اخواني واخواتي المفهين:d .. السلام عليكم:fl :h..

<< كل يوم تقوم الفجر مثل غيرهآ مثل البنآت .. تفّز من سريرهآ وتنطلق مقلعه للمغسله تغسّل وجهها السفر:d .. وبعض الاحيان تتروش على حسب المزاج والوقت:d:(
وتفرش اسنانهآ بعنف .. وتتأمل خلاقينهآ قدام المرايه :c:d ..

بعدين تجيبها نوبه بخشمها تشغلها:24.

ادحدر للصاله اتقهوا وافطر شوي واشوف التلفزيون شوي ويشطح براسي موضوع --->بدآيه ماصله :(


الحين ابي اسألكم !
السفينة يوم ان يصير به شق واحد .. وكلّن يشوفه ويسكت , تغرق ؟ او لا :(؟
طيّب سؤال ثاني اقرب لكمـ شوي ..
الثوب اذا انفتق ( انشق ) وصار الشق صغير شوي , وتركناهـ .. ما يكبر ؟
يلاّ علشان الجحلط الكمخ اللي ما يفهمون:24 <--- ترآعي الفروق الفردية :(
اذا جيت تنقش خشميك عند الرياجيل , واستمريت بالتنقيش والتنقيب عن النفط لين ماطفيت اللي براسك:(
ولآ آحد يقول لك شي وفجآة دخل عليك الشايب .. ولعن ابوك اللي جابك وسط الرياجيل:d ..
بالله ما تحقد على واحد اذا قالك لاتنقش خشمك !!:24
لآ بجد ترى هالموقف شين .. لو انا منك تسان ارميهم بالرشاش اللي يقول ( سلّم سلآحك )
والا مسدس ماء .. <--- أبد ماهيب عنيفه هالبنت:(

المشكلة ومافيها .. اننا الحين نشوف المشاكل ونسكت ..
ونشوف الخطأ .. ونسكت عليه .. ولا ننكر على رآعيهـ .. واذا انكرنا نواجه ردّ قاسي ..
يكون بالشكل التالي :
( خير وش تبي ؟ ) .. ( لا تحشر نفسك؟ ) .. ( علم نفسك ) .. ( اي خدمه؟ )
( آخذن من حلآلك شي ؟ ) .. ( اقول الخلا ) .. ( كل الناس تزين تسذ1 ) .. ( واقفتن علي نصيحتك؟ )
او غيره من الردود اللي تعودناا عليها ونسمعها كل ابو يوم:( ..
وبأشكال مختلفة .. وهذا كله من الجهل ..هل هي متقفة مع الدين ؟ او لا .. ؟

قبل نبدا وننكر على خلق الله .. ونمشي وراهم وننصح !!
لآزم نصلح انفسنا .. ونشوف عيوبنا ونصلحه .. وبعد كذا نصلح الناس .. وننصحهم
ماهو يجي واحد ثوبه يسحب مترين وراه .. ويقول لواحدن ثاتي : قصر ثوبك ياولد خاف ربك..
واللي يطوول ثوبه تحت الكعبين ما ينظر الله اليه يوم القيامه .. ويعذبه بسبب اطالة الثوب ..
وان الرسول صلى الله عليه وسلم نهى عن تطويل الثوب ..
لالا .. كذا اكيد انه يبي يراعي لشكلك اول !! اذا ثوبك طويل ماراح يعطيك وجه:d
والا يبي يلعن جدفك .. ويقول ( علم نفسك ) ..
لكن لو كان شكلك يهيء انك تنصح .. ومعدلن وضعك انت قبل الناس !!
اكيد انه يبي يسمع لكلامك ولو ما نفّذهـ .. بس بطيبة خاطر:h .

والا تجي وحدتن الله لا يبلانا .. طالع نص ظهره .. وتقول لبنتها او اختها : عيب تستري يابنت
ولا تطلعين شي من جسمتس .. واللبس هذا مايصلح ..
بالله وش بيكون موقف البنت ؟
اكيد انه تبي تقول : الله يشفيتس:d ..

لكن لو صارت اللي تنصح هذي .. لابستن لبس ساتر .. ومظبطةٍ وضعه قبل الناس
وتكلم الحريم اللي حولها باسلوب مؤدب وناصح مع ابتسامه بسيطة .. ماهي مكشرة وتفرض قرارها ولا تراي بزعل
رآح يكون عند المنصوحات راحه نفسية .. ويسمعن بكل انتباهـ ..

.
.
.

مشكلتنا نشوف عيوب الناس .. ولا نشوف عيوبنا
واذا صارت مصيبه .. نقول ( اييييه هذي ذنوب هالناس ) وليه حنّا من الملائكة !! مالنا ذنب !!
الحمممد لله ..

