السلام عليكم ،،

//

//

الخطباء والمشائخ وطلاب العلم اين هم عن الشعب ؟؟

//


لو نظرنا لخطب الجمعه مثلاً ،،

النظافه من الايمان ،، اداب الطعام والشراب ،، كيفيه الوضوء ،، فضل السلام ورد السلام ،، تشميت العاطس ،، .... الخ

كلها مواضيع محد ينكر فضلها واهميتها ولا احد يقدر يقول غير هالكلام

بس خلاص فهمنا وحفظنا هالكلام من كثر ما نسمعه !!
من الابتدائيه للأن وحنا نسمع هالكلام لدرجه اني وصلت لترديد بعض الكلام مع المختطب

والملاحظ انها مواضيع وحده تتكرر في كل سنه واعتقد بأنها ورقه يتم تناقلها بين اكثر من جامع !!

يعني لابد أن يتطرق الخطيب لكل مايمس حياة المسلم وخاصة أموره المعيشية ..

ليه ما تكون خطبه الجمعه منبر يتم التطرق فيه لقضايا الشعب ؟؟
ليه ما نسمع خطب تتكلم عن مشاكل الشعب ؟؟
ليه ما نسمعهم يتكلمون عن الفقر المنتشر في الشعب ؟؟
ليه ما نسمع خطب تتحدث عن الأسهم وعن السرقه اللي صارت فيه ؟؟

ليه ما يتحدثون عن ارتفاع الاسعار ؟؟

ليه ... ؟؟
ليه ... ؟؟

حتى المشايخ وطلاب العلم ،، نادراً جداً ما تسمع احد منهم في محاضره او لقاء
يتكلم عن الشعب والحال اللي وصل لها !!

هل هم ممنوعين من التطرق لبعض المواضيع؟؟
وهل هم مجبرين على مواضيع معينه ؟؟

وإذا تشجعو وتكلموا عن هموم الشعب حطوا كل اللائمة على البطانة
و البطانة هذي ظُلمت ظلم ما يعلمه إلا الله

والملاحظ بصراحه بأن اغلب المشايخ ان لم يكونو كلهم تجار ورجال اعمال !!



لك الله ايها المواطن السعودي

هل هم ممنوعين من التطرق لبعض المواضيع؟؟

على الأرجح :24...

لاتخلينا نجيب العيد وانا اختك:24..والله يكون بعون المواطن السعودي على قولتك:c
والمواطنه السعوديه بعد:c<--بثر يستهبل بيوزري:24

مشكور:fl

ياسيّدي واحد ..
المشائخ والخطباء في صلاوات الجمعه وبحسب المعلومه اللي عندي ، كل جمعه تكون موزّعه على جميع مساجد المنطقه المواضيع اللي يبغونهم يتكلّمون عنّها ..
ومستحيل يخلون المواضيع مفتوحه لهم عشان محد يفتلّ طبعا ً .. لأن بعض المواضيع ملغّمه
وصعب الواحد يغامر بـ حياته :d


:h

لأن بعض المواضيع ملغّمه وصعب الواحد يغامر بـ حياته
حياتي أنت ياقرطـوع .. كلامك صح ..!

ون تأكد ترى انت تنظر نظرة سليمة وحلوة والكل معك فيها لكن هم يرون شيء ثاني ، أعطيك مثال محلل رياضي انت وجالس على الدّش وتتابعه ويقولك : قام اللاعب وسوا وفعل وفجّر الملعب بس مفروض انه مايفجّر ويتفادى هذا الغلط ههههههههههههههههههههههههه المهم أنه يحلل مبارة معينة بعدها بكره جاك وقالك اتقوا الله يا أخوان واكثر من ذكر هادم اللذات واذكر الله يذكركم هل بتتقبلها منه ؟! او بتنقد عليه ؟

طبعاً الجواب معروف وبيصير مستغرب على هالمحلل أنه يقدم هالشيء مثل المشايخ وحبايبنا لو يجيك ويطبّ في الأسعار والأسهم ويقولك سببها كذا ويخوض معركه مع نفسها وبيجيب المشاكل لنفسه ..! مهوب من الحكومة لا لأنه تكلم في شيء مهوب من اختصاصه لذلك بيطب محيفرة على شيء لا يفقه فيه حتى لو انه يعرف جزء بسيط منه أو كرأي العامة .

