والله ياضيقت(ن) بصدري هي اللي خلتني افتح هالموضوع ! :( اجل آخر عمري يقلطني بنقالي ! :d


رايحن لبيت جارنا ابو سعود ذيك الليله ..شيخ من هالشيوخ الله يطول بأعمارهم , وجارنا ذاك الله يطول بأعماركم عنده حلال واملاك واراضي محوّطه بأسياج يعني الرجال مليان وماعليه :d وبيني وبينكم يبيع (فشق)واسلحه خفيفه بالسر طبعا :24
طبعا راتب وظيفته اللي مازد طبّها ولازد داوم فيها مايسد جوع واحدن من تسلاب الحراسه اللي عنده , يالله يكفي بخشيس في مراقص مصر ! لكن بيع الفشق والأسلحه يجيب له اللي يوكله ويوكل حيواناته معه ! :d (بالسر طبعا :24 )

الوكاد رحت مسيّر(ن) عليه ذيك الليله وطبعا بيبان بيوتهم مهوب مثل بيبان بيوت ياهالطفارى اللي مثلي وشرواي اللي مايدخل مع الباب إلا واحدن نحيّف ويحك كتفه بالجدار ! :d باب بيتهم تسنه ذاك الباب اللي يجي بإفتح ياسمسم ابوابك نحنُ الأطفال ! وعند هالباب بنقالي ملعون والدين اسيود صغير لابسن هالثوب والشماغ والطاقيه الزري غادي اكشخ مني ملعون الخامس ! :(
(لو إني ما اعرف اهل البيت كان حسبته راعيه ! :( )

كلمة حق إنه قلّطني في الملحق اللي يتطارد فيه الخيل , وبلا مجامله إنه كبر الغرف اللي في بيتنا كلها !
(وذا الطفارى حاطين لهم غرفه ثلاثه في ثنين ويسمونه ملحق , الله يلعن من علمكم الملاحق ياشييييخ ! ) ويقلطني تسنه واحدن من هالشيوخ ونفسه خايستن علي , وانا حاقره لأنه بنقالي ! لكن انا زلبت نفسيته لأني عارف إنه شامّن ريحة عررق وصنان فيني بس وش اسوي ما اقدر اتسبح الله آبوهم من اتسبح تجي فاتورة المويه على بيتنا بـ800 إلى ألف ! :( الله يلعن ابوها سباحه ياشييخ ! :24 لكن لازلت حاااقرررره على إنه بنقالي ! :24


قهواني حارس بيت الشيخ وجاب لي من هالرطب والقدوع وتمور اول مره اشوفها بحياتي اشكال والوان (تشوفونه وهو يتمردح بهالقصر تقل راعيه ! :24)طبيت بالحتسي وعرفت إنه متزوجن له بنقاليه وبيجيبها على كفالة الشيخ وبتسكن معه في هالقصر يوم بدت قريحتي الفطريه وشغفي على الزواج يحقرص تسلوتي :( الحين هالبنقالي يعرس وهو حارس ملعون الجدف لايكد ولايتعب وحتى تنظيف هالقصر مهوب عليه إلا اللهم يفتح هالباب ويجلس عنده وماغير مجمّعن هالبنقاليه ويدخنون وافلام وخرابيط !
وانا اللي مكروف ومنلعن والديني في هالدوام واكرف ويقال لك باز(ن) بهالسيفين والنخله اللي بجوازي ماقدرت إلى هالحين اعررس ! :(

سألته من مبدأ إني منغبن ومنقهر , وشلون بيصرف على عمره وعلى زوجته لا منّها جت للسعوديه وهو حااارس قصر طفران كحيان ملعون جدف ! :(


سألته : كم راتبك ياهالبنقالي الأسيود ؟
والله الحمدلله الشيخ مهوب يقصر علينا ماكلين شاربين في هالقصر ولاحنب في حاجة الرواتب لكن رغم هذا وذاك ولله الحمد تجينا رواتبنا ياربي كثر خير الشيخ تقريبا 9الآف كل شهر وفي المواسم والأعياد يدبّلها الله يطول بعمره ! :d


وش ذا الديره اللي ولدها وحامل اسمها وجنسيتها راتبه إن وصل مرره لشي زين وصل لـ 8 الآف واهله فرحوا به وطاروا به وهو على المرتبه السابعه واهله يعدّونه الكاش حقهم !
والبنقالي ملعون الوالدين اللي غرريب وفي ديرتن مهيب ديرته ولو صار ماصار مانفع الديره ولاسوّا بها شي غير إنه يضارط بها يعطونه تسعة الآف ! :y

طبعا الله يكثر خير الشيوخ ويطول بأعمارهم بس يخوي ترا عاد ماتوصل لهالمواصيل ياجماعة الخير ! :24 اجل انا والبنقالي واحد لااااا إلاّ هو ازين واحسن حال مني بعد ! :d
اجل بنقالي ياخذ تسعة الآف وانا طفران كحيان حتى راس معسل مانيب قادر ادفعه ! :d

بنقالي يتزوج ويكوّن بيت واسره وهو ملعون والدين حااارررس قصر مافيه إلا ذبان يدخل ويطلع , وكلب(ن) ينابح ملعون الأم في تالي الليول !!
حتى كلبهم الظاهر طالعن على شيخهم فاااقد :d , ينابح وهو ماحوله احد ! :j اجل لاجا الحرامي وش بيسوي ! :d

تنبيه /
الكويت تصرف لكل مواطن كويتي او لكل بيت كويتي كيس رز / وسكر / ودهن / وبر / ..
وحنا سعوديين اهل العز والجود والكرم , فيه بيوت والله ثم والله إن حتى كسرة خبز مافييه !!
كسررررة خبز اللي أيام العز نجمعه في اكياس يصير اكل للغنم والله الحين فيه ناس لو نعطيهم إياه كلووه من شدة الجوع !! :j قال اييش قال البترول نااازل !! يلعن ام الحاله كلش ينزل إلا المواد الأساسيه في التغذيه ! من رز و زيت و سكر وغيييره من اللي قااابت(ن) اسعاره ومررتفعه ! :j

يخوي إما إنتس ديرتن تنزلين الأسعار ,, وإلا يخوي ارفعوا الرواتب وفكوا العالم من هالفقر والطفره اللي هم فيها !
وإلا إن كانكم منتوب موافقين على الاثنين ! يخوووي اسحبوا جنسياتنا هاللي حنّا بازّي(ن) فيها وعطونا إقامات واصرفوا لنا دراهم مثل هالبنقاليه ملاعين الوالدين اللي على كفالة سموّكم !!