بالله عليكم ..
كم واحد يدخّن .. ولا ننكر عليه !!
كم واحد ثوبه يسحب بالارض .. وكآن الشيء عادي ؟
كم من الناس اللي عاصي لامه وابوه .. ولا احد يقوله شي ؟
كم .. وكم .. وحنآ مالنا هم! ؟

وكم بنت تلبس عاري .. والاهل راضين ؟ وهي بعد راضية عن لبسها الماصخ !!
كم وحده تطلع للسوق وللاماكن العامة كاشفة او متزينه وطاقتن النقاب والبرقع وكل ابو شي ..
ولا احد ينكر عليه !! ولا يقوله شي !!
ونقوووول ( مووووووووووووضه:( ) يلعن ابو الموضه اللي تضيّعنا
ويلعن التطوّر اللي خلانا نصير بهايم .. وندربي رووسنا ورى الموضه والخرابيط

انقلبت الايه الحين .. بين الرجال والحريم ..
لآحظوا معي .. خطوة بخطوهـ ..

( كان ثوب الرجل قصير .. والمرآه طويل ) - ( الان العكس:( )
( كان ثوب الرجل واسع .. والمرآه واسع ) .. ( الان صار الكل يضيّق واكثر شي الحريم:( )
( كان شعر الرجل قصير .. والمرآه طويل ) .. ( الان العكس:( )
وغييييير .. وغيييييييييير .. واللي يبي يدقق والله يتعب ..
انتم بس لآحظوا كل شي حولنا تغيّر وانقلب ..

بعد ما كنّا امّة تضرب لها الامم الف حساااااااااب .. !!
صرنااا اليوم نقلد حثالة مجتمعاتهم .. وناخذ طريقة الصايعين في اللبس والكلام .. والشكل
وكل هذا دخل علينا باسم ( الموضه :() ..
( طيّحني ,, بابا سامحني ,, عباية الفراشة ,, عباية مخصّرة وعليها كل ابو الرسمات ,, )
حتى صورة ابو متعب ما سلمت من عبايات الحريم اليوم ذابحتهم الوطنيه بنات الذين :d

التربية صارت خطآ ..
من يوم الطفل صغير وتربيتنا له خطأ .. !!
يا اننا نشدد عليه !! او نرخي له ..
وبكل الحالتين النتيجة .. خطأ ..

الصغير اذا تعود على شي مستحيل انه يغيره
تأكدوا ان كل الاطفال اللي الحين يلبسون بناطيل وحركات مدري وش تبي !!
بكرااا لما يكبر .. مايعترف بالثوب !! ومايعترفون باللبس الساتر , اللي يستر العورة ,,

البنت كذلك .. من يوم هي صغيره بنطلووون ..
لما تكون بنت ناضجه .. ما تعرف تلبس لبس ساتر ..
تعوّدت على الملابس العاريه .. تحس انه يوم تلبس لبس ساتر .. كأنهآ محشورة ..

الى متى نعيش عيشة بهايم ؟
الى متى نشوف الوضع خطأ ونسكت !!
وش اهلك قوم لوط ؟؟؟؟؟؟؟؟ الا انهم كانوا لا يتناهون عن المنكر ..
ترى السكوت عن الخطأ .. جريمة شرعية ..
الساكت عن الحق شيطان اخرس !!!!!!!!!

ع العموم .. احس اني حست ام الموضوع:d
بس .. خلّونا نغير وضعنا شوي
لآننا حنا شيبان المستقبل .. والمربين القادمين :24

الغرب يركزون على غزونا الفكري بأي وسيله .. لآنهم يعرفون
ان قوة الامه وضعفها .. في شبابهـآ .. !!!!!
ماهوب بس جيدين بالتقليد الاعمى والمهايط ,, خلوا لو مرّة تسجل لنا حسنة بالمجتمع
كل اثارنآ بالمجتمع ما تبيّض الوجه بنوب ,, كل سوالفنا وشغلنآ مهايط وذبّ وعيــآرة ووسآعة وجه


مودتي..
معليش ع الاطاله

وعليكم السلام اختي المفهية:dتراي من شفت اسمتس احسبتس ولد
بما انتس طالبة السطور الاولى ماااااالي بوووه:d
بس هذي بعدين تجيبها نوبه بخشمها تشغلها
الله يحووووم تسبدتس تلاقين هالنوبات كااااثرة مع تغير الجو والحساسية :24

نجي للجد ...

قبل نبدا وننكر على خلق الله .. ونمشي وراهم وننصح !!


