http://img571.imageshack.us/img571/2008/25500490.jpg


السلام عليكم و رحمه الله و بركاته





اهلين و سهلين فيكم ي اعضاءنا في الحلقه الثالثه من برنامجنا اليومي في رمضان " نشبنا لك "




طبعا بكسل في الحلقه السابقه ورط لنا شخصه :d عقبه يبي يشوف هي سنعه و الا من جنبها طبعا طاح الحظ على عضوه اسمها مايفارق سفرتنا برمضان واسمه ينورنا بتواجده بالمقهى " طاسة فيمتو " :22


حياك الله طاسه و نحن سعيدين بـ استضافتك في شهر الخير و الله يعيده عليك اعوام عديدة :h










*






طاسه /





وش علاقتك بالطبخ و المطبخ ؟


علاقتي بالمطبخ :m:

بصراحه مااحبه :d يعني ادخل اضبط لي فنجال واطلع :d
ومن تالي ناويتن اسوي مثل جدة زوارة خميس احطلي منقد بالصاله واسوي قهوتي عليه واقطع علاقتي نهائي بالمطبخ :d













فيه اكله من يدينك تعجبك و الكل معجب فيها من حولك ؟


ايه فيه :d <---- :24

الكبسه وبشهادة الكل :d:h غيرها ممكن اقرا الخطوات وانفذ وتضبط معي بس شي اتفنن فيه وكذا واحط كل شي من راسي فهي بس الكبسه والقهوه <--- اهم شي :24:h












اكلتك المفضله .. مشروبك المفضل .. كاكاوك المفضل ؟


اكلتي المفضله ممممم احب المكرونه بااشكالها وانواعها :h

ومشروبي المفضل .. فانتا تفاح :24:h واحب البيره بعد واحب السبرايت بس الكولا اكرهه :(
كاكاوي المفضل مممم بما اني ادمان قهوه عربي بالتالي انا ادمان شوكلاته :d لكني من النوع الملول بصراحه يعني كل فتره اطيح بشي ثم اكرهه لذلك ماعندي نوع مفضل للابد :d
حاليا جالكسي بنكهة بالكابتشينو :h













وجباتك اليوميه تحرصين ان تكون مع اهلك و اصحابك او تحبين تنفردين بها لحالك ؟





لا والله الصدز انفرد فيها بلحالي لاني مع اهلي ومانيب معهم :d


انا بانيتنلي غرفه وملحقاتها ومن سكنتها ماعاد اهلي يشوفوني الا بالمناسبات :24 مااطلع الا عشان المطبخ حتى امي تقول اشتري فرن وارتاحي :24 يالله شريت ثلاجه وغلايه ماعاد باقي الا الميكرويف ودولاب مواعين :24 اما برمضان فااغلب وقتي مع اهلي وتحديدا بالصاله :h ماادخل غرفتي الا للنوم او الصلاة :h والاكل معهم على سفره وحده :h









بما اننا في رمضان تحبين تفكين ريقك بـ وش " طبعا بعد التمره " ؟ :24


مويا :sm42:

او اشربني :22 (اشرب فيمتو يعني :24)
برمضان هذا مدري شفيني تمره وفنجال قهوه واخلص :d77b116:
خير ماابي ودي اكل مثلهم :(













وش تقدرين اي نوع من الشوربه " الدجاج او اللحم او شوربه ماجي " ؟


اقدر ولا مااقدر موب حاصلي الا شوربة الشوفان مع لحم :24









اكله ماتحبين انها تغيب عن سفرة رمضان ؟ " لو تعطينا الطريقه تصيرين اطلق وحده "


مثل ماقلتلك انا انسانه ملوله واكره التكرار بالاكل يعني الشي حتى لو احبه فتتره بسيطه وامل منه وابي غيره :d

حتى ان امي تقول الله يستر لاتجينا عقب العرس بااسبوع تقولين مليت منه ابي غيره :24 قلت لا ماعليتس انتي بس قضبيني اياوه :24
يعني تقريبا اقدر اقول الفيمتو وطريقته مويا وفيمتو وتخضينهم <--- لاه ! :24













تساعدين البيت في تجهيز اطباق السفرة و الا تاخذينها نومه الى اذان المغرب ؟


والله شوفي امس قوموني يقولون انتي تقولين تبين تسوين حلى وانا عشان هالمروح بكسل :24

وقمت وسويت بيتي كويكر بالفانيلا وبصراحه انا اقدرها مره :h
بس اذن وانا مابعد خلصتها وكنت ازين الوجه وكانت حاااره وحالتها حاله جاء اخوي جنبي ويقول بسرعه بسرعه وحاولت اصرفه عشان احط اسم هالنشبه مير عيى ونشب زود :24
واقوم اقطعها وهي حاره واصورها بدون اسم وش اسوي :(
اما اليوم لاوالله نمت من بعد ماصليت الظهر وقمت قبل الاذان بدقايق وماساعدت احد :d
عاد حنا نظامنا اللي اخترناه برمضان كل 10 ايام على وحده :11
والله ان هالفكره ميب جايزتلي مير غصب :( عاد انا علي العشره اللي بالوسط :d قلت مابي الاواخر ابفضي لربي :h
ومابي البدايه يكونون فازين برمضان وبس يطبخون ويبلشوني بالمواعين :14 <--- ذهينه :24:h













