إضافة تصغير الصور تلقائياً للمدونة وورد بريس

[أخــو فــريــال]

السلام عليكم ورحمة الله وبركاته طبعاً البعض ما يدري وش سالفة هالاضافة او وشهي من لحية عشان كذا بكتب سبب الشرح ومنها بتعرفون وش معنى اضافة للوورد بريس قدر الله عليّ وسويت مدونة وورد بريس مجانيه < مسوي حادث لا سمح الله خليت المدونه تقريباً تقنية من برامج وشروحات ...الخ .. ونزلت شرح برنامج وكانت صورها كبيره جداً جداً فصارت نص الصور مختفيه ونصها مقصوصه والشرح بدون صور كأني كاتب طلاسم شعوذه وهذي مدونتي http://aboodi12.co.cc فبحثت عن اضافة للمدونة في جميع العم قوقل لكن ما حصلت اي اضافة لهالمشكله .. فجأه اتصل بالمسن صديقي وحبيبي وبعد ابطي الايمن مشوت القواطي ونقزت عليه دغري وسألته اذا فيه اضافة تصفر الصور اوتوماتيكياً فأعطاني هذا الرابط ( وهو للتحميل لمن يريدها ) : http://www.4shared.com/file/20334184...e-resizer.html ويوجد نسخه ايضاً بالرد الثاني بالمرفقات .. عشان اضمن ان الملف ما يضيع شرح تركيب الاضافة وهو بسيط جداً .. وأبسط اضافة شفتها بحياتي / رفعتها عن طريق اضافة الفايرفوكس FTP اللي يبيها من هنا https://addons.mozilla.org/en-GB/firefox/addon/684/ وبعض الناس يستعملون برامج .. بس بمدونة وورد بريس يفضل استعمال الفايرفوكس حتى موقعهم ما تتصفحه بشكل افضل الا بالفايرفوكس < هم يبون كذا فك الضغط عن الملف وارفع المجلد عن طريق فتح اضافة FTP وطريقة فتحه أدوات > FireFTP Tools > FireFTP زي ما تشوفون انا مرقمها من 1 الى 7 .. 1 و 2 < بكيفك حسب ما تحط مكان الملف .. مثلاً انا حاطه على سطح المكتب من 3 الى 6 اهم شي لنقل الملف .. واقدر اقولها باختصار على هالمسار xxxxx.co.cc / htdocs / wp- comnt ent / plugins حيث أن xxxxx هي اسم مدونتك 7/ لرفع الملف على المسار السابق ثم نروح للوحة التحكم في المدونة من القائمة على جنب ( الإضافات > الإاضات ) شوفوا المحدد بالون فسفوري < عمى الوان هذي هي اضافتنا اللي رفعناها قبل شوي تضغط على تفعيل وسيتم تفعيلها فوراً نروح لـ إعدادات ثم nCode settings زي ماتشوفون هذي اعدادات الاضافه .. حط حجم الصورة عرض وارتفاع حسب مساحة مدونتك وفي الغالب تكون 500 زي ماني مسوي في الصورة زي مانشوف خيارات ( الصور في المواضيع تبيها تفتح بنفس نافذة المدونه او نافذه جديده او تكبرها في المدونه ....الخ بكيفك خلصنا شرح .. بس حاب اشكر الأخ مشوت القواطي على الاضافة المسعفه وماقصر والله اضافاتكم + ارائكم ملاحظة مهمه / بحثت عن شرح لهالاضافه ومالقيت ابداً .. كل اللي لقيته شخص حاط رابط ومشى يعني الأولويه لمقهى العيال ومحلل من يقوم بنقل الموضوع للفائده

[مشوت القواطي]

لبى قلبك والله يا الفريالي شرح مفصل وكامل ما شاء الله عليك .. هالإضافة كثير راح يستفيدون منها بإذن الله وكثير منهم راح يدعون لك الإضافة الخاصة بتصغير الصور في المدونات مرفقة في ردي هذا عساها تنفع الجميع تستحق التقييم يا بعدي وتستحق التثبيت لا عدمتك

[M z A j Y H]

