أوووووووووووووووولي <-- بشويش الله لايشفحنا :(



صباح الخير :h
مبروك علينا افتتاح القسم D12 <-- غصب داعستن عمرها مع البني :d
عن الخربطة وخن اسولف ..


في جلسة ماسنجريّة مع صديقتي كانت تحكي لي عن كلام صديقاتها بالجامعة عن زوجة أخوها , وانو كيف أخوك مُهندس و خطبتوا له وحدة عاديّة !
وأخوك المفروض ياخذ ملكة جمال .. ومن هالحكي اللي مايدل إلا على سطحيّة تفكير راعيته ..

تذكّرت كلام وحدة الله يذكرها بالخير ويحلّلها ويبيحها كانها قلبت تسبدي قلب بسوالفها عن أخوها مابقى الا تحرّج عليه الله يصلحها غصب(ن) عنها .. تقول :
أنا مستحيل أخطب لأخوي من قرايبنا , كلهم شينات و معقّدات وقراوى و مايستاهلون أخوي , وهو صراحة يبي وحدة حلوة وكووول ..

عاد أنا يامحاتسيتكم خبيّثة :d الله يعطيني أزين من نيّتي لفّيتها براسي في غضون ثواني و عرفت أنها تقصد بكلمتها ( معقّدات , قراوى ) شي يمسّ الدين والعادات ..
و سألتها : شلون يعني معقّدات من أي ناحية ؟! ..
ردّت : يختي ماااش كلش يستغربونه ونظامهم عبايات راس و مايختّون شبر الا بشور أمّهم , وحنّا نظامنا يختلف عنهم مرراا ..
قلت لها : طيّب لكم معارف تعرفون بناتهم و أخلاقهم / طبايعهم ؟! ..
قالت : لأ ولانبي نخطب أحد نعرفه ..
هاااااااااو ! من وين تخطبون له أجل ؟! ..
قالت : متفقين مع امي نروح أقرب زواج معزومين عليه ونشوف له وحدة حلوة و نسأل عن أهلها ونخطبها ..

بهذي الطريقة أصبح التركيز في الأختيار على الجمال فقط !
صحيح يحق للخاطب في اختيار الزوجة البحث عن ذات الجمال , ولكن يجب أن لايتعارض جمالها مع دينها وخُلقها ..
قال صلى الله عليه وسلّم : { تنكح المرأة لأربع لمالها و لحسبها ولجمالها و لدينها , فاظفر بذات الدين تربت يداك }

المهم انّ كبدي حامت من أسلوبها وطريقة تفكيرها , والعوّان اللي زاد البلا أن أمّها مثل رأيها , واللي أعظم من ذا وذا الأخو اللي حاط رجل على رجل وينتظر العروس الحلوة الكوووووول تجيه بخطبة على طريقة { شفناها بعرس واعجبتنا } :l

و أنهيت الكلام معها بقولي - طال عمري :l - : الوجه الحسن مع الوقت بيتعوّد عليه الرجّال ويصير عادي .. عكس الأخلاق اللي كل يوم يتجدّد جمالها .

وخل تنفعتس بكرة مرت أخوتس أنتِ وامتّس لاتزحلقت و اندقم فمها بدربزين الدرج , والا كبرت وتهدّلت خدودها والنفس لهذاك الحين شينة :p: .


رايكم ياشباب وصبايا باختيار الأم أو الاخت زوجة لأخوها/ ولدها بهالطريقة http://www.m8ha.com/images/icons/icon11.gif

مب بس انتي اولي حتى انا اولييييييييييييييييييييييي :d
راجعتلتس يقميل :h

=====================================
باتس :d
اول شي قولي لصديقتتس تحترم نفسه :d
يختي ماااش كلش يستغربونه ونظامهم عبايات راس و مايختّون شبر الا بشور أمّهم
لو هذي قراوه عز الله مابقى احد الا صديقتتس مهب قروي :d والله ياميمتي تحاسب عالربع ساعه تأخير وتراه اهتمام مب قراوه واغلب البنات هذا نظامهم اجل تسوي رجاله :d وتدق العبايه وتطلع لاحسيب ولا رقيب ؟ <== وراتس شبّيتي عالبنت طيب :24

