انصح اي متصفح يبي يفتح الموضوع انه يقفله لأن ما من وراي رجاء وبيغث نفسه بدون فايدة ..

نصيحة ايها المتصفح الكريم اقرأ لك كتاب ولا تصفح لك جريدة ابرك من مقابلة هالموضوع:d




صبحكم / مساكم الله بالخير
كيفكم ووش اخباركم وعساكم تزقحون بس ؟ :d

في لحظة فضاوه بعيد عنكم قررت اني ازور معرض جيتكس 2010 بحكم انه قريب ويقولون ان فيه انواع التكنلوجيا المتطورة ورغم ان لي تجربة سيئة جداً مع جيتكس 2009 الا اني قلت ان الوضع يمكن يتحسن هالسنه ويكونون اخذوا خبره من السنة اللي راحت .. لكن والله أعلم ان جيتكس عند ربعنا هنا ماهو الا كم بسطه يبيعون فيها لابتوبات وجوالات وكم صندقة يبيعون فيها كافي ومويه وكرواسونات والاتصالات وموبايلي كل واحده ماسكه ركن وهاتك يا مسابقات وجوايز بين الجمهور الكرام .. احلى شي يوم تمشي وتراقب الناس وتشوفون رده فعلهم مع كل شركة متواجده في المعرض :d الشركة اللي تقدم هدايا - حتى لو كانت كيس وداخله منشورات لمنتجات الشركة - تلاقي العالم متزاحمين عليها وكلن يبي يدعس رقبة الثاني عشان يوصل قبله والشركات اللي تقدم تكنلوجيا وتقدم منتجات وحلول تلاقيهم ماغير يهشون ذبان ولا أحد حولهم < رحمتهم وربي ورحت تكيت لي مع كم من صيني وهاتك يا بربرة معهم وشربوني شاهي صيني طعمه شييييي :d
المهم لا اطول عليكم واقعد ابربر على غير سنع .. لقطت لي كم من صورة ولا تشرهون عليها تراني ما اعرف اصور والصور لاقطها بجوال يعني لا تدققون الله يرحم والديكم :d
طبعاً الصور ماراح تعبر ابداً عن اللي شفته لكن اتمنى انها توصل للجميع ويشوفون شي من الخمبقة والزحمه اللي شفتها في المعرض عشان يقتنعون انهم ماعاد يروحون لهم مره ثانية ابداً :d


خلونا نبدأ ..


اول ماوصلت انا وواحد من العيال من كثر الزحمة وعباطه السكيورتية حقين المعرض المواقف صارت فلللل والشارع اللي بجمب المواقف برضو فللل والزحمة والبشرية برضو فلللل أخذنا كذا لفه حول المعرض ومافي اي فايدة فإضطرينا نوقف السيارة في الجهه الثانية المقابله للمعرض قدام بيوت خلق الله وقطعنا الشارع بشكل خنفشاري وانتحاري بصراحة ماغير كروشنا تدردب قدامنا واحنا نجري نبي نقطع الشارع وحتى خويي ماخذ له حذيان - تكرمون - من ابو عشرة الظاهر وبغى يجيبه على وجهه في وسط الشارع :24

المهم ماعلينا ولله الحمد وقتها وصلنا باب المعرض بأمان وبسلام .. وداااااايركت على داخل المعرض واحنا نقول نبي تكيييييف خلاص بنرتاح من الجو اللي برا والعرق اللي لاعب في حسبتنا عقب المجهود اللي سويناه :d نطب نبي التكييف ونشوف العالم متجمعين عند الباب وانواع الزحمات وينقال لهم واقفين طابور واثاري السالفة فيها تسجيل دخول ومحد يقدر يدخل الا ببطاقة يسجلون فيها اسمه واسم الشركة وتلفونه وخرابيطة ويعلقونها على رقبته :11

http://img443.imageshack.us/img443/1606/74994806.jpg

http://img443.imageshack.us/img443/264/10970239.jpg

طبعاً انجبرنا نصير محترمين ونصف معهم بعد ماحاولنا اننا ندخل مع باب المعرض بكذا طريقة ومافي اي فايدة ، السكيورتية حقين المعرض مافيه اكثر منهم عيال اللذين :d

