السلام عليكم ورحمة الله وبركاته .. مصافحة أولى علّها ترتقي لذائقتكم الكريمه

عندما يكون الحب حبّاً

اقول..




الا ياصاحبي ماعاد للدنيا ولامعنى
ولا الايام له قيمه .. من اول ماتفارقنا

ظلامٍ اسودٍ دامس .. تدرج في محيط الياس
على خطوات رجلك وانت تبعد عن مرابعنا

تجي شمس وتجي قمره .. ويجي هلال وتعدى حول
على ضفة نهر نشِّر لبعْض ونخفي دمعتنا..

نهر مصهور فيه قلوب والفرحه واماني اثنين
عسى الله يرحم قلوبٍ في ضفتكم وضفتنا

ظروف الوقت صدتنا .. وحظي مد لك يدّه
صفعني ثمّ وداني غياهب جبّ موتتنا

لاني بميّت ولاني حي .. ولا ضايق ولا مبسوط
عديم احساس .. نبض القلب وصّل حدّه الادنى

مريضٍ قد رماه الطب حجِر في غرفة الانعاش
يُغذى بالغلا .. يُحقن بمصْل أوصالنا حقنا

يقولون السهر يبري جروح العاشق الولهان
وانا اقضي نهاري نوم وانام بوقت سهرتنا

اخاف اذكر ليالينا وأذكر مثل ذاك اليل
قمر ونجوم .. وكاس الحب شربنا لين ما اثمَلنا

نزعنا اليل وصارحنا بامور إكثير .. نجهلها
جهلناها باسم الحب واسم الحبِّ يجمعنا

بكيتي ودمعة عيونك تشبّ بجرحي المكنون
تقوليلي انا مليت من وقت يلاعبنا..!

مدري غلطة منّي او اني فاهمٍ مجنون
كتمت السر لين الصمت تحزم ثم فجرنا

عيون الحسد شافتنا وصابت سهمها بالقلب..؟
او الروتين سرطن في خلايا الوقت .. دمرنا

تقوليلي بعد بكرا بسافر يم دار الحيّ..!
وانا الي كنت احسب انك على تخطيط رحلتنا..

شهقت وطحت في صدرك على فراقك أهل دموع
وانا الي ماذرف دمعي سو لله سامعنا

شريط العمر قدامي مضى في غيبتي لحظه
سنينٍ عشْر ومعها شهور من اول ماتجاورنا

احب بيتك واحب ارضه قبل لاشي هنا يبنى
احبك رسمةٍ بالحلم.. ولا بصدفه تواجهنا

خلاوي كنت في هالارض واسرحبك واروح بعيد
بنيت الحلم في هالارض وشفْه انْهَد بمجلسنا

وقفت الملم ركوني .. والملم حلمي الباقي
مشيت ورافع ايدي .. عسى الله لايفرقنا


وسلامة قلوبكم

أولا ً يا هلا بك ومسهلا ..
ثانيا ً من أينّ لك هذا !!!

إحساسك صاخب ..
لا ضرك الله , بـ لهفه لشوفة الجديد :) ..

شخص مّا ..



يامرحبا ملايين والله يابعدي .. تو مانوّر المقهى
وتباركت طواريقنا .. :h


قصيدتك .. بمعانيها وكلماتها جميله
ولكن كان ودّي لو انّك أمهلت نفسك بعض الوقت حتى تراجع مع نفسك الوزن ..
الوزن عندك في بعض الأبيات مهزوز
وخلله واضح .. والثقل في بعض الأبيات أيضا ً .


( تجي شمس وتجي قمره .. ويجي هلال وتعدى حول )

عندك خلل في الوزن هنا .. في المقطع اللي تحته خطّ !


( على ضفة نهر نشِّـر لبعْـض ونخفـي دمعتنـا.. )


الياء زايده ..


( نهر مصهور فيه قلوب والفرحـه وامانـي اثنين )

لو قلت : نهر مصهور فيه قلوب والفرحـه وامانـينا !
لأن البيت وكسرة واضح فـ الأخير ..



( عسى الله يرحم قلوبٍ فـي ضفتكـم وضفتنـا )

الياء تسبب خلل في الوزن .. يمكن الإستغناء عنها حتى يكتمل الوزن !