نرجع للشهبان :d
منول كانت البنيه لولد عمها بغض النظر هي زينه شينه شهبا حلوا وحتى الحين في بعض العوايل ماسكين هالعاده القبيحه :d المشكلللله ان الولد راضي او بالاصح ماله كلمه لان ابوه وابوها هم اللي قرروا :24 انا ماادري وش هالتفكير اللي يخليك متعصب لهدرجه والعذر ان ولد عمها مايجور عليها لو الزمن جار :d والله ان اول من يقلب عليها ولد عمها :24
الحين تلقين الاهل من باب اننا منفتحين وهاي ومحد قدنا مايهمنا شي بالعروس الا الجمال والاناقه وانها بنت اتيكيت واذا مشت يأرض اشتدي محد قدي :d ينسون ان في شي اسمه دين واخلاق واسلوب هنا اقول للأم العزيزه اذا ولدتتس تغير عليتس عقب العرس وانقلب ولا عاد يواطن يجيتس واذا كبرتي ينطلتس لدار العجزه تراه من ايدتتس وانتي اللي اخترتي , بنفس الوقت في اهل يهمهم الجمال والاخلاق سوا ومو غلط لان العين لها نظره يعني مهما كان لهم حق ان عيال ولدهم يطلعون طخوم :d السالفه تعتمد عالبساطه وكل شي بقدر ان كان جمال والا غيره ..

من جهه ثانيه حطوا نفسكم مكان اللي بيعرس :d انا عن نفسي وانا بنيه منب ولد اقول العين لها حق صراحه :d يعني اوكي اخلاق وطيبه ووش زينك بس برضو لي حق يوم اصحى من النوم اتصبح بوجه زي الاوادم مب اتروع منه :24

الزبده ان الشين مصيره وحده زينه والزين للشينه :d

ميني :h جعلتس الجنه ومن يقرا :h

اولا مبــروك عليس اول موضوع ..:d

ومبروك عليناا افتتاح القسم ..:h


نجي للموضوع ..:l

.في جلسة ماسنجريّة مع صديقتي كانت تحكي لي عن كلام صديقاتها بالجامعة عن زوجة أخوها , وانو كيف أخوك مُهندس و خطبتوا له وحدة عاديّة !

عندنا واحد من اقاربنا ملك جمال خقق :b تزوج وحده عااديه واقـل من العاديه مـو حلوه ابداا
طبعا كلنا انصدمنا ..:(:d

معقووله هذاا يتزوج هالبنت ..:p: بس وربي مااشفت وحده سنعه مثلها لاطبخ لا اسلوب يجنن

ماشاء الله عليها لما تتكلم مااودك تسكت من كلامهاا واسلوبهاا العسسل :b

اكتشفت ان الزين والجمال راايح بس الذووق والاسلوب في التعامل هو الي يكسب الناااس الحين الكل
يحب يجلس معها من اسلوبها الحلو وذووقها :h

حتى في تربيه عيالها ونعم التربيه مااشاء الله عليهاا ...:h



رايكم ياشباب وصبايا باختيار الأم أو الاخت زوجة لأخوها/ ولدها بهالطريقة

اجل وين تختارها منه اكثر العالم تخطب لولدها من العـرس ..:d
بس طبعا بعد ماتختارها حلوه لازم تساال عن اخلااق البنت ..وقبل عن امـهاا ...
((اسأل عن أمها قبل ما تضمها))....:)


مووضوع بـطل وشكرا ميني ماااوس ......:h

ميني ترى ماشاركت الا لأن موضوعي كتم موضوعتس لذلك تلايطي خخخخخخخخخ :24

سبحان الله هذا اخوي هالحين جابوا له دسته بنات يقول ابي وحده حلوه !! عاد مدري وش معيار الجمال عنده .. ماعنده الا كلمه وحدة صدعت روسنا " ابي وحدة حلوة وماتكون من القرايب " الظاهر انه مايبي وحدة من القرايب عشان يمون عليها خخخخخخخخخخخ :24 عاد هو اكبر مني وحياوي ماتنرقّع صح ؟ خخخخخخخخخخخخ :24

برافوو ميني موضوع قوي :fl الا على طاريتس ماتبين نغطي الخراز :24 لأن طافتنا حلقات ماغطيناها .. كأني شفته يعرض على قناة الوطن الكويتية قبل كم يوم :24

ملكعة انتظركي ياقميلة أنتي D12 :h

,,,

نوفيت أرحبي :h

عندنا واحد من اقاربنا ملك جمال خقق تزوج وحده عااديه واقـل من العاديه مـو حلوه ابداا
طبعا كلنا انصدمنا ..

