سلام :l

سمو الأمير سلطان بن فهد يوجه باستدعاء عضو مجلس ادارة نادي النصر " عبدالعزيز الدغيثر " لمساءلته حول ماادعاه في البرنامج التلفزيوني [ كل الرياضة ] الذي بثته القناة الرياضية مساء أمس ، وقد قامت الجهة المختصة بالرئاسة بتوجيه خطاب لاستدعاء الدغيثر غداً ..

جوال الرياض

--

راح فيها خخخخخخخخخخخ عقب لقاءه في قناة الذهبيه :k وتصريحه إن فيه تلاعب ومدري وشو وان الإ ار تي متعمده تسوي هاللخبطه .. الزبده دق أسير الشوق :24 وقال له إثبت وهات دليلك .. ومن بعدها ماعاد شفنا الا راس الدغيثر والباقي غاطس بالكرسي :24

الزبده جالس ادور المقطع وإن شاء الله احصله حق الجريه اللي سواها :24

ولسانك حصانك يا دغيثر .. قال ايش قال بلد ديموقراطي خخخخخخخخخخخخخخخخخخخ :h

وش مسوي الدغيثر :d

ياخي سبحان الله الواحد اذا حس انه صار يمون على امير يحسب انه يمون على العائله المالكه كلها :d

الله يعيينه .. :d

بدل ديموقراطي

بدل ديموقراطي ولاّ بدل سكن .! :p:

مضيع .. كان يسولف اوكيه :d .. قال المطيويع فيه مداخله هاتفيه قال خله ينتظر شوي وبتل يسولف << على كلام اللي شافوا اللقاء .. ومادرى ان اللي ينتظر هو اسير الشوق خخخخخخخخخخخخخخخخخخخخخخخخخ

الزبده قام يخنبق ويقول فيه تلاعب من اي ار تي وطالبه اسير الشوق بالدليل ولا سيحاسب وكرر هالكلمه اكثر من مره .. طبعا الدغيثر يحسبه اني في مجلس بو سالم خخخخخ يسولف ولا احد يمه ويقول احنا في لد ديمو قراطي وتعودنا على المصارجه والمكاشفه وحتى لو مايحبني اسير الشوق انا احبه خخخخخخخخخخخخخخخخخخخخخخخ

والعهده على الراوي

بدل ديموقراطي ولاّ بدل سكن .! :p:

بدل سمعه :j

الدغيثر يقول ان رص المباريات في وقت واحد هو لمصلحه art بس وليس لمصلحة الكره السعوديه

يعني متهم الاتحاد السعودي التآمر مع art ضد مصلحة الكره السعوديه وتجنيب الدوري عملية " الرص"

وحتى لو مايحبني اسير الشوق انا احبه

ههههههههههههههههههههههههههههههه واضح الخوف في هذي الجملة :24
راح فيها ابوبلد ديموقراطي :24

هههههههههههههههههههههههههههههههههههههههههههههههههه هههههههههههههههههههههههههههههههههههههه

يا ناس ذا الدغيثر ابثر مني قسم بالله :c يلعبون عليه الصحافه تصريحك ناري يالدغيثر ويجيب العيييد .. امس تابعت البرنامج مباشره كان فيه قلة ادب من الدغيثر ومسوي في امها حقاني يابوي على ترااب تكفى !!!

يعيش نواف :h يسقط الدغيثر :c

الزبده دق أسير الشوق :24 وقال له إثبت وهات دليلك .. ومن بعدها ماعاد شفنا الا راس الدغيثر والباقي غاطس بالكرسي :24





ماغطس ولا شيء قاله أسير الشوك إن كان كلامك بس كذا ولا عندك أي إثبات بتحاسب :d ..

قال أنا متأكد :d

ومن بعدها ماعاد شفنا الا راس الدغيثر والباقي غاطس بالكرسي

:24:24:24:24:24:24:24:24

تتوقعون وش يسوون له حقين الانظباط:c

اجل بلد ديمقراطيه :p
اقوى ذبه هههههههههه

تتوقعون وش يسوون له حقين الانظباط

اي انظباط :d .. الدعوه وصلت لفوق ذي ..
هالامور مسـّت شخصية طويل العمر ابو خطط والشاعر اسير الشوق ..
يعني يالدغيثر شل قشك :l

الدغيثرهههههههههههههههههه .. من النوع اللي يتهيض بسرعة ..:d
مذيع قناة العالمي دايما بكل لقاء .. وين تصريحاتك النارية .. يا استلذ عبدالعزيز ..والمخفة يصدق عمره :d
ويرد شوف يا أخي العزيز انا تصريحاتي ماتطلع من... هههههههههههههههههههه