( لاني بميّت ولاني حي .. ولا ضايق ولا مبسـوط )

لو بتنطقها كذا .. : لـ َ ني ميّت ولاني حي / لاضايق ولا مبسوط !
بيكون الوزن تمام .. لأنه على وضعه الحالي مكسور !


( مريضٍ قد رماه الطب حجِر في غرفـة الانعـاش )

مادري كيف نطقت كلمة طب ؟
لأن البيت مكسور على حالته هذي .. والمعنى أيضا ً مافهمته
ياليت توضّح لي .. ؟


( وانا اقضي نهاري نـوم وانـام بوقـت سهرتنـا )

لو قلت : وأنا أقضي نهاري به وانام بوقت سهرتنا .
ورغم اكتمال الوزن إلا أن المعنى مادري كيف؟
في وقت النّهار نوم .. وفي وقت سهرتكم نوم ..
يعني اليوم كلّه نايم .. :( ... أرجو تراجع هـ البيت وتقف عنده مطوّلا ً :h



( قمر ونجوم .. وكاس الحب شربنا لين مـا اثمَلنـا )
المعنى جميل .. لكن الوزن مختل بقوّه ..


( نزعنا اليل وصارحنا بامـور إكثيـر .. نجهلهـا )

الواو مثقّله .. يمكن الإستغناء عنها ..


( بكيتي ودمعة عيونك تشـبّ بجرحـي المكنـون )

خلل في الوزن .. ولو قلت : نزفتي دمع ودموعك تشب بجرحي المكنون ..
لـ كان أسلم :h

( مـدري غلطـة منّـي او انـي فاهـمٍ مجنـون )

خلل في بداية الشطر ..
ولو قلت بدل [ مدري ] .. [ ترى هي ] .. لكان الوزن
تمام التّمام .

( كتمت السر ليـن الصمـت تحـزم ثـم فجرنـا )
حتى الشطر هذا فيه خلل ..
كتمت السرّ لين انّه .... إلخ
بيكون الوزن أفضل ..


( سنينٍ عشْر ومعها شهـور مـن اول ماتجاورنـا )

سنين ٍ عشر ويّا شهور من ساعة توادعنا

لأن البيت في وضعه الحالي مكسور ...


( احبك رسمـةٍ بالحلـم.. ولا بصدفـه تواجهنـا )

أحبّك رسمه فـ حلمي ولا صدفة تواجهنا ..

وزنها أفضل من الوصع الحالي لأنه مكسور ..


( خلاوي كنت في هالارض واسرح بك واروح بعيد
بنيت الحلم في هالارض وشفْـه انْهَـد بمجلسنـا )

وقفت الملم ركونـي .. والملـم حلمـي الباقـي
مشيت ورافع ايدي .. عسـى الله لايفرقنـا ..! )



المنطقه اللي تحتها خط .. تكتب بـ الطريقه المعدّله
والمنطقه الملوّنه بـ الأحمر فيها خلل فـ الوزن ..




شخصّ ما .. ورغم كل هذا التطفل القبيح منّي
إلا أن القصيده تحوي الكثير من الجمال .. والإحساس
المؤلم / العَذب ..


حيّاك معنا .. وننتظر جديدك بـ شغف يالغالي :h

في فضيحة ألكترونيه هي الأولى من نوعها ..
والله أني أخجل أن يراني مخلوق فوق الأرض بعدها ..
يوم جيت أبغى أرد عليك .. أثاريني مسوي ( تعديل / حذف )
وكتبت ردي كـ تعديل على موضوعك .. وانحذف موضوعك :d

والطامه الكبرى .. ان ردّي كان مكان موضوعك
):

قصيدتك جبتها من منتدى شقيق :d

وطرحتها .. مره ثانيه كتعديل ..

ولك الحق في أي شي تامرني عليه حتى لو تطلب بهجت يكلبشني ): ..
أو تطلب أنك تطرحه مره ثانيه ويظل الموضوع مفتوح لـ الذب على المتخلف الكبير قرطوع ..
وتطرح قصيدتك بتنسيقك ومن جديد ...