ون حبيت أبين لك ثلاث نقاط يابعدي جعلي مابتسيك قل آمين ..

(1)

دور الخطباء دور كبير ومن هالأدوار التذكير وذكر فإن الذكرى تنفع المؤمنين وفيه دور مهم اللي اشوفه لم ينفذ نهائياً وهو ربط القضايا المعاصرة بديننا .. وحياة المسلم وكل أفعاله وأموره مرتبطه بالدين ( ون يحتريني اخطب :0:)

(2)

لكن صدقني مسألة المشاكل اللي تواجه الشعب من ناحية مشاكل الفقر والعطاله الى ماله نهاية مايحلها إلا الاخصائيين الاجتماعيين لإن هذا مجالهم ومافتح لهم المجال بالأريحية اللي يستحقها الأخصائي ولا والله بتشوف شيء يرضيك ..

(3)

حنّا نتكلم عن مجتمع والمجتمع كبير وصعب التعامل معه الا بطرق محنّكة فأنت صاحب دولة وتبي تدير مجتمع كبير مثل اي مجتمع مثال ( المجتمع السعودي ) لابد تشوف وتترقب وتتأمل الجتمع نفسه من يتبّع ؟... من يتأثر به ؟.. من من ... تساؤلات كثيره !

كّحل في مجتمعك وبتشوف من المجتمع يتبّع له .. مثال السلطه وهي الحاكم والوزراء وملاك القرارات والمناصب السياسية لكن هذا مهوب موضوعنا ، موضوعنا هو وفي كل مجتمع هناك فئة تسمى بالمصطلح العلمي ( القادة المحلّيون ) ومثال على هذه القادات .. المشائخ لهم كلمتهم ، لهم تأثيرهم ، يسمع رأيهم ويتقبلونه الشعب بصدر رحب والقادة الملحيين ما تحصّر على المشائخ بس ضرب مثال .. فهذه الفئة ( القادة المحلّيون ) من البداهة انك تستخدمها عشان تدير مجتمع وتنظمه وتكون تسيطر على المجتمع فـ عشان كذا صعّب ان يتحركون بكل سهولة ويسر .. ياليت أني وضحت اللي في بالي يا حبيب قلبي ون :fl

المشكله لو أحد تجرأ وتكلم مايرده إلا ورا الشمس ,, خلهم على المواضيع المستهلكه أبرك !

يقولك من خاف سلم :24 ..
وكل واحد في غنا عن المشاكل اللي مالها أول ولا لها آخر ..

بكرا خطيب يتكلم عن الفقر في السعوديه مثلا ً ..
ومع الحماس والوشسمه قام جاب سيرة شي مفروض مايجيب سيرته :24 ..
من باتسر يبي يخطب بكم واحد غيره يقرا من الورقه ولا يفكر يتفلسف :24 ..

يمكن الأولى أنك تناقش " المانع " مب " الممنوع " !
لسبب بسيط جداً .. أن الممنوع يشترك معك في نفس التساؤل : ليش !؟


.

