[ .. فعالية / بررررد على قلبك ]

[كأنه مو عاجبك]

مساكم / صباحكم .. خير , " .. برد على قلبك .. " فعالية لإختيار أطلق مشروب صيفي يبرد ع القلب في المقهى .. , فرصه نشوف فيها / .. الإبداع الإبتكار البربسه . . [ خلكم حول المطبخ .. ]

[كأنه مو عاجبك]

, [ .. شروط الفعالية .. ] فعاليتنا مايبيلها شي ياطويلين العمر .. ( بسطت ع الارض وقربت القهوه والتمر ) وش كنا نقول ..؟ ايه عصيراتكم .. مالها وماعليها / ؟ 1 / ماعليكم غير انكم تبتكرون لنا عصير بااااااارد .. لاشربته تحس ترد روحك عقب الفطسه بالشموس .. 2 / طريقة التقديم تكون حلوه ومقبوله .. 3 / التصوير يكون واضح لاهنتو .. ولاتلعبون بالألوان بالفوتوشوب .. التضبيط بالفوتوشوب مسموح طبعاً .. لكن تسوون حليب موز ويطلع لونه اخضر بسبة انكم فلته بالفوتوشوب وأنا لا وشو له ..؟ _ أصلا مدري اذا تقدرون تغيرون اللون أو لا بس خاطري اجيب هالطاري _ 4 / ذكر الطريقه والمقادير .. 5 / الحقوق تنحفظ بإسم المقهى .. لحد ينفخ .. لما تقرون الباقي بتعرفون ليه .. [ .. آلية سير الفعالية .. ] أولاً / نبدا التسجيل من اليوم الأربعاء بتاريخ / .. [ 25 _ 7 _ 1431 ] ، [ 7 _ 7 _ 2010 ] وبيقفل التسجيل يوم الأحد بتاريخ / .. [ 29 _ 7 _ 1431 ] ، [ 11 _ 7 _ 2010 ] ثانياً / من يوم الأثنين الموافق / .. [ 30 _ 7 _ 1431 ] ، [ 12 _ 7 _ 2010 ] الى يوم الأربعاء الموافق / .. [ 9 _ 8 _ 1431 ] ، [ 21 _ 7 _ 2010 ] عندكم فرصه تبتكرون عصيراتكم وتصورونها وتضبطونها .., وترسلونها ع الخاص ., ليه ..؟ أقول لكم ليه .. ( أ ) يكون فيه حماس لمعرفة صاحب المشروب .. ( ب ) ان الواحد لما يجي يقيم المشروب يقيم المشروب مو صاحب المشروب ( ج ) ان محد يسرق فكرة أحد ثاني .. وعشان مره وحده لو صار فيه تشابه في المشروبات نعلم المتشابهين من بدري .. ويشوفون لهم صرفه ثالثاً / عقب ماتقضي هالأسبوعين .. نفتح موضوعين : الأول / .. نحط فيه جدول بالتواريخ اللي بتنزل فيها العصيرات .. + العصيرات اللي بتنزل بالترتيب .. ويكون " مقفل " الثاني / .. مفتوح لتعليقاتكم وتقييماتكم للمشروب طبعاً .. بعد كل فترة تصويت لمشروب يتقفل لما ينزل المشروب اللي بعده .. وهكذا , [ .. طريقة التقييم .. ] راح يكون التقييم منقسم لقسمين أ / لجنة التحكيم .. ب / الأعضاء .. بالنسبة للجنة التحكيم : كل واحد فيهم يقيّم من ( 10 ) مقسمه على الآتي : درجتين على الابتكار .. بحيث / .. يشوف هل هالعصير مبتكر أو خالط لي عصير تانج وماي وجاي يهك علينا درجه على طريقة التقديم .. درجه على وضوح الصوره .. 6 درجات للمقادير والطريقه واسلوب الشرح .. بحيث / .. هل الطريقه واضحه أو لا ؟ اسلوب شرحه زين والا لا .. ؟ مب يجينا احد يشرح ونفسه بخشمه _ وجه يدق بنفسه _ هل المقادير زينه وتنفع مع بعض والا لا .. ؟ موب يجي يخلط لبن وزبادي مع ملعقة نسكويك وشوية ملح ويقول عصير مبتكر ومقاديره عال العال , طبعاً ودكم تعرفون من هم لجنة التحكيم .. ( تكفون قولو ايه ) 1 / حيدره .. _ صوت الجماهير تصفق وتصفر _ 2 / توب شيف _ صوت الجماهير تصفق وتصفر _ 3 / اخو فريال _ صوت الجماهير تصفق وتصفر _ 4 / كأنه مو عاجبك _ الجماهير تقط بيض وطماط _ , نجي الحين " للأعضاء " التقييم بيكون من ( 5 ) .. طبعا 5 من 5 أطلق شي مايحتاج اقول وانتو وضميركم عاد .. حطوا اللي تشوفونه يستاهل لكل مشروب ينزل , [ الجوائز ] ../ حبيت اذكرها في البدايه مع التحفظ على بعض الشغلات عشان نحمسكم . . [ المركز الأول ] رتبه تقييم 50 نقطه بطاقة شحن ب 50 . . [ المركز الثاني ] رتبه تقييم 40 نقطه بطاقة شحن ب 30 . . [ المركز الثالث ] رتبه تقييم 30 نقطه شحن 10 ( واللي يسوي مستحي ويقول مايبي اصرف .. يوفر ) . . [ باقي المشاركين ] تقييم 10 نقاط , [ ملاحظات مهمه ] 1 / عدد المشروبات المسموح للعضو المشاركه فيها ( واحد لاغير ) .. اذا سوى 3 .. يختار أطلق واحد ويرسله .. والباقي يخليهم احتياط .. ممكن لا قدر الله طلع في احد مثله راسل لي من قبل .. بنعلمه وبنقول له يرسل الاحتياط .., وهذا بيسهل علينا التقييم .. 2 / الذب والمزح وشو ..؟ بحدوووود .. الذب مايكون على نعمة الله .. تكون على طريقة التقديم / التصوير / الاسلوب في الشرح .. الخ .., سالفة ( حاطين موز .. وعععع أحد يحط موز / انتو شلون تشربون عصير تفاح مع زنجبيل ( وجه يستفرغ ) .. ) ردود من هالنمونه .. مصيرها / ؟ ( الحذف + تنبيه العضو في المره الأولى ) المره الثانيه ( تخدير ) , في النهايه / .. ان شاء الله تعجبكم فعاليتنا ونشوف شغل يفتح النفس .. وشكراً لـ / سفن .. على الفكرة البطله سراب .. على مسمى الفعاليه غرام الورد .. على التصميم الطلق فيث .. اللي ابثرتها وانا اسألها لا عدمناكم [ خلكم مع فتافيت .. الجاي أحلى ] . .