ويوم دروا الإعلام انه "سريع التهييض" قاموا يرفعون فيه عشان يعطيهم كم كلمه وهو على الخط مخفه ما درى السبيكة انهم يلعبون عليه :d

يستاهل

هالاشكال متى عرفت الكوره

خخخخخخخخخخ

يارجال من سمع كلامة درى ان ماعلية شرهه !! بيقرصون اذنة ويقولن له لاتتعودها ويهدونة ويجي يمدح في طويلين العمر :d

ههههههههههههه

خله ياكلها هالواطي مسوي شنب ويعترض:24... جابها ع نفسه مآغير ماسك هالدفيتر ومسوي يفهم عقبال مايكرشونه:d

ع م ر لاهنت:h:fl

المصيبيح طلع قبل كم يوم وقال إن سبب رص المباريات هو قله عدد الأيام ( 165 يوم تقريبا )وكثرة المباريات ( 60 ) تقريباً , وهالشيء خلانا نضطر نحط المباريات بيوم واحد عشان ما يكون لمصلحة فريق ضد فريق ومن هالقبيل .. الدغيثر راح فيها والله العالم لو إنه قايل إن art أجبرت لجنه المسابقات بهالشيء كان صارت عادي بس المشكله يقول فيه تآمر :d

بس ماتلاحظون معي ان فيه ناس قالوا كلام اقوى في برامج رياضيه وتصاريح وماطلع لنا ذا نواف بن فيصل يهايط عليه والا يجيك سلطان بن فهد مدرعم يستدعيه بمكتبه يشرب قهوه .. !؟

والا لأن الدغيثر ماله ظهر ؟ :1:

واللي يبي يتأكد من كلامي ياخذ له لفـّه .. بالصحف

المشكله الاعلاميين بالصحيفه الفلاني قذفتهم هم وجمهورها
نواف بن فيصل وسلطان بن فهد ، اتهمومهم بالتواطئ برضو مع البلوي يوم انه عطاهم مايباخ

بس ماشفنا شي ولا استدعاءات والوضع كان سكيتي .. :l

بئا كدا عرفنا ان الدعوه نفسيات عند المسؤولين بالاتحاد السعودي :l

^^^
متهور انتبه لنفسك .. لايستدعيك سلطان بن فهد خخخخـ ..:d

بعض الإعلاميين .. أو الإعلام الأزرق بشكل عام أبرزهم وراهم ظهر يستندون عليه .. ولا كان ماشفت
البجاحة اللي صايرة .. اللي يسمونها صراحة .. وهي تعدت الصراحة ووصلت لقلة الادب ..!

مثل الدغيثر السبيكة . .:d خخخخ يهايط ويزاعق ومسوي انا اللي ماعلي من أحد .. وهو مهوب قدها ..!
وهذاهو كلها ..! الحين خله

- الحين .. حفل تدشين الشعار .. بقناة العالمي مباشر ..

يستدعيه بمكتبه يشرب قهوه .. !؟

وانت الصادق شاي بالياسمين :d

حيلهم بينهم :24 ... شدعوه نواف حبيب النصر يقلب عليه ذا القلبه غريبه :24


يا رجال النصر فيه من المسرعين والمهبل ما الله به عليم :24 بس خلها بالقلب تحرق ما بقى :) ... بيستدعيه الامير سلطان وبيقوله رح الثمامة طعّس هناك لين ينتهي الدوري :24

:24:24:24:24:24:24:24:24

تتوقعون وش يسوون له حقين الانظباط:c

يارجال بيتعشى ويدقون بلوت للساعه 2 ويضرب الباب :24

عواكيس حاسب على كلامك تراه شخصيه نصراويه وهذي تكفي .. رح بالله شيك على إدارت المصون وبتعرف مين الي مايعرف كوره صدق :24

الدغيثر في قلوووبناا :24

الدغيثر في قلوووبناا


الدغيثر صادق في كلامه بس يادغيثر ما كل ما يعلم يقـال :) ... يخوي الفقها فيه منهو اقوى منك ما قالها ولا تكلم فيها تجي انت ووجهك وتسوي فيها تايسون :24 وتتكلم ... الغريب في الموضوع إن الدويش قالها قبل كذا في قناة ابو ظبي وقال بالحرف الواحد (إن الاتحاد السعودي متغاضين عن الناقل الرسمي في ضغط مباريات الدوري) ومع ذلك ما شفنا منهم ولا سمعنا منهم اي كلمة يمكن عشان الكلام كان في قناة ابو ظبي ما يندرى :)


المهم الشغله الظاهر طالت وشمخت وضاق صدر الامير سلطان والامير نواف ويمكن هالكلام تكرر كثير في الاعلام يعني إن الدعوه فيها دهن سير :24 وماراح فيها إلا ذا الضعيـّف والله يكون في عـونه :)