لآزم نصلح انفسنا .. ونشوف عيوبنا ونصلحه .. وبعد كذا نصلح الناس .. وننصحهم


والله انتس صااااااادقة بقولتس مثل اجتماعات الحريم زواج او عزايم تجي وحده اللي بذمتها الله لايبلانا انوااااع التفصخ وقلة الحيا وتنصح خلق الله ياختي استحي سنعي اللي عندتس بعديييين انصحي خلق الله :(

اتذكر مرة جالسين بمكان ما<<جحاااادة :d
انا وخواتي المهم وتجي ذيك الوحده طاااااايرة وتنفض يديينة قبل توصلنا من الحماس هي متسترة ولبسها ماافيه شي ومعها كم وحده عبايات كتف ونقاب وااااسع
وتوقف على رووسنا تستروو وغطو نقاباتكم اهلكم ماربوكم على كذا ياللي ماتخاافن من االله:m
سويت فيها قويية:d قلت هيييييه كلللش ولاتربية اهلي من زين اللي معتس؟!!!
وتنقزززز عندي وتحط يدها فوق عباتي تدور غطا النقاب وتهاااااااوش اقولتس غطيه قلت لو انا دارية كان حطيت مكياج حتى افتش عنااااااااد لتس انا عبايتي ونقابي عااااادي مافيه شي شوفي اللي معتس الوحدة ماتغطى الا براطمه قالت عجزت عنهم ؟؟!!!!!
قلت جودتس علي ياللي ماتستحييين سنعيهم والا انطمي




مشكلتنا نشوف عيوب الناس .. ولا نشوف عيوبنا




واذا صارت مصيبه .. نقول ( اييييه هذي ذنوب هالناس ) وليه حنّا من الملائكة !! مالنا ذنب !!

الحمممد لله ..




قبل شوي بشريط وحدة من القنوات<< مابي اسوي دعاية

كلن يقول المكان الفلاني فيه مطر وذاك المكان فيه مطر
قالت وحده الرياض ماجاها مطر من معاصي اهلها ؟!!!!:r
والثانية قالت الخبر ماجاها مطر من المنكرات اللي فيها
استغفررررر الله يعني انتم حمام حرم بسم الله عليتس وجع يوجعتس؟!!!
البيت الواحد ماتقدرين تسيطرين عليه من المنكرات او المعاصي تسيطرين على ديرة
الله يغفر لنا بس
ادري شطحت وخربطت وتفلفست:d بس اهم شي رديت عليتس
ويسلمو على هيييك موزووع:)
يادفتر عقود انكحة:d

يالبـى اللي ينصحون ومتحمسين :h:d
شوفي وانا اختس .. نادر مايجي واحد مسبل ولا ابو الدجه فيه وينصح :24 بالعكس يجي ويخرب الدنيا ويمكن يحلل ويبيح ..ليته ينصح ليييييييت :24

يافلان طنش وافعل وافعل .. كم مره بتعيش انت؟
هذولي اللي ودتس تحرقينهم :d
زود ماهو عاصي يبي يجر الناس وراه :(

البنت كذلك .. من يوم هي صغيره بنطلووون ..
لما تكون بنت ناضجه .. ما تعرف تلبس لبس ساتر ..
تعوّدت على الملابس العاريه .. تحس انه يوم تلبس لبس ساتر .. كأنهآ محشورة

يختي انا اللي افكر فيه وشلون لا كبرت وعجزت .. بغير لبسي خخخخخخخ
<< تبي تقلعتس الحين :24



واذا صارت مصيبه .. نقول ( اييييه هذي ذنوب هالناس ) وليه حنّا من الملائكة !! مالنا ذنب !!

الحمدلله ترا اليوم جاء مطر :d ( يقالي اهونها عليتس ) :d
تسلمين ياقلبي :h

وعليكم السلام ورحمة الله وبركاته

حي الله الفاغرة :fl

الحين ابي اسألكم !
السفينة يوم ان يصير به شق واحد .. وكلّن يشوفه ويسكت , تغرق ؟ او لا ؟
طيّب سؤال ثاني اقرب لكمـ شوي ..
الثوب اذا انفتق ( انشق ) وصار الشق صغير شوي , وتركناهـ .. ما يكبر ؟
يلاّ علشان الجحلط الكمخ اللي ما يفهمون <--- ترآعي الفروق الفردية
اذا جيت تنقش خشميك عند الرياجيل , واستمريت بالتنقيش والتنقيب عن النفط لين ماطفيت اللي براسك
ولآ آحد يقول لك شي وفجآة دخل عليك الشايب .. ولعن ابوك اللي جابك وسط الرياجيل ..
بالله ما تحقد على واحد اذا قالك لاتنقش خشمك !!
لآ بجد ترى هالموقف شين .. لو انا منك تسان ارميهم بالرشاش اللي يقول ( سلّم سلآحك )
والا مسدس ماء .. <--- أبد ماهيب عنيفه هالبنت

المشكلة ومافيها .. اننا الحين نشوف المشاكل ونسكت ..
ونشوف الخطأ .. ونسكت عليه .. ولا ننكر على رآعيهـ .. واذا انكرنا نواجه ردّ قاسي ..