http://img443.imageshack.us/img443/1573/70823812.jpg
صورة تبين اني كنت محترم وواقف في الطابور انتظر دوري :22
خلصنا من التسجيل وكلن منا علق في رقبته بطاقتة ودخلنا ولله الحمد ..
وأول شي يقابلنا في وجيهنا هالسيارة اللي خلتنا ماعاد نشوف شي ثاني في المعرض ولا نبي نشوف بصراحة :d

http://img265.imageshack.us/img265/4369/51421382.jpg
لفينا عليها يمين ويسار وودنا نجرب ونشوفها من داخل بس مقفلين عليها عيال اللذين عارفين ان اللي بيجونهم همج ماغير بيشلحونها او بيكسرون وهذا الشي اكيد :d
عقب ما شبعت عيوننا من السيارة اللي اتوقع ماعاد ترجع المعرض سالمة من كثر عيون خلق الله فيها :d قعدنا نطاق انا وخويي اقول له نبي نبدأ من يمين المعرض وهو يقول لأ خلها عشوائي واللي يعجبنا نتكّي عنده ونتقهوى براحتنا .. وطبعاً لأني ذوق وكيوت خويي وافق ومشى على شوري بدون أي نقاش :22 :d
قلنا نبدأ بيمين المعرض ونتفاجأ ان موبايلي ماخذه الركن كله من أوله الى آخره :11
اللي فاجأنا أكثر الزحمة اللي على جناح موبايلي !!
أثري السالفة عروض ومسابقات ولعيبه الهلال مشاركين في المعرض :11

http://img256.imageshack.us/img256/708/17290238.jpg

http://img443.imageshack.us/img443/9565/10304470.jpg

http://img30.imageshack.us/img30/6606/18083571.jpg

http://img30.imageshack.us/img30/1786/49195123.jpg

http://img219.imageshack.us/img219/6462/86820253.jpg
صوره لكؤوس الهلال في جناح موبايلي .. عارضينها على اساس انها تكنولوجيا يمكن !! :m:

http://img215.imageshack.us/img215/8717/14882695.jpg
وبرضو زحمممممممة والعالم مشافيح تبي تسجل في السحب عشان تكسب أي فون او بلاك بيري :24

http://img100.imageshack.us/img100/9712/31197318.jpg
شبيه الريح ابو قصايد سواليف :24
كان متواجد وقال كلمة للجمهور ترفييع وترييش في موبايلي كالعادة :d

http://img576.imageshack.us/img576/3945/38781468.jpg
المقدم الخاص بمسرح موبايلي مدري وش اسمه والله لكن الظاهر انه مشهور في قنوات الأطفال الظاهر :d

http://img30.imageshack.us/img30/982/41926076.jpg
شبيه الريح وحارس القرن على مسرح موبايلي والترييش المبالغ فيه إعلامياً :m:

http://img143.imageshack.us/img143/1654/28594186.jpg
المقدم الثاني لمسرح موبايلي وبرضو ما اعرفة والله :d

http://img9.imageshack.us/img9/2973/73271740.jpg
http://img130.imageshack.us/img130/9434/97045085.jpg
http://img707.imageshack.us/img707/1891/83484343.jpg
http://img87.imageshack.us/img87/4582/66882713.jpg
http://img9.imageshack.us/img9/3590/23866168.jpg
عرض الليزر للفرنسي تيتو حركاااات وتكنلوجيا :24

http://img580.imageshack.us/img580/2980/65912647.jpg
العتيبي حارس القرن يصرح حصرياً لجناح موبايلي ببقائه في الهلال :24

http://img13.imageshack.us/img13/3541/37734761.jpg
نيفيز وقت المغادرة بعد ما أدى المطلوب منه ع المسرح :24

http://img9.imageshack.us/img9/1135/15436593.jpg

http://img707.imageshack.us/img707/6026/28343319.jpg
هذولي اثنين أجانب قدام الكومبيوتر شفت العالم صافين صفيت معهم على بالي في هدايا :d وطلعت السالفة انهم يصورونك ويدمجون صورتك مع صورة لعيبه الهلال يعني لا احد بكره يجي يهايط ويقول تصورت معهم ترى السالفة وااااضحة :24
وبرضو لأني كيوت مااااارة صورت بس تهاوشوا معي لأن المفروض اني ارفع يدي على اساس اني فرحان مع اللعيبه او اضم اصابع يدي واعطي علامه اوكيه بالابهام بس لأني ما احب الهلال وهذا شي طبيعي تصورت وانا ضام اصابع يدي بس الابهام على تحت :24