[كأنه مو عاجبك]

, [ بدأ التسجيل ] ,

[بحر العيونْ]

يا سلاااام عليتس و على أفكارك الرائعة ننتظر باقي الأعضاء

[أخــو فــريــال]

إقتباس 3 / اخو فريال _ صوت الجماهير تصفق وتصفر _ حلفت عليكم ما تقومون لا والله لا تقومون خلوكم مستريحين وانا بعطي كل ذي حقن حقه بس لا تنسون اللي بيآخذ المركز الأول يقسم لي النص من جوائزه < لا ينسى بطاقة الشحن آه بس يا كأنه لو انك قايله لي في بطاقة شحن كان شاركت بأحد المشروبات الغالية الثمن والتي لا تستعمل الا في الدول الخارجيه بالتوفيق للجميع وانطلقوا مع فعالية موعاجبك

[اللمبي !!]

:: بسم الله وسجلوني مشآرك بسوي 3 عصيرات وباختار احلاهم

[p!xel]

معليش بس ذي المشرفه قشرا تضمنين إن مواضيعنا ماتروح للمعتقل ؟

[بيـاضّ]

- إقتباس فيث .. اللي ابثرتها وانا اسألها هااو وش سويت انا ، ياحبيلك للحكي الي ماله سنع يابت احفظي لي المركز الاول من الحيين

[وحـــــش !]

