السلام عليكم ورحمة الله وبركاته ..



س: يارجال سعوديات شيون وش تبي بهم :r ..
ص: يارجال حنا لقينا غيرهم؟! :( ..
<- مايستحون والله :d ..

هذولى الي يسولفون فوق اثنين دكاتره مزحفينها والعياذ بالله .. الرجال مقطعين وبقوه ..
المهم انهم تعذبوا بجده خبركم رطوبه وحر وقلق .. وهم متغربين عن اهلهم ومتبهذلين ..
عاد اتفقوا انهم يخربونها ويوسعون صدورهم :( .. فجابوا مخدر ممنوع بالسعوديه ..
وصاروا مغير يخدرون الحريم الي يجون لمهم .. وخذ يا لعب فيهم :( .. ومابقى شي ماسووه فيهم :( ..
والحريم مايدرون عن شي :( .. عاد ان كانوا يدرون انا ما ادري عنهم ما احط شي بذمتي والله D12 ..
الكلاب طولوا على هالحال .. لين قفطتهم الجهات الأمنيه وهم يحقنون حدا المريضات بهالمخدر الي ممنوع ..
وجربعتهم جربعه وطبعاً ومما لا يدع مجال للشك انهم يستاهلون .. تراهم مايستاهلون بس عشانهم يلعبون بالحريم ..
يستاهلون عشان هالمخدر من المخدرات الي يدمن عليها متعاطيها .. فهالمخدر يؤخذ عن طريق الحقن ..
فشف كم حرمه ادمنت على المخدر وعلى تبعاته :d ..
عقب ما انصادوا حكمت عليهم المحكمه بالسجن (15) عام .. غير الجربعه الي بتجيهم في السجن وغير ذلك ..
كم جلده لين يعقلون ويدرون ان اعراض الناس مهيب لعبه .. وبعدين حنا ياعيال البلد ماخربنها تجون انتم تخربونها ليه؟! ..
صدق صدق وش حيثهم عنا .. يعني لازم نصير دوافير ونصير دكاتره؟! هههههههههههههههههه ..
من وجهة نظري بعض اللوم يجي على نسائنا .. يعني حركات انك تروحين بدون محرم ترى مالها سنع ابد ابد :( ..
ترى مافي شي ان قعد معك ابوك ولا اخوك ولا رجلك لين تطلعين من عند الدكتور ..
تصدقون عقب هالحادثه بديت اخاف وارتاب من الدكاتره .. شكلي بصير اروح مع ابوي للدكتور :d ..
مالها داعي يجي دكتور مهوب على الفطرة .. و اروح فيها خبركم الطخامه تقوطر مني قوطره <- :( ..





اللهم احفظنا واحفظ نسائنا ونساء المسلمين .. وحسبنا الله ونعم الوكيل ..





المصدر (http://sabq.org/inf/news.php?action=show&id=9527)

وش نقول بس ..
كل ٍ يلعب بكيفه في ذا الديره ..

الله يحمينا ويحمي بناتنا وبنات المسلمين من كل شر ..

لاهنت يبو شقرا

اشغلت سبق يبوو :24


راجع

طيب ذا الشي مايعتبر مثل الاغتصاب ..؟

ورا مانتفوا ريشهم ..؟

سجن بس مايكفي .. لازم يعلقون بالصفاة ..

الله يعطيك العافيه يا ملف يالمخفه :d

يخي مـِـن نأحية إنك مدمن مخدر أبصمّ فيهـآ :d
بس مدمـِـن تبعأتهَ مأ أفتي فيهـآ بس أشك فيكَ :24

أتوٍقع إنهمّ مآ بينسجنوٍن سجن إنفرآدي سجن جمـآعي بيكـُـوٍن :24 مشآن يتعذبوٍ منيحَ :d بيجيهمّ تعذيب ألعـّـن من الإنفرآدي وٍ ألعن مـِن الجلد :d مأ أتوٍقعّ بيجيهمّ جلد أبد بيخـَـلوٍنهمّ يهتمـّـوٍن بـِ أنفسهمّ لجل يزيد العذآب :d :k احس وٍدك تكوٍن معأهمّ أخبرك تحب هالحركأت أنت :d

أنتبه لآ تدمــِــن تبعأتهَ مشآن مـآ تـُـروٍح معآهّمّ َ ِ :d


فـُـتكَ بـِ عأفيهَ :d

بالله حكمو عليهم 15 سنه :) ... كنت بتحمس وبرد رد قاسي وبسب ذا الوافدين وبلعب فيهم لعب <- بشويش ياغازي :24



مدري الخطأ مني ولا منهم ولا من الحكم اللي صدر بحقهم مدري أين الخلل <- أحسنت !!

