[ مجـلســنا 2 " أستفسار , سؤال , مساعده " ]

[أنغام]

إقتباس بس فيه معلومه مدري عن صحتهايقول قصي شعرس كل 15 من الشهر وادفنيه لانها نعمه وان شاء الله يطول مدري عاد صدق ولا هرج حريم << تراها ماتسويها ابد أبك أنت صادقه خلي عنك الخرافات والخزعبلات بس المعلومه الصح إنك تقصيه كل شهر هاذي اللي تطول الشعر وتشيل الشعر التالف .. إقتباس طيب دوري والله متعقده من شهر فجاه طلع جرح جمب فمي لو بتكلم بضحك بأكل يوجعني لانه على فتحتة الفم وعيا يلتأم وش اسوي عندك مشاكل بالمعده ؟

[سارا]

8 8 لاعادي ماعندي مشاكل هو فجاه طلع ........................ الا نفس الدرجه مره حلو صارلي سنتين كل ست شهور اصبغه بس يمكن لان شعري اول اشقر مسك اللون وحتى شعري اذا صلحته ويفي تصير نهايته هاللون مع خصل شقراء مره حلو جربي على خصله وشوفي قبل ................................ الا والله الشعروالاظافر بعد نعمه من الله ويندفن بعد لانه جزء منس تخيلي تنقطع يدك بعيد الشر يعني تتوقعين لو متي بعيد الشر مره ثانيه موب دافنينها معك .................................. وحقت 15 الشهر لان المرأه تتأثر هرموناتها بأكتمال البدر ابحثي بقوقل بتلقين المعلومه

[طاسة فيمتو]

انغام دام شعرك بني غامق جربي هالصبغه وربي بتدعين لي حطي صفار بيض اللي يكفي شعرك انا اوقات اوصل لنص الطبق او اغلبه بس الصفار اوكي ؟ ونسكافيه 4 ملاعق كبيره تقريبا انا احط بالغطاء حقه مرتين واوقات 3 + بروكسيد اللي 6% علبتين اخلطيها كويس كويس يعني تقريبا 10 دقايق متواصله لين يذوب النسكافيه مره ويغمق لون الخلطه .. خصلي شعرك وحطي بالتساوي وامشطي الخصله بسرعه قبل ينشف لان البيض بسرعه ينشف لين تخلصين كل شعرك وبعدين اربطي طرحه فوقه وخليه كم ساعه انا اوقات انام فيها انتي ممكن تخليها 4 ساعات او 5 بعدين غسلي شعرك بالشامبو وحطي حمام زيت كويس متعوده عليه واربطي كيس وحطي فوطه حارره ربع ساعه كذا ثم غسليه .. لون يخقق + اقل ضرر ممكن للشعر هذي صبغتي لي اربع سنوات عليها والله كان شعري وقتها بااحسن حالاته طال وكثر ولون يجنن كلن يسألني والله وقتها وش صبغتك .. حتى اذكر بزواج فيه بنات حشروا اختي الصغيره يقولون وش صبغة اختك قالتلهم بيض ونسكافيه ماقالتلهم عن البروكسيد ماتدري عنه وفيه يوم مشؤوم قلت بغير عن درجات البني ورحت ابي اصبغ اشقر رمادي واشتريت كليستون وانعدم شعري واسدل ستار النهايه <--- فلم صار سارا الحبه ذي اوقات تطلع لي يقولون السبب اما مشكله بالمعده او توتر انا اتوقع التوتر لانها تجيني اذا صار عندي مناسبه متشحطه لها حطي مكركروم فيه لون شفاف بالصيدليه واذا ماعندك روحه او جيه خربيها وحطي الاحمر او روحي للصيدليه يقولون فيه كريم خاص لها انا اذا جتني اكافحها بشغلتين بالمكركروم بالنهار وبالليل فازلين عشان تترطب وماتعورني انغام : نسيت اقولك فيه نوع بروكسيد ممتاز اقل ضرر بكثير من حق ويلا على الشعر بس مايوجد بكل مكان بصورلك حقي وانزله خلال هاليوم هذا ان شاءالله وهو نفسه اللي استخدمته بصبغتي اللي قلتلك عليها وكنت تمام معه مره لكن يوم صبغت ببروكسيد ويلا حسيته نشف شعري

[الخياله]

بنات انا اذا طلعت بالحلاوه خاصه مع الاكتاف تطلع لي حبوب احيان تكون عندنا مناسبه ما روح كله منهااا بنــات ربي يسعدكـن شوفن لي حل

[طاسة فيمتو]

8 طيب جربتي نشا + موية ورد بعد الشيل ؟ يقولون يخفف التهيج كثير عاد مدري انا ماجربت وفيه وحده اذكرها كانت تقول اول مااشيل قبل اغسل بمويا احط فازلين على يديني او زيت زيتون واخليه كم ساعه بعدين اتحمم .. بس انتي ماادري اذا بينفعون معك هالطرق او لا بس برضو فيه حل ثالث هو المرهم ذاك اللي عليه رسمة اسد (فيسكورت) حطيه بعد الشيل يمكن زين

[™ oм αŁ.звєєđ]

الخياله آول مآتشيليــن حطــي على الحبووب حلــبه وعسل طبيعي .. على الحبوب بــس مو آلكتف كلـه .. وآن شآلله يفيـد معك هـآلحل.