والله كنت مجهز تعليق وقلت يا ولد يا بشار خلها بعد الدوام لا ييجي المدير يخصم عليك

والحين لما جيت أبغى أكتب لقيت الأخ شداد قال بالضبط اللي أبغى أقوله ومن ثلاث نقاط بل وزاد عليه الله يسلمه

أنا أوافق تماماً مع ما قاله شداد

بس حبيت أقول شغلة وهي ما تخرج كثيراً عن النقطة الثالثة اللي ذكرها شداد :
المجتمع السعودي والعربي بشكل عام مجتمع حساس، وعرض مواضيع تفاعلية أو سياسية أو ما يسمى بفقه الواقع في الخطب أو المحاضرات قد يتلقاه المستمع بمفهوم آخر إثاري أو ثوري يكون نتائجه سيئة ... وبمعنى آخر أو من جهة أخرى أقول : إن الخطباء أو الإسلاميين بشكل عام يختلفون في مفهومهم للمسائل الشرعية وفقه الواقع وإذا تم فتح المجال لعرض المواضيع العامة قد يستغلها بعض الخطباء الراديكاليين لعرض فقه الواقع من جانب يحرص من خلاله على إثارة المجتمع كما حدث سابقاً كما هو معلوم وكانت نتائجه صناعة الإرهاب والدعوة للخروج على ولي الأمر ...
المجتمع السعودي بحاجة إلى التذكير بربه وإلى فهم دينه وإلى معرفة عدوه ، والانتقال من الدنيا التي تشغل فكره يومياً إلى الآخرة وكيفية الوصول إلى الجنة ... ليس فقط المجتمع السعودي بل المجتمع الإسلامي وهذا لن يكون بخطب حماسية أو عرض المواضيع العامة التي قد تكون مهمة للشعب ولكنها تظل من الدنيا ...

تسلم يا one على موضوعك

عشقي خجول
اهلين ،، ولا تجيبين لا العيد ولا رمضان:d
والله يعين السعوديين والسعوديات:d

قرطوع
هلا والله بشاعرنا ،، يعني افهم بأن مواضيع الخطب تجي من فوق !!
وبعدين الناس تغيرو وهالمواضيع الملغمه اللي تقول عنها ما راح تمر عليهم
وبعدين ما قلنا يتكلمون بالسياسه والحكم !! قلنا بس يتكلمون عن مشاكل الشعب يحسسونا بأنهم موجدين معنا

شداد
حياك اخوي ،، وكلامك عين العقل !! بس صعبه انك تحصر المشائخ وطلاب العلم بالأمور الدينيه وتستثنيهم
من الحياه الأجتماعيه ،، حنا شعب مسلم وقريبين جداً من الشيوخ ونقدرهم ونجلهم ،، ولهم كلمتهم عندنا
ما قلنا يحللون الوضع ،، ولا يطرحون حلول لهالمشاكل !! كل اللي نطالب فيه انهم يتكلمون انهم يوصلون
صوت الشعب !! ان كانو يقولون بأن ولاه الأمر ما يدرون باللي صار وان البطانه هي السبب طيب بكلام
الشيوخ والخطباء راح توصل الأوضاع لمسامع الدوله ،، هذا ان كان ما وصلت لهم !!

يعني كل اللي نبغاه من الشيوخ ،، انهم لا يقعدون في ابراجهم ويسكتون على اللي صاير !!
ان ما تكلمو في هالشي متى راح يتكلمون ؟؟

خشمانه
حياك ،، يقولون ان الأجواء حلوه ورا الشمس:d

M7MD (http://www.m8ha.com/member.php?u=205)
حياك محمد ،، ما قلنا لهم يتهورون ولا ينتقدون الحكومه ولا الدوله !!
بس على الأقل يذكرون بالحاله اللي حال لها الشعب ،، يتكلمون عن الفقر اللي انتشر عن الأسعار
يعني كل اللي نبغاه انهم يتكلمون وبس !!