:k
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه

اما ذا المقدمة رهيييييبة صراحة عليك اسلوب لمدخل الموضوع قوي وخطير
شكلي راح استخدمه في حصتي الجايه ان شالله بدرس الفيزياء عن التداخل والحيود


نجي لموضوعك

والله كلامك سليم مية في المية وعين العقل

وكل اللي ذكرتيه صار شي طبيعي يحصل كل يوم

ومحد ينكر على الثاني في اي شي سواء في اللبس او الكلام او التصرفات والتعامل مع الناس

على قولة الشاعر خالد الفيصل

يازمان العجايب وش بقى ماظهر كل ماقلت هانت جد علم (ن) جديد

الله المستعان وان شالله البركة في عيالي وعيالك:24 <<<<ايه هين قابليني

وقسم كنت احسبك شنب :24


فديت اللي ينصحون وهم متحمسن D12

صادقه بكل اللي قلتيه ,, أسلوبك كان عفوي وكلامك مشحون بالغيره والقهر على حالنا ..!

الله يصلح أحوالنا ياااارب وتعيينا نكون قد مسؤلية اننا ننشئ جيل صالح <-- مافي امل :24


لك :fl

حرام عليكي ماخليتيلنا شي نهرجه :d
كلام في الصميم وطالع من قلب
الله يسعد قلبك

ربي رحمنا وماخسف بنا زي الامم الي قبلنا لان فينا ناس يامرو بالمعروف وينهو عن المنكر
واذا انقرضو واتضيق عليهم ماعلينا الا نستنا السما تطيح او الارض تنشق

مشكله لما تشوفي الغلط واذا اتكلمتي طلعتي انتي الغلطانه والمريضه والموسوسه والمعقده والمقفله والي لو تروحي تموتي احسنلك
لما الاغلبيه تسكت وانتي بس تتكلمي يجيكي وقت تحسي ان العيب منك مو منهم
لو مو ردود افعالك نتيجة فطرتك وشي اتربيتي عليه كان ممكن بكل بساطه تصيري زيهم

مرات تسكتي وتمشيها عشان لاتجيبي لنفسك الكلام
بس ترجعي تنفلتي وماتقدري تقاومي مقدار القذاره الي قاعده تشوفيها
وياريت بفايده
ماحد مكلف على باله يسمع

اذا ماطلعو اصلن عاجبهم الحال وراضيين
بيطلعو موعاجبهم بس ساكتين عملن بالقاعده الي تقول ابعد عن الشر وغنيله
وازا بتقرب منه وبينبح عليك اتحمل الي يجيك :d

اتمنى زعيقي يوصل :d

يسلم قلبك عسوله

واذا انكرنا نواجه ردّ قاسي ..
يكون بالشكل التالي :
( خير وش تبي ؟ ) .. ( لا تحشر نفسك؟ ) .. ( علم نفسك ) .. ( اي خدمه؟ )
( آخذن من حلآلك شي ؟ ) .. ( اقول الخلا ) .. ( كل الناس تزين تسذ1 ) .. ( واقفتن علي نصيحتك؟ )

وزيدي عليها كمان ان اللي ينصح (( يلفت انتباه الاخرين )) قالوها لها من قبل بس احتسبتها عند الله D12

المهم ياعسل :h

شوفي كلامك واللهي صحيح وميه بالميه

بس من ناحيه انو طبعا الانسان ماينصح بشي الا وهو مايسويه انا معاكي مليون في الميه

اقلها عشان اللي قدامك يقدر يتقبل منك ....