ايه عادي حركاتنا يالعوانس اعرفها زين ترى :d


اجل وين تختارها منه اكثر العالم تخطب لولدها من العـرس ..
بس طبعا بعد ماتختارها حلوه لازم تساال عن اخلااق البنت ..وقبل عن امـهاا ...

صح عليك ,, لكن فيه عالم تحطّ الشكل بالمرتبة الاولى والثانية والعاشرة :d
وتهمل السؤال عن / أهلها / أخلاقها / تربيتها



برايفت بنات D12 وش رايكم بحجم الخط زين والا اكبّره زود ؟! ( كنّهن داخلات عرس ومن عند الباب كيف شكلي وكيف شعري :( :24 )

اهلييييين وسهلييين بميني :h

جبتيهااا يابنت .. بس يختي كلبو الزينات جالسين ببيوتهم :d
سبحان الله ماتعرس الا الشينه ( ماهيب خويتنا :24) << يابنتي شطحتي من اولها

ياختي ياصعبها تدورين لاخوك :(
تبينها حلوه واخلاق وسنع ووو شي يوجع الراس

وحده من صديقاتي غثثثثثثتنا تدور لاخوها من حوالي سنه ونص .. المصيبه انه دخل على ثلاث بنات ورفضهم مع انهم حلواات بس الكلب مدري وش يبي .. هو كل همه جمال وقال ايش قال اعقلها واربيها لا اخذتها .. ياعميييي طير ابو طبيع مايجوز عن طبعه

فيييييه مثل يضحكني .. اقلب المدروشو على فمها تطلع البنت لأمها :r ( عساه صح خخ)
يعني شوفي الام وبتعرفين كيف البنت من قرامه وذوق خخخخ

يختي منيب موقفه ابد لو ببتل والبلا احسني مضيعه شوي :j
يسلموو ع الاختيار ميني :h

اي هذولا شباب الفضائيات يمسي يبي شبه هيفاء ويصبح يبي شبه لميس واللي يسمعه يقول مهند اللي يبي يخطب (مع اني ما اواطنه بس هذا اللي طاخين فيه الحين :24 )

تدرين اتوقع لو عندنا مثل الهند حنا اللي نخطب كان قسم بالله نص شبابنا عوانس :24


فعلا اغلب الشباب صار تفكيرهم سطحي وما همهم الا الجمال وامه وخواته شيسون مالهم الا يدورون له ع طلبه يعني هو اللي حادهم


بطله يا حلوة :fl

وخل تنفعتس بكرة مرت أخوتس أنتِ وامتّس لاتزحلقت و اندقم فمها بدربزين الدرج , والا كبرت وتهدّلت خدودها والنفس لهذاك الحين شينة .

هههههههههههههههههه وراتس تفاولين طيّب , بكيفهم هم و مرت ولدهم يتفاهمون مع بعض :( وش غابنتس ؟ يعرس له على وحدة كربون نوال السعداوي و إلا بنيلوب كروز بقلايع وادرين , وراتس شايشة ؟!

الجدّ D12 , يا شيخة يا كثثثثر هاللي يتنعفقون و مسوّي لي فيها كامل مكمّل , و البلاء بهاللي عنده معطياته وجه .. يبي جمال و مال و موظّفة و أبوها مركزه كبير و خوالها تجّار و أخوانها مدري وشو و لا يدري وش يبّد من كثر ما تحكوى:y , و هو الله يجيرنا مقشع و راكبته الديون و كلش عليه اقساط <-- يعني ما يمدي نقول لا إن هالرجّال مخبر مهوب مظهر , و لا نقول ما يعيبه إلا جيبه :24.


للأسف غالبيّة الشعب يعتمد على المظاهر على أنّها أولويّة تعطيك مُختصر لسلوكيّات الشخص , أنا منيب اقول يُغفل جانب المظهر , بس ما يُعتبر أساس للحُكم على الشخص .. سواء كان لخطبة أو غيره , يعني ما أشوف وحدة بعرس الفلاني يا عيني وش هالستر و إلا عباتها على راسها .. وهي الله يستر علينا و عليها تشوفينها لها ختّات و إلا الأخلاق سياحيّة ..

المسألة توفيق و نصيب , و بنفس الوقت مسألة الاختيار صحّ إنها هنا تدخل فيها أُم و أخت و كلن يجيب من راسه صوت و على هواه تقل هم اللي بيعرسون على هالتحمّس :( ..


يا شيخة ليت فيه منّك ثنتين :h , يا عسى إيدينٍ خطّت ما تمسّ النار :h


.
.