أي شي أي شي .. انا من يدك ذي لـين يدك ذي ):


واعيباه بسسسس ): :d

ههههههههههههههههههههههههههههههههههههههههههه قرطوع يامنسم :24

شخص ما صح لسانك و أتمنى اشوف جديدك لأن عندك ذوق باختيار الفكرة ايضا اتمناها خالية من اي خلل بالوزن :h:fl


شكرا لك :h

تسلم ياشخص ما

ننتظرك

محمد صح بدنك يالحبيب ومنور المتصفح :)

هلا بقرطوع
المقهى منور باهله الطيبين وعوافي على الحذف مادام انها وصلت

استغرب توصلك لكسور في القصيده رغم انها مرت على اكثر من يد قبل لاتوصل لهالصرح وجميع من قراها اكد لي عدم وجود كسور ولكن وجود ثقل في بعض الابيات ومشكلة الثقل مشكله مؤرقتني وانا في مرحلة التعلم والابتعاد عنها

انا اكتب على السمع واحرص على تلحين القصيده باكثر من لحن عشان اعرف مكامن الخلل في ابياتي .. فابيك تجرب تلحن القصيده على اغنية خالد عبد الرحمن (( حبيبي اسف ازعجتك ))
واذا ماعجبك اللحن لحنها على اغنية رابح صقر ((انا احبك انا اعزك)) واذا انك راعي مزاج وتبيها رايقه اقراها على لحن راشد الماجد ((الا ياوقت وين الي على بالي )) وياليت اذا انك فاضي ولا عندك شي تجربها على كل الالحان :d


ماراح اناقشك في الكسور الين تردلي بعد هالرد وتلحن القصيده بس ابناقشك في بعض الملاحظات الي ابديتها


( لاني بميّت ولاني حي .. ولا ضايق ولا مبسـوط )

لو بتنطقها كذا .. : لـ َ ني ميّت ولاني حي / لاضايق ولا مبسوط !
بيكون الوزن تمام .. لأنه على وضعه الحالي مكسور !

نطق لاني بميت ولاني حي هو نفس نطق الي انت كتبته سواء كتبت كذا او كذا
يعني خلني اقربلك الصوره ..
ابيك تكتبلي صوت خشمك وانت تناشق ...! :d
ممكن تجيني وتكتب خخخخخخ :d
وممكن تكتب نخخخخخ :d
الله يحوم تسبدي هههههههه اتمنى انها وصلتك الفكره

( مريضٍ قد رماه الطب حجِر في غرفـة الانعـاش )

مادري كيف نطقت كلمة طب ؟
لأن البيت مكسور على حالته هذي .. والمعنى أيضا ً مافهمته
ياليت توضّح لي .. ؟

نطقتها كذا >> :1: :24
والمعنى ياطويل العمر في تسلسل الابيات

ظروف الوقت صدتنا .. وحظي مد لك يدّه
صفعني ثمّ وداني غياهب جبّ موتتنا

لاني بميّت ولاني حي .. ولا ضايق ولا مبسوط
عديم احساس .. نبض القلب وصّل حدّه الادنى

مريضٍ قد رماه الطب حجِر في غرفة الانعاش
يُغذى بالغلا .. يُحقن بمصْل أوصالنا حقنا
علّقت في البيت الاول اسباب فراقنا على ظروف الوقت وعلى الحظ الي ابتسم لرفيقي وبنفس الوقت كشر انيابه في وجهي وارداني قتيل حب ...
في البيت الي بعده اشرح وضعي وحالتي بعد الفراق كيف وصل بين الحياه والموت والضيقه والانبساط وعدم الاحساس في حاله غريبه ليس لها حل
وفي هذه الحاله التي لم يصل الطب فيها الى اي حل مع حالتي لم يجد حلاً سوى رميي في غرفة الانعاش معلقاً في في دمي مغذية الغلا التي يحقنها ويزيدها الحبيب بوصاله
ياخي على هالبيت احس اني الفرزدق على غفله ولم اكن اتوقع ان يغيب شرحه عن قرطوع صاحب الصور الجماليه المعروفه عنه ;)


( وانا اقضي نهاري نـوم وانـام بوقـت سهرتنـا )