هههههههههههههههههههههههههههههههههههههههه

انا مدري انت صار لك موقف وانتهكوا عرضك خوال من العدامه .. هههههه ؟ ياخي كل سوالفك عن الفضايح الله يفكنا منها ويفكك منها بعد .. انتبه على نفسك يا ملف هذي المره الالف اللي نقولها لك .. :( .. عاد انت قزم وحليو يعني تنمسك في غضون ثواني ولاحد درى عنك .. انتبه انتبه :( ..

على طاري هالدكاتره يا حظهم . تصدق لانهم تمتعوا بالدنيا .. لكن الله يعينهم ويعينعم ويعنيهم على عذابه بالدنيا والاخره .. ! .. يعني لذي الدرجه وصلت الوقاحه بانهم يلعبون ببنات خلق الله ويستغلون مهنتهم كدكاتره ومهنا احد يشك بمصداقية شغلهم وكذا .. ! .. الله يعيينا كل يوم نسمع خبر يعور التبن اكثر من الثاني .. انتبه انتبه يا ملف :( ..
المفروض تكون فيه رقابه في غرفة الكشف والفحص والعمليات وكل غرف المستشفيات والسجون والمستوصفات . وهذا اقل ما يمكن يسوونه عشان يحدون من هالأفعال الشنيعه والعياذ بالله ..

..

يعطيك العافيه ملف . انتبه على نفسك ..

عمى عمى عمى .. وش هالاخبار اللي تجيب الهم

صار منتدى الجريمه .. كننا قاعدين في براحه مهوب ديوانيه

الله يستر ماتكتب موضوع بكره ان مفتت انمسك وهو يفحط .. !!

يعطيك العافيه خيوووووووو

ياشيييييييييييييييييخ انقلع عن وجهي ! :d ابثرت ام امنا بهالأخبار الجنسيه !! :24
الله يلعنك وش ذا الاخبار .! ورع مغتصب ! حريم خدروهم واغتصبوهم ! :24 يخوي يعني لازم تسوي حثبره في البنكرياس الهاجده حقتي ! :(

الديره مهيب معتدله ومن دمار إلى أدمر دامهم ماطبقوا شرع الله !! ما ادري على اي اساس رازّين كلمة التوحيد على العلم ! اللي درسناه بالابتدائي إنها ترمز للشريعه وتطبيقها ودستور شرع الله قائم في هالبلد !! السارق يقطع يده والحراميه ماحولهم احد يسرقون وينهبون كبار وصغار (وإلا لا يالساري :24 ) <-- طراه عتيبي خخخخخخخخخخخخخخخ :24

والاغتصاب المفروض قطع رقبته لابوه لابو يدٍ على الشر ربّته ! لكن اللي حاصل مابقى إلا يعطون هالمجرمين وحثاله الشعب دكتوره فخريه في علم الإجرام .. :24

مفتت انمسك وهو يكتب شعر .. راجع للردود ..
خنفش ليه تحجز رد وترد ثانيه و وقت التعديل مابعد خلص؟! ..
اعقل حبيبي ولا بصكك بإنذار وان كررتها توقيف <- هياااااااااااااااط (مطرقه)

يمال اللعنه اللي تحوقهم وتحوق ميرير اهلهم مير هذي سواياهم بنات الناس ..
ياجعل يدينهم تكسر وعقولهم تنخر وجيوبهم تفقر وأعراضهم تهتك..

والله يالبنت خبله
إذا ماوقف ابوي :hفوق راسي عند الدكتور ورد هو بدالي على اسئلة الدكتور
والدكتوره يخزه يعني أنت المريض ياخي اسكت ..:24
وإذا جيت بتمدد على السرير صار مثل الجدار الحمايه اللي مايخترقه ولا أكبر هكر:24
ويقعد يقول لدكتور لحظه لا تجي هاه خلصتي يالله ويوقف فوق راسي حتى يشرف على كل;)

ناس مرضى ذبحونا بهالعاهات حتى لو عندهم أكبر الشهادات..
عفيه/ عليك يا فتى:p

حسبي الله و نعم الوكيل :(

15 سنه شوي والله :(


لاهنت :fl

ملف سلآمآت يبو..الظآآهر صآيرلك موقف وقاعد تمهد قبحك اللهhttp://www.m8ha.com/images/smilies/frown.gif..اللحين ذا التسلآب نبيهم عون طلعوا فرعون ملاعين الخير..ياخي المفروض قاشطين ارقابهم قدآم الشعب..بس ماضنتي سعوديين احسهم خواجات وبعد كم سنه يطلعونهم ويرحلونهم سلام سلآمhttp://www.m8ha.com/images/smilies/frown.gif