مـرحبا .. يـآعسـل:fl

الصـرآحهـ آعجبني موضوعكَـ وحبيت آرد عليه ..

للأسف ! أغلب البنات اللحين إذا جو يخطبون لإخوانهم يشوفون بس المظهر وينسون الجوهر !

وكملت عليها السالفه أمها بعد :j

يعني زمن عجيييييب !

وبالعكَـس عندي الولد يتزوج من قرايبه أفضل له من الغريبه ! بس طبعاً مو دائماً ..
لكَـن عشان بنات عائلتهم قراوى ومعقدات ! مالها أم داعي بالهحكي !

يعني لو بحلف الحلوات اللي يشوفونهم بالزواج قلة سنع وقلة دين (( مو الكل )) !

بس حبيت أقـول .. قال صلى الله عليه وسلّم : { تنكح المرأة لأربع لمالها و لحسبها ولجمالها و لدينها , فاظفر بذات الدين تربت يداك }

ووبس ..

الله يعطيكَـ العــآآآفيهـ يالغلا على موضوعكَـ الحلووو ..

تحياتي "

اررررحبي :h

حيالله ميني ماوس D12

تو ماانور المكان وتبارك :h ارحبي واقربي ودوك الفنجال :h

والله ياهو اطلق موضوع بذا القسم :h<-- كلهم موضوعين اولهم شات :24

نجي للموضوع يكفي ترييش :24


سطحية التفكير نشوفها كثير في سوالف البنات وقعداتنا وجمعات الحريم اللي تجيب الغلقه وتضيق الصدر :p:

لو نتكلم عن سطحية التفكير عموما بنتعب وحنا نجيب امثله وسوالف او مواقف حصلت لنا فزين اننا نركز على اختيار الزوجه ونخلي باقي السوالف بموضوع ثاني وش ورانا حنا إلا صلخ اصحاب التفكير السطحي <-- تراك اولهم :24


رايكم ياشباب وصبايا باختيار الأم أو الاخت زوجة لأخوها/ ولدها بهالطريقة


يا إني يكسر خاطري الرجال لا جاك مسلم امر اختيار الزوجه لأمه وخواته ويحسبهم كفو في اختيارهم إلا يطلعن مطينات الدعوه ويدورون عالجمال والشكل والكشخه ووو ومايركزون عالاخلاق والدين والطبايع الزينه .. هذا طبعا مايمنع اننا ندور عالجمال لكن مايكون الجمال هو المقياس الأول والأخير ولايصير فيه ظلم للولد اننا نخطب له وحده ثقيل دم وشينه عشان انها اخلاق ودينه !

نوفق بين الجمال المتوسط والاخلاق العاليه او فوق المتوسطه :d

اذكر وحده من قريباتي كانت تدور لولدها عروس وكانت دايم ترسل بناتها للعروس وجمعات البنات وتقول ابي اجمل وحده في المكان واللي ماخذه الجو بخفة الدم والضحك والروح الرياضيه :j ولافكرت تقول ابي لبسها محتشم او عباتها محتشمه او اخلاقها عاليه او محافظه عالصلاة او او .... وأبشركم لقت له البنت الحلوه اللي تشق الجبهه :d بس دينها يرقل وصلاتها مش ولا بد والغطاء يالله تقطه على وجهها !!

اليوم مبسوط معها ومغتر بجمالها بكره يتعود على الشكل الحلو ويصير عنده عادي وتطلع الأخلاق الشينه والدين العوج وهنا ماينفع ليت وليت ..!!

وعلى العكس مرت ولد عمي كانت تدور لولدها البنت الأخلاق والدينه وماكان يهمها الجمال بس ربي عطاها على قد نبيتها ولانها سبقت الدين عالجمال ,, خطبت له بنت جمال واخلاق وذوق ودين :h الله يتمم عليهم ويوفقهم وترا عرسهم في اجازة الحج والدعوه عامه :24

ميني ماوس هيضتي كيبوردي من زمان ماسولفت D12

ام عباس :h :d

يازين أقسم الفاميلي احس بنفاهه وانا فيها <-- لو تنقزين وتحبين السما منتيب كيوت ابد :(

ميني ماوس ~
حيّ هالطلة الأولى بالقسم .. :fl

خليني اجيبها من الاخر .. :d
أنا أشوف ان الرجال اذا كانت أخلاقه كويسه و وظيفته مره كويسه و على سنع .. مافيها شي لو يتشرط "يحق له " .. :r
بس موتك ان جاك واحد اقل من عادي - بكل النواحي - ويتشرط ابي كذا و مابي كذا .. :r

وانا معك انه احيانا الأم و الاخوات يبالغون وهم يدورون / يبحثون عن الكمال ..مع ان ولدهم ممكن يرضى ويطير بأول وحده يلقونها خخخخخخ :b .. بس لازم يعرفون أن الزواج اكبر من كذا - مهوب لعبة - الله يصلحهم :( ،،

ومسألة الأقارب تختلف على حسب رأي الشخص وحسب نفس العائلة / وجهة نظر .. وكل(ن) عنده اسبابه .. يعني مانقول ان الاقارب افضل من غيرهم ..