وإحترامممممممممممممممممممممممممممممممممي للـ <- عييييييييب :24

خلاص طيب يدق مرة ثانية وبنرد عليه :24 هو اسير الشوق ولا السماعات نسيت <- بيلحق خوينا :24

مسيكين رحمته:(:24

شكله نسى روحه عمنا مع الحماس:24

http://www.600kb.com/download.php?filename=cffeee6d42.3gp

مقطع صوتي لمداخلة أسير الـ....... في كل الرياضه:24

شفتها لايفd12:24
والله انه قال كلام صحيح .. وشوي الا تفلت عليه نواف:24:24:24

قمط وجه قمطه مابعدها
وقام يقول نواف يمون يمون :24:24

توخي الحذر فيما يقال :r .. الدغيثر ثكلتك أمك :24 .. اعجبني رد نواف< - يمون وأحسن مافيه توجيه رساله من زمان كان ودنا بتوجيها للي مسوي في أمها طلاب حق :24 .. عيب والله عيب خخخخخخ أحسن شي مايجي بعد واحد ثاني ويطيح باللي طاح به الدغيثر .. عندك دليل هاته ماعندك فللللكه < - :24

أزين ..

بالله المقطع كان أحد حوله .. أبي أشوف الألوان أللي طلعت بوجهه ..:24

مزدين فيه ياكثر بربرته على قل سنع :d

يمكن يقصد بدل نقل :d

يرجااااااااال

هالآدمي مريآآآآآآآآآآآآآآآآآآآآآآآآآآشه

مرووووحه كل كلمه " يشفطها "

مزدي ماجاه

خلوه يعقل

والله كرهته من كثر بربرته على غير سنع

اعووووووذ بالله

بكثر كلامه لحق ممدوح

وممدوح كرهته الجماهير من كثر الكلام وقل الأفعال

جماهير النصر يبون فعل وفعل وفعل وبس

كلام شبعنا منه والله شبعنا

الف شكر لكم جميعاً

:(:(:(

احححححح يالملحمه ياصورتن حاطها ، للبيع يالاخو ؟ عليها سومه ؟ :24
اقسم بالله جررررررررررررررححح <== ماكأنه شطح شوي عن الموضوع :d

..

ننتضر ونشوف وش بيطلع بالاخبار ..!

الدغيثر يقدم اعتذاراً خطياً للرئيس العام ونائبه ويتعهد بعدم تكرار ما حدث :24

إنفاذا لتوجيهات صاحب السمو الملكي الامير سلطان بن فهد بن عبدالعزيز الرئيس العام لرعاية الشباب حيال مساءلة عضو مجلس ادارة نادي النصر عبدالعزيز الدغيثر من قبل لجنة مشكلة من الرئاسة العامة لرعاية الشباب والاتحاد العربي السعودي لكرة القدم حول ما ادعاه في البرنامج التلفزيوني ( كل الرياضة ) الذي بثته الرياضة السعودية مساء يوم الجمعة الماضي ، فقد استمعت اللجنة صباح امس لوجهة نظر عضو نادي النصر عبدالعزيز الدغيثر حول ادعاءاته التي ذكرها في البرنامج والتي كانت محل استغراب الجميع رغم السياسة الواضحه التي ينتهجها الاتحاد السعودي لكرة القدم في برامجه ومسابقاته الرياضية والتي دائما ما تعلن عبر وسائل الاعلام ، وقد قدم الدغيثر اعتذاراً خطياً لصاحب السمو الملكي الامير سلطان بن فهد بن عبدالعزيز الرئيس العام لرعاية الشباب وصاحب السمو الملكي الأمير نواف بن فيصل بن فهد بن عبدالعزيز نائب الرئيس العام لرعاية الشباب عن كل ما بدر منه من تجاوزات .. مؤكدا تعهده بعدم تكرار مثل هذه الادعاءات التي لاتتفق مع أخلاقيات العمل الرياضي والإعلامي في المملكة ولاتخدم المصلحة العامة .
و تهيب الرئاسة العامة لرعاية الشباب وبتوجيهات دائمة من سمو الرئيس العام وسمو نائبه بجميع منسوبي الأندية والهيئات الرياضية والإعلامية في المملكة كشركاء في النجاح وشركاء في العمل الرياضي الجماعي بضرورة تحري الدقة والمسئولية فيما يطرحونه في الوقت الذي ترحب فيه دائما بالنقد الهادف والبناء الذي يسهم في تطور ورقي الرياضة .. فهي دائماً تعلن وبكل شفافية كافة ما يتم اتخاذه من خطوات لتطوير الرياضة وتطالب من الجميع المشاركة في رسم استراتيجية تنفيذ تلك الخطوات .