شحقه يهكرون شهالسخافه شهالملاقه :0381:

غاردينيا أنا مره ولد عمتي الصغير قص عليّ
قام يقولي روحي المكان الفلاني واكتبي واكتبي وآخر شي هكر جهازي هالبطه :3:
ياربي شاف اشياء شاقولج بس :3:

خبري فيج رازه فيسج في كل فولدر :39::d
خيره يعني شفتي ربحتي راعي المحل اللي حط لج البرنامج مثلا يعني كسبتي أجر:24

عاد قولي حق أحد دعوته والقبر يدعيّ عليه
شيسمونها تنفع أتووقع :d

^
^
آمين يارب ياخذه وقبل لا ياخذه يحرقه ، آه يا قلبي :d

لا والله شايلة صوري بالفلاش و كان يراقبني لمدة اسبوع وماشاف شي لحد ماحطيت فلاشي
و استانس الاخ و سحب كل شي يا رفيجتي كل شي ، ياحر جبدي :3:
بس أفا عليج أنا وراي ارجال أخوي وولد عمي ماخلوني :4:


عسى حوبتي ما اتعداه :d

.

احذف الكوكيز ثمن رجع المتصفح لـ وضعيته الاساسية من الخيارات:fl