عوافي ام عباس

تراي ما ألون الا اذا كان جايزلي الموضوع و مروقه ;)

:(
اخر حبه انا :(


هو كل همه جمال وقال ايش قال اعقلها واربيها لا اخذتها
ايوا طيييييييب
هادا من اولها يبغا جمال يطيحه
وبعدين بيربيها ازا هيا ماربته ومشته على كيفها بجمالها نشوف كيف :d

على فكره اغلب العيال احس يفكرو كدا حتى لو حلوه ولا مو حلوه دايمن يفكرو ان الزوجه قابله للتربيه من جديد على اساس اتزوجوها وهيا مو متربيه ولا هيا مكينه سستم اهلها ماعجبهم بيسويلها اعادة برمجه :(


ماعلينا نرجع لموضوعنا
عجبتني النقطه الي قلتيها انو ركزو عالجمال ونسو الدين
لانه احنا متفقين انه الجمال مهم عندهم بس مو على حساب دينها واخلاقها
والغريب العجيب
انهم مو مستعدين يتزوجو بنت تدخل نت مثلن
او اذا شافو وحده في النت وحلوه قعدو يتكلمو فاخلاقها
وبكره واحد فيهم الي حيتزوجها
مدامهم قابلين يتزوجو بدون اخلاق

شكله كلامي مو مفهوم بس ان شاء الله تفهمو :d


يعطيكي العافيه عسوله

حي الله ميني :fl صدز موضوعتس يبرد القلب:h

والله أنتس صادقه يا أختي ألحين أكثر الأمهات والاخوات ما يدورون الا الجمال على قولهم ولوتشوفين وجه ولدهم تلقينه يحوم التسبد <- من زين وجهتس عاد:d

أجل عمرتس شفتي أم تقول أبي أخطب لولدي وحده جمالها خارق حتى لو أن أخلاقها شينه <- على خارق تحسين أنتس قاعده عند سبيس تون:24
مدري وش تحس به وهي تقول ذا الحتسي الله يعافيها ولا يبلانا:j
والمشكله أن ولدها مطلق حرمته الاولى علشانها شينه اللي يسمعه يقول كريستيانو رونالدو على غفله:p:

والا وحده داقه على أم صديقتي وتقول تسان بناتس شقر وعيونهم زرق:c بنجي نشوف وحدتن منهم لولدنا <- تراتس داقه على عايله سعوديه موب فنلنديه يا أمي:d

والله الناس اللي تسذا تحسين أن روسهم فاضيه وما فيها عقول :b

ما أقول الا الله يشفيهم مما إبتلاهم

ميني دوتس يا بعدي:fl:fl:fl

قبـل كانت اولوية الرجال البنت الي تكون تطبخ وتنفخ بس الحين الخدامات يسوون هالغرض فصار الجمال المطلب الوحيد :d ومعذورين اجل اجيب لي صتيمة تجلس قدامي وفوق ذا مهي حلوة بس المشكلة كل بنت حلوة لازم تكون دبشة .. والله يعينا : (
يازين المستورد من الشام جمال وطبخ ولسان حلو وكل شي ..

بس بالنهاية العزوبية احسسسسسسسن الله لايحدني على العرس قولو امين

:


مبرووك افتتآح القسم ياحلووين .. :h

.


ايه ياميني الحين كل الناس كذآ ..
ينآظرون الشكل والكشخه قبل اخلاق البنت .. :(


انا اعرف وحده ماتبي لولدها الا وحده كشخه وحلوه وكآش D12
ولقت هالمواصفات وخذتها لولدها .. والحين منبلشه فيها :(


الله يعين ويوفق ..

عافاك ميني ع هالطرح .. :h



:fl

.