لو قلت : وأنا أقضي نهاري به وانام بوقت سهرتنا .
ورغم اكتمال الوزن إلا أن المعنى مادري كيف؟
في وقت النّهار نوم .. وفي وقت سهرتكم نوم ..
يعني اليوم كلّه نايم .. ... أرجو تراجع هـ البيت وتقف عنده مطوّلا ً

اريدك ان تقف انت طويلاً امام هالبيت وتتامل حالة المعاناه التي يمر فيها كاتب هالابيات

يقولون السهر يبري جروح العاشق الولهان
وانا اقضي نهاري نوم وانام بوقت سهرتنا


اي اني لا استطيع ولا اتصور ان اسهر لانادم الليل او القمر واشكيه حالي كما يفعل العشاق الذين يصفون السهر بمبرد الجروح والجواب ياتيك في البيت الي بعده في الشطر الاول عندما اقول اخاف اذكر ليالينا وأذكر مثل ذاك اليل.. الى اخره من الابيات في وصف اليله المشئومه


( سنينٍ عشْر ومعها شهـور مـن اول ماتجاورنـا )

سنين ٍ عشر ويّا شهور من ساعة توادعنا

لأن البيت في وضعه الحالي مكسور ...
قد تكون رقعتها في الوزن ولا اظن ذلك .. ولكنك اثبتلي انك منت قرطوع الي قريتله في تغييرك للكلمه فقد سقطت في المعنى وخبصت مندوبه :D

( خلاوي كنت في هالارض واسرح بك واروح بعيد
بنيت الحلم في هالارض وشفْـه انْهَـد بمجلسنـا )

وقفت الملم ركونـي .. والملـم حلمـي الباقـي
مشيت ورافع ايدي .. عسـى الله لايفرقنـا ..! )



المنطقه اللي تحتها خط .. تكتب بـ الطريقه المعدّله
والمنطقه الملوّنه بـ الأحمر فيها خلل فـ الوزن ..
نفس سالفة النشقه الي فوق :0:


قرطوع انتظر ردك بخصوص الالحان الي عطيتك اياها فقد تعلم مالا اعلم اخي :)

:fl

لمبة شارع :h
صح بدنك يالغالي

كونكت
يسلم راسك
منور الحته :)

:
.


هلا ومرحبا بـ الحبيب .. والطيّب الغالي ( شخص ما ) ..
اولا ً أعتذر وأكرر أعتذاري مره ثانيه .. وثالثه ورابعه على الخطأ الغير متعمّد أبدا ً .. ياخوي وش ذنبي إذا انا جنط كذا ؟ D12

وفي نقطة مهمّه لازم تفهمها .. قرطـوع صاحب الصور الجماليه على قولتك هو شخص ما أيضاً
له ذوقه الخاص ووجهة نظره قد تعجبك ولا تعجب وغيرك والعكس أيضا ً ..
وقد يكون مخطئ .. وقد يكون مصيب .. فأنا من بني آدم معرّض لـ الخطأ في جميع حالاتي ..

نقطة ثانيه .. أنا يوم وضّحت الكسور .. والله وبـ الله .. وتـ الله لم أقصد تهميش جماليات القصيده التي ذكرت في ردّي السابق أنها كثيره لولا الوزن ..

نقطه ثالثه .. أنت من تتحكم بـ المعنى وفي محاولات تعديلي لـ الوزن لم أراعي المعنى لأن لادخل لي فيه .. فـ الشاعر هو من يعبر عن مشاعره ومعانيه الخاصّه .. وفي ردّي كنت أنوّه صيغة بيت معدّل .. كيف ستكون في نظرك ولحنك ..

أما بـ النسبه لـ الألحان ماشا الله عليك .. صوت الخليج متنقّله ..:d
بس حبيت أقول لك طال عمرك أن اللحن أحيانا ً يخذل صاحبه .. واللحن مرّات كثيره يغطّي على الكسور واسأل عن هـ النقطه الشعراء اللي مرّت عليهم وأثبتوا أنها خالية من الكسور التي وجدها سموّي الكريم الفاضل والسبعة أنعام :d ..