اخو فريال ما قصرت ما اعرف اذا هالاضافة موجودة بمدونتي .. بس ما كنت اعاني من حجم الصور لاني كنت اقدر اعدله بلحظتها من نفس اعدادات الصورة المضافة بالنسبة المئوية على اي حال راح اجربها وشرح سهل وواضح.. تسلم يدينك مشوت

[p!xel]

تقدر تصغر الصور تلقائياً ..سو ترقية لـ الاصدار 3 .. وعند اضافة تدوينة كلكل .. يمين وخصائص .. وصغر الصورة بالنسبة عوافي اخوفريال

[أخــو فــريــال]

إقتباس المشاركة الأصلية كتبت بواسطة مشوت القواطي لبى قلبك والله يا الفريالي شرح مفصل وكامل ما شاء الله عليك .. هالإضافة كثير راح يستفيدون منها بإذن الله وكثير منهم راح يدعون لك الإضافة الخاصة بتصغير الصور في المدونات مرفقة في ردي هذا عساها تنفع الجميع تستحق التقييم يا بعدي وتستحق التثبيت لا عدمتك الشكر موصول لك .. ولولا الله ثم انت ما كان لقيت هالاضافه كان ودي ارفقها بموضوعي بس منتداك خربان < نصاب ماودي اقول ان جهازي خربان مشكور يا مشوت وما قصرت على الترييش وباذن الله الاضافة توصل لمن يعاني من مكلتي إقتباس المشاركة الأصلية كتبت بواسطة M z A j Y H اخو فريال ما قصرت ما اعرف اذا هالاضافة موجودة بمدونتي .. بس ما كنت اعاني من حجم الصور لاني كنت اقدر اعدله بلحظتها من نفس اعدادات الصورة المضافة بالنسبة المئوية على اي حال راح اجربها وشرح سهل وواضح.. تسلم يدينك مشوت اهلين مزاجيه .. مرحبتين بالماكيين سؤال شاطح / من جد ما عندك ويندوز في البيت ؟ ايه قريت عن الخصائص وطبقتها بس اذا كانت الصور كثيرة وانت تعرفين شروحات بعض البرامج تحتاج تعمق وقد تصل الى 100 صورة .. فماني فاضي كل شوي اعدل في النسبة المئويه لكل صورة فقط انزلها وهالاضافه تلعب دورها وتحدد حجم الصوره وبمجرد الضغط على الصورة تكبر لحجمها الطبيعي مشكوورة وانا اخوتس على مرورك والله انه اسعدني لأني توقعت محد بيرد غير بيكسل ومشوت إقتباس المشاركة الأصلية كتبت بواسطة p!xel تقدر تصغر الصور تلقائياً ..سو ترقية لـ الاصدار 3 .. وعند اضافة تدوينة كلكل .. يمين وخصائص .. وصغر الصورة بالنسبة عوافي اخوفريال اقرا ردي على مزاجيه < كسلان اعيد واكرر تعرف يا بيكسل الكسل ينبع من قلبي لك

[بحر العيونْ]

ما شاء الله ., ما شاء الله ., - شرح واضح إقتباس تصفر لا تكتب في ظلام

[كليل آلورد]

آخوي فريآل شكرآ على آلآضآفه رآح آستفيد منهآ قريب آن شآء الله آذآ فتحت مدونه>> من عرفتك وآنتي تبين تفتحين شرحك حلو وسهل الله يجزآك آلجنه .. ابي اسآل سؤآل برنآمج FTP وش آلآستفآده منه..؟ ركبته من زمآن وقريت بعد عنه زمآن بس مآفهمت ززين آهو يستخدم للي عندهم منتديآت و مدونآت>> اتوقع معلومتي غلط و حآولت كم مرره آجربه و آشتغل عليه بس للآسف مآفهمت .. عمومآ الله يعطيك آلعآفيه على آلشرح مآقصرت..

[أخــو فــريــال]

^ هالبرنامج أو اضافة الفايرفوكس FTP يستخدم لنقل الملفات من جهازك الى المدونه أو المنتدى أو موقعك بشكل عام --------------------- بحر العيون كأنك شايفتني وانا كاتب الموضوع .. مرورك الأروع .. وياليت تلحفين الورع اللي نايم بالرمزيه