اهلن ميني منوره :h

عاد على شرط الشاب انه يبي جمال وماهمه الاخلاق
الا ان الشيون هم اللي ماشي سوقهم :d

مير اعرف لتس وحده الجمال اللي فيها حقييييييير من حلاوته
كامله والكامل وجهه :h
بس الاخلاق قاااسمن بالله موب زيرو الا ادنى واوصخ من ذلك
لا ورجلها ماشي على كيف كيفها لو تقوله تفو عليك وتراك موب رجال قال ايه ابد صادقه :j

يختي وش يسوون في رجالهم يومهم يسوون بهم كذا ! << كنه جازلها :24

هلا ميني D12

تبين الصدز الحين كلٍ ما يبي القرّب .. يدورون لهم وحده من برا عشان محد يدري عن مشاكلهم :j
أعرف لتس واحد يقول لخواته أبي وحده مثل هيفاء وهبي <-- يقالتس وحده شئ :24
المهم يوم ذلف لندن بالصيّف عجبته وحده وخطبها ويوم شفناها إلا تسنها سيلانيه :(
ولا هيفاء وهبي ولا هم يحزنون :24 و ترى أغلب اللي يتشرطون يجون على الزقم :24

رايكم ياشباب وصبايا باختيار الأم أو الاخت زوجة لأخوها/ ولدها بهالطريقة

أكبر غلط :( ومهوب رايح فيها إلا الولد ...


ميني :h
موضوع بطل :fl

,

مير ذكرتيني بناس يدورن لولدهم وحده فررررري وكشخه و و و وماعندهم مانع ياخذون مذيعه وابوها وزير :24 ويوم اعرس عليها طقاقهم وصل للرجال العايله وكل ذا عشان ايش عشان طلعتها يوميا هي وصديقاتها وغير مشغل امها الي كل الشغل فوق راسها :d
ويقول ليش ماتجلس في البيت يوم واحد :d هما تبون فري وياي طبخن طبختو اكلوه :d اجل تبيها فاضيه تقابل خشتك وتكوي وتطبخ لك :24 بس بلاخير كلن راح بطرييييييقه :( ياحسفاتبها :h ياحسافة المشغل الي نستشور فيه يوميا :(:h (كلن ع هممممممممممه) :d
المفروض كلن يمد رجوله ع قد لحافه (مدري تنفع اولا) :d

كلهم شينات و معقّدات وقراوى و مايستاهلون أخوي


يارررربيه يا ذا القراوى الي بكل مكان :(

امس في المملكه وحده عريضه كنها ثلاجه LG من كبرها ماقدرت تطلع مع السلم الكهربائي !! :j

واقفه انا ومعي 4 بنات عند عرض زين اشوف الأرقام الي عندهم .. مرت من جمبنا وكانت فاتشه ... انا طالعت فيها وقلت في نفسي شينه وفاتشه .. !!

.. قالت للي معها ياربيه شفتي القراوى .. !! ؟

ماادري عاد هي تقصدنا او لا .. :d

بس الي ريحني ان كلنا احلى منها واشين وحده فينا تطق لها بأصبع :24

بس وقتها حسيت ان الي تفتش متطوره والي بغطا قراواااااا D12

طلعت عن الموضوع بس ذا السالفه بقلبي من امس .. :d


اعرف وحده تزوجت واحد اهله من الطبقه الراقيه وراحت معه للبيت وجلست معه حوالي 3 شهور وبعدها طلقها ... !!
ليه ..؟
لانها ماصارت مثل اخواته فري .. ينتفون حواجبهم وغيره كثير !!
ولا غيرت عبايتها من الراس للكتف..
{ مااعترض على العبايات لان عندي عبايه على الكتف ساتره فضفاضه اهون من عباية راس مخصره والجسم واضح }

مااقول الا الناقص هو الي يشوف الناس قراواااا :c


مدري وش فيني ماعاد اجمع :(

الزين غسال يدين << :j

وش ينبغى بها لاصارت زينه ونفسها في خشمها ..

اهم شي الاخلاق ..<< باللهي
هو ماينلام يبي يقابل خشه تفتح النفس بس مايكون هذا اللي يركز عليه
والباقي لا .(.يعني اظفر بذات الدين ..)

الزواج قسمة ونصيب واللي الله كاتبه بيصير..


يعني اللي يتشرطون نبي كذا ونبي كذا ما يطيحون الا بالشين..

اما سالفة العباية تدل على السطحية بقوة..

يعني مرة وحدة تبي تخطب تسال البنت تلبس عباية راس؟؟ يعني اهم شي المظهر ماتدري عن الاخلاق على بالها ان البنت اذا صارت تلبس عباية راس انها اخلاق وملتزمة..