الحين هالشيخ يوم إنه حاط(ن) هالبنقالي ويصرف له تسعه الآف شهريا , من جيبه ؟

هذا غير المرافقين من الأخويا السعوديين اللي معه في السفر !
المرافق ماياخذ اقل من 12 إلى 15 الف في كل سفره ! :d الظاهر يسمونها بدل متعه ههههههههههه ! مسكين متغرب عن اهله ومسافر مع الشيخ لأن الشيخ الله يطول بعمره مايحب يسافر لحاله يستاحش ! :d

الحين سؤالي / هالأموال تهقون من راتبه ؟ وإلا من التجارة في بيع الفشق (بالسر طبعا:24 ) وإلا لأن البترول ناازل(ن) سعره غدى الريال ماعاد يسوى عندهم تراب الربع الخالي ! :d

البنقالي ملعون الوالدين يشتري قووطي الغدا للكلب من السيفوي تقريبا القوطي الواحد بـ50 ريال ! يعني باليوم 3 قواطي بـ 150 ريال !

وعندك شعب مهوب قادر يشتري كيس رز ياكل منه ويقوّي عظامه على شان يدابك لك في وزارتك من بكرا ويمشي امور مواطنينك ووطنك !! :d


احب اشكر الوطن على قبول هذا الطلب وانا متأكد ماراح يرفضونه كوني ابن بارّ لهذا الوطن :d وبيصرفون لي إقامه وبغدي كشششخه ورزّه واصرررف الدراهم , بدون ما اشيل هم إنه يجي يوم ما القى في جيبي ريال ! :d

مفتت مع إني ماقريت الموضوع زين إلا إني حسيت إنك منقهر بقوة من الفروقات اللي بيننا وبين الجيران :( ..!

أنا بقولك إنه تهون وهي ولا شيء قدام الأشياء اللي تقدمه مملكة الإنسانية للبنان والمغرب والأردن وباكستان ..

أجل مدينة سكنيه كاملة بالأردن وهنا ناس ماتلقى سكن ولا شيء .. وطالعين لنا بمشروع الملك للأسكان الخيري .. تدري انه مب ملك دايم يعني تسكن به خمس سنين بعدين يطلعونك ( واحد ي& ) ..!

وقبل فترة للمغرب نص مليار دولار عشان الشعب يحسن أوضاعه عقب إرتفاع النفط .. وحنا ملعون والدينا بأسهم ونفط وسكن وحديد وكلش ولاشفنا أي تحرك أو كلام بس يهدي الأوضاع !

ولبنان عد واغلط بنينا ديرتهم مرتين وأخرته اللي دفع مليار عشان التعليم والثاني دفع دون من المليار مدري وش على شانه ..

باكستان اي فضيان اي شيء لنا اليد الطولي فيها وعندك ناس منكوبين شمال وجنوب السعودية ساكنين بصناديق وعشش وغداهم يطرد عشاهم مايلقون أكل !


وأخر شيء الموضه اللي طلعت حقت مملكة الانسانية حقت مشروع الملك اللي يفصل من التوائم جلعهم الفصل اللي يفصل رقبته عن جسمه ان شاء الله .. كل فترة جايبين لين تايلندي مدري ليبي وفصلوا عياله والعملية بكم مية الف تكلف وحنا الواحد مايلقي موعد يشوف به الدكتور :( ..


ياخي الوضع &ان مرة خله على ربك بس ماعندنا زي اللي عند لبنان والمغرب :( ..

مفتت تراني راد على النية قريت الموضوع وانا توني جاي من مباراة ومتسكر وبرد وأحمد وراي يتحسس حرق رأس المعسل :( .. فأظن لي العذر لو شطحت أو جبت العيد :d ..

خلنا على جنب

الاجيال الجايه وش بيصير وضعها؟
بنصير مثل المصاريا نروح نشتغل برا ؟

كل مالها وأردى .. الله يلطف بنا

سمعت ان الاسعار رجعت مثل ماكانت اول بس انهم حرنين اهم شي مايرفعون الرواتب خخخخخ

الحين بلشينا بالنت شعب مطفر مايلقى ياكل ومن هالكلام وانا لاطلعت بالشارع ماشوف الا بي امات وبانورما ولكازس وين هالطفاراى :d (جمع لكزس :24 )

اسمع بس ماشوف الا الفسقه من تالي ..