http://img6.imageshack.us/img6/2998/69340996.jpg
هذي صوره للمسرح الداخلي اللي أشهد لهم هالمرة انه تكنلوجيا وطبقوا فيه العرض الهولوجرامي بطريقة روعه بصراحة وعجبتني حيل حتى اني لقطت لكم فيديو منها كود الهلاليين يستانسون فيها :d

http://www.4shared.com/video/smy-Z91y/27042010008.html
هذا الرابط للتحميل او المشاهده المباشرة للي وده لعرض استعراضي في مسرح موبايلي ..
مدري وش صار فيه وقت الرفع ومافيني حيل ارفع مره ثانية بصراحة :d
المهم انه لوحده من فقراتهم ويسمونه ربر مان بس حركاته غريبة ابن اللذين :24

وهذي لقطات من عرض الليزر مع تيتو
WIDTH=320 HEIGHT=400

WIDTH=400 HEIGHT=260

WIDTH=400 HEIGHT=260
التطبيق الهولوجرامي للصورة واللي بصراحة حبيته عندهم لأنهم طبقوه صح بالنسبه للتقنية

لكن التنفيذ راح تحسون بالدلاخة فيه شوي وهذا شي طبيعي لأن المنفذين لعيبة الهلال :24
WIDTH=400 HEIGHT=260

WIDTH=400 HEIGHT=260

WIDTH=400 HEIGHT=260

WIDTH=400 HEIGHT=260

http://img130.imageshack.us/img130/7808/74754807.jpg
هذول برضو قدموا عرض خاص بهم على المسرح بس ميزتهم انهم كانوا ينزلون بوسط العالم

وعجبني اهتمامهم بالأطفال رغم انه مهوب مسموح أصلاً بدخول الأطفال :d
WIDTH=400 HEIGHT=260


http://img402.imageshack.us/img402/2953/46914788.jpg
http://img688.imageshack.us/img688/3671/27025734.jpg
عجبوني وأخذت جوال واحد فيهم على اساس ان عرضهم عجبني وابيهم في حفله خاصة :24
بكذا شطبنا تماماً على موبايلي وبدينا نتجول في بقيه المعرض .. ماكان فيه اي زحمة ابداً يعني شي بسيط اثاري الزحمة بس عند موبايلي واللي مقابلها تماماً في الجهه الثانية شركة الانفصالات السعودية بنفس الحجم بس أحس ترتيبهم هالمره أفضل بكثييييير عن السنة اللي فاتت للأمانة .. جايبين هشام عبدالرحمن عشان يقدم على مسرحهم مسابقات واسئلة غبية عن الخدمات وأسعارها واللي يفوز يعطونة فلوس< ابو التكنلوجيا اللي يعرفونها والله :24

http://img704.imageshack.us/img704/7185/79331732.jpg

http://img594.imageshack.us/img594/2434/31594756.jpg
ياكبر شاشتهم كبراااااه :11

http://img144.imageshack.us/img144/954/11441437.jpg

http://img265.imageshack.us/img265/7276/87028540.jpg
شايفين انتوا كبر الشاشة بس ؟ :11

http://img265.imageshack.us/img265/8665/15707177.jpg

http://img260.imageshack.us/img260/5484/56452909.jpg
هنا يخلونك تطلع على المسرح ويسوون لك صورة دعائية برسومات وخرابيط .. حبيت الفكرة وصفيت طابور بس للأسف كرشوني على اساس ان وقت الصلاة قريب :24
بصراحة ماعجبوني وماكان فيه تفاعل كبير من الجمهور زي جناح موبايلي لذلك تركناهم انا وخويي وبدينا نلف على بقية المعرض ونشوف وش عندهم :m:
لكن قبلها الصلاة .. فيه مصلى في المعرض وفيه ناس فرشت في الارض وصلوا جماعة :h

http://img227.imageshack.us/img227/5988/55960487.jpg
انواع الزحمة وبدون اي تنظيم ابد :(
هالحين وقت الفرفرة على بقية الاقسام والاجنحة والشركات المتخصصة < امحق :24
وهذي لقطات منوعة من باقي ارجاء المعرض ..