وفيه بنات غصب يلبسون الراس بامر من اهلهم..وهم الله يستر عليهم بس من ادشر الدشير.. الله يصلحهم بس..

مرحبا ميني:fl

هذه تفكيرها جداً سطحي ..

الجمال موب كل شي .. وش ينفع جمال الشكل طالما مافيه أخلاق ولا فيه دين .!

وإذا هو كوول ويبي وحده كول مثله وياربييه بس ف الله يهنّي سعيد بسعيده ولو إنّ هالنوعيه موب كفو يعرسون ويجيبون عيال :d

والله عاد تبين الجد رايي من رايها<<<< انتضري الرجم بالطريق خخخخخ


امزح لا تقزوني كذا .. وااااااللله
هذي من العقليات السطحيه والمريضه بعيد عني وعنك

الزبده قوليلها عندي لك عروس صاروخ ودليهم ع الشينه خل الادمي يتطوع ولا يترك جلال الصلاه ابد

موضوع حلوو ياقلبوووو وعواففي

يازين المثاليه بس

خلكم واقعيات شوي لو بخطب لخوي ماني خاطبه له وحده شينه وعاديه وانا اقدر اخطب حلوه


ومثل ماتقولون وش يسوي بالحلا واخلاقها زفت وش يسوي باخلاقها وهي شينه:y


التوازن مطلوب وعلى كثرهم الحين بتلقين صواريخ ومطاوعه مايحتاج ينحدون على الشيون*


على فكره الحلا فيه نقطه اضافيه لو طلعت اخلاقها شينه يحسن النسل ويربي هو عاد نسله على كيفه يصير انتاجكم الجديد حلا واخلاق :24


عوافي مس ميني :fl


* تم جمع الكلمه حفاظا على مشاعر الشينه:r

،


يا بنت الحلال .. انا اعتبر هذا ايثار من الله لبنات قرايبها المعقدات القرويات ..
لا يقابلون خشتها كل شوي ولا يهون اخوها اللي مب ناط من القدر لحاله :d
،
مسائل العرس تكثر الرطرطة فيها وما به الا ربك ، أقربها اخو لي على قولتك مهندس وجامع له ربي اشياء حلوة الله يحفظه لعياله ويحفظ له غاليه يا رب
لما جا يتزوج قال ابي وحدة تشبه سيلين ديون .. متبيزع بعمره الولد !
حتى بالأمارة لين جينا نتكلم عن العرس عنده قال : انا اغبط سعيدة الحظ الي بتاخذني ههههههههههههه الله يحفظك < ما سطت تقول الله يقلع وجهك ../. فيني ولا فيه ههههههههههه

في الأخير ما له الا خشيمه لو هو " عوج " :d ..
ولو قلتي له الحين .. ترا خشيمك " عوج " .. قال هها بس ههههههههههه

،

نهايتوه ..
وحشتيني .. ( قلب )



،
عبير اللي خبرك بس متبرقعة أشوف شكلي بالتطور ههههههههههههههه

.

بــــاك D12:h <-- بدري :(


ملكعة :h

الزبده ان الشين مصيره وحده زينه والزين للشينه

هههههههههههههههههههههههه .. وانا وش محرق قلبي غير هالسالفة ؟!

ميني جعلتس الجنه ومن يقرا

أجمعين يابعدي :h

ملكعة حيّاك :h



منسدح بلفة :d

ماعنده الا كلمه وحدة صدعت روسنا " ابي وحدة حلوة وماتكون من القرايب "

عندي واحد من هالنمونة وسّع صدرك بس :d

الا على طاريتس ماتبين نغطي الخراز لأن طافتنا حلقات ماغطيناها .. كأني شفته يعرض على قناة الوطن الكويتية قبل كم يوم

هههههههههههههههههههههههههههههههههههههههههههههههههه هههههه

زين ذكّرتني .. تذكر يوم نقول لهم بنغطّيها لكم بالإعادة السنة الجاية ؟! هه يمدينا الحين D12

حيّاك بو لفّة نورّت :fl


ديم :h
هلا وغلا

وقال ايش قال اعقلها واربيها لا اخذتها .. ياعميييي طير ابو طبيع مايجوز عن طبعه

ذي كلمة اخوي يقول " نص تربية البنت ببيت أهلها , والنص الثاني ببيت زوجها "