Abeer (http://www.m8ha.com/member.php?u=290)
اهلين عبير ،، ان كان هالمانع اللي تقولين عنه يستمع ويرضا بالمنع
فالأولى له انه يجي يقعد معنا ولا يطلع على المنابر ،، وينتظر معنا بأن يأتي شخص يستحق هالمنابر

بشار (http://www.m8ha.com/member.php?u=34)
اهلين اخوي ،، كلامك ما يختلف عن كلام شداد بس ياخوي الناس تغيرت ومهي مثل اول وصارت تعرف
المعاني وتعرف اهداف كل شخص !! صحيح انه دورهم يكون بالتذكير بالله بس ما يمنع انهم يشاركون
الشعب بمشاكلهم ،، يعني لو تكلم خطيب عن الفقر والأسعار والأسهم ،، هل كلامه فيه شي !! كل الشعب يتكلم
بهالشي !! بس لو جا هالكلام من الشيوخ راح يكون تأثيرها اكبر !!

بدون ماادخل في ذمم العلماء
لكن خطب العلماء تغيرت محتواها من ديني إلى سياسية ثم تحولت إلى اجتماعية كل هذا بسبب مقص رقيب ..طبعا هذا كله من فضل الله ثم من فضل يدي ابو متعب الله يخليه ذخر لنا :24
طبيعي راح يتكلمون عن امور المعيشة وأمور دينيوية .. وعن مصائب المجتمع وتنبيهم بالدين وبالأمر بالمعروف وتقريب قلوبهم لله... والعلماء والمشايخ ماراح يخاطبون الشعب إلى بما بالسائد في حياتهم اليومية

لاهنت one ( ورده )

m7md (http://www.m8ha.com/member.php?u=205)

[center]abeer (http://www.m8ha.com/member.php?u=290)
اهلين عبير ،، ان كان هالمانع اللي تقولين عنه يستمع ويرضا بالمنع
فالأولى له انه يجي يقعد معنا ولا يطلع على المنابر ،، وينتظر معنا بأن يأتي شخص يستحق هالمنابر





طيب وفرضا ما لقيت .. تتعطل فريضة الخطبة ؟ في الجمعة والعيد ؟؟
أحيانا يلزمنا ان نتحرك في المساحة اللي لنا .. ونتحيّن الفرصة لمساحة قادمة قد تكون !

!

.

الملحمة الماجدية (http://www.m8ha.com/member.php?u=4)
كلامك حلو ،، خاصه قولك : (( طبيعي راح يتكلمون عن امور المعيشة وأمور دينيوية .. وعن مصائب المجتمع وتنبيهم بالدين وبالأمر بالمعروف وتقريب قلوبهم لله )) بس للأسف مو هذا الحاصل !!
اغلب المحاضرات والخطب كلها حول المواعظ فقط ،، ولا يتم التطرق لمشاكل الشعب والحل اللي حال لها

Abeer (http://www.m8ha.com/member.php?u=290)
اذاً فاليستمرو على نهجهم ،، ولا يطالبونا بأي احترام او اجلال لهم !! فمثلهم مثل الطبيب الذي لا يملك ادواته الطبيه ولا يستطيع علاج اي مريض !! والله يرحم ويفك اسر العلماء الذين لم تأخذهم في الله لومة لائم.

والمساحه لن تأتي بالأنتظار !!

كلامك حلو ،، خاصه قولك : (( طبيعي راح يتكلمون عن امور المعيشة وأمور دينيوية .. وعن مصائب المجتمع وتنبيهم بالدين وبالأمر بالمعروف وتقريب قلوبهم لله )) بس للأسف مو هذا الحاصل !!
اغلب المحاضرات والخطب كلها حول المواعظ فقط ،، ولا يتم التطرق لمشاكل الشعب والحل اللي حال لها

طيب كيف تبيهم تعطيهم حلول اذا هم بعيدين عن ربهم ؟ الموعظة من عهد الرسول عليه الصلاه والسلام موجودة !!
كل مصائب الدنيا من معيشة وحياة من خير وشر ماهو الا أمتحان وابتلاء من الله !! يعني بنظرك يجوز للمشايخ يعطون حلول بس الموعظة لا :24 .. قليل من المنطق خطب الجمعة وما بعد صلاة العصر فيها تنبيه وموعظة الناس بشرور الدنيا ومصائبها يستعينون بالله ان يفرجها عنهم !! والا تبي الخاطب يتربع وينزل المايك ويقلبها سواليف واخذ علوم ويشاور مع الجموع كأنه تاكي مع ربعه في استراحة :24 !!