بس تصدقي قريت مقوله لاحمد بن حنبل تقول

((حقا على اهل الخمور ان يتناصحو فيما بينهم ))

انا مررررررره استغربت لما قراتها قلت باللهي كيف اقدر انصح عن شي خطا وانا اسويه

بس بعدين لما فكرت وفكرت وفكرت مليا :d

قلت خلاص انا لما بنصح احد بشي ماراح انصحو وانا في نفس حاله الخطا يعني مثلا مابانصح واحد
اقلو لاتسمع اغاني وانا في نفس الوقت اسمع اغنيه ---> قولي والله :24

لا بس باخدو على جنب و بقلو ترى هو غلط وانا اسويه عادي بس ترى مو يعني

انا اسويه مايحق لي انصحك انا غلط وانت غلط طيب ليش مانصير كلنا صح

وترى اسلوبي يبين كاني اتريق بس والله منجد انا اتكلم بصراحه ومن قلبي ...:(

يعني كيف باللهي كلنا نكون غلط ومانقدر ننصح بعض ابدن نستنا اللي فيه خير يجي ينصحنا

بس تدري انا جبت حل ....:d

انا بسوي غلط طيب ...الله يهديني.... بس مااقول لغيري اني انا بسويه مو عشان شي

اولا ::لانها مجاهره بالمعصيه :(
تانيا ::عشان لما اجي انصح اقدر يكون عندي عين انصح وانا مرتاحه ....:d

هذا مالدي في جعبتي والله الهادي الى سواء السبيل

ايوا صح ترى انا مره سالت شيخ عن المقوله دي ورد عليا واقنعني بس ناسيه اش قال...:d
الاشياء الطيبه ننساها على طول والبطاله نقعد في عقلنا الين نموت ....:(

بس ماعندي مانع ارجع اسالو مره تانيه ازا تحبي عشان الكل يستفيد ...
بس استنيني اشحن جوالي ...:c
ترى انا بقد بتكلم لو عاوزاني اسالو ئوليلي لاني مش حسألو من غير ماتطلبي ---->توفر على نفسها فلوس الشحن :p

.
.

و عليكم السلام و الرحمة , حيّها يالله .

إييييه يا دفتر :( لقد أسمعتِ لو ناديتِ , للأسف التناصح يكاد ينعدم .. صار اللي ينصحك يبغضك .. و أحياناً تجيك ناس في ظاهر كلامها نُصح و في باطنه غمز و لمز للأسف .

مسألة أني اشوف نفسي قبل لا اشوف غيري عزّ الله ما نصحنا احد ولا جانا من ينصحنا :d , فينا حساسيّة غريبة لكل نقد و نصح و نحسّه انتقاص .

و شيء ثاني [ التهاون ] العجيب اللي كل ما لنا نرخي شويّ شويّ , لمّا قست قلوبنا و صار إنكارنا أضعف الإيمان [ إنكار القلب ] .. و الله يكفينا اليوم اللي يجي فيه و لا عاد تحرّك فينا مثل هالاشياء ساكن و يصير القلب تعوّدها !


موضوع عالجرح :( و نتعب لو نتشعّب فيه .. الله يصلح الحال يا رب :h .

ما قصّرتي يا خيّة :fl و الله يكتب لك أجر هالحتسيّات و ينفع بهن :h




.



.

يعطـيك العــافيه ما خلتي شي لنا وشـووكـرا ع الموضـووع:fl

لاهنتوا ع التواجد والمرور الرآئع ...منورينhttp://www.m8ha.com/images/smilies/hrt.gifhttp://www.m8ha.com/images/smilies/fl.gif

وعليكم السلام

حبيت اشكر فيك غيرتك على المسلمين:h فيك الخير والله ::/

والله النصيحه شي مهممم مهمممم جدن جدن لرقي المجتمع من جد
يعني لو ما حكومتنا الله يجزاهم خير حاطين هيئة الامر بالمعروف والنهي عن المنكر والله العظيم كان ضاااايعين صاايعين عيالنا وبناتنا زودن على صياعتهم هالايام:24

واصلا المفرووض الواحد يكون منصح موجه لنفسه ومنها يكون محترم لنفسهوالا بدون الاخلاق والمظهر الحسن مافيه احترام لذاته<<اتعب:l

ومثل ماقال الرسول اللهم صلي وسلم عليه لو دخلوا جحر ضب لدخلتموه
مشكلتنا مهووسين بتقليد الغرب الله يخلف:( والا الاصل هم اللي يقلدونا مفرووض لان اخلاقنا الاسلاميه ارقى اخلاق بين الاديان
بس مين اللي يلتفت لها:(

مشكوووووره:h

بعدين تجيبها نوبه بخشمها تشغلها:24.

معليش ع الاطاله

والله يا أختي الموضوع طويل ومهوب شيّق:p:
لكن نقطة الشغل وما الشغل هذا في الدول المتقدمه أعتبروهـ من فن التكوير
وينتج هذا نتيجه عن الفضاوهـ أو العاطل عن العمل أو المفهي أو الوحده المفرطه

أخبر اني مارست فن التكوير في عام 1409هـ بعدها ما اذكر<---واضح انك نصاب:k