لآهنت ملف الجرآئم ع هالطرح..شكلك فآتح اشترآك مع سبقhttp://www.m8ha.com/images/smilies/biggrin.gif

15 سنه لانهم مقيمين والا لو انهم سعوديين كان طبقوا عليهم الحكم بالرجم خاصة انهم دكاتره يعني اكيد معرسين :d بس هذا عيب القانون عندنا ان المقيم عقابه مو مثل الموطن وهالشي يخليهم يلعبون بيدينهم ورجولهم ..

سلمت يبو شقرا :fl

يمال اللعنه اللي تحوقهم وتحوق ميرير اهلهم مير هذي سواياهم بنات الناس ..
ياجعل يدينهم تكسر وعقولهم تنخر وجيوبهم تفقر وأعراضهم تهتك..

فريال خانو بس بالسعودي ..

تسمح لي ملف ؟ :d

نفتح ملف القضايا دام الأرواح لازالت مؤمنه بأن دستور المملكه قائم على شرع الله .! :d


بسأل سؤال واحد يقرقع في قلبي وياليت اللي يشتغلون بالدوائر العسكريه وبالأخص السجون يقول لي وش اكثر شهر يدخلون فيه المساجين بتهمة سرررقه ؟

الجواب : رجب وشعبان .. :d

ليه لأن العفو الملكي برمضان يعني مايمديه يتمردح بالسجن شهرين ويغصب له كم ورع في السجن وإلا وهو طالع :d وعقبها يسررق ويحاول مايكثف السرقات إلا بشعبان ورجب بالسنه الجايه ! :d
" من أمن العقوبه اساء الادب "

قضايا خطف واغتصاب الاطفال لايقام عليها الحد ! ليييييه ؟ :d

وهناك امر من محمد بن نايف بن عبدالعزيز مصدّق بختم من نايف بن عبدالعزيز بأن اي اجنبي يُمسك بقضية ويكون عليه تهمه يتم تسفيره بدون مايقبّل على السجن او يصدر فيه الحُكم !

الهدف ليس خوف او رخامه ترا :d السبب ان السجون مليانه ولاعندنا مكان للمساجين :d

هناك قضايا قتل صارت في القرى بين القبائل .. واستمرت المماطله بالمحاكم لمدة ثلاث سنوات والسبب المعارف والوسايط اهل الميت يبون شرع الله والمتوسطين للقاتل يقولون تبون فلوس وإلا انقلعوا ! :d

غير اللي شارين اراضي بملاايين يبون يزرعونها ويوم جو عقب فتره لقوا اسياج محاوطتها من كل جهة يوم سألوا قالوا هذي املاك تفخ الحرس قالوا والصكوك اللي معنى إنها لنا ! قالوا بلّوها واشربوا مويتها يقولون مقري فيها خخخخخخخخخخخخخخخخخخ :d

شرع الله على الضعوف ومن تالي صار لا على ضعوف ولا على غيره :d !


هذا الرد برعاية
توقيع مضيع بتاريخ 24/10/2008 ( ملف احبببك ياخي هههههههههههههه :d :h)

مثل الدكتور المصري الكلب اللي انتشرت مقاطعه بلوتوث وليته يعرف وش يسوي بس يتمسح على الارض ويتقلب ههههههههههههههه
ملف الدنيا فيها من البلاوي ووجع الراس مايشيبه روقنا بالله هههههههه

الله لا يبلانا..
هذا وهم دكاترة يسوون تسذا..<< من الشهادات المزورة

الله يحفظنا ويحفظ جميع المسلمين..

طب انا سويت عمليـة وبعدها جلست اسبوع محب اطلع من البيت تهقى انها آثار كسره عين ؟ :(
بعدين شلون يحكمون عليهم 15 سنـه بس .. ورى ماهو قصـاص :j
هماه عرض وشسمه وذا ؟

الله لايبلانـا ,

خاصة انهم دكاتره يعني اكيد معرسين
لاعاد تستنتجي الله ياخدك :d

بس 15 سنه

قسم انه هاداك ابو 7 سنين ارحم بالقليله هاداك لاقطه من الشارع ماحد حاطه امانه فرقبته
والله العظيم مشكله ايش الحكايه دي
الله يلعنهم في الدنيا والاخره

على اخر الزمان صرنا زي المصاريه حوادث اشكال الوان

:(

كل اخـبارك تضيق الخـلق :(

ملف صدقني والله خطهم رهيبه ماودك نروح لمستشفى سعود ونجلس نبطبط الحريم بالابر ونفلها هههههههههههههههههههههههههههههههههههههههههه :c عاد انت يمديك تبطبطهم من تحت محد طاق لك خبر :c

والله الموضوع يرفع الغضط صراحه من جـــــــــــد ما عاد بالدنيا خيير :( واشوف 15 سنه شي يستاهلونه وقليل بحقهم .