http://img687.imageshack.us/img687/8424/58702677.jpg

http://img219.imageshack.us/img219/792/46058694.jpg
http://img688.imageshack.us/img688/8407/64023851.jpg
مدري وش حكاية السيارات بس الظاهر انها موضة :d

http://img100.imageshack.us/img100/2337/80454159.jpg

http://img443.imageshack.us/img443/2829/52906387.jpg
تلاحظون الفضاوة بس ؟ :24

http://img265.imageshack.us/img265/6695/58452227.jpg
خويي متكي مع الصيني وماحبيت احرمة من صورة :24

http://img580.imageshack.us/img580/404/20063589.jpg
ما دريت هو معرض تكنلوجي ولا حراج بيع ؟ :m:

http://img580.imageshack.us/img580/6125/96221543.jpg

http://img30.imageshack.us/img30/6021/59951273.jpg

http://img576.imageshack.us/img576/161/59316666.jpg
يعني انهم حركة وهم اللي يسيرون الموضة امحححححق بس :24

http://img144.imageshack.us/img144/7818/88623649.jpg
برضوا تابعين للحراج وفاهمين المعرض غلط :11

http://img30.imageshack.us/img30/7028/67886450.jpg
هذا بالذات حزني وبقوه حاطين مصري في الواجهة واللي داخل مطاوعة وكل ماقرب واحد يجيك المصري يبي يشرح له ينحاش من عندهم مدري ليه :24

http://img571.imageshack.us/img571/792/18057138.jpg
قربت منهم اثاري الريحة خياااااااس :24

http://img594.imageshack.us/img594/3724/84544293.jpg
حضور كبير من الشركات المصرية في المعرض هالسنة :h
بجد قدموا اشياء عجيبة جداً حبيييييتهم والله :h

http://img219.imageshack.us/img219/5661/11990277.jpg
فتي التسجيل في الدورات المجانية اللي يقدمها الجناح المصري ..
نشب في حلقي الا اصورة وانشرها له في النت وماحبيت ارده حسيته حليل وحبوب :24

http://img594.imageshack.us/img594/503/92455943.jpg

http://img685.imageshack.us/img685/418/21227165.jpg
شركة لقطة .. فكره موقعهم عجبتني وبشوف لي صرفة معهم دام فيها فرص تجارية وارباح
<-- الزيدي زيدي ماراح يتغير :24

http://img72.imageshack.us/img72/2782/13038039.jpg
متابعة لأحدث الموضات .. بس خل عنكم والله يا لون السيارة عذااااااااب :hu4v9mcirkl: :h

http://img260.imageshack.us/img260/2764/99875675.jpg
ارا سوفت المشهورة للبرامج وعروض الحراج والتخفيضات :d

http://img704.imageshack.us/img704/6113/80006635.jpg

http://img260.imageshack.us/img260/8205/75353417.jpg

http://img30.imageshack.us/img30/782/81483208.jpg
حضور دعوي مميز :h

http://img256.imageshack.us/img256/9858/18742071.jpg

http://img87.imageshack.us/img87/316/27123445.jpg

http://img202.imageshack.us/img202/267/94270253.jpg
أخوياي الصينين اللي عزموني على شاهي صيني :h
انظمة خدمة آلية مميزة بصراحة عندهم :h

http://img696.imageshack.us/img696/6849/37056036.jpg
عجبتني الطابعة :h حسيتها شرحة وبرحة والواحد يطبع براحته فيها :d

http://img580.imageshack.us/img580/4165/84557648.jpg

http://img704.imageshack.us/img704/5866/58582642.jpg

http://img443.imageshack.us/img443/3082/22314070.jpg

http://img88.imageshack.us/img88/5083/87474070.jpg

http://img6.imageshack.us/img6/1593/12083576.jpg

http://img706.imageshack.us/img706/3816/38906789.jpg
حضور مميز للجوازات هالمرة وبصراحة غريبة عليهم بس اكيد اللي شار عليهم شقردي :d