[الخياله]

طاسـه إقتباس 8 طيب جربتي نشا + موية ورد بعد الشيل ؟ يقولون يخفف التهيج كثير عاد مدري انا ماجربت لاوالله ماقد جربتهاا بجربهاا ياقلبي واشوف ان شاءالله تفيـد إقتباس وفيه وحده اذكرها كانت تقول اول مااشيل قبل اغسل بمويا احط فازلين على يديني او زيت زيتون واخليه كم ساعه بعدين اتحمم .. بس انتي ماادري اذا بينفعون معك هالطرق او لا ايه الفازلين جربته مانفع وكمان زيت زيتون برضو مانفع إقتباس حل ثالث هو المرهم ذاك اللي عليه رسمة اسد (فيسكورت) حطيه بعد الشيل يمكن زين بجربه يااارب يفيد طاسـه تسلمين قلبي ربي يسعدك

[الخياله]

oм αŁ.звєєđ إقتباس آول مآتشيليــن حطــي على الحبووب حلــبه وعسل طبيعي .. على الحبوب بــس مو آلكتف كلـه .. وآن شآلله يفيـد معك هـآلحل. حلبه طيب ريحتهاا ماتبقى؟ oм αŁ.звєєđ ربي يسعدكـ ياقلبي

[™ oм αŁ.звєєđ]

لآ مــآتبقــى آذآ غسلتيهآ زين تــروح .. وآنتي رآح تخلطينهـآ مع آلعسل يعنــي بتصير مو مرآ وآضحه..

[الخياله]

لبى قلبكـ يعطيكـ العافيه بجرب خلطات طاسه وان مانفعت بجرب الحلبه ولو اني ما حب ريحتهاا >>بس على قولهم من بغى الدح ماقال آح ..

[سارا]

النشا وموية الورد مره حلوه اومامكركوم واصير مبقعه مافيه غيره ويصير موجود من البيت << طرارويبي ثوب كبك طاسه صايرين انا وانتي المرجع للموضوع

[بحر العيونْ]

يا حلوات ما دام جبتوا طاري الحلاوة ,’ وش أسماء الحلاوة اللي تستخدمونها ,’

[طاسة فيمتو]

8 انا اجيب وحده تشيلني لان الحلاوه تذوب بيدي جربت كل الانواع ونفس المشكله اخيرا اكتشفت ان المشكله فيني لكن الناس يمدحون حلاوة شمسا وحنان وكنوز وانا ادخل على الله مدري

[طاسة فيمتو]

إقتباس المشاركة الأصلية كتبت بواسطة سارا النشا وموية الورد مره حلوه اومامكركوم واصير مبقعه مافيه غيره ويصير موجود من البيت << طرارويبي ثوب كبك طاسه صايرين انا وانتي المرجع للموضوع برضو كريم الفيسكورت ابو اسد يمدحونه لهالاشياء .. او حطي زيت زيتون عاد هذي من عندي بس سمعت ان زيت الزيتون يقتل الجراثيم وهو بنفس الوقت مرطب فااتوقع انه ممتاز كحل لهالاشياء حاسه فيك وربي اذا جتني اكره نفسي

[سارا]

إقتباس برضو كريم الفيسكورت ابو اسد يمدحونه لهالاشياء .. اشوى عندي بجربه شكرا طاسه على طاري الحلاوه توي ناتفه يديني احسن شيء جربته لاني جربت كل شيء حتى شرايح فيت وصارت تنتف جلدي حلاوة ميم اللي تجيك رول ومعها قماش روعه وافضل طريقه عشان النتف يصير سريع ومايوجع تمشين بالرول في اتجاه نمو الشعر يعني من الكوع لين الكف هيك (----->) من فوق لتحت وتحطين عليها قطعه القماش حقتها هي يجي معها ست او عشر قطع المهم انا اخذ وحده وابد امسح بها على القماش اللي على جلدي من قوة الاحتكاك تحتر تحسين بها على يدك لانها تذوب وتمسك الشعره كل ماصارت سايله بعدين خليها تبرد ثواني ماتطول على ماتبرد عشان تمسك الشعر كويس وعقبها شليها بسرعه بس شيلتها عكس حطتهاهيك (<----) يعني تشيلنها من بداية الكف والله ماتأخذ معي نص ساعه ونظافه ونعومه كثرت حكي كيف الشرح بالاسهم بس