عطيني موقف من المواقف اللي واجهتك في عالم الطبخ ؟


والله مدري ايش ياربي ايش ياربي :d77b116:

ايييه :d
مره ابوي جابلنا ذبيحه للبيت وقالي امك وديتها السوق وانتي اطبخيها :d قلت سلامات تستهبل ياابو !! :d
قال لا مااستهبل اطبخيها ولايكثر :d وقعدت فتره افكر وكذا واخر شي قلت بتعامل معها على اساس انها دجاجه كبيره ! :24
وطبختها نفس الدجاجه بس اني ازعجت اخواني كل شوي ادق على واحد مره تعال طلعها من القدر ومره تعال اغرف العشاء
لاني مااقدر اشيل الثقيل :11
عاد وانا بوسط هالمعمعه دقت صديقتي وعلمتها وماصدقت :m:
قالت امانه تغرفين لي برسلك السايق يجيبه تقول ابي اذوق طبخك هي ناويه تتمصخر بس الخبله فتحت على نفسها باب :24 تقول امي استلمتني تهزيء تقول شوفي البنات السنعات :24 الله يرفع قدرها :24 :h <--- امها ماهيب صديقتي :d













قد دخلتي فتافيت المقهى و شفتي طريقه طبخه معينه و طبقتي عليها و عجبتك ؟ " ياليت تعطينا رابط الموضوع اذا ايه "


قد شفت واعجبني وحافظتهم عندي لين تجي العشره ايام حقتي :24

وان شاءالله ان طبخت اوريكم مع اني مااحب التصوير :d:h












طلب بكسل :


بالنسبة للطلب






أبي أطلب طاسة فيمتو :24 تسوي حلا وتجيب ورقه جنبه وتكتب عليها p!xel

مقهى العيال :7wajeb:








http://up1.pc4up.com/2010/07/KhN84023.jpg (http://www.pc4up.com/)





بما اني الكيكه اللي سويتها اول يوم ماقدرت اكتب اسم سي بيكسل فاامس سويت بسبوسه وطلعت لصديقاتي وكتبت اسمه على كرتون منديل وصورت لانو ماامداني اصور بالبيت <--- طايره :24:h


وبالمناسبه انحاشوا عن هالنوع من المناديل يجرح الخشم :(:24








وفي النهايه ..,
من ترشحين نورط بعدك بالأستضافه ..
وعطينا سؤال له .. واطلبي منه طلب بعد :gmzh:

توهيقه قسم بالله :24
مممممم اختار انغام :h والسؤال ممممم مدري :d
بس الطلب ابيها تصورلي (مملحتهم :24) <--- ماتبي تكلف :24:h









*


شاكرين لك قبول الدعوة و حلقه حلوة و اللي زاد جمالها اجوبتك المتواضعه :sm42:
وانتظروا أنغام ومملحتها في الحلقه الجايه :24

حياالله طاسه :h
ازيس عامله ايه

قضت العشر الوسطى يعني مداك طبختي وخلصتي ومداخيل العافيه يارب

تتوقعين نظرة ان البنات رفل مستمره عند بعض الشياب والشباب لنا ولاتغيرت هاذي النظره وصار يعتمد عليناوممكن نتمسك عزايم تواجه ومانحوق الدنيا ولاحدنا كب كيك وحركات الكيوتين مره :d


طبخه طبختيها وصار لك موقف منها وصرتي تكرهين تاكلينها اوتسوينها مرفق بسبب الكراهيه لو سمحتي :22

مره انعزمتي وصار العشاء كله ماتواطنين تاكلينها يعني اشياء ماتحبينها والعالم متكلفين لك وش بتسوين وقتها تتغصبينه ولا تعتذرين ولا وش ردة فعلك ؟


واترك المايك اللي بعدي :$ << صورة ورع بحفل مدرسي ومسكرين له القلابي ومنخنق :24

اول مرة ادري في المقهى عضوة اسمها طاسه فيمتو

طااسه :h ..
حالفه ماطلع الا وانا سألتك ، بس ياختي أجوبتك ماتهي الواحد يسأل نص سؤال :24

طيب وش سبب إنك ماتدخلين المطبخ ؟
طبعا موب دلع لأنك منتب حولها < كأنك طيحتي الميانه :11

ما دام طبختي الذبيحه
اضمن لج إنج أسنع شخصه بالكون :d


نكج فله :h
وبالنسبة للسؤال ..
مممم .. هل قد أحد تحداج بطبخه وسويتيها وصارت مضبوطة ميه ميه :14

وسلامة راسج يا توت :sm42: :fl

حيا الله طاسه :d:h ..