ملف وراك اخبارك شينه مثل وجهك :( مافيه الا خبر زياده المكافئات هو اللي يفتح النفس :c

حسبي الله ونعم الوكيل ..
وين نروح له اجل ..؟ اللي مفروض يعالجنا بيمرضنا وبيفضحنا :j
الله لايبلانا ويحفظ المسلمين ..


مــلــف:fl

15 سنه لانهم مقيمين والا لو انهم سعوديين كان طبقوا عليهم الحكم بالرجم خاصة انهم دكاتره يعني اكيد معرسين بس هذا عيب القانون عندنا ان المقيم عقابه مو مثل الموطن وهالشي يخليهم يلعبون بيدينهم ورجولهم ..


لا معليش مالها دخل سعوديين ولا غيره الشرع في السعوديه يطبـق ولا أحد ينكر هالشيء وعلى الصغير والكبير من المواطنين والمقيمين فقط :24

^
راجع قرار محمد بن نايف ياذيبان :d

مفتت لاتخلي ردودك طوال يرحم ام امك ..
انت انسان تجيب العيد بقوه .. ومالي خلق اقرا بربرتك ..
تراك غاثني برا النت .. لاتزودها يرحم امك رح اختصر ردك ..
ولا دق علي قلي وش قال محمد بن نايف الله يطول عمره <- يرقع لك :( ..

<- امحق مشرف ياعيال :(

ناس ماتخاف ربها واللي يقهر ان جزائهم مو شي وربي شي يقهر

عوافي

^
لاتجيب طاري الاخبار الجنسيه ولاعادنيب طاب محيفره ! لكن اشوف ورع يُغتصب وامرأه ينتهك عرضها وشرفها وانا اقشششر بصل معصصصصصصصي :d بجييييب العيد والكرسمس والهابي نيو يييييير ياشييييييييييخ :d

ملف ياوجه البوم :(
وش هالاخبار الي تجيب الغلقه
بس كنها كثيره عليهم 15 سنه المفروض لفت نظر ويستتاب ويرجع يشتغل حرام يقطعون رزقه.,
حسبي الله ونعم الوكيل عليهم.,

صدق الي قال: من امن العقوبه أساء الادب.,.

:(
الله لايبلانا :(

والله حتى القصاص قليل بحق هالأشكال :(نفسي يفرموهم فرم :(

ملف يابوي السماوي مأثر عليك انت وذا الأخبار ؟ :(:24

:fl

لا معليش مالها دخل سعوديين ولا غيره الشرع في السعوديه يطبـق ولا أحد ينكر هالشيء وعلى الصغير والكبير من المواطنين والمقيمين فقط :24
طيب اللي صار من الدكتور مو يعتبر اغتصاب ؟ ولا ترى غلطته اكبر لانه مؤتمن على حياة المرضى , شوف الحكم 15 سنه ..
تعال للقضيه هذي :d
القتل تعزيراً لجنديين استوليا على سيارة مقيم واغتصبا ابنته
http://www.alwatan.com.sa/news/newsdetail.asp?issueno=2759&id=50714

هذا هو شرع الله ( القتل) مب الحكم 15 سنه :d
بالقانون السعودي .. المقيم يحاكم على قانون بلده , والاغتصاب بس عندنا بالسعوديه حكمه قتل اذا كان المُغتصب محصن ..
هذا غير ان السعوديه حاطه الاجانب على روسهم عسى ماسووا شي قالك هذا اوروبي والا امريكي !! هنا نوقف مانقدر نقول شي ..

سوري ملف :fl:d

الله لا يعطيهم عافيه عيال ... :(

ملف يرحم امك شف لك حل انت وهالاخبار اللي تتصبح فيها :(

انا ما اتوقع ان جنسياتهم عربيه .. ولا كان قصبوهم قصب ..
يمكن انهم من عيال الكاشات خخخخ .. لذلك مشوها على سجن بيتحول لسجن خمس نجوم ..