http://img706.imageshack.us/img706/9633/98036667.jpg

http://img402.imageshack.us/img402/7219/92994679.jpg

http://img413.imageshack.us/img413/9929/49190690.jpg

http://img413.imageshack.us/img413/2263/73013383.jpg

http://img707.imageshack.us/img707/5817/98412593.jpg

ساعتين من اللف المستمر وبدون توقف .. طفشنا ومافيه شي جديد بصراحة غير ملاحظة مهمه وهي عدم تواجد شركتي زين وعذيب ضمن طاقم المعرض بشكل غريب ويعطي أكثر من استفهام :24
ومع طلعتنا والعالم مازالت في نفس المكان والزحمة هي هي ماتغيرت ..

http://img571.imageshack.us/img571/290/60269025.jpg

http://img696.imageshack.us/img696/5725/52516084.jpg
ومازال الزوار يتوافدون !! :m:

http://img153.imageshack.us/img153/4596/53686105.jpg

وانطلقنا الى جو الرياض العليل :(

http://img710.imageshack.us/img710/7738/88436474.jpg

http://img413.imageshack.us/img413/2902/25055788.jpg
ومن هالمكان داااايركت على كبريتو عشان نعوض الطاقة والمجهود :d
نصحتكم في البداية بس انتوا ماتسمعون كلام :24

وبكذا نكون ختمنا طلعتنا وعساكم انغثيتم زي ما انغثينا فيها ..
ومره ثانية نصيحة لا عاد احد يحضر معارض زي كذا في الرياض ..
حسوفة التفكير حتى في حضورها بصراحة :24 ..
يازين معرض دبي بس :h

شكراً فيث على تعبك معاي بيض الله وجهك :h :fl
انطلقوا يا رعاكم الله :h

انصح اي متصفح يبي يفتح الموضوع انه يقفله لأن ما من وراي رجاء وبيغث نفسه بدون فايدة ..

نصيحة ايها المتصفح الكريم اقرأ لك كتاب ولا تصفح لك جريدة ابرك من مقابلة هالموضوع:d



سبق وان صرّحت أني بايعتها بـ تبن اليوم :d لذلك بكمل الموضوع بكل شجاعه :d:h





ماغير كروشنا تدردب قدامنا واحنا نجري نبي نقطع الشارع وحتى خويي ماخذ له حذيان - تكرمون - من ابو عشرة الظاهر وبغى يجيبه على وجهه في وسط الشارع :24


ههههههههههههههههههههههههههههههههههههه الى بكره


..

الله :11 :h شي يوسع الصدر صراحه .. جلست مفهيه اطالع بالفيديو .. هذي الحركه اتذكر مره بحفل افتتاح جامعه سووها عند ابو متعب وانسبه مثلي :24
مفيده صراحه في المحاضرات يعني المحاضر يعطي اكثر من محاضره في أكثر من قاعه شي كويس توفير جهد ووقت ومال :22:h

هذا المعرض يبيعون فيه شي ؟ ولا بس ترويجي ؟؟

عتبي عليه انه مو منظم :( يعني وش ذا الهجوله عيب !

http://img72.imageshack.us/img72/2782/13038039.jpg


يازين السياره :3::h حتى الاولى حلوه .. بس ولو حسوفتن تسوقها صراحه :3::h


مشوت تغطيه ممتازه صراحه :d :fl

بس ليتك كاتب تنويه على الافلام مايطالعونها حلم وروح البراءه وروز عشان مايصيحون :24 خخخخ

هههههههههههههههههههههههههههههههههههههههه

مشوت يا مفهي وش هالمقدمة ...الناس تحاول تضبط الموضوع وانت تنفرهم منه

عموماً انا غسلت يدي من معارض السعودية التكنلوجيه كل اللي يسوونه مجرد بروشورات واكياس دعايات وخذلك توزيع منها وبس .

اما شرح تقنيات جديدة وحديثة ما فيه الا نادراً .

بس في النهاية تقريرك بطل وكاميرتك تنافس الكاميرات الاحترافية يابو قوطي

http://img143.imageshack.us/img143/1654/28594186.jpg

هذا هشام أبانمي راعي فرقة بسمات
يا هو رهيب


http://img696.imageshack.us/img696/6849/37056036.jpg

وش ذا الطابعة !
كم خرطوشة تكفيها :11 << قرية :24


لا تعبت يا مشوّت :fl

انصح اي متصفح يبي يفتح الموضوع انه يقفله لأن ما من وراي رجاء وبيغث نفسه بدون فايدة ..