والله شوفي امس قوموني يقولون انتي تقولين تبين تسوين حلى وانا عشان هالمروح بكسل :24
وقمت وسويت بيتي كويكر بالفانيلا وبصراحه انا اقدرها مره :h
بس اذن وانا مابعد خلصتها وكنت ازين الوجه وكانت حاااره وحالتها حاله جاء اخوي جنبي ويقول بسرعه بسرعه وحاولت اصرفه عشان احط اسم هالنشبه مير عيى ونشب زود :24
واقوم اقطعها وهي حاره واصورها بدون اسم وش اسوي :(
لاني منك احطها بدون اسمه لعانه .. :14 ,



قد شفت واعجبني وحافظتهم عندي لين تجي العشره ايام حقتي :24
وان شاءالله ان طبخت اوريكم مع اني مااحب التصوير :d:h

خلصت العشر حقتك ولاشفنا شي :24 ؟


عندي سؤال ..
ماله دخل بالمطبخ تبين تجاوبيه والا ماتبين براحتك ..
وش سالفة صورتك الرمزيه :d ..؟

ومشكوره على قبول الدعوه وسعة صدرك :fl

اول مرة ادري في المقهى عضوة اسمها طاسه فيمتو
الحمدلله طلعنا من هالفعاليه بأنك عرفت ان في وحده معنا اسمها طاسه خخخ

,

برايفت سويره /
من غيرك وش نسوي :h ؟

ومسويه ما اعرف اطبخ ومتري ايش وانتي طابخه ذبييحه :11 ,,

والله انك مجنوونه انا لو يفكرون اهلي مجرد تفكير يخلوني اطبخ ذبيحه يمكن اكتبها بتوقعي عشان الي مايدري يدري << كاني اسولف :24 ,,

مقابلتك مررا حلووا وان شاء تجيبين المكرويف :24 ,,

:h ,,

حياالله طاسه :h

الله يحييك ويبقيك :d:h

ازيس عامله ايه

بخير جعلك بخير :h

قضت العشر الوسطى يعني مداك طبختي وخلصتي ومداخيل العافيه يارب
ايه اليوم كان اخر شي والله ياهو كرف :d بس بصراحه تحسين وقتك مليان مو بس متسدحه وطفشانه :d

تتوقعين نظرة ان البنات رفل مستمره عند بعض الشياب والشباب لنا ولاتغيرت هاذي النظره وصار يعتمد عليناوممكن نتمسك عزايم تواجه ومانحوق الدنيا ولاحدنا كب كيك وحركات الكيوتين مره :d

على طاري الكب كيك مااعرف اسوي على اني حاولت بس يلصق بالصينيه ويطفشني اقوم افتفته واكبه بصحن واكله :24
للاسف ايه هالنظره مستمره واظن لين نموت :( يعني والله اكرف ولا مااكرف اهلي يشوفوني رفلاء :m: خصوصا اخواني مير لو اطبخ ليل نهار لاجو بيعطون رايهم قالوا عزالله يمه ماجبتي بنات :m::24 قلت نشوف حريمكم بكرى لو تسويلك اندومي اكلته وانت ممنون لها وبتتشقق :24 <--- يااني متعودتهم هم وحريمهم بشغلهم شماته :24
واظن ايه نقدر نمسك عزيمه ونديرها من احسن مايكون :d:h


طبخه طبختيها وصار لك موقف منها وصرتي تكرهين تاكلينها اوتسوينها مرفق بسبب الكراهيه لو سمحتي :22

فيه حلا كانو خواتي يسوونه هو اصلا طعمه موب ذاك الزود :d بس هم صاروا يكررونه وانا وقتها كنت بحاله نفسيه سيئه المهم اللحين طاريه ماادانيه ولو احد يسويه يمكن اكسر الصينيه على راسه ..
اما شي انا سويته هو شوربة العدس انا اسويها واضبطها :h وفي يوم اشتهيتها سويتها
وانمرضت :11 ماادري عاد ليه مع ان البيت كله شرب منها وماجاه شي منها :11
وربي وصلت اني دخلت المستشفى اقرب ماله تسمم :24 اللحين اسويها تحت ضغط كبير من ابوي ومستحيل افكر اشرب منها وحتى وانا اسويها كني متوحمه كل شوي اطير للمغسله اكره ريحتها :(

مره انعزمتي وصار العشاء كله ماتواطنين تاكلينها يعني اشياء ماتحبينها والعالم متكلفين لك وش بتسوين وقتها تتغصبينه ولا تعتذرين ولا وش ردة فعلك ؟

ماادري ماقد صارتلي والله كل ماانعزم انبهر باللي يحطونه :24:h


واترك المايك اللي بعدي :$ << صورة ورع بحفل مدرسي ومسكرين له القلابي ومنخنق :24


ههههههههههههههههههههههههههههه حياك الله اسئلتك مره خشيت معها جو :d:h
:fl

وش سر تعلقك بصورة طلال الرشيد :o:h
وليه الاكله الي تحبينها وما مليتي منها الفيمتو , مع العلم انك تقولين انك مره ملوله ! يعني وش سر الفيمتو الي خلاك ماتملين منه :7wajeb: ؟

وحياك :h

اول مرة ادري في المقهى عضوة اسمها طاسه فيمتو
الله يبارك بهالموضوع اللي خلاك تعرفيني :d:h
وحياك :h

طااسه :h ..
حالفه ماطلع الا وانا سألتك ، بس ياختي أجوبتك ماتهي الواحد يسأل نص سؤال :24

طيب وش سبب إنك ماتدخلين المطبخ ؟
طبعا موب دلع لأنك منتب حولها < كأنك طيحتي الميانه :11