الله يعينكم يالشباب

مشفلت هههههههههههههه يخوي الجيران في يوم من الأيام كانوا في نكبه واكثر ناس وقفوا معهم السعوديه ..! ماننكر إن السعوديه دوله سبّاقه للخير ومن هالحتسي بس يخوك , توكل جارك وتشبعه وولدك فاتحن ثمه ويصرّخ جايع لييييييه ! :d

الكويت ياعزيزي نظامها ملكي ومع ذلك مُحاسبه على الأموال اللي تروح من الوزارات .! يتابعون كل دينار وين راح ووش المصلحه العامّه فيه ..! ليه مايطبق هالنظام في وزاراتنا من البلديه إلى الماليه ! :j ادري إني اتكلم بالمستحيل , لكن اول كانت الجنسيه الكويتيه ولاشي بالمقارنه بالجنسيه السعوديه كون إن السيفين والنخله تعز ولاتذل , لكن الحين ! لو جوازي عليه بقره (هندي) ازين لي من هالسيفين ونخله :d

بالنسبه لمملكة الإنسانيه الله يوفقهم ويجعلها في ميزان حسناتهم .. :h بس زي ماقلت لك في البدايه حكومة السعوديه سباقه للخير لكن يخوي لاتصير على حسابنا !! سباقه للخير ومتبرعه لباكستان وافغانستان بأكياس رز في رمضان وعندنا كيس الرز وصل لـ300 ريال !!

المغرب طبعا حالة شاذه هي ولبنان :d تخبر المغرب ديار سحر وجمال يالله من فضلك .
ولبنان ديار خوااااال الأطخم إذا ماعمّر بيوت خواله من يعمّر .! تبي خواله يغدون في جهل ولايعمر لهم مدارس خببببل انت ! :d
راغب علامه وعاصي الحلاني يصارخون رااااجع يتعمّر لبنان على حساب ميزانية الدوله السعوديه طيّب الله ثراها .. :h

بالنسبه للنفط / وصل لأعلى سعر في فترة سابقه ومع ذلك ارتفعت الأسعار وقبّت فوووق ! والحين نازل وبرضوا لازالت الأسعار مررتفعه ! يعني النفط مال امه علاقه في الأوضاع الداخليه للبلد لأن سعره من عشر سنين وهو ثابت بالنسبه للميزانيه وإرتفاعه ونزوله ماهو إلا مساهمه في رفع المخصصات وتدبيلها فقط ! :d

معلومه بسيطه / هل تعلم ياعزيزي المواطن بأن 3 الآف مليار ريال سعودي(هي لها إسم بس مانيب اعرفه :d) هي حصّة المملكه العربيه السعوديه من مجموعة الاموال المفقوده بالولايات المتحده ..!؟
والمصدر على ذمّة البنقالي هههههههههههههههههههههه ! :d

مشفلت وش تجيب العيد ماقلت إلا شي واقع ولافيه شي لو تكلمت عنه ..! يعطيك الف عافيه وياعسانا انا وإياك ناخذ الجنسيه اللبنانيه في يوم(ن) واحد كود يجينا من هالعز اللي جايهم وهم في ديرتنا شي .. !

آجل تبي تصير بنقالي :d .. بالله واحد باشا وحط جمر صغير وأشبك اللى جعلي أشبك الليات اللى براسك بدينمو :d .. آجل تبي تصير بنقالي حلاياا هالوجهه .. أنت لو تصير بنقالي ياشيخ وأن يرتفع سوق البنقاليه أجل فيه بنقالي أبرص :d .. على العموم ياشيخ مفتت كلامك عين العقل والزين .. بس صدقني جاركم ذا حاله خاصه بس لا مانع ان حنا نشوف الأرقام المحوله لتلك الديار وطالعه من وطناا الله يخليلكم وطنكم اما انا ما أبيه :d .. ياشيخ دراهمنا كلها لغيرنا الله لا يخفس بنا الله يستر لا يجي يوم اللى نقول فيه للبنقالي طال عمرك وينادينا يا( صديق ) ..!!





ورررررررررررررررررررررررررر

يخوي إما إنتس ديرتن تنزلين الأسعار ,, وإلا يخوي ارفعوا الرواتب وفكوا العالم من هالفقر والطفره اللي هم فيها !

ياخي موب منزلين الأسعار ولاهم رافعين لنا رواتب خلنا ننشغل بالطفاره أزين مما ننشغل بشي ثاني وإلا؟ :d


ترى مااحد عايش زين بالديره هذي الا الاجانب والا اللي يشتغلون بالسر زي أبو سعود :d


مفتت موضوعك ذو شجون جاب لي الحتسه ..:(

وش ذا الموضوع ياطوله وياكثر هرجك !

لي باك معك .. ياصبر الكيبورد :d


باك

اشوا لحقت عالتعديل ولا كان زرط من الفاليوم لين طلع من خشمي خبركم بهجت هاليومين متقضي حبوب حالف يخلصهم بأسرع وقت لنا الله يالاعضاء الضعوف :p:

نجي لموضوع مفتت اللي باين انه كاتبه وهو في أشد حالات الغبنه والقهر والحزن وووو وكلش :p:


وعلى طاري المواد الغذائيه وارتفاع اسعارها الأسبوع اللي فات قلت لطويل العمر يجيب لنا خيشة رز بما ان خيشتنا خلصت وخبرك شخصين بالبيت حدنا خيشه ام 5 كيلو وانما لقينا جبنا ام 10 كيلو الزبده قلت له يجيب خيشة رز وحزمة جرجير وكم شغله قلت فاتورتنا 50 ان طقة 80 يوم جاني قال لقيت خيشة الرز ام 10 كيلو ب 87 ريال :y غير المقاضي الثانيه طلع الحساب 120 لاحظوا انها مقاضي خفافيه مره يعني وانت راجع من الصلاة جب معك :y

ارتفاع في الأسعار بشكل مهول صراحه طيب واللي دخله مايتعدى ال 3000 وش يسوي !

يسرق؟ يتعامل بالرشاوي ؟ يبيع محظرورات؟ <-- فيس يخز بهجت :24

بعدين نقول ليش الشعب السعودي نصاب ويستغل اي منصب ينحط فيه !

قهر والله :p:

مفتت كل تراب هيجت مشاعري وأسلت دموعي :d

ديم .. الأجيال القادمه بتصير حالتها مثل اطفال فلسطين والعراق .!
وبالنسبه للأسعار ورفع الرواتب لطقّة ابو سعود تراها صب واحقن ..
رفع الرواتب مهوب حل لاننسى إن فيه عوائل رعاياها عاطله (وجه يناظر بهجت :24) يعني بترتفع رواتب الجحلوط الجندي وبيصير راتبه 3 الآف ونص والمدير اللي ماشال هم ارتفاع الأسعار بيصير راتبه الـ25 ألف !

أما من ناحية إنهم ابلشوك فأنا مستعد ارسل لك لوحده اعرفها تروحين معها بجوله وتشوفين بأم عينك الشعب السعودي اللي ماعنده قطعة خبز واُقسم برب العباد إني صادق ..

ولاتقعدين تناظرين اللي بالتحليه والتخصصي وشارع الحوامل وتقولين هذا الشعب السعودي .! واللي متجحلطين وكارفين في دواماتهم + خارج دوام ويطلع آخر الشهر بـ8 ونص مع البدلات هذا من ويييين يآكل وإلا يوكل عياله على شان يشتري لكزس وإلا بانوراما !

والفسقه زي ماقلت لك ماتجي إلا من اللي ماشالوا هم ارتفاع رواتب او غلاء اسعار ..! بالعكس صرفيتهم في الشهر لو تاصل العشرين ألف ماحسّوا بها ! لأن بعد الخمسه بالميه بسبب غلاء الأسعار صارت رواتبهم فوق ال25 ألف !

روحي لجمعية البر واطلبي كشف سجلات بأسامي المحتاجين ( عتبان / مطران / سبعان / قحطان / بني تميم / بني زيد / ...الخ ) واغلبهم عساكر سعوديين يحملون الجنسيه السعوديه وطفااااااارى ! اللي مطلقه واللي عيالها صغار واللي رجلها ملعون ام سكيّر نكيّر واللي واللي واللي ....
هذولا وش يسوون ! يطرّون !؟

وفي نفس اليوم روحي ل (لوبي الفيصليه) وشوفي اللي من طقّة ابو سعود

سؤالي لك / وش بينفع الدوله او وش الأبدى لو صار ماصار .. العساكر المتجحلطه واللي يخدمون البلد وإلا اللي عايشين على المخصصات والخرابيط حقتهم ! محدن قاعد في هالديره لو صارت مثل العراق وفلسطين غير اللي مثلي وشرواي متجحلط وعليه قروض وديون إلى بكرا ! لكن ابو سعود اقرب حجز لسويسرا وامريكا وبريطانيا وصلى الله وبارك خصوصا إن دراهمهم هنااااك :d

تبين ارسل لتس للي اعرفها تروحين تشوفين المجاعه والطفره بالسعوديه !؟ :24

ديم من الآخر الظاهر إنتي تعانين من وجود بطانه فاسده تمعنك من رأية الشعب السعودي على حقيقته ههههههههههههههههههههههههههههههه

وبيني وبينكم يبيع (فشق)واسلحه خفيفه بالسر طبعا

بالله يامفتت دامك تعرفه يبي لي شوزن ام خمس الله لا يهينك .. كان فيه مستعمله ولا الجديدة غاليه شوي :24

بعدهم مفتت ورب الكعبة المشرفة ان في راسي كلام طويل عريض بس والله انا عارف اني بجيب العيد .. وبتصير رتبة شدّاد × مقيم في اصلاحية الحائر × وجنبها ثلا نجووووم ..!

كلامك صورة وحده بس من الصور المآساوية في مملكتنا الحبيبة وخصوصاُ الأجانب .. يجي هنا ملحط ويجمع له زكرت حلوين هنود ولا بنقاليه ويستاجر له دور ويقطع .. وفي الاخير يكتبون في الجريدة تم القبض على اجانب استاجروا فله ولا دوور ولا استراحه تم فيها صنع خمور .. وآخر شيء يسفره وانتهينا .. يعني بعد ماطلع دبل دبل دبل دبل مجموع راتب السعودي خلال 10 سنوات ولا 5 تجي تسفره وبعد التسفير يجيك باسم ثاني بعد مايفسق بهالفلوس ويستانس وينقز له بنات في بنقلادش وينقط عليهم بهالفلوس في اقرب مزرعة ويروق مخّه يجي هنا باسم جديد وعلى هالحال ..!
دور لنا استراحه رخيصه بسسسسس وعلي العفش كلّه .. :24

مفتت :fl :h

إييييه يا حر تسبديه :24 ..
ما تفتحش أبواب متصكره أحسن ما نقيب العاطل :24 ..

والله قمة القهر والغبنه ..
لما تشوف ذا الأجانب يملكون " بيت - سياره - محل تجاري - رصيد في البنك - وظيفه بمرتب خيالي بالنسبه لـ شخص من أهل البلد " ..

وتشوف السعودي يطامر بملفه من محل لمحل ..
أول أسبوع يطامر بموتره .. ثاني أسبوع يطامر رجليّه لأن ما عنده فلوس بنزين :24 ..
والله شي يغبن لما تشوف مليارات تروح لدوّل ثانيّه وأنت تتفرج !
أوكي هالدوّل محتاجه وإحنا ناس فينا خير ولله الحمد .. ولكن مثل ما قلت .. ليه أعطي عيال عمّي وعيالي جياع ؟!

يبن الحلال الله يرزقنا ويفتح لنا أبواب الرزق من حيث لانحتسب ..
وإن شاءالله يبي يجي يوم يلتفتون علينا ويكبون علينا من ذا الخير :24 ..

لاهنت يا مفتت

اي والله يا مفتت شي يقهر.. اجل 9 الاف..
وحنا نفرح ب3000 ..

حنا شعب قدام العالم .. شي كل سعودي برا ديرته يشوفونه مليونير ويمشي ويقطط من هالفلوس.. مادروا انه متسلفن وانه اذا رجع ديرته يبي يدخل السجن وان مابجيبه نص ريال..

والله حرام..طيب اقولك سالفة وحدة راحت تقدم على مدرسة اهلية .. ومن زين الراتب هناك بس انها قالت تملية فراغ.. المهم المديرة سورية الله يلعن اصلها السمرمدية.. سالت البنت انتي تبين تمهدي البنت انسألت طبعا تبي تجاوب.. فردت البنت لا متوسط احسن.. مادرت الا هالسورية رافعتن يدها وتقول لا تشارطي..هالحين انتي سألتي طبيعي البنت ترد وشوله( لا تشارطي) قسم بالله ليتني فيذاك عشان اتفل بوجهها..

تدري حنا اكثر شعب يستخدم الملف الاخضر.. وكل ماقالوا شاب سعودي اتخيل شكله يركض وبيده ملفات خضر..فلوسنا تروح لغيرنا وحنا قاعدين الله مير يخلف علينا..


يعطيك العافية مفتت فتافيت

مفتت :h ..سلجني من المعجبين في قلمك .. مفتت :h جعلت من القراءة متعة لاملل .. جمعت هموم المواطن
في أسطر من أبدع مايكون .. (ماشاء الله ) << عشان العين ..:D


حنا يالمواطنين .. ملعون أبو جدفنا ..! من وين نلقاها بس من التعليم ولا الـ*** ولا من غلاء الأسعار .

- وهالفقراء المساكين .. اللي زادت نسبتهم بشكل كبير في الآونة الأخيرة ..

واللي يزيدك قهر .. انك تشوف هالتبرعات اللي بـ المليارات للدول العربية المجاورة .. وشعبك في أمس
الحاجة لريال واحد ..! يا أخي إذا تبي الأجر فـ الأقربون أولى بالمعروف ..!!

الواحد ماوده يدخل بالنوايا .. لكن اللي تشوفه يخليك تتأكد انه مجرد "ابتغاء سمعة" << من قال اسماعيل مطر ..:D

لاهنت مفتت .. :h

ودي اكتب رد انتحاري هالحين على شان لاتجربع الرد وشافوا الآي بي يلقوني بوزارتهم ههههههههههههههههههههههههههههههههههههههه :d <--- مروّق بالدوام :24

كشكووول .. يعني ضنك بيوم بنشتغل في مقهى الدانه وبينادينا مرجان يقول ركّب جمر ! وسند يقول يامفتت شب رااس :d ! بس ابن امّك تلقى بنقالي ياخذ دور ملف هههههههههههههههههههه لأن مافيه بنقالي حماااار على شان يشيّش نعناع ! :d
كشكووول مجرد مرورك يكفيني يابعد جبدي والله :h <-- طراله الحاله الخاصه :24



حيدره ... لمن نشتكي لغير الله !؟ :( اجنبي ملعون الوالدين ساكنن في بيت افخم من بيوت عايلتنا كلها !! :j وحنّا ياعيال هالديره متحاشرين يالأخوان كلنا في غرفتن وحده !!
حيّ هالطله .. D12


خشمانه لاترجعين ولا اشوف وجهتس .. اجل ياصبر الكيبورد ؟ متميحلتن عميرتس انتي ياصبر اهلتس عليتس مهوب بس الكيبورد ! وعلى الطاري ترا فترة التعديل ياملف ياوصصصخ خلصت يعني شلها هي وردها وكل شي فيها واقشعها برا المقهى كله اصلا تلقى هالحضرميه غررقت مع اللي غرقوا في صنعاء إن شاء الله :24 انقلعي :d

تنبيه /
الكويت تصرف لكل مواطن كويتي او لكل بيت كويتي كيس رز / وسكر / ودهن / وبر / ..
وحنا سعوديين اهل العز والجود والكرم , فيه بيوت والله ثم والله إن حتى كسرة خبز مافييه !!
كسررررة خبز اللي أيام العز نجمعه في اكياس يصير اكل للغنم والله الحين فيه ناس لو نعطيهم إياه كلووه من شدة الجوع !! قال اييش قال البترول نااازل !! يلعن ام الحاله كلش ينزل إلا المواد الأساسيه في التغذيه ! من رز و زيت و سكر وغيييره من اللي قااابت(ن) اسعاره ومررتفعه !



أخوي مفتتً مهب مشكلة بس لا تنسى باتسر الصباح الله لايهينك تسيرً علينا بفرع خنشليلة ولاهوب صاير خاطرك إلاً طيب إن شاء الله :d
أبشر طال عمرك أجل ماتبي الجنسية هآآآه أوكية بس قبل تسحب الجنسية منك نبي نوًريك عصى المكنسة اللًي يهرج:24


ياحبي لك يابو تسبود

بالنسبة لمساعدة دول الجوار تراها إتفاقية دولية يعني ملزوم تساعد الدول الفقيرة خاصة بالكوارث مثل الفياضانات والزلازل .........الخ حتى لو كانت دولة غير مسلمة


يعطيك العافية مفتت

اقول لاتصرف ياكلب وجب عشرتي ..
شايفني بنقالي كاش يوم انك ناوي تسحب علي فيها؟! ..
على العموم يامفتت موضوع يضيق الصدر :( ..
لكنه افادني كثيراً حيث اني عرفت ليه امس طاقني سواقنا ..
اثاريه قادحها مع ابوي وقرر ابوي يعطيه 3000 للشهر :( ..
وانا حدي مكافأة الجامعه :( .. ليه يايبه ليه؟! :( ..
يارجال صح اننا طفارا بس احسن من غيرنا ..
يعني لاتقارنا بالكويت يرحم امك ..
تراها كلها مترين في ثلاث امتار ..
وشعبها ولا يجي شي عند شعبنا ..
لذلك لاصعبه ينصرف علينا مثلهم ..
واحمد ربك وارض بالأمر الواقع ..
ولاتنسى تجيب معك عشرتي اليوم ..

أبي المنـــــــااااااااام وكل مااااجيـت ابرررقـد .؟؟؟؟
حـــااالة همـوومي بين نوومي وعينــــي ..!

من ررردى الحـــظ قلبـي طـووول الايـاااام خاااااااايف ؟؟؟
خـاايف والليـااااالي ماتجينـاا بخيــــررر !!!
^
^
^
أبيااات يرددها الشعب السعودي كثيراً من زود النعمه اللي هو عاايش بهاا ..!

واحب اهديك يامفتت بيت شعرر دايم اردده :fl
خلهـاا بالقلـب تحـرررق مـاابقـى !!!
عـااادتي .. ماشكـي على غيـرري عنــاااااااي ..!

لك :h .. ورجعه لإني عارف اني في يوم من الأيام بضطر أبيع قلبي عشان وجبة غدااء عباره عن كروسان وسفن .. وأحلى تحيّه لبراميل النفط اللي من جوع والفقر ودنا نشربها شررررررررب ونفقد العمر كلللللللله ..!

اي والله ماتسذبتوا في اللي قلتوه .. :(

انا قللت الروحات للسوقه من الغبنه والقهر ..اذا دخلنا نشتري الاشياء
اللي محتاجينها يعني وقت العيد نشتري اغراض له .. والجامعه نفس الحاله
وكل هذا بسعرمناسب يعني الفسقه مهيب زينه .. :y
يعني اذا دخلنا نراعي شوي .. ولين شفت هالاجنبيه تتمشى وماده ذراعها
وماغير نسف في ذا الخلاقين عليها .. مير مهيب تشوف السعر ..
على طول تاخذ وتنسف ..اولع خطر(ن)اصيح .. :m نعنبوا بليسها المحل غاااالي
ومابقى قطعه ماخذتها .. ..
لين قلت لامي :h قالت من حصل شي يستاهله .. طيب تحصله في ديرتها
مهوب عندنا ..
فيه ناس عندنا مالقوا وش ياكلون .. :(
بس وش نقول غير حيل الله اقوى ..

مفتت :fl

مفتت حبيبي لا تنقهر ولا شي .. هذي اشياء عاديه .. وبالعكس بدل ما تقول شوفوا هذا وش سوا وهذا كم معه فلوس.. قول الحمد لله على النعمة .. صدقني وانا اخوك صحيح انك بتلاقي ناس ما تسوي شي لكن حياتهم بايخه .. مافيها اي شي يشد اي انسان لها !!

فيه قصه او مقوله دايما يقولونها الناس .. ان الانسان الي معه فلوس ما تلاقيه مبسوط .. تلقى فوق راسه هموم الدنيا كلها .. والانسان الي يلا يلا ويجي آخر الشهر ما معه 10 ريال تلاقيه مبسوط بحياته واكيد عنده هموم لكن مو بقدر ذاك الي يموت وهو عمره 40 من الضغط الي يجيه من الهموم ..

:d بعدين يا مفتت لا تنسى ان عند الهنود والبنقال الحرمه هي الي عليها العرس موب الرجال !! والشروط التعجيزيه من الاهل 100 الف ريال مهر ومن هالاشياء هي الي تخلي فرق بين المجتمع السعودي والمجتمعات الثانيه .. بس هيهات يفهموا اهالي الناس على الطلبات حقتهم ..!! وهذا موضوع لحاله لو بيصير نقاش عليه ..

وعندي نقطه ثانيه .. انت تقول انك تاخذ 8 الاف ريال ويلا يلا تلحق على نفسك وانت اعزب .. كيف لو قلت لك واحد فاتح بيت ومتزوج وعنده بنت صغنونه عمرها سنه وشوي .. وراتبه ما يتعدى 3 الاف ريال ..!! واذكر آخر مره قلي ان راتبه 2200 والله اعلم .. ولو تقلي انه ما يطلع وما يجي بالعكس .. يطلع ويجي ويروح .. بس بالمعقول .. موب كل يوم .. مره بالاسبوع يطلع مع عياله .. واذا جت طلعه مع ربعه طلع .. يعني مو عاصر نفسه لدرجة انه ما يصرف ولا يطلع ..

فيا حبيبي مفتت روق ولا تعصب :d وفلها وربك بيحلها.. ولهم الحياة الدنيا ولنا الآخره ان شاء الله : )

::

الصراحه ما قرأت معظم الردود لكن مشيت بسرعه عليها .. وواحد من الردود الصراحه ثار اعصابي وضايقني مدري ليه ..

رد الوله* .. : (

الصراحه يا الوله ردك عنصري وماشي مليون ويقول يالعرب تفرقوا !!
العنصريه بكل مكان وهذا لا محال منه .. بس العنصريه عند العرب كثيره .. لو اجيب واحد من سوريه واحطه اسبوع بالرياض ويكون ما يعرف يتعامل مع الشعب صدقوني ليهرب مشي لسوريا :d هذول هم الامريكان .. قاره كامله بحالها .. ما اشوف واحد [ من نيو يورك خلينا نقول ] يتريق على الثاني [ من فلوريدا ] او حاقد على الثاني عشانه يشتري اشياء كثيره ..

ومعليش بكون فظ شوي .. لكن هالتفكير هو التفكير الي يبغونه الغرب عشان يفرقوا العرب عن بعضهم ..! ويقلك الحديث ان العرب ما راح ينتصروا الا اذا اجتمعوا .. اجل كيف تبونا نجتمع لو كل واحد فكر منا بنفس هالطريقه ..
حتى ياليت بين العرب .. بالسعوديه نفسها .. لو جاا واحد من الرياض وراح لجده بيجلسوا يتريقوا عليه يا بدوي يا مدري ايش !!!

ردي لك يالوله كان من استغرابي كيف العرب احنا نفكر .. وكيف نبي يكون عندنا اي شي .. بالعكس .. قولي الله يرزقها كمان وكمان .. ويرزق جميع المسلمين .. مو تقولي هذي وحده ماهيب من السعوديه وتشتري كدا !! بدل ما تناظريها وتكوني منقهره منها .. قولي الله يرزقنا مثل ما رزقها ..

والسلام ختاام :) ،،

والانسان الي يلا يلا ويجي آخر الشهر ما معه 10 ريال تلاقيه مبسوط بحياته واكيد عنده هموم لكن مو بقدر ذاك الي يموت وهو عمره 40 من الضغط الي يجيه من الهموم
إسمح لي يامفتت بالمداخله وسحبت هالجلنط .. حبيبي ابويوزر إنقليزي .. انا رجال اخر علمي بالفلوس بعهد الملك فهد (( صيغة مبالغه )) واهلي بخير لكن انا الجاني استاهل الحرماان .. المراد ياحبيبي رحت للطبيب المداوي قالي مسكين عندك مشاكل بالجمله والليالي بخيله .. ياحبيبي هالمقوله اشوفها تخفيف للنفس الحزينه .. يعني الطفران بتصير همومه اخف من اللي يكح خمس ميّه ..؟ صعبه ياشيخ .. الفقر لعن ابو مندوبي شوي واختفي من الطبيعه من قو الفقر :24 .. نجي للجد لو فيه شخص عنده ثلاث عيال يالله يسد معيشتهم هل بيتفرّج على عياله كذا .. ياشيخ وربي إن ينحرق قلبه من الحسره .. بعكس اللي معيّش عياله لاشافهم مبسوطين لو رصيد همومه ملايين شرط إن يصفّر العداد .. يرجال خلها بالقلب تحرق مابقى .. ما معك سلف بس ..!
لك يالإنقليزي :fl

الكويت تصرف لكل مواطن كويتي او لكل بيت كويتي كيس رز / وسكر / ودهن / وبر / ..
على طاري الرز :24 أذكر أول ما رفعو سعره وقامت الدعثه طلع واحد مدري هو وزير ولاّ وشنهو من لحيه قالو له شئ عن أبو كاس قال مهوب لازم تأكلون أبو كأس يعني (( أكلو تبن :24)) والله ذاك اليوم بغيت أطق مافي عيني قطره من الغبنه .. و الكويت لا تجيب طاريها بس العن ام ابليس اجل الوحده لا تطلقت تعطى بيت ويمشي لها راتب و حنا عندنا الوحده تاكل ترااب لين تموت :( لأن التراب ببلاش طبعا :( .. قسم بالله شعب رايح فيها الشباب بطاله والبنات عنوسه والعالم ماتت ..ياحلو عيشتنا حلوااااه :h:h




إلا أنت وش أخبارك ؟ << تسنها قمطت :(

,

نجي للجد لو فيه شخص عنده ثلاث عيال يالله يسد معيشتهم هل بيتفرّج على عياله كذا .. ياشيخ وربي إن ينحرق قلبه من الحسره .. بعكس اللي معيّش عياله لاشافهم مبسوطين لو رصيد همومه ملايين شرط إن يصفّر العداد .. يرجال خلها بالقلب تحرق مابقى

حبيبي بهجت انا ما اناقش حال الدوله وكيف انها ترسل مواد وفلوس واشياء للبلدان الثانيه .. لان كل بلد مو مهتمين بالبلد حقتهم !! وما ابي احرق قلبك على الفلوس الي ارسلت للبنان المليار وشوي .. لكن للمعلوميه سعد الحريري خلال آخر سنه او سنتين اشترى معظم اراضي العقبه [ الاردن ] والحين هو يملك تقريبا 75 % من العقبه .. وكل اهل لبنان يعانوا وسعد راح يشتري ويصيف بالعقبه !!

لكن انا ما اتكلم عن الفقير والمحتاج وعن ارسال الدعم لاهل البلد .. انا اتكلم عن حال اي شخص يبي يكون بيت وبالنسبه لمفتت يقول ان راتبه 8 الاف ريال ويجي آخر الشهر ما عنده فلوس ومو قادر يتزوج .. يمكن هو مو قادر يتزوج من الطلبات او انه مو قادر يحوش ويصرف 8 الاف ريال او 7800 والله اعلم بشهر واحد .. وانا قلت ان فيه واحد من الشباب عايش مع عيلته بـ 2200 ريال !!

وان شاء الله مافي احد يحتاج من المسلمين ..

وهذي لك يابهجت :) :fl

Evil Hard

اخوي انت مافهمت قصدي .. انا ماحسدتهم على النعمه اللي هم فيها بالعكس الله يزيدهم .. ماقصدت ليش عندهم وماعندي .. الحمدلله انا كثير مبسوطه واهلي بنعمه .. انا قصدي انهم في بلدانهم ماعندهم الا الضعوي ..
واللي هم فيه الحين بسبب وجودهم عندنا وعملهم هنا حتى رواتبهم تطلع اكثر من رواتب السعوديين .. وعيال هالبلد مالقوا شي ياكلونه ولا مكان يضفهم عن الشارع ..
يعني هم مكوشين على كل شي..
يلبسون وياكلون ويسكنون في اماكن مايحصلها اغلب الشعب السعودي ..
لو قلنا انهم درسوا وتعبوا وهذا نتيجه عملهم .. طيب هنا درسوا وكرفوا لين عضوا الارض
مالقوا اللي يلقونه هم عندنا ..
واللي يقهر زود ان العرب كلهم عندهم فكره وحده وهي ان السعوديين
من اغنى الشعوب .. وانهم يلعبون بالفلوس لعب .. حتى انهم صاروا يستغلونهم..
ويعتقدون ان نسبه الفقر منخفضه عندنا والعكس صحيح طبعا ..
يعني هم اذا جو هنا عيشتهم احسن من عيشت اغلب السعوديين ..
وهذا احنا نشوفه في كثير اماكن .. وانا ذكرت لك مشاهدهم في السوق ..

وارجع اقول الله يزيدهم اكثر واكثر مهوب حسد بالعكس ..:)

وقلت فوق وش ردت على امي (من حصل شي يستاهله ..) بس ولو مازلت مغبونه :d

لك :fl

طيب بهذي النقطه انا اخطات فهمك فيها .. لكن بالنقطه الثانيه الي الحين انتي وضحتيها هي كمان عنصريه ..
بس اذا ما لقى شغل مو يعني هالشخص او هالعائله الاجنبيه اخذت محله او مكانه بالمجتمع ...
لا ندور حل ونقول ان الاجانب ماخذين اماكنا بالمجتمع لان هذا مو صحيح .. الشخص هو ما يبي يشتغل .. والشغل ما يجي بيوم وليله !! واليد الوحده ما تصفق .. لو خلينا بس شعبنا الشعب السعودي يشتغل باحد الشركات بتشتغل نص دوام .. : )
والحين الشعب او الشباب صار طموحهم يشتغلوا باماكن معدوده ..
1/ الاتصالات السعوديه
2/ الخطوط السعوديه
3/ العسكريه [ او الجيش ]
4/ بالحكومه

يعني لو جبتي واحد وقلتيله تعال اجلس بمكتب 8 ساعات باليوم واشتغل .. ما راح يجلس .. وبعدين لو تبي تقارني الشعب السعودي باي شعب ثاني بتلاقي ان نسبة الفقر السعودي قليله بالنسبه للشعب الثاني .. وباي شعب بتلاقي نسبة من الفقر ..

واتمنى نشيل العنصريه من قلوبنا .. ونقول احنا عرب .. مو نقول احنا سعودين واحنا لبنانيين واحنا سوريين .... لو هو كافر بالنعال نطرده بس عربي مسلم خليه :d

:fl لك : )

كل شي بيد الله الرزق وماغيره ..

والواحد مايصير له الا المقدر والمكتوب هل يكون فقير غني ..
مبسوط بفلوسه .. مو مببسوط بفلوسه .. :)

اوكي انا اقولك بالنسبه لها النقطه .. من قال انهم مايرضون يشتغلون 8 ساعات
في مكتب اذا الحين هم راضين يشتغلون في السوبرماركت ويسوقون ليموزين
مهوب راضين يشتغلون 8 ساعات في مكتب ؟؟.. بالعكس هذا دليل على انهم يدورون الرزق وينه فيه
ويبونه لانهم محتاجينه .. بس وش يسوون مع اللي مايبون يوضفون الا الاجانب ..
وعلى فكره السعوديه فيها فقر مهوب صاحي ..فيه ناس والله حتى قطعه الخبزه اليابسه
مايحصلونها ..يعني والله انقهر اذا شفت هالشي وهم من بلد يعتبر من اغنى الدول ..
الكلام اللي قلته ابدا مافيه عنصريه من وجهة نظري .. انا ودي بالخير لعيالنا
ودي انهم يلقون اللي يستحقونه واللي هو اصلا من حقهم ..
والله يرزقهم ويعطيهم .. بس مازلت مغبونه <-- بتنجلد :24
والاختلاف في وجهات النظر لايفسد للود قضيه ..:)
مشكور اخوي ..:fl

المرافق ماياخذ اقل من 12 إلى 15 الف في كل سفره ! الظاهر يسمونها بدل متعه ههههههههههه !

هذاك ايام الرخص..الحين حتى المرافقين غلة اسعارهم مرافق ابوي الكلب ماخذ 50 الف.
بعدين احنا هنا نتكلم ومحد درى عنا مفتت ترى اهم شي لبنان والمغرب..والعالم تشوف وش خذوا لبنان والمغرب..الحين كلن يفوشر حتى البنقالي ينفخ بوجهك وان صار شي تركب فوق راسك..
يعني اغسل يدك تصير بواب حتى..

انا اكره مالي لاوقفنا عند اشاره تشوف لك امريكي والا انجليزي يسوق لاندكروزر وراز عمره..
وشبابنا حدهم فورد فكتوريا لاوموديل 97..
وتلاقي راتب الاجنبي ارفع من السعودي..ليه مدري!!

وشكرن

انا جاي تعبان وطفشان من الاختبارات .. يعني ما بكثر كلام اليوم ههههه
بس بقول ان فكرت العنصريه وهذا بلدي وهذيك بلدك غلط × بغلط .. لان حتى ديننا يقول ان المسلمين ما راح ينتصروا على الياهود والكفار الا اذا اجتمعوا سوا .. فااذا كدا تفكيرنا الحين .. وراح نفكر بهالطريقه ونعلم عيالنا هالطريقه فماراح اعتقد ان بيوم من الايام راح يتجمع المسلمين كلهم سوا تحت راية الاسلام .. اذا كل واحد بيقول هذي بلدي وهذي بلدك لا تقرب مني ولا تتعدوا حدودي ..

بعدين لا ننسى ان الكره الارضيه ملك الله سبحانه وتعالى ماهي ملك لا سعودي ولا اردني ولا مصري ولا حتى هندي .. كلنا سواسيه سواء كنا من الجنسيه كذا والا كذا .. الفرق الوحيد الي لازم نناظره هي الديانه .. ان كان مسلم والا لأ.. وان ما كان مسلم ساعتها لنا ولك الحق نقول والله هذا ياكل من فلوسنا ..

وهذا اخر رد بيكون لي بالموضوع لان الصراحه مليت وانا اردد الكلام واناقش والوله مو راضيه تغير رايها :d

والسلام ختام :d

محبكم الانقليزي << نك جديد :d