نصيحة ايها المتصفح الكريم اقرأ لك كتاب ولا تصفح لك جريدة ابرك من مقابلة هالموضوع:d



اهنيك على اسلوب جذب الاعضاء بطريقة كل ممنوع مروغوووب :24

المعرض مرآآآآآ حووووووسه حسيتو حرر ورييحه :sickv:

http://img219.imageshack.us/img219/6462/86820253.jpg

يقطع ابو التكنولوجينا الي فيها كاسات :24

http://img265.imageshack.us/img265/7276/87028540.jpg

زين مافقعت علييهم :24 اذكر الله :14

http://img100.imageshack.us/img100/2337/80454159.jpg

:h
ليت مين عسسكر عندهم يشرحون وش قصة الاب حقي :24

http://img219.imageshack.us/img219/5661/11990277.jpg

ههههههههههههههههههههههههههههههههههههههههههههههه الى بووووكرررااا

كان خليتو يعدل الوضعيه على الاقل عشان يصير شكلو حمااس اكثر :24

بس ليتك كاتب تنويه على الافلام مايطالعونها حلم وروح البراءه وروز عشان مايصيحون :24 خخخخ



هذي الي بتخليني ارجع افتح الفديو اشوف وش فييه :24


معرض احسو فاشل او نسبة نجاحو ماتجي ولا 20 % ,, مافي ترتيب ,,



واحس لاعبين الهلاال وهشام اخذو الجوو بشكل غلط ,, خصوصا انو الهدايا فلوس او اكياس فيها ارواق اخرتها بالقاربج ,,


مشوت :fl

http://img696.imageshack.us/img696/6849/37056036.jpg

ابيها :3: اعجبتني :h
/
مشوت الله يصلحك قلبك راسي مصور الفيديو بالمايل :11

http://img6.imageshack.us/img6/2998/69340996.jpg
موبايلي شي :h:h:h:h:fl:fl:fl

يعطيك العافيه على التقرير :fl

ياخي معرض جيتكس عندنا مثل حراج الصالحية ، عروض بيع ! ، ما فيه أي أفكار جديدة :(

هذا اللي يخلي الواحد ما يكلف نفسه يتعب في إنتداب لهناك :d

الله يعطيك العافية

http://img443.imageshack.us/img443/264/10970239.jpg
:h :h :h :h :h
:h:h:h:h:h:h
قلوب لين بيتكم على ذا الصوره
< شافت الي واقف معه كام :11 < بيضربك الحين ههههههههههههههههههههههههه

لو انا جايه كان مادريت عن شي اسمه معرض اتوقع بطير عيوني بالكامات الي اشوفها :sm42:




http://img9.imageshack.us/img9/3590/23866168.jpg
عرض الليزر للفرنسي تيتو حركاااات وتكنلوجيا :24

^
هذا الشي خطيييييييير احلا شي بالمعرض اتوقع هو وابو كام :24:24:24:24

احسك بعد ماطلعت منهم تصارخ على خوياك عشان يسمعونك تحسبك للحين بالزحمه مايسمعون صوتك :11


يعطيك العافيه واضح انك انصجيت وتعبت :d

:fl

خخخخخخخخخخخخخ عاد انا مفهيه اكثرر :24
اقوول بتفتح الصور بسررعه ماله داعي اغير المتصفح <- فاهمه كل ابو السالفه غلط :d


تسجيل دخول ومحد يقدر يدخل الا ببطاقة يسجلون فيها اسمه واسم الشركة وتلفونه وخرابيطة ويعلقونها على رقبته :11

ليه ..؟!
خايفين تضيعون مثلا :24


ما دريت هو معرض تكنلوجي ولا حراج بيع ؟ :m:

خلهم يسترزقوون يااخي :24

الا مافي حريم ؟ :d
اذا مافي انا احتج :24 وين حقوق المراه :24 <- تدلين الباب :)

مررره الصووور حلوه :h
حسيتك تمشي خطوه و تشكشك :d
و المعررض شكله مووب شييين
خلهم يشغلوون الناس شوي :24

سلمت :fl

سؤال طيب وش معنى هالمعرض مابه عوائل وكذا :d ؟
اممممممم بصراحه يوم شفت تغطيته ذيك المره توقعته كويس وحبيته وهيك , بس من يوم شفت تقريرك وذكرك لسببياته الي تخلينا غصب نكرهه , كرهته :d !!