كل اخبارك تضيق الصدر وتجيب الهم :(

الله يستر بديت أخاف علي <--- قد راحت للدكتور لحالها :d

طيب هل ممكن يكون المخدر عن طرق الفم عندي موعد اسنان الأسبوع الجاي وقمت اهوجس :(

يستاهلون هال15 وشوي عليهم بعد ..

مدهر بالأخبار ملف ,, لاهنت

8
8
8
يابنت الحلال انتي الدكتور بيخدر نفسه عشان مايشوفتس صح .. وجهتس يجيب الهم ويخلي الحامل تسقط وش يبي بتس الدكتور ..!

فريال خانو بس بالسعودي ..

وزيد على اللي عندك ..:24
إللهي وأنت جاهي تكشف عورات أهلهم وتفضحهم وتصلخهم وتكشفهم عبره للقاصي والداني ..
هذا والله غذا ضاعت الأمانه وماعاد فيه ذرة ضمير..

الله يفكنا الشر سمعنا وسلمنا يارب :(


الله يصلحك ياملف :(


.

حسيت بالذنب :(

مره رايحة مع اختي موعد اسنان ويقال اني الاخت الكبيرة العاقله :l وطولنا وحنا ننتظر قبلها 4 حريم ، قلت لها اقعدي باانتظار الحريم ومعها بنت عمتي برضو بزر مثلها وبروح اجيب لنا قهوه ،، يوم رحت استفحل الوضع وقعدت اتقهوى واحلي وشسمه بس للامانه مااستمتعت بالكيكة زرفتها على السريع :r
يوم رجعت الا هي جاي دورها وداخله عند الدكتور ،، بس ياني كلت & من الروعه وش يفكني من امي اذا قلت لها رحت اتقهوى وتركت المبرزه :r

مايستفاد من القصة ومن هالخبرية / ان حتى حاميها حراميها ولو كنت قاريه هالخبر قبل تسان ماتركتها لحالها <-- لا فيتس الخير و الله :c

شكرا ملف :d

مره رايحة مع اختي موعد اسنان ويقال اني الاخت الكبيرة العاقله وطولنا وحنا ننتظر قبلها 4 حريم ، قلت لها اقعدي باانتظار الحريم ومعها بنت عمتي برضو بزر مثلها وبروح اجيب لنا قهوه ،، يوم رحت استفحل الوضع وقعدت اتقهوى واحلي وشسمه بس للامانه مااستمتعت بالكيكة زرفتها على السريع
يوم رجعت الا هي جاي دورها وداخله عند الدكتور ،، بس ياني كلت & من الروعه وش يفكني من امي اذا قلت لها رحت اتقهوى وتركت المبرزه


هماني قالتلتس يابنت خالتي انتس غلطي غلطتن جامدة..

اجل رايحتن تقهوين وتزطين من ذا الكيك..اي كيكة كلتي؟؟الشوكولاتة؟؟حقت ستار بكس.؟

<--تفلت العافيه:(...

حسبي الله عليهم..والله ما دمّر ديرتنا الا هالكلاب المسعوره..كلن يدور على اللي يشبع
رغباته على حساب بنات خلق الله:(...

الله لا يسامحهم وياويلهم من ربي يوم تشخص فيه الأبصار:(...

ملــف:fl<--ترا مو من قلب:( أخبارك جابت لنا المغص:24

ملف ترا ان جبت خبر مثل هالاخبار .. بستشير عليهم انهم يعطونك مشرف السامجه :d

يؤ يؤ كل ذا و15 سنه بسس..:#

شويه عليهم اعراض الناس مولعبه ..>>متحمسه بقوه:24

اماااا عاد

وذا الحريم اللي انلعب فيهم مالهن ألسن ؟
كم وحده لعبو فيها ولا طقت خبر عقب البنج ؟
وين اهاليهم ؟ كلهم ضعوف ؟

هفففففف قهروني

فيه سالفه قديمه زي كذا .. يخدرون المريض ويسوون له عمليه محتاجها وع الدرب يشيلون شي من عفشه ويبيعونه خخخخ


عافاك ملف

"
"

ملف ! متطنز بـ مصلح إجتماعي انت ؟ :d ..


شي يتكـ الصدر تكـ ..
كل هالسوايا و 15 سنه بس ! هذا والله مايردهـ عن دن رقبته شي .. ويمزرونها مزر بعـد ..
وبدون تخدير .. علشان يحس بكل مزرة جلد وقطعة عظله وكسرة عظم ..
والا يرسلونه لنا هنا .. وحنا نتصرف معه الكلب .. اذا هم عاجزين عن إقامة حدّ الله ..

:(