:24:24:24
لاوالله مو دلع :d وعلى قولتك ماني حوله :d بس والله مااداني المطبخ :m:
عاد هالعشر ايام هذي كرفت كرف الله لايوريك اياه حسيت اهلي حاقدين واستغلو الفرصه :24
اف بعدين اليدين تتغير مره تخيلي يديني بعشر ايام صارت شي ثاني :m: اقول لامي شوفي شي مو طبيعي تقولي ايه هذي من الرفاهيه <--- تحسينهم حاقدين صح :m::24
عاد شكلي بالعشر الاواخر بقعد اصلح بعمري مانيب متعبده الظاهر :24
الوكاد نورتي ووالله اني احبك لله فالله :22:h

الله يبارك بهالموضوع اللي خلاك تعرفيني :d:h
وحياك :h
دنتي اتهزأتي يا خيتو الملحمه ههههههههههههههههههههههههههههه :22

ما دام طبختي الذبيحه
اضمن لج إنج أسنع شخصه بالكون :d


نكج فله :h
وبالنسبة للسؤال ..
مممم .. هل قد أحد تحداج بطبخه وسويتيها وصارت مضبوطة ميه ميه :14

وسلامة راسج يا توت :sm42: :fl


ههههههههههههههههههه هلا وغلا :24:h:h:h
ومايغلى عليك النك :d:h
ماقد احد تحداني الصدق بس الذبيحه اللي فوق وذبيحه ثانيه يوم العيد تقريبا كانو شبه تحدي بالنسبه لي :d اول وحده اللي ذكرت قصتها فوق ماكانت مره لذيذه بصراحه يعني عاديه :11 بس يوم العيد لا كانت ممتازه يمكن لان امي اشرفت علينا وحطت لمساتها :d:h

:fl

طيب دامك ! نفذتي الطلب :24
اكتبي الاسم زين :24
لي رجعه:24

حيا الله طاسه :d:h ..

الله يحييك ويبقيك :h


لاني منك احطها بدون اسمه لعانه .. :14 ,
كنت بحطها بس خفت يستقعد لي :24



خلصت العشر حقتك ولاشفنا شي :24 ؟


الا طبقت حلا مزاجيه :h اللي بالشكولاته وطبقت حلا كوكو مدموزيل :h اللي تقول بسيط اعذروني عليه :d وطبقت حلا لنوره :h
الله يعطيهم العافيه جميع :h


عندي سؤال ..
ماله دخل بالمطبخ تبين تجاوبيه والا ماتبين براحتك ..
وش سالفة صورتك الرمزيه :d ..؟


شخص عزيز وغالي على قلبي صوره بكل مكان بحياتي :h الله يرحمه ويغفرله ويجمعني فيه بجنات النعيم :h

ومشكوره على قبول الدعوه وسعة صدرك :fl
والله اشكرك انتي على سعة صدرك اجاباتي جتك بالتقسيط والله يعطيك العافيه :h
ومشكوره على طريقة الوشسمه ماقصرتي :h
:fl

ومسويه ما اعرف اطبخ ومتري ايش وانتي طابخه ذبييحه :11 ,,

والله انك مجنوونه انا لو يفكرون اهلي مجرد تفكير يخلوني اطبخ ذبيحه يمكن اكتبها بتوقعي عشان الي مايدري يدري << كاني اسولف :24 ,,

مقابلتك مررا حلووا وان شاء تجيبين المكرويف :24 ,,

:h ,,

ههههههههههههههههههههههههههه :24
فاتني والله اكتبها بتوقيعي :24 على فكره اذكر وقتها صورت المراحل من باب التوثيق بس جوالي يصغر الاشياء وطلع كني مصوره قدر غدانا قلت خلني امسحهم بس بيقولون لاقيتنا هذي :24
حياك الله وياليت والله اجيب ميكرويف وفرن وفريزن كان اذا جيت اطلع لاهلي اللبس عباتي :24:h

نورتي :fl

سؤالي لتس دامتس تحبين القهوه :d
طلب بطلبتس اياه تراه سهل مرره , صوري لنا قهوتك :d و هل لك فنجال معين تشربين فيه و بعد ابيك تصورينه خخخخ :d ..

:11
على بالي اني سالتك امس ؟؟

بس حبيت اسلم عليك واقول شخبارك :d
سؤالي ..
ماله سنع هالسؤال
بس كأنه فتحت لنا الباب
طلال الرشيد يقربلكم ..؟؟:m::11

وموفقه ..:h:fl

اهلين و سهلين فيكم ي اعضاءنا في الحلقه الثالثه من برنامجنا اليومي في رمضان " نشبنا لك "

وييين يوومي اليوم 21 وماشفنا الا ثلاث حلقات :14
.
.
ماعندي سؤال لك يا طاسه :d
يعطيكم العافيه :fl

كم مره تفرشون سفرتكُم ؟ أقصد تحطُون كل إللي إندهر بالمطبخ مــرآ وحدَة ، ولا تمر وقهوة وبعد الصلاة تكملون الشوط الثآني..؟:d



وبــس..:fl:h

يالبااا طااااااسة , يامرحباً مليووون ولاتكفي :d :h
الله يبارك بالساعه اللي جمعتن فيك يالغالية ويعلم الله إني أحبكِ فيه :h
http://up1.pc4up.com/2010/07/KhN84023.jpg (http://www.pc4up.com/)

خطك بصررراحة حلــووو , وللحين ماانقطعت مناديل أفراح :24
نورتينا وشرّفتينا وونستينا وكل ابوو حاجة :sm42: :h
وَ أحلى شيء اخترتِ أنغام الرفلة :24 :h