اوقات بعض المشاكل تكون من ولي الامر يعني لابيد اكبر عالم دين يحلها .. فالاستعانة بالله والموعظة كفيلة بأن الله يردها عنهم :)

8
وش هالمنطق الغريب??:d يعني يا انهم يوعظون او يتكلمون عن حال الشعب !! طيب ليه ما يوعظون وبنفس الوقت يتكلمون عن الشعب والمشاكل اللي حاصله له !!
يعني كأنك تقول لازم اول شي يوعظون الناس وبعد ما يلتزمون كل الشعب:d
ذاك الوقت يبدأون يتكلمون عن مشاكل الشعب واحواله !!

وبعدين ان كانت الموعظه موجوده بعهد الرسول (وهالشي معروف) برضو كانت كل صغيره وكبيره تحدث للصحابه كان يتطرق لها الرسول ويحلها ،، الدين مو محصور في الموعظه وبس !! الدين في كل حياتنا ،،

8
وش هالمنطق الغريب??:d يعني يا انهم يوعظون او يتكلمون عن حال الشعب !! طيب ليه ما يوعظون وبنفس الوقت يتكلمون عن الشعب والمشاكل اللي حاصله له !!
يعني كأنك تقول لازم اول شي يوعظون الناس وبعد ما يلتزمون كل الشعب:d
ذاك الوقت يبدأون يتكلمون عن مشاكل الشعب واحواله !!


يعني قصدك مشايخنا يعبون الشعب بخطب ومواعظ لسبب او بدون سبب :d
انا الجزء اللي حبيت اوصله ان الخطب تتغير حسب مشاكل والمصائب .. انت عارف كل يوم تجي مصيبة وبلاوي على الشعب .. طبيعي راح يوعظون ويعطون حلول .. بالدين وكل شيء

بعض الحلول ماراح بتكون بيد خطيب .. يعني اذا كان مفهومك ياون : ياشيخ اذا بتخطب في حاجه ياتلقى لها حل والا لاتخطب فيها .. فهذه مشكلة والله !!

:l

يعني اذا كان مفهومك ياون : ياشيخ اذا بتخطب في حاجه ياتلقى لها حل والا لاتخطب فيها .. فهذه مشكلة والله !!
حبيبي الملحمه عمري انت افهم علي:d
انا ماقلت لهم ولا طالبتهم بأن يحلو المشاكل ولا يوظفون الشباب ولا يغنون الشعب !!
كل اللي قلته ليه ما يتطرقون لهالمواضيع ( الفقر ، الأسهم ، الأسعار ، جرائم الأجانب ..... الخ ) في خطبهم ومحاضراتهم ومقابلاتهم ،، ما نبغى طرح حلول بس نبيهم يشاركون الشعب هالأزمه ،، مو يقعدون في ابراجهم العاليه ويسكتون ولا كأنه صاير شي !!

طيب ياحبيبي ذكرت لك من اول رد فيه قيود وهذا من فضل الله ثم من فضل ابا متعب :l

القيود موجوده في كل زمان ومكان !! بس وين اللي يتكلم ويقول وما تأخذه في الله لومة لائم،

هههههههههههههههههههههههههه
يعني لو تكلما عن غلاء الاسعار أو البطاله أو الفساد أو التخريف أو تخلف المجتمع بيتغير شي!!
كلنا نعرف الاحكام الشرعية ونعرف الاداب الانسانيه بس مانطبق شي

المشكلة بالعقل ولازم يبدا التغيير من المراحل الدراسية الاولى لايجاد جيل جديد يستحق انه يكون بشر محترم