ههههههه ياحليلهم , ذولي حريم اوّل مهب هالحين الاهل مايقدرون على بناتهم :d


يسلّم قلبك وكلك ياديم :h تعالي كل يوم D12




:flηαησσšн

تدرين اتوقع لو عندنا مثل الهند حنا اللي نخطب كان قسم بالله نص شبابنا عوانس

ههههههههههههههههههههه .. وتصير ركبهم سودا ؟! <- تحسب سواد الركبة مرفق مع العنوسة :(

ننّوش يحلّي ايامك
نوّرتي ياعسل

لي باك للردود الباقية بإذن الله :h

برايفت عبيييييييييير :h :h :h

الحلو حلو ببرقع والا بدون .. D12 :h
احبببببببببببببكي يختي :h

وش فيها إذا دوروا لولدهم وحده زينه ، ولا اهو طلب وحده طخما ؟

من حقهم طيب ؟

بس المقصد أن ما يصير الجمال أهو كل شي .. لازم يتوازن مع الاخلاق والدين
موب وحده تطيح الطير من السما وفي الأخير أخلاقها تجاريه طبعن لا << أعصابتس :24
بس يبقى الجمااال مهم :h
أما سالفة قراوى اللي عبايات عالراس ومايطلعون ألا بشور أمهم ، أتخيل نفسي
أطلع بدون تخطيط قبل باسبوع ومشاورات ومناقشات وصراخ ....الخ :24
مير ياملحي وانا فاتشه :24

بس صراحتن انا ضد زواج الاقارب مانيب أحبه .. أبي حمولتن جديده D12:h

ميني ماوس يالبا قلبتس أشكرتس بعوووونف :fl

في حوار مع جدتي اطال الله في عمرها كنا نتجاذب اطراف الحديث حول بنت الحلالd12

فاكنت تقولي وانا امك لاتهتم من الزين (الزين غسال يدين)اهتم من الأخلاق ياوليدي هي اللي بتدوم اما الزين فتّره ويسير وجهها كيذا(:p:)طبعاً في معنى كلامها:24

ميني ماوس :h

موضوع دايم نتناقش فيه انا وصديقاتي :d

بصراحه انا ما يقهرني الا الناس الي تفكيرهم كذا ,,

احس ما احب اجلس مع الي تفكيرهم سطحي لهالدرجه

شوفي انا عندي 3 اخوان الله يحفظهم ,, ثنين منهم متزوجين الوسطي ( الثاني :d) مملوح وخذ له وحده مملوحه وأخلاق وكلش وما كان عندي اعتراض :24

اول واحد ( الكبير :d ) الكلب طلقه :24 وخذ له وحده عاديه جداً بالنسبه له صدق انها من قرايبنا واخلاق وكذا

بس انا احس اني انقهرت احسه يستاهل وحده ازين من كذا ( هذا كان تفكيري بوقتها همن تغير :d)

انا اعترضت :d قلت لامي يعني قلو تاخذون له ذي فيه احلى منها

وقالت امي لا يا بنيتي الزين ماهوب كل شي واهم شي ان حنا نعرف اخلاقها ومن قرايبنا و البنت ماهيب شينه عاد ,, وانا لازلت متمسكه برايي

مع مرور الايام ومع معاشرتي لها ,, أكتشفت ان الزين ماهوب كل شي وان صدق الاخلاق والروح الحلوه و الاسلوب الذرب هو الي يبقى :h

<<-- لبى قلبها بس من قلب احبها :h

المهم انا تغير تفكيري يوم شفت ناس جد جد متعذبين مع حريم اخوانهم الي اختاروها لجمالها وليس لشي اخر

وما اقول الا حمدلله الي رزقنا هالحريم اخوان وأهم شي ان اخواني مرتاحين معهم ومبسطوين :h

عاد ثالث واحد صغير بس انا كيفي جالستن ادور له من الحين وحدتن حلوه وأخلاق وشخصيتها تجنن :d

عاد عيلتنا الي بسنه كثييييير بس اغلبهم جمال لكن شخصيه زي التبن تشوفينهم يا مغرورين يا ثقال دم يا مزاجيين يا ويا ويا

بس ابشركم لقيت وحده وحطيتها ببالي وان كبر بخطبها له ان شاء الله <<-- امي متلطمه :24

يعطيتس العافيه يا مني :h

موضوع شيق بصراحه :h

:fl

حيّاكم ربي جميع :h
سامحوني ع التأخير :( :h <-- باللهي ياشيخة ماعندتس ابدر من كذا ؟! :(

على راسي كل يوزر طرح رأيه هنا :h

.