هلا طاسه منوره القسم :h
بس حبيت اسألك عن طبخه تبدعين فيها
واول محد يقولك اطبخي لنا تجي على بالك :d:h

موفقه اختي وكل عام وانتي بخير:fl

كان اذا جيت اطلع لاهلي اللبس عباتي :24:h
هههههههههههههههههه هذا الي ودك :24

النشبه كآنت حلوه , و سوالفك حلوه يَ أم الذبيحه :gmzh::22
يعطيك العافيه يا ستي:h:fl

وش سر تعلقك بصورة طلال الرشيد :o:h

وليه الاكله الي تحبينها وما مليتي منها الفيمتو , مع العلم انك تقولين انك مره ملوله ! يعني وش سر الفيمتو الي خلاك ماتملين منه :7wajeb: ؟


وحياك :h

الله يرحمه ويغفرله :h والله ينقيه من ذنوبه وخطاياه وينور عليه بقبره :h
السر اللي خلاني ماامل من الفيمتو اني مااشربه الا برمضان بس :d
ويالله حيها :d:fl

طيب دامك ! نفذتي الطلب :24
اكتبي الاسم زين :24
لي رجعه:24

وشنوحك مخدر :24:24
اي صح صح كاتبته غلط :11 بس انا كتبته على النطق لاني مااذكر يوزرك :24
ونتحراك :fl

سؤالي لتس دامتس تحبين القهوه :d
طلب بطلبتس اياه تراه سهل مرره , صوري لنا قهوتك :d و هل لك فنجال معين تشربين فيه و بعد ابيك تصورينه خخخخ :d ..

لا مالي فنجال معين بس عموما احب الفنجال الوسط اللي يمييل للكبير اكره الفنجال الصغير :d واكره الفنجال اللي يجيك شفاف تشوفين من وراه القهوه :d واكره الفنجال المزبرقه بزود احس القهوه فيها مالها طعم :d
وان شاءالله اصورلك قهوتي الساعه 1 :d:h
ويالله حيوووه :d:h:fl

:11
على بالي اني سالتك امس ؟؟

بس حبيت اسلم عليك واقول شخبارك :d
سؤالي ..
ماله سنع هالسؤال
بس كأنه فتحت لنا الباب
طلال الرشيد يقربلكم ..؟؟:m::11

وموفقه ..:h:fl

بخير جعلك بخير :d:h
شفيكم :11 ترونا بفتافيت :24 الوكاد الله يرحمه ويغفرله ..
وحياك يالغاليه وعلى فكره الله يجزاك كل خير على حلاك ذاك ياهو خقه :3::h
سويته كذا مره :h يجنن حتى امي اللي ماتحب الحلا جازلها مره :h
وذولي كلهم لك :fl:fl:fl:d

ربتسه :d:h
حياك الله :fl انا بحاول اجاوب سريع سريع عشان يمدي ينزلون التقارير اللي بعدي :d
متحمسه لقرير انغام هانم :24:h


كم مره تفرشون سفرتكُم ؟ أقصد تحطُون كل إللي إندهر بالمطبخ مــرآ وحدَة ، ولا تمر وقهوة وبعد الصلاة تكملون الشوط الثآني..؟:d





وبــس..:fl:h



سفرتين اول وحده قهوه وتمر وقشطه وحلا ومويا (والحلا موب دايم على حسب النفسيه :24)
والسفره الثانيه يكون عليها كلش :d

وحياك الله :h:fl

يالبااا طااااااسة , يامرحباً مليووون ولاتكفي :d :h

الله يبارك بالساعه اللي جمعتن فيك يالغالية ويعلم الله إني أحبكِ فيه :h
http://up1.pc4up.com/2010/07/KhN84023.jpg (http://www.pc4up.com/)

خطك بصررراحة حلــووو , وللحين ماانقطعت مناديل أفراح :24
نورتينا وشرّفتينا وونستينا وكل ابوو حاجة :sm42: :h

وَ أحلى شيء اخترتِ أنغام الرفلة :24 :h



هلا وغلا ومرحبا مليون :h:h ولو اني حاقده عليك لانك رفضتي الجائزه :011:
مناديل افراح ههههههههههههههههههههههههههههههههههههههههههه :24:24
انتي تدرين ذاك اليوم من دخلت بيت صديقتي زكمت :11 وماعندهم الا ذولي المناديل وهي كانت مدخلتنا بمجلس الرجال وشكل ابوها جايبه من محطة بنزين هديه :24
المهم وربي خشمي قعد 3 ايام احمر ومتقشر ومع الفازلين والحاله يالله :24
وانا احبك والله :22:h ونورتي بذمتي :h:fl

هلا طاسه منوره القسم :h
بس حبيت اسألك عن طبخه تبدعين فيها
واول محد يقولك اطبخي لنا تجي على بالك :d:h

موفقه اختي وكل عام وانتي بخير:fl

يالله حيووووه :d يالله حي الريس :fl
اول شي بقولك شي :( تخيل قبل اسبوع تقريبا حلمت انك مت :( واصيح وانا نايمه
واقول حرمته وش بتسوي هو اللي يتقضى للبيت دايم <--- تتذكر موضوع القاضي خاش عليها بالحلم :24:24:24
يوم قمت من النوم مخدتي دموع وحاله قلت اشوى حلم :24 عاد دخلت على البنات بالقروب قالولي طولة عمر ان شاءالله :h
ايه صح وشكلك بالحلم شكل عبدالرحمن بن مساعد هههههههههههههههه :24 يلعن اوم الحلم :24:24:24

/
بالنسبه اللي يجي في بالي على طول ان كان يبي عشاء ولا غداء اني اسوي كبسه :24 + سلطة ملفوف والزهره شي لذيذ مره وسهل :3::h
وانت بخير وصحه وسلامه والله يطول بعمرك ويخليك لعيالك وامهم وتقضى لهم دايم :24:h:fl

هههههههههههههههههه هذا الي ودك :24

النشبه كآنت حلوه , و سوالفك حلوه يَ أم الذبيحه :gmzh::22
يعطيك العافيه يا ستي:h:fl
ههههههههههههههههههههههههه :24
امي مره دقت على جوالي يوم رديت قالت ماودك تسيرين علينا هههههههههههههههههههههههههههههههههههههههههههههههههه هه:24:24:24
قلت والله عيالي مصاخين مقدر هههههههههههههههههههههههههههههه:24:24:24
وعيونك الحلوه ياخلفهم :22:h
وحياك :fl

::

http://www.meimeifox.com/wp-content/uploads//caveman.jpg

باقي تتخيليني كذا ؟ :m:

::

اهلا بالاخت طاسة
حوار شيق صراحة بس عندي سؤال
ومتأسف لو كان مزعج او اكون ماوفّقت في طرحه بس ودي
اسأله من اول وربي حطك في يدينا :7wajeb:

س / دايماً نسمع " ان بنات هاليومين " ماتتكل عليهن يشيلون لك بيت كامل :24
يعني انا من الناس اللي اتضايق من وجود شغاله فالبيت , وفنفس الوقت
ودي اجيبها عشان تساعد المرة في شغل الغسيل والكوي " فقط "
وش رايك ؟ وانتي من النوع اللي تاكلين من يد الشغالات :( ؟

س2/ تونو - فيمتو - توت غربي :24 - توتي
وش اطلق شيء فيها ؟

ونورتي الفتافيت :fl

ماشاء الله واضح انك قرمه وسنعه , الذبيحه ما اذكر يظبطون طبخها الا العجايز
زين منك انك قمتي فيها :24 ليت بعض البنات يتعلمون شوي من حريم اول :h:22

استضافة مميزة جداً , شاكرين لك يا طاسه ولسراب ايضاً :h:fl

::

http://www.meimeifox.com/wp-content/uploads//caveman.jpg

باقي تتخيليني كذا ؟ :m:

::

اهلا بالاخت طاسة
حوار شيق صراحة بس عندي سؤال
ومتأسف لو كان مزعج او اكون ماوفّقت في طرحه بس ودي
اسأله من اول وربي حطك في يدينا :7wajeb:

س / دايماً نسمع " ان بنات هاليومين " ماتتكل عليهن يشيلون لك بيت كامل :24
يعني انا من الناس اللي اتضايق من وجود شغاله فالبيت , وفنفس الوقت
ودي اجيبها عشان تساعد المرة في شغل الغسيل والكوي " فقط "
وش رايك ؟ وانتي من النوع اللي تاكلين من يد الشغالات :( ؟

س2/ تونو - فيمتو - توت غربي :24 - توتي
وش اطلق شيء فيها ؟

ونورتي الفتافيت :fl

ببسم الله :11 يااخوي يوزرك يكفي مايحتاج صوره تعبيريه :11
ايه للحين اخاف منك وللابد :11 يااخي احس انت وحرمتك نظام ابو عصام وحرمته :11
يعني دايم ابن عمي ورضاك يكفيني وتنقع رجولك بمويا وملح وانت ماغير تفتل بشواربك :11
واحس لو بتقول بيوم فشرت بتطلقها :11 الوكاد الله يقوي قلبها ووشسمه هذا يعني يخليها قويه :d:h
بالنسبه لسؤالك ..
انا اختي وهي اختي اذا طولت اظافرها :( وطبخت مااكل طبخها :m: كيف عاد شغاله :m:
اول شي حنا ماعندنا ببيتنا شغالات من اكثر من كم سنه .. اذا رحت لناس اكل عادي دامني ماشفت وجه شغالتهم لكن ان شفتها وكانت لها اظافر :( :( :( يمكن ارجع اللي اكلته تكرمون :011:
الشغاله انا اشوف زي ماذكرت للغسيل للكوي للمسح لتنظيف الحمامات فهل يعقل من بعد هذا كله اسلمها الطبخ وهي توها غاسله الحمام ؟؟؟؟ وبعض الحريم يقالهم سنعات تخليها تقطع وهي تكب بالقدر وتقول والله الشغاله ماتطبخ انا قايمه بالطبخ الحمدلله :m:
بالعكس انا اشوف اني انا اقطع واخليها تكبهم بالقدر اشوى :24 لان البلا كله بالتقطيع ولا الكب بالقدر خلاص كله بالملعقه وتحرك بملعقه ومافيه خلاف :24
انا ماانقص من قدرهم كلنا عبيد لله لكن بعضهم موب نظيفات وغير كذا هي تنظف كل الوصخ اللي بالبيت من حمامات وارضيات وتكب الزبايل وكلش وبالنهايه ماتضمن هي تنظف يدينها بعد هذا كله ولالا ؟! هذا غير ان اغلبهم تكون حاقده على اهل البيت وممكن ماتنظف يدينها عمدا او ممكن تكب فيه شي وصخ عمدا ..
جدي الله يرحمه :h كان عنده مزرعه وفيها عمال اخذ لهم فطور وشاهي ووداه لهم وبعد نص ساعه رجعوهم وقالوا اكلنا خلاص جت خالتي تصب من الشاهي (كان في ترمس) لقت لونه غررريب وريحته وع مره :( راح جدي وقال للبنقالي اشرب البياله :d البنقالي رفض لانه يدري وش هو مسوي فيه :d لكن جدي قال والله ان ماشربته لاذبحك هنا :d قام شرب البياله اللي هي طبعا بوله هو :011: بس على مين جدي الله يرحمه ذهيييين :d
عشان كذا حنا ماعندنا ثقه فيهم ..
وغير مشكلة الطبخ فيه كثير حريم تعتمد على الشغاله انها تودي اطفالها الحمام وتغسلهم :11 وممكن تكون جايبتها مخصوص عشان هالشغله :11 لكن قسم بالله حرام على الام اللي تسوي كذا كيف أأمنها على اطفالي بالحمام انا وش عرفني هي كيف متربيه ووش العقد النفسيه اللي عندها !! يمكن كلامي غامض بالنسبه للبعض اللي يشوف هالشي عادي لكن والله انه اخطر شي ومابي انفلت بهالموضوع لانه موب مجاله :d

الوكاد .. الشغاله لتنظيف والمساعده بس ماهيب راعية البيت هذا اللي المفروض يفهمونه حريم هالوقت :fl


س2/ تونو - فيمتو - توت غربي :24 - توتي
وش اطلق شيء فيها ؟

والله مااعرف الا الفيمتو :11 ويقولون بدواننا اختر شي تعرفه ولاشي ماتعرفه :d:h
وشكرا ياللمبي :d:fl

ماشاء الله واضح انك قرمه وسنعه , الذبيحه ما اذكر يظبطون طبخها الا العجايز


زين منك انك قمتي فيها :24 ليت بعض البنات يتعلمون شوي من حريم اول :h:22

استضافة مميزة جداً , شاكرين لك يا طاسه ولسراب ايضاً :h:fl


اهلا ضامي :d
صادق والله .. الحين امي لها نفس بالطبخ وخصوصا بطبخ الذبيحه شي خيالي مره :h
ومو معطيتنا فرصه نكون سنعين لان اي شي نسويه الناس يقارنون بيننا وبينها والنتيجه طبعا صفر لنا مقابل سنع امي :24 :h
حتى بعيد الفطر عندنا عاده انو نفرش بالشارع الصبح وكلن يجيب صحن مفطح :d
تلقى الكل على صحن امي حتى العمال ويجينا فاضي :d
ولاطبخنا مايصير مثلها صحيح ان النار ماتورث الا الرماد :24:24:h
نورت يااخوي :fl

طاسه :b8: < ؟

- تطبخين طبخات مكلفه ولا ماتحبين تعبين نفسك ؟

- اذا طبختي وإنتِ نفسسك _ بمناخيرك_ :d تطبخين تمام ولا كلش مثل النفسيه ولا يهمك اذا ماضبط الأكل ؟

_ عادي عندك يطلب منك شخص ما أن تطبخين له كالأخ مثلا خصوصا الأصغر منك ؟

_ الحلا :h تصلحينه بين فتره وفتره ولا بمناسبات ولا لاااازم مع القهوة ؟

راجعه لك ان ماخلص وقتك :24 :h

طاسه :b8: < ؟

عيونها :$ <--- ترييش :24


- تطبخين طبخات مكلفه ولا ماتحبين تعبين نفسك ؟
لاوالله احب اني مااتعب نفسي :d حتى الشي لاصار طبقه بالخلاط وبعدين بالفرن ثم بالثلاجه وطبقه طحن وعجن اكنسل اوم الطبخه احب السريع سريع ولذيذ بنفس الوقت :d

- اذا طبختي وإنتِ نفسسك _ بمناخيرك_ :d تطبخين تمام ولا كلش مثل النفسيه ولا يهمك اذا ماضبط الأكل ؟

على حسب يعني لو عندي مناسبه او باخذ هالشي لناس لا اكيد يهمني يضبط :d
بس لو صرت طابخته عشان احد غاصبني اسويه الا بقريح هذا ان ماتعمدت احوسه :24

_ عادي عندك يطلب منك شخص ما أن تطبخين له كالأخ مثلا خصوصا الأصغر منك ؟
على حسب نفسيتي اولا وعلى حسب مصالحي ثانيا :24
يعني لو ابي منه خدمه اسويله من عيوني :24 ولو مابي شي + نفسيتي زفت يحلم :24

_ الحلا :h تصلحينه بين فتره وفتره ولا بمناسبات ولا لاااازم مع القهوة ؟
لا لازم مع القهوه عاد انا شي جاهز ولا اسويه انا المهم قهوه بلحالها ماتنفع :d:h