. ودّي أشارك , المُشكلة أخاف اسحب عليكم و أقلل من احترامكم ,, + ما عُمري شاركت في فعالية في النت ,, ولو أنّ بساطة هالفعالية تُساعد ع المشاركة و بقوّهـ . إقتباس ( ب ) ان الواحد لما يجي يقيم المشروب يقيم المشروب مو صاحب المشروب هالّنقطة حمستني , وتضمن أن المشاركين بيأخذون حقهم من تقييم الأعضاء . حالياً أنا مُتابع لكم , ومن اليوم إلى الإثنين إن شدّيت حيلي وضبطت العصير قبل إنتهاء فترة التسجيل مُشارك إن شاء الله .. وإن ما قدرت حيل الله أقوى والمعذرة والسموحة , ومتابعين لكم بإذن الله . بالتوفيق لجميع المشاركين . والشكر لك وللقائمين على الفعالية .. .

[كأنه مو عاجبك]

, فتحية فكرة سفن .. مو فكرتي وليه تنتظرين .. شاركي بس , اخو فريال استريح بس .. ماقامو لي عشان يقومون لك ( مدري مين انتي عاد ) ويوم انك بتجيب من الغالية الثمن .. المفروض انت اللي توزع ع الاعضاء بطايق مو اجي اعطيك , اللمبي قواك الله وسجلناك , بيكسل ركز معي .. انا وش كاتبه أول شي .. إقتباس فرصه نشوف فيها / .. الإبداع الإبتكار البربسه ذي بالذات المفروض تكون مركز فيها , بياض سجلناك تدرين عاد .. تكفين صيري المركز الأول عشان اسحب عليك بسالفة الشحن بحكم انّا نمون , وحش بالضبط ماودنا احد ينظلم بسبة نظام تعرفني واعرفك .. بس حبيت انبهك على شغله .. يوم الأحد آخر يوم للتسجيل مو الاثنين , ,

[كأنه مو عاجبك]

’ ملاحظه / جاني استفسار وهو هل شرط ان تكون الخلطه جديده أو فقط مستغربه ؟ طبعا / اللي وده بالمركز الأول .. نبي منه شي زين شي مبتكر .. بس يبقى الأهم انه مايكون شي بسيط مثل سالفة الفيمتو والتانج .. يعني اعطيكم مثال / ع الأقل .. مثل لما الواحد يسوي حليب موز يحط ( موز + حليب ) .. انتو مثلا زيدو عليه / آيس كريم فانيلا .. ورشه فانيلا .. وشوية عسل .. ويطلع لكم اطلق حليب بالموز سويته امس .. حتى اني قلت لو اني حاطه كراميل معه كان ممكن يطلع حلو بس بصراحه ماجتني الفكره الا عقب ماشربته .. يعني ودنا بشغلات مثل كذا .. شوية تعديلات ع العصيرات اللي تعودنا عليها .. ممكن تجيبون فواكه نادر مانسمع انها تتسوى عصير .. وتحطون عليها شوية اضافات ممكن تجيبون شغلات ثانيه غير الفواكه يعني شغلو مخكم شوي .. وبيطلع معكم , ان شاء الله اني فهمت السؤال صح ..

[بحر العيونْ]

آهـآآآ فكرة سفن شووفي بجتمع مع نفسي وأفكر هو أنا اشارك وَ لاّ لا .. و اللي حولي بعد << بتتصفق لكِ

[طاسة فيمتو]

طيب يصير افك بيبسي واصبوه بكوب موفقين

[yoofa]

إقتباس [ المركز الأول ] رتبه تقييم 50 نقطه بطاقة شحن ب 50 يابنات لاتأخذون بطايق شحن ترا يقدرون يطلعون أرقامكم من خلالها هههههه ودي أشارك بس ماضنتي لأني بسافر أن شاء الله نشارك معتس يا كأنه في فعاليات قادمه ..

[سرآب]

كانه شرحك مفهوم ماشاء الله + مشارك