قصيدتك على البحر الشيباني :
مفاعيلن مفاعيلن مفاعيلن مفاعيلن

ألاياصا - حبيماعا - دلد دنيا - ولا معنى
//5/5/5-//5/5/5-//5/5/5-//5/5/5


/ = حرف متحرك
5= حرف ساكن


ومستحيل يجتمع ساكنين ورى بعض .. على حسب معلوماتي المتواضعه جدا ً
وفي هـ البحر .. مافي أكثر من متحرّكين ورى بعض ..
ولحّنها على الأغاني اللي أنت ذكرتها .. وطابقها مع التفعيله السابقه بدون زياده أو نقصان .


مثال على أحدى الأبيات التي زعم سموّي الكريم الفاضل المحترم .. انّها مكسوره :c


( تجي شمس وتجي قمره .. ويجي هلال وتعدى حول )

تجيشمسو - تجيقمره -ويجيهلالو -تعدديحو / ل .. < - واللام زائده


الواو .. والياء زايدين .. وشوف الفرق بينهم وبين تقطيع البيت الاوّل .



أما بـ النسبه لتعديلي على طريقة الكتابه فـ انا علّقت على الطريقه التي تضمن لـ القارئ القراءه بشكل سليم .. فأنت تقول .. واسرحبك ... إلخ
والله ماأخفيك أني تأخرت حتى فهمت أن المقصود هو .. أسرح بك ..
وقد تكون نسيان منّك .. وقد تكون متعمّده وهذا شي مايخصّني .. المهم ان الكتابه الصحيحه هي
أسرح بك

وحتى في قولك .. الملم .. فهمت بعدين أنّها ألملم .. وبعد تركيز وماتراود إلى ذهني من النظره الأولى أنه لملمه :d

ونقطة أخيره .. فيه فرق بين الشّعر النبطي وصوت خشمك لاقمت تناشق ..
لأن الشعر سماعي ويكتب مثلما يسمع .. أما صوت خشمك فـ اختلف فيه العلماء .:d

أتمنّى من كل قلبي أن تتقبل ردّي بـ روح رياضيه وأن شاء الله ماتكون فيه إصابات في الودّ
لأننا أخوان قبل وبعد كل شئ .. وأنا أحبّك في الله
وأنت أكيد تحبّني في الله بعد :d .. يعني تجمعنا علاقة حب .. وأخوّه
ويشرّفنا تفاعلك معنى يابعدي :h

وأنا حاضر لـ أي شي مافهمته .

هلا قرطوع
من ناحية الروح فماعليك رياضيه الين تخاف :)
كلامك جميل من ناحية العروض وتقطيع النص .. انا عني ماافهم فيها ولاادري عنها بس احس انك جايبها صح :d

انت تقول ان اللحن ينكب الشاعر .. انا مااعرف اكتب الا على اللحن وصدقني للحين ماحسيت بالكسر الي تقول ((قرطوع انا تراني ماني ذاك الي هو بالشعر ومحاولاتي على قدي بالعربي امشي حالي بس اقدر ابين خل في البيت واحس فيه)) .. خلنا بالبيت الي اختصيته بردك.. اللحن برضه ماشي معي تمام ولا احس اني مديت في شي زياده او شي.. فكيف اعرف انه عندي خلل قلي..؟

شخص
صح بوحك ياغالي

شخص ما .. هي مع الممارسه وكثرة القراءه والكتابه تجي
أنت مبدع .. ولكن تحتاج لـ قراءه أكثَر
عندها لن تحتاج لـ اللحن حتّى .. لأن القراءة تُكسب أذنك موسيقى النص
فـ تشعر به وتتعرف على اماكن الضّعف .. !


لحّن البيت اللي أنت تقول عنه على لحن ( أنا مقدر أكون أنّي حبيب ٍ في بعض أحوال ) لـ محمّد عبده !
وطابق اللحن الحقيقي على شطرك .. وبتشوف الفرق :h



لاهنت

هلا قرطوع :)
لحنت البيت على احوال وجا معي تمام احسه :d والمقاطع جت على نفس التقطيع ..
داري اني بسلّيك :d

8

وأنت تغني البيت .. نطقت كل الحروف كاملة ؟؟
ولا بعض الحروف ماأظهرتها .. ومشيت عليها بسرعه !

هنا تعرف مواطن الثقل والكسر .. :fl