بس خل عنك والله موب سهلين جايبين غشمشم و هشام عبدالرحمن لبى الزين :h بس وراه ما صورت صوره قريبه لهشام :d ؟

وبرضو الصينيين حبيتهم :h يخي غير وربي غير بكلش هالناس :h
وبرضو حبيت صديقك الدب بس قله ينحف :d:22 < ??

لا تعبت يا وخيي , تغطيه متعوب عليها بصراحه واكثر شي يشد الواحد اسلوبك يالزيدي :gmzh::fl


بس ليتك كاتب تنويه على الافلام مايطالعونها حلم وروح البراءه وروز عشان مايصيحون :24 خخخخ

هشششششششش :24

ياربي لك الحمد .. اجل ذا معرض عالمي ؟ ربعه مستحلّينه الاتصالات وموبايلي ورازّين خراطهم :14

رحت لهم يوم الاربعاء الصباح .. طالع من الجامعه بدري .. قلت خن اشقّر :24 يوم رحت قالو معليش
يبو الحين عوايل :11 العن ابو الصباخه عوايل الصباح ويوم إربعاء ؟ وش تحسون فيه :11
الا والله وانكس للبيت وارجع له يوم الخميس وليتي ماعنيت .. اجل معرض ومعرض وآخرتها
لابتوبات وسماعات ؟:24 ورازّين كيسان الهلال ؟:24 وزحمه بنت كلب :( تقل يوزّعون شرهات :d .

وش بهم ذولي :( حتى بالمعارض مايعرفون يصلحومه زي العالم :(
جيتكس السعوديه وجيتكس السعوديه :( وآخرتها حراج الصالحيه اطلق :( حرام والله :(

اههاا كذا الدعوه :11:24



مشوت لاتعبت ع الموضوع :h

اوف اوف يا الدشييييير :11
ياحبكم للمواضيع اللي ماتنفع :24 اجل بالله ذا موضوع يتثبت ؟ :24
راجع لكم على واحد واحد ولا يهمكم وشكلي آخرها بقلب هالموضوع رديات :24

الواضح انك كارهه المعرض كلش :d خخخ

الله يعينك .. مع اني استمتعت هواااي بالصور
وحسيته ممتع .. خصوصا انه كله تكنلوجيا
والتكنلوجيا دائما لا تُمل << مقولتي خخخخ :d


سلمت على هالتغطيه
ولو انك خليتني محتاره هل المعرض حلو ولا لا
من ورا تعلقياتك :11

http://img576.imageshack.us/img576/161/59316666.jpg


رهيييييبه :3:

اريد مثلها :h:h

هالموضوع كل يوم اقول ابرد عليه وابطل :11
واللي يفوز يعطونة فلوس< ابو التكنلوجيا اللي يعرفونها والله :24
هههههههههههههههههههههههههه
والله انك قطعت فيهم الين قلت بس :24
تغطية حلو وخليتنا نعيش جو معهم وبالذات الفيديو :sm5:

http://img72.imageshack.us/img72/2782/13038039.jpg
اخ لو اني ولد وعندي سيارة زي كذا :22
http://img710.imageshack.us/img710/7738/88436474.jpg

ظلكم واضح :24

اجل بالله ذا موضوع يتثبت ؟
هههههههههههههههههههه عشان خاطر الفديو :14 :22 <-- جاز لها :24
مشمش :d| اسلوبك يجذب الواحد وخليتنا نقرأ كلامك كله :24
يعطيك الف عافيه على هالتقرير :sm5: :h:h:h:h

يعني انت داخل وعندك أمل بشي عدل :24
اها بس ماورانا معارض :24


http://www.m8ha.me/up/uploads/12736413381.png

خلك على جيتيكس دبي بس :3::h



لـ تقريرك وتعبك :fl ولا معرضهم الله بالخير :24