راجعه لك ان ماخلص وقتك :24 :h

مستنياكي :24:h
لك :fl

حيها :d ياهلا ببنتنا والله :24 / :h/
والله وطلعتي عاطلة باطلة :24 بس عادي الوضع دامك تعرفين الفيمتو :24

بسألك ومدري الاسئلة لازم طبخ ؟ اظنه والله :d :

- اذا طبختي لحم , عندك مشكلة تكونين قابلتي < :d الخروف او الدجاجة قبل يذبحونها ؟ والا عادي؟ لأن اذكر قبل يومي صغيرة ابوي عنده عادة مدري هواية! ؟ انه ياخذنا معه نشوف الخروف اللي بيشتريه , ويخلينا معه شوي قبل يوديه يقصبه , عاد انا على طول احسه صار يعرفني :d ولا جيت البيت مستحييييل اكل منه :24 وللحين احس فيني هالطبع الغبي ما احب اشوف الذبيحة اللي باكلها , بس اشوى من قبل :24

^
وش ذا السؤال ؟ :24 < لأنكم تبون عن الطبخ ؟ , وانا الحقيقة مالي في الطبخ مثل طاسة , وهذا اللي طلع :24

من اكثر اللقاءات الي استمتعت فيها ياطاسة/ :h/ :fl/

حيها :d ياهلا ببنتنا والله :24 / :h/

والله وطلعتي عاطلة باطلة :24 بس عادي الوضع دامك تعرفين الفيمتو :24

بسألك ومدري الاسئلة لازم طبخ ؟ اظنه والله :d :

- اذا طبختي لحم , عندك مشكلة تكونين قابلتي < :d الخروف او الدجاجة قبل يذبحونها ؟ والا عادي؟ لأن اذكر قبل يومي صغيرة ابوي عنده عادة مدري هواية! ؟ انه ياخذنا معه نشوف الخروف اللي بيشتريه , ويخلينا معه شوي قبل يوديه يقصبه , عاد انا على طول احسه صار يعرفني :d ولا جيت البيت مستحييييل اكل منه :24 وللحين احس فيني هالطبع الغبي ما احب اشوف الذبيحة اللي باكلها , بس اشوى من قبل :24

^
وش ذا السؤال ؟ :24 < لأنكم تبون عن الطبخ ؟ , وانا الحقيقة مالي في الطبخ مثل طاسة , وهذا اللي طلع :24

من اكثر اللقاءات الي استمتعت فيها ياطاسة/ :h/ :fl/


اول شي هلا بش حي من عكس اتجاه الريح وجابش :22:h
ذكرتيني بموقف قديييييم مره :011: وعمري 9 سنوات ابوي اشترى استراحه وكان فيها غنم وفيها دجاج وارانب وكلش اشتراها باللي فيها وكان فيها الحفره هذي اللي ينسوى فيها المندي :h :d ابوي جابنا نتفرج على الاستراحه ووقفنا عند الغنم مستانين عليها قال ابوي لامي هذي العنز حركاتها غريبه شكلها ماتشوف :d تصدم بالشبك وبحق المويا ماهيب متوازنه وعيونها لونهم غريب وطلعت عمياء صدق قام ابوي قال نبي نذبحها ونسويها مندي نبي نجرب حق المندي وبنعزم عماتي وكذا :d المهم ابوي قال للقهوجي يشيلها ويوديها يذبحها ويصلخها ويجيبها كنت واقفه معهم وهو يجرجرها ذاك :( وكانت تصدم بالسياره براسها ياعمري ماتشوف :( وودوها ونص ساعه الا هي جايه بااكياس :( :24 :24
سووها مندي قسم بالله ماقدرت اكل منها :3: وماقلت لاحد خفت يضحكون علي :( وربي هالسالفه ماقلتها الا لك واللحين :h تخبرين عندي ناس بس فاضين يضحكون ويقولون موب لايق عليك ترا حركات الياي :24 :24 :24
بس اشوى طلع شي طبيعي :d
وحياك ربي نورتي :fl:h

طاسه < كثيره :24

- وإنتِ تاكلين تهتمين للأشياء اللي تاكلينها ولا هم هم ؟ :budo:

- صحيه بأكلك ؟ :14

- لاعجبك طبق من مطعم أو غيره تحاولين أو تفكرين تطبقينه ؟

:fl ..

طاسه < كثيره :24

- وإنتِ تاكلين تهتمين للأشياء اللي تاكلينها ولا هم هم ؟ :budo:

- صحيه بأكلك ؟ :14

- لاعجبك طبق من مطعم أو غيره تحاولين أو تفكرين تطبقينه ؟

:fl ..

هههههههههههههههههههههههه هلا هلا حياك :24:h تعالي دايم هناا خلووو مامن احد :24
- ايه اكيد اهتم :d انا من الناس اللي ينزل من الساندوتش او الصحن شي واجد :24
- لاالصدق مانيب صحيه ابد :d
- لا ماافكر ولا احاول :d بس افكر من وين اجيب فلوس واطلبه مره ثانيه :24 ودايم استغرب من البنات اللي يقولون ذقناه بالمطعم الفلاني وحفرت الارض لين جبت مقاديره :m: يارب اصير مثلهم بيوم من الايام والاهم انه يضبط معي مهوب بس خراب مقادير على الفاضي :24:24

:fl <-- تراتس